Kristy Tong's Profile

這星期已去過兩次，第一次食午餐，再過幾日去食晚餐。食物種類很多，有傳統壽司刺身，也有炸物或飯類。魚生刺身、壽司新鮮。炸物份量也很足夠。好鍾意佢哋嘅啤啤配炸物combo, 啤酒杯會預先雪凍，當飲啤酒時更加冰凍。價錢很親民，壽司比連鎖店的大少少，性價比很高。雖然只得一位男侍應在工作，但他很有禮貌及很友善。我將會在新春期間訂購他們的外賣自取壽司盛。面機會我會同屋企人一齊去，可以嘗試唔同種類嘅食物。值得推薦的小店。…Read More

我一直都支持幫襯小店，終於有機會嘗試到這間小店，但他們的服務態度令我不會再幫襯。當我向男侍應落單要一打$9的生蠔時 ，他說我們每人要點一份主菜，包括意粉或飯，我們覺得絕對合理，然後問他$9的生蠔有沒有限量落單，他說沒有限量，直到售罄為止。所以我們先order一打試吓，稍後再落單點主菜。食完第一打生蠔之後，我們向一位女侍應order多一打生蠔，她即問我哋會食幾多，要一次過落單，仲推說她的同事沒有同我哋講清楚。她的態度已很不友善。到埋單的時候，她只對住個螢幕講出總數，連單都沒有印出嚟。我攞出信用卡時，佢即刻問有冇現金，我見到門口貼住有支付寶可用，我就話可用支付寶，佢即話啲客通常俾現金，好似好唔滿意我哋用信用卡。然後又推搪話未開卡機。我張單超過$600，唔係一百幾十蚊。當晚係星期五夜晚七點，到我哋埋單時，差不多八點，全晚只有我哋一枱客。食物質素尚可。生蠔及蟹肉魚生飯新鮮。但係呢位女待應嘅服務態度真係令到我唔會想再去。我覺得我哋好似睇佢面色。用優惠價生蠔無非都係想吸引多啲客人去，但係佢哋咁嘅服務態度真係趕客。…Read More

服務很差，芝士煩法式紅酒汁牛肉飯的白飯是黏埋一舊，味道很淡。加配的水牛雞翼是凍的。服務員態度冷淡及不友善。上餐飲很慢及混亂。服務員會儲起所有單才推出一車餐飲。以後不會再到這品牌任何分店。…Read More

同服務員落單話兩碗艇仔粥，嚟錯兩碗及第粥。個亞姐分別埋枱三次話係我指著及第粥，我火都嚟，我重複話我係叫艇仔粥，因為我唔食及第粥。之後佢喺個餐廳中大大聲講幾次話係我指住及第粥。跟住我想加茶，冇人應，我起身走去其中一個服務員叫Jane(染紅髮), 我先話:唔該...佢即刻骨住我問咩事，我好好聲氣話請佢加啲熱茶，佢就黑住塊面咁加茶。註: 佢哋係有收茶錢。送完機後，我返去問收銀位小姐請問佢哋總公司嘅電話幾號，我要打電話去投訴。佢竟然答我冇喎。後來個男主任出嚟，我重複要求，佢竟然話公司電話壞咗，叫我留底電話。之後佢話聯絡到經理，遞佢個電話嚟叫我同電話中個人講。 Seriously?!成個用餐過程到最後返去想要總公司電話都差都離哂譜。請大家小心，唔好中伏…Read More