diczcan's Profile

星期六晚在中環想找日本菜食， 見好評如潮 便專登找這間食。 二人點了大熱海膽刺身杯(4xx), 牛肉壽喜鍋(2xx) ,清酒鮑魚雞翼（@78) ，燒牛舌。 先來刺身杯， 這已是食物中最好的一個， 係足料， 但未去去超級好吃， 分量不足以係二人分量，不值4xx。 之後來的鮑魚雞翼, 清酒味蓋過了本身雞翼應有味道， 還帶點苦！ 最嬲就係個牛肉壽喜鍋， 完全無味！我只可以說還差過自己整， 真心連千x 嗰間連鎖店仲好味過佢！這個還要2xx!嬲！落單時侍應仲話個鍋好少未必夠食， 好彩無聽佢講叫多樣！埋單千幾蚊， 嬲咗！ 同區另一間 俺xxx 差不多價錢， 好味十倍😤不吐不快，決定要將事實寫岀黎！…Read More

相約友人去食甜品, 老友話去食韓冰， 好啦我就跟住佢去食冰。 開頭都冇咩大期望， 以為都係綿花冰之類的東東。 三個人，叫了兩樣食物， 先上來的是豆粉年糕窩夫。 賣上看似普通的一年窩夫加雪糕， 嘩， 點知一食落口就覺得好好味。 因為佢夠熱同埋入面有煙煙韌韌的年糕， 一食覺得好溫暖， 加上唔太甜， 整體口感同味道十分不錯。 主角出場， 亦係今次黎嘅目的， 韓冰。我地原先想選擇芒果冰， 可惜售罄。 唯有點oreo味。 第一啖食落口已經對雪花冰的感覺改觀。 佢有別於一般的綿花冰， 一食落口像雪一樣溶化哂， 唔會有一種仍要咀嚼的感覺。 不太甜， 味道剛好， 下次會再黎試其他味道!值得推介。…Read More

對上兩次係中環食完都念念不忘。今次就黎到銅鑼灣， 由於一個人， 所以好快有位。左睇右睇， 最後都係再試skillet. 今次食鴨胸薯仔。 仲有兩食流心蛋!肥到爆。一上台熱辣辣， 仲有炸炸聲。 估唔到隻蛋仲可手keep住流心!唔好以為只得薯仔同鴨胸， 其實仲有啲菇， 芝士， 車厘茄。鑊仔其實一個女仔食有點heavy, 不過我又忍唔住要食， 因為夠香口， 芝士煙煙韌韌，好有口感。…Read More

星期六銅鑼灣搵食艱難，走下走下，黎到呢間老虎咖喱，見佢裝修都唔錯， 加上胖子森鍾意食咖喱，就一於試下。(其實超級肚餓， 但都要排隊。)Menu 非常簡單易明，有已配好的精選或自己自由配搭。 我當天不太舒服，所以選了茄汁碎肉汁加粟米粒配招牌涮涮牛肉飯。胖子森就選了咖喱配漢堡飯。先講份量，適中，不算太多。但可無限添飯(不過冇得添汁T^T), 所以我基本上食一次飯已經清哂啲汁。味道其實唔算特別，普通而已，加上咖喱汁只是汁，並沒有任可蘿蔔， 薯仔嗰啲， 感覺有點稀，辣度一隻辣椒不算太辣， 大家order時可因個人喜好選擇不同辣度。反而我個茄汁個酸度又調教得唔錯，不吃辣的朋友可試試。牛肉好味，好彩加咗粟米甜甜地 ($12)，多啲野咬下 XD 最主要係想講價錢，一個飯配一個餸，盛惠 約$90。其他配料再加錢。 但我個人認為唔太抵食，因為味道未至於超級好味，只是普通級數。所以應該不會再次光顧。…Read More

生日當然要好好慶祝一番， 胖子森預先訂了呢間西班牙餐廳catalunya. 地點其實不太方便, 係銅鑼灣地鐵站時代廣場出口 再行 10分鐘 到達。 當天下著大,一踏入餐,店員細心手幫我地存放雨傘。 先經過長長bar檯再入座,地方好闊落， 燈光微暗有情調。我去過西班牙一,但對她的菜還是有點陌生,只限於paella 同 pama ham。幸好 我倆知道西班牙喜愛食 tapas!所以今餐我地總共食了六碟tapa,唔好以為細細碟會唔,其實食完都幾full. 最鍾意就係每樣份量唔多可以俾我試好多款!叫野食前都係openrice做下功課，大概都知邊幾款多人食。 好,即刻送上食物照片引下大家啦!首先就係Palettila Iberica bellota ,原本有諗過叫號聲西班牙黑毛豬腿中極品jamon iberico bellota, 但因為價錢太靚,唯有選擇Palettila iberica(hkd180). 薄薄幾片味道强烈鮮明,再配埋Pa Amb Tomaquet(hkd 55), 又幾好味喎! 佢係有蕃茄的麵包(多士?) ,酸酸地配埋咸味較重的ham, 不錯不錯。之後係Estrellados(hkd85) ,炒蛋同薯仔， 味道很多層次,炒蛋上有黑黑的圓餅 ,味道不錯,不過唔係我至愛。 以下落黎幾樣一食第一啖都勁勁勁滿足!!必食之選 1.Ham cheese and truffle bikini (hkd120)呢個真係超超超好味!!! 唔好以為平平無奇的toast,呢件三文治 外皮脆爆，中間cheese 軟綿綿焗得剛好, 超痴牙cheese 得好長,痴極唔甩，仲要有埋勁多的松露,yumyum!2. Avocado and lobster roll(hkd160)我倆勁鍾意食腥腥地的東東， 今次呢個牛油果包住龍蝦肉,上面鋪著兩款魚子醬。嘩,人食落口又係溶哂,又多肉,一食好滿足。3.stuckling pig (hkd170) 呢個脆脆豬，係餐廳signature, 佢地有一整隻賣， 但兩個人又點食得哂丫,好彩佢有tapa size,兩件剛好,一上台已經好香，皮脆肉嫩,mamamia!原本都食完諗緊叫唔叫呢個,最後叫咗係絕對正確!好好味呀>ω<呢餐好滿足,每樣野都痴線咁好味><一定會再黎!!…Read More

今次Diz 同胖子森帶大家黎到銅鑼灣食咩野? 就係SCHOOL FOOD 韓國菜。你可能會問，乜韓風唔係已經減退咩?, 錯錯，韓國菜仍然都KEEP 住多人，我呢D 見到人氣高企食店，死唔執輸，點都去試下囉!XD點菜前上上openrice 爬食評，最後倆口子總共點了三道菜，包括烏卒卒 墨魚汁飯卷，卡邦尼年糕(1條辣椒)和脆雞伴香蔥沙律。還有杯凍柚子蜜(hkd25)+韓啤(hkd35)一開始都幾滿意, 因為個墨魚汁飯卷確係幾好味，少少辣刺激個味蕾，墨魚肉爽口，我同胖子森都覺得唔錯，所以好快就食清哂喇!如果飯卷暖番少少就會再好d!食韓國菜點少得(中了星星毒的)炸雞，er......賣相係ok, 一食係失望。 可能佢個名其實係叫脆雞的關係，胖子森形容為麥樂雞，而我形容為西檸雞變了韓汁雞。味道是可以的，只是食落同我想像有段距離!(可能食過李家的蔥雞>< 有比較) school food 呢碟雞個質感有d特別，佢並不是全舊都係雞肉，外層金黃色煎炸，中間有一層打了雞蓉/雞丸狀的肉先再有雞肉。所以食落有少少槳槳地口。感覺不太好。脆雞都未算伏，最伏係碟卡邦尼年糕!!!(MENU印著廚司推介) 第一啖已經好咸!!! 再食係覺得好膩( 可能是太飽 :/ ) 好彩份量唔多, 食得哂。 卡邦尼年糕(1條辣椒) 都叫有輕量的辛度，主要來自黑椒粒粒。個汁確是太杰，還好不是全碟都係年糕，仲有D 粉絲同菇溝淡下。唔建議大家試呢個，如果大班人一人一口都仲可以嘗試下。小總結: SCHOOL FOOD 地理位置方便，環境都算舒適，略嫌座位有少少迫。 食物味道OK (名過其實，或者我未試中佢地更好的菜式, 暫只有飯卷是好的!)。每碟份量偏少，價錢還可以吧。…Read More

黎到旺角，每次都會頭痛食咩好?! 靈機一觸諗起點點心，食過幾次都覺得唔錯，貪佢價錢唔貴，食物又好味，二話不說就同胖子森衝入去啦。，幸好時間尚早，唔使等位!每次都會點我地最愛的脆皮鮮蝦腸(HKD27)，真係超級鍾意食香口煎炸野!!! 唔好睇佢平平無其同平時腸粉無咩分別咁，查實內有乾坤，外面滑溜溜，中間有層炸槳，香脆，完全唔會覺得厚身，再咬落D就食埋隻鮮蝦!一流! 本身已經鍾意食鮮蝦腸，而家仲有埋脆脆係入面，多重口感的滋味!第二樣好味點心 就係泰式韮菜蝦餅！（HKD21） (orz ...又係至熱氣之炸野！無懼暗瘡！XD) 嘩， 韮菜同蝦真係好夾味！ 佢炸粉唔算多， d肉彈牙夠結實， 韮菜味道又夠， 一咬熱辣辣，油加韮菜加蝦味湧進味蕾！（不喜韮菜不要叫)一開頭見到點心紙， 我和胖子森都異口同聲想試黑松露小籠包。（HKD22）終於上菜，我倆都滿心歡喜，怎知一咬，嘩 好伏！味道係沒問題，只是包內係極少極少湯汁><可以話近乎零汁， 而且完全食唔到黑松露味道， 好失望呢T^T 可能食過太多好味的小籠包啦，呢個實在比較遜色一點。我呢d大胃妹又點會叫三籠野咁少丫！ 第四道點心就係咸水角， well...係點點心又點會咁平凡丫， 佢全名叫芥末咸水角（HKD19）。 其實本人唔好咸水角， 但因胖子森想食， 我地就點了。 都算有d驚喜， 入面個饀有wasabi味， 辣度屬於中度強勁， 至少都"攻攻"地個鼻， 味道都唔錯， 若個胃有多餘空間可以試試XD另外再食了燒賣， 普通， 不算超級好味。 可以不試！總結：若大家想夜晚快食點心， 而鍾意有驚喜的朋友， 點點心確是不二之算， 價錢不貴也能填得飽飽 ：）題外話：茶錢3蚊位 …Read More

又黎到5月生日飯，今次有兩位主角，一行8人黎到佐敦的遙。據說老闆是韓國人，唔知整日本菜會唔會有唔同呢?=P7點半準時到達，地點不難找，穿過恆豊中心出口轉個彎就到，店舖不大，有5 至7 圍檯。食飯昤間，店內都坐滿人。難得今次多人，我地都叫了多款唔同的食物。當然首先個刺身拼盤啦，總共有7 款刺身，味道不過不失，唔算係超級好味，有些刺身的雪藏味比較重。價錢與食物質數不成正比。前菜叫了炸軟殼蟹沙律，個軟殼蟹炸得唔錯，味道咸淡適中又夠香口，所以好快就清哂了!小食都ORDER了好多款，不能盡錄，介紹幾款比大家啦。我睇食評見都幾多人食鬱金香雞翼，我地貪得意都叫了一碟黎試，個造型確係幾特別，不過味道很一般，無咩驚喜。第二樣係炸芝士波波, 呢個OK 喎，熱熱地又煙韌，鍾意炸野GEI 我當然唔會放過啦!由於我地見到隔離檯叫了個色彩繽紛的火焰串燒牛柳，二話不說又ORDER ! 上檯時仲有火GA，梅花間竹牛柳與燈籠椒串起，待火焰熄滅，店員就幫我地拆下。未食都睇見好興奮，個牛柳夠淋又唔老，好食!一串大家SHARE o岩哂!小食其中一樣唔係幾滿意係雞泡魚干，過份脆身，好似食緊薯片咁 T^T 味道又唔夠鮮甜。仲有一樣伏伏地的食物係炸油甘魚骹，炸得太多，感覺燶燶的﹛炸到冇哂入面D 魚油咁><淨係叫小食又點填得飽我地咁多個大食怪丫?! 所以最後我地都叫了兩碟炒飯，鵝肝海鮮炒飯+海膽海鮮炒飯。一上檯兩個飯幾乎是一樣。唯一不同是最,面層配料，原以為海膽炒飯將海膽混各在飯中，怎知係將海膽半煎炸了，熟透的海膽味道有點怪怪，反而個炒飯中間有帶子粒仲好味!順帶一提 有個三文魚芝士卷好味！仲order了兩次 :)…Read More

機綠巧合下，胖子森的朋友張KING PARROT MEMBERSHIP CARD，所以就黎試位於灣仔合和中心的日本料理一遊。星期日晚上8點，不多人, 很快入坐。入內全是用木設計的裝潢，很有日本風情畫感覺，燈光柔和，都頗舒服。由朋友發板ORDER 食物，DIZ 就要求加厚燒肉子及吞拿魚他他。先來的是一壺玄米茶，平時多數飲便利店的樽裝玄米茶，為應該味道普普通通。嘩!這個不得了! 飲第一啖就覺得好正!入面有玄米，紫菜的東東，飲落有多種味道，一壺3人SHARE 絕對無問題，因為可以REFILL 的!第一道食物是原味厚燒玉子，送上黎時侍應亦細心問我地要否切開，他好細心咁切開6小正方形，方便我地享用。玉子右下角燒了"一遊"字樣，蛋夠厚身，溫度夠熱，熟透程度適中，係一道唔錯的暖暖前菜。第二碟係舌拿魚他他，ORDER 呢碟純粹係我喜愛食吞拿魚之故。佢配了酸酸地的汁，吞拿魚個邊仲有少少燒過，搭埋D 蔥食，好醒胃!繼續就係炸物，野菜天婦羅另加三隻蝦。炸槳夠薄，夠乾身，非常脆口。原來送上檯前會先用大光燈照一照先俾客人食。野菜天婦羅包括金菇，南瓜，毛豆，青辣椒，茄子等等。唯一不足是隻蝦比較不新鮮，蝦肉不夠彈牙。唯一一個煮物就係合鴨山葵煮，店員講解係有WASABI味，食落又唔覺。入面有鴨肉同菇。個汁有D 似蠔油味，杰身，送飯唔錯，但唔算好特別。其他推介食物包括串燒牛舌，燒豆腐。 服務都算唔錯, 店員都詳細講解食物味道同介紹。大家去開合和中心就去試下啦，個環境都幾適合傾計。KING PARROT MEMBERSHIP CARD 有85折。…Read More

星期日的下午， Diz 撇低胖子森， 相約好朋友y小姐去位中環IFC 的agnes b le pain grille享受一個afternoon tea。 點解 黎afternoon tea？事原我地兩隻野完成了training scheme ，咁當然要慶祝一番啦！其實都約咗好耐， 到半年後才實行XD 今次輕輕鬆鬆黎到tea， 的確係一件樂事! Y 小姐無意中搵到呢度afternoon set ，價錢俾其他酒店相對便宜， tea set for two hkd 348.   所以二話不說即刻訂檯啦！準時3點正到達， 先穿過香噴噴的花店，之後就好快進入我哋afternoon tea 之旅。 好好彩， 安排了我們坐窗口位，環境開揚同夠光猛，食得都精神D! 好快就點了tea set 後 就揀選飲品。 我選擇了marco polo， 其實係杯 fruity black tea， 果然很fruity， 聞落非常香的果味， 飲落又幾清新喎!仲要無限refill。登登登登！主角出場！ 最底層係鹹食， 中間係甜點，最高層係英式鬆餅。全部都係bite size，啱哂我哋兩個雞啄米同經常眼闊肚窄的女士XD! 首先開動最底層的鹹食， 有沙律，漢堡包，多士。呢個係燒吞拿魚沙律配牛油果醬，很清新，塊吞拿魚燒得剛好!^^另一個玻璃杯仔係幾驚喜的食物, 大蝦配咖哩汁沙律。 個汁Y 小姐話怪怪，但我又覺得幾開圃, 咖哩汁不杰身，食落唔油膩。小型漢堡內有一塊HAM 同菜，這個不太好, 個MUSTARD 太多，搶哂D味><另外鹹食仲有一塊小TOAST，外面包了CHEESE 內裹有D 半熟蛋絲, 幾好味， GOOD!終於黎到甜品，其實我對 AFTERNOON TEA 的甜品都冇咩期望，除了樣子吸引外，大多數是偏甜。今次都唔例外。 甜品包括 blueberry muffin， brownie， apple crumble，還有一個小蛋糕。 muffin 係super mini size， 質感不好，一咬便很鬆散。 brownie 是極甜的。 唯一較好是apple crumble， 因為有我愛的 cinnamon !整體是可接受的， 畢竟價錢相對便宜。最高一層 是英式鬆餅scone, 配了 berry source and cream cheese. Hm ...這個不過不失啦， 因之前食過四季的afternoon tea ， 那裡的scone 非常好味。 在有比較之下， agnes b 這個較為遜色點， 或許認為少了點牛油香味。題外話： 侍應生服務一流， 還細心幫我地拍照呢 ^o^…Read More

第一天的復活節假期，去完東平洲已經累透，立即坐火車在九龍塘搵食，剛遇著食飯時間，周圍食店都食滿坐，唯有去greyhound cafe博一博，怎知非常幸運地食快便入座了！記得第一次來感覺不太好，可能是太夜關係，很多菜式都售罄，同食物味道一般。今次在正常晚飯時間來用餐，食物味道和送餐速度都令我改觀不少。入座後馬上點餐， 先來的是牛丸牛腩撈米粉（noodle with thai braised breef-dry），份量真的不多，賣相又不是太吸引，但估不到的好味！這道菜還有四款醬料供大家自行配搭，包括有辣粉，魚露，糖，黃色酸酸辣辣醬。我們先把少少魚露加進米粉，再撈一撈便開始食喇!第一口已覺好味，因為味夠濃，濃汁中帶點點甜的味道！牛丸彈牙，牛腩亦夠淋，因為是乾撈，所以不會有油膩感覺，唯一不足是多吃幾口後有點鹹。接著便是食過番尋味的自製干邑鵝肝醬配多士（homemade pate，with cognac and fresh green peppercorns）。 這是我們第二次再點的一道小食，雖然鵝肝味道不重，但勝在夠creamy，非常滑溜，鵝肝醬配上脆多士確是很夾，而且仲十分飽肚，一份共有12件多士呢，鍾意的鵝肝味道的朋友可以一試！Diz極愛炸物，所以二話不說便點了粟米蟹肉餅（crispy sweet corn and crab meat）。 這道菜倒是炸得香脆，再配甜酸醬汁應該會不錯。但可惜事與願違，蟹肉和粟米粒份量不夠，肉味不夠鮮甜，有點令人失望，若純粹想食香口野，可以一試。主餐食完又點少得甜品呢！睇食評都知greyhound 的crepe cake 出名， 今次點了椰子千層蛋糕（coconut crepe cake)，本人不是椰子哄，甚至有點怕罐頭椰子和椰青味，但這個蛋糕完全沒有這個問題！味道不太甜，正合我心意，加上爽口的椰肉與cream混合味道恰好，一層一層夾著cream與椰肉很有口感！喜歡較甜朋友可選香蕉朱古力口味！順帶一提第一次來greyhound食的伏品-招牌辣味雞翼。非常平凡，size小， 非常乾身，不好味！！可以不用試食！…Read More

星期六晚本想在中環吃牛扒，可惜的是全店滿坐或等至9半。兜兜轉轉來到在豚王對面的芽莊。 當然又是等待還是等待，店內不乏遊客， 等後差不多半小時才有位呢。Diz 已光顧了好幾次在尖沙咀的分店，食物味道亦滿意，心想這間中環店也不錯吧！但可惜是有點期望過高了。由於得2人關係，我們只品嚐了三款食物。 第一樣是柚子大蝦沙律，整體感覺不好，柚子非常大舊，沒有切成細塊，令人吃得不方便， 加上有些柚子未熟透，味道比較苦澀，唯一可取的是那隻大蝦，肉夠實，味鮮甜！但賣相總覺尖沙咀那間較好。第二道菜是牛油雞翼，Diz同胖子森 鍾意食香口， 所以二話不說就點了牛油雞翼。由於我們在慈雲山阿肥食過超美味牛油雞翼，所以對於芽莊這個感到有點失望><味道比較普通，吃不出牛油的味道。雞翼size 也不大。最後一道是越式烤雞半隻，噢！估唔到這有驚喜，雖然賣相不太吸引，但外皮烤得香脆，內裡的肉也嫩滑，再配埋酸酸甜甜的醬汁，不錯！ 全晚最安慰就是這半隻雞 =P整體食物好壞參半， 不大可能會再來了！…Read More

星期六的一個下午， 中環下著毛毛細， 陰天， 氣溫有點冷。 我獨過兒尋找這間評價不錯的咖啡店。 在蘇豪區不斷穿梭， 終於找到了她。一踏進咖啡會館便感到異常溫暖， 老闆娘非常親切地叫我隨便坐下， 眼看位置不多， 整店約有15個座位都差不多坐得滿滿，那我只好坐在高林櫈近bar檯位置。 不久後，我便買了一杯flat white 及一件banana muffin。 原本來到還以為有其他輕食， 後來翻看食評才知道她們已沒有提供了。 由於店內只有老闆娘一人， 所以食物和飲料的速度較慢，加上banana muffin 是即叫即整， 若大家趕時間便不要到這裡了！ 雖然等候了多時，但當你看見那杯漂亮的拉花咖啡和那令人會心微笑的muffin， 便將所有心急的狀況一概而消! Diz 並不是一個咖啡愛好者， 所以很難去品評咖啡的味道。 不過那孔雀造型的拉花真的令我很驚喜。香蕉鬆餅非常迎合我的口味，熱哄哄，不太甜，外脆內自鬆軟，還有哈哈笑圖案，令人感到幸福溫暖。最值得一讚是老闆娘親切誠懇的態度，使我日後必定再來這小店享受悠閒！…Read More

Doraya 是主打肥鮪魚 (toro) 刺身飯, 每次一想到吃toro , 我Diz 必定首選位於尖沙咀厚福街的定食doraya! 還記得多年前在金馬倫道已搬遷的地庫初嚐第一口doraya 刺身飯，便令我一試難忘 ;) 現在這店已搬往厚福街的H8 ， 由於整座大廈差不多是食肆，星期五當晚的晚飯時間時便要大排長龍等搭升降機了，幸好到達便立即有位。 時快，服務員向我們介紹"自由配搭don" , 那便可以自由配搭自己喜愛的刺身三款或以上，menu上每款刺身已列出相應價錢以便大家計算。最後胖子森選了藍鰭吞拿魚大腩及魚腩蓉定食(hkd 195) 而Diz則自由配搭了海膽(30g) +藍鰭吞拿魚腩蓉+帆立貝，並追加10元將味噌湯(miso)轉蜆肉味噌湯。搜查資料後發現鮪魚分了兩種，分別是:瘦鮪魚肉(あか,Akami)，魚身上背部等較瘦的魚肉。肥鮪魚 (トロ,Toro)即肥鮪魚肉。而肥鮪魚(toro)亦可細分兩種:大トロ（Ōtoro）鮪魚身上最肥的魚肉。中トロ（Chūtoro）是鮪魚身上介於Akami與Ōtoro之間的肥鮪魚肉。(From Wikipedia)這次胖子森正正選擇了藍鰭吞拿魚大腩 ，即大トロ（Ōtoro），食店還有價錢便宜點的中腩(中トロ,Chūtoro）供大家選擇。大腩絕對是非吃不可! Ōtoro 入口即溶, 沒有一點黏牙的狀態，超級甜美新鮮，Diz 也不禁與胖子森交換了兩塊品嚐。另外魚腩蓉即是將toro 打成蓉狀，質感軟棉棉，當然亦是入口即溶，加上配以Toro 專用醬油，真是極品!Diz 為人多心，所以最後自選三款刺身(海膽，藍鰭吞拿魚腩蓉，帆立貝) 。每塊帆立貝都夾著一片薄薄檸檬，使每口帆立貝都蘊藏著淡淡檸檬香，但同時並沒有搶去帆立貝的鮮甜味道。帆立貝及海膽的size 比我預期中教大，這絕對是真材實料。海膽超級肥美，甜中帶著海膽獨有的味道，亦沒有太腥的感覺。飯底的醋酸程度適中，黏度亦剛好，但略為帶點乾身。(注: 各款定食都包括前菜小食，茶碗蒸，味噌湯)Diz 這次食評要特別推介茶碗蒸(Chawanmushi)，那是日本蒸蛋。是將蛋槳與豉油，日本高湯(dashi)，日本米酒混合蒸成。當中還包括香菇﹐雞肉，蟹柳等等。doraya 的茶碗蒸真是滑不留口，每啖有著美味的高湯味道，可惜份量太少>< 很想再多吃一碗呢!是次追加了蜆肉味噌湯( 實情每次食都必定追加 =p) 蜆肉粒粒解甜沒有沙，令人大啖啖喝畢。每次食doraya 食toro ，享受那入口即溶的感覺，真是十分幸福呢!oishii!! 若大家喜歡食toro 就黎doraya 試試喇!…Read More

上月終於約好一班朋友總共7人去慶祝生日。 大家舊時在附近的大學讀書， 所以很快便找到這間位於曲街的老坑火鍋！ 幾經辛苦才打通電話 (最好5,6 點打去才有人接， 提前一星期預約較好 : P, 確實非常爆) 7點半到達， 先叫了招牌蕃茄蟹肉湯底 (5★)小妹極愛食蟹， 這個湯底必定要試！果然正正正！有足足一隻蟹於湯底， 加上蕃茄使個湯十分清甜好味， 大家都不禁大喝多碗！醬料配菜 包括蒜蓉，葱花，辣椒食物方面 當然不少得打邊爐必食肥牛， 當日沒有大size, 只叫了細碟。 (5★)牛肉非常新鮮好味，顏色一流， 沒有任何雪藏味道！推介! 其次推介是手打丸(5★) ， 我們選擇了四寶。 一來到已經吸引我， 粒粒樣貌精緻。滾滾後 最意來不到是那粒蝦丸， 不但彈牙而且還有鮮蝦肉！yummy yummy xoxo是次還order 了豆腐，午餐肉，粟米，桶蠔，牛骨髓等等。應同行朋友要求叫了牛骨髓， 恕小女子不懂欣賞， 原來它本身就沒有什麼味道，朋友就說非常棒， 因為是食它的質感。。。orz....-_-||總括而言， 老坑火鍋值得下次再來。最好一大班朋友，可以試多點食物！ good!…Read More