luichiwai's Profile

#美食推薦一間隱世鳳爪專賣店，應該話係隱藏係街市既鳳爪專賣店—強記鳳爪。住左大埔甘耐都係近排先發掘出離，我食過一次就好上癮，間唔中就會去買，可能係我食過最好食既鳳爪！！鳳爪白雪雪，本身就滷過，有少少咸味，而且非常爽，佢會配以即場調味，有好多種嫁沙薑、白雲、麻辣、香辣等等......仲有其他，大家可以自己慢慢揀，撈埋就好野味。個人覺得沙薑（咸咸香香）同麻辣（麻的好過癮，食辣既朋友最愛）最好味，食過之後一定會番轉頭買，回頭率好高，記得叫佢放多啲芝麻，佢啲芝麻炒得好香，可以話芝麻令鳳爪更錦上添花。鳳爪有分有骨同無骨，無骨就貴啲，但我鐘意食有骨既，食鳳爪梗係要啃下啃下，啲味會更出。除左賣鳳爪出名之外，佢仲有好多其他冷盤小食，有雞軟骨、雞腎、豬手等我，今次買左雞軟骨，真無非常爽脆，配以麻辣，可以話係送酒佳品。大家經過大埔新街市千萬唔好錯過，買番盒離試下，買幾多都得，冇話一定要你買幾多，例如買一磅都可以揀唔同味，比你試多幾種，非常貼心，店員服務態度非常好，和藹可親，非常欣賞。地址：強記鳳爪 (大埔)大埔鄉事會街8號大埔墟街市及熟食中心一樓SM04舖ig: year19.92 #喜歡比個like #美食 #美食分享 #開心share #food #foodie #大埔友 #金舌頭 #不定期分享 #產品 #鳳爪 #白雲鳳爪 #啃 #麻辣 #沙薑 #小店 …Read More

#美食推薦 大埔人應該都識呢間野 - 大榮樺，一間價廉物美，非想抵食既餐廳。呢啲餐廳🍴位於大埔昌運中心，鋪頭細細但出品非常唔錯。無論中午食午餐定夜晚食晚飯🥣都係人頭湧湧，坐無虛席，午餐價錢價位大概50-60蚊左右，晚餐價錢大概100蚊左右，有兩個餐經常好快售罄，就係牛仔柳🐂同炭燒黑毛豬🐖，真係好好食嫁，想食就早啲去。點解我知？因為我呢間餐廳都係我既飯堂之一，我老媽子🤱🏼差不多唯一覺得好食，又會再食既西餐（帶佢食貴既都話唔好食）😹😹😹。 是日都係晏左去，黑毛豬都賣晒，所以食左焗龍蝦意粉😋😋😋，有半邊龍蝦🦐嫁，意粉有濃濃既蒜香味，而且賣相都唔錯；另一樣泡菜意粉配西冷牛扒😋😋😋😋，塊牛扒🥩🥩🥩大到呢，有時分分大過我塊面👨🏿，而泡菜加意粉，少少辣，少少酸，又幾夾；仲食左豬仔脾配意粉😋😋😋😋，豬仔脾🍖🍖🍖有三隻嫁，而且好入味，唔會有雪味，甜酸甜酸幾開胃，我個人幾鍾意食。其實呢間餐廳既意粉又幾出色，另外一份餐又湯又飲品，份量都都好大，我個人比較大食，食晒都會飽度頂心口。溫馨小提示：輪到記得要齊人，因為齊人先可以入。地址：大榮樺 (大埔)大埔安慈路4號昌運中心商場地下8-9號舖ig: year19.92 #喜歡比個like #美食 #美食分享 #開心share #food #foodie #大埔友 #金舌頭 #不定期分享 #大榮樺 #昌運中心 #西餐 #抵食 #平令正 #意粉 #spaghetti🍝…Read More

#美食推薦 走在潮流尖端的我（講下笑），今日食完午餐🥣(第一手資訊），依然覺得唔係好夠飽，於是去左買飽食，間麵包鋪（煒成麵飽食品店）啲麵包真係好好食嫁，價廉物美。佢地近排推出左 - 流心奶皇牛角包🥐，我買左兩個離食，7蚊2個，睇落去都係似普通既牛角包🥐， 撕開個麵包啲奶黃就慢慢甘流出離，牛角包x奶皇又係一個創新念法，食落去都唔錯，不過牛角包🥐個人偏好咸食，鍾意奶皇既朋友快啲去買離食，一啲都唔伏既👅👅👅 近日奶皇熱潮又再掀起，流心奶皇月餅更被炒賣，想食奶皇又洗乜食月餅～#p.s. 更推薦法式肉鬆包 同 紅豆綠茶方包地址：煒成麵飽食品店 (大埔)大埔安泰路1號大埔廣場L1地下9號舖ig: year19.92 #喜歡比個like #美食 #美食分享 #開心share #food #foodie #大埔友 #金舌頭 #不定期分享 #牛角包 #流心牛角包 #流心奶皇牛角包🥐 #第一手 #資訊…Read More

#美食推薦 遲來的美食推薦，唔好意思～因爲番工太攰了，但我都會堅持✊，為大家推薦好西好去處。觀塘就有好多工廈餐廳係人都知，但其實大埔都有嫁，係云云的工廈當中就有一間，都係唯一一間，可算沙漠中的綠洲，位於太平工業區，位置都較隔涉，名叫—FAMA。餐廳🍴主要嫁西餐及all day breakfast 🍳 為主，係以自助形，由下單、取餐、到食完清潔都需自己處理，所以大家食果陣都要保持清潔... 星期日既早上，同公主👸🏿菜係果度食左個休閒既早餐，我地叫左個呃like 全日早餐🥣（有煎腸、黑松露炒蛋🍳🥓、三文魚🍣、沙律🥗、茄汁豆、牛角包🥐）都幾豐富，味道都尚算可以。我地仲叫左杯玫瑰碟豆花梳打，大大杯，紫紅色既，都超級令，打卡一流。（記得留意一下張單）餐廳地方都幾大，即使星期六日去都唔會覺得好逼，都有足夠空間讓大家慢慢嘆下～餐廳裝修比較簡單，保留工廈🏭原有既牆身，配置不同擺設（青綠色既草牆、一啲裝置藝術），可以讓大家自拍🤳一下，留下青春。另外，餐廳都提供左一啲簡單既桌上遊戲比大家玩下，有時間可以坐一日都唔會有人趕走你。提提大家星期六日離食野就比平日離食野同一款既餐係會比較貴...例如全日早餐🥣平日只係68蚊，星期六日就98蚊。入開離大埔又唔只係踩單車🚴🏿，都可以扮下藝文青，影下相打打卡，chill 下。地址：FAMA (大埔)大埔汀角路55號太平工業中心第2座10樓A室ig: year19.92 #喜歡比個like #美食 #美食分享 #開心share #food #foodie #大埔友 #金舌頭 #不定期分享 #公主👸🏿菜 #工廈 #悠閒 #早餐 #早餐很重要…Read More

#美食推薦 下雨☔️天總掛念從前！下雨🌧️的時間總是多愁善感～今日中午冇食午餐🥣，搞完出糧既文件📄，無啦啦食左份回憶，那份童年回憶—夾餅。我食既係朱古力夾餅😋😋😋😋😋...熱呼呼，每次食都差不多即整，外脆內軟，而且有濃濃既朱古力味，再配合牛油、花生🥜醬同煉奶，真係超級無敵正！！！記得中學放學行番屋企果陣，如有多餘零用錢就食下，我有位同學仔佢好認真甘分享左一個食夾餅既方法，我地又真係認真聽，佢表示食夾餅向上要垂直甘食，結果佢示範左一啖，就搞到成件校服都係醬😂😂😂😂😂(當時情況真係好好笑）...其實佢都岩如果朝下 垂直甘食，啲醬會流晒係底。不過果陣我地表示一直將夾保持水平狀態咪得，呢位同學仔又表示岩wo，呢位同學仔仲好多笑料嫁......😂😂😂 呢間—雞蛋仔專門店係大埔開左好耐嫁喇，記得以前唔只佢一間，有幾間鋪都賣呢啲雞蛋仔同夾餅，其他以低價出售，曾試過10蚊3底，可惜最終關門大吉，只剩下雞蛋仔專門店，屹立不倒立，可見實力的象徵，雞蛋仔同夾餅依舊保持水準，現時更推出多款口味，深受食客歡迎👏🏿👏🏿👏🏿 地址：雞蛋仔專門店 (大埔)大埔安慈路4號昌運中心榮昌閣地下14A號舖ig: year19.92 #喜歡比個like #美食 #美食分享 #開心share #food #foodie #大埔友 #金舌頭 #不定期分享 #格仔餅 #雞蛋仔 #下雨天 #回憶 #大埔美食…Read More

#美食推薦 ：大埔金舌頭👅（自稱）又去搵野食喇～今次就去左元朗，係元朗～其實又點解會去到呢間野呢？話說公主👸🏿菜就生日（生日有咩餐廳好推介？有點苦惱😖，不如比啲意見我），所有問下身邊朋友有咩好介紹，講下講下就講起呢間，但等唔到生日就去食左了。餐廳🍴叫：Brother 5 Bar and Restaurant，餐廳裝修都幾令，配合燈光都幾浪漫💕，特別坐係餐廳出面，不過就近垃圾房，但冇聞唔到臭味既。佢以西餐為主，仲有賣好多左唔同味既手工啤酒🍻🍻 🍻⋯⋯飲！！！不醉無歸（講笑咋）果日我地1行4人（我、公主菜、史迪妹，仲有雷宇渣車車我地去），我地叫左三個前菜同主菜。我個人覺得前菜好出色，分別食左 #推介 北海道帶子伴鮮露荀配黑松露汁😋😋😋😋（大大粒既帶子被煎香，配上黑松露汁，又鮮又香，史迪妹好鍾意個汁）、另一款係 #推介 牛油果🥑蟹肉海蝦密瓜沙律🥗😋😋😋😋😋（係圖見到圓柱形既就係鮮味既蟹肉配上清新既牛油果，味道未想配合，突顯到兩種食材既味道，而不互搶風頭，至於旁邊既沙律同樣好好食，酸度岩岩好，唔知係咪落左橘子汁，公主👸🏿菜好鍾意食牛油果）、第三樣就係 #推介 生牛肉芝士配青芥末油醋😋😋😋😋（對於呢款離講又真係好少係細餐廳食，生牛肉配合啲汁又唔會覺得腥，反而牛味更出）。餐廳既餐包都比左我地驚喜，睇落去乾乾的，但係食落好軟棉棉，而且仲係黑糖味。包唔會好甜，但滿佈黑糖香氣（細節位我欣賞）。 主菜就叫左帶子黑松露意大利飯😋😋😋😋（黑松汁同啲意大利飯完全融入，每粒吸晒啲黑松露汁，拎出離果陣係遠處已經聞到香味（誇張）、第二樣係 #推介 焗羊架😋😋😋😋😋（一睇圖就知，啲肉仲保持嫩嫩既粉紅色，外層脂肪被焗脆，所謂既外脆內軟，散發少少既羊騷味，我個人幾欣賞），最後係澳洲m6西冷牛扒😋😋😋（牛扒又幾大塊，我地叫左5成熟，但就筋比較多，比較韌，相比其他食物離講味道就較一般。總體我覺得呢間餐廳🍴都係好好食、滿意，廚師👩🏿‍🍳有心思煮，高質，人均消費$200-300左右，值得大家去試。有咩好食再向我推薦或inbox。地址：Brother 5 Bar and Restaurant (元朗)元朗教育路54-56號順發大樓地下K-L號ig: year19.92 #喜歡比個like #美食 #美食分享 #開心share #food #foodie #大埔友 #金舌頭 #不定期 #吃貨團 #出動 #year19.92 #西餐 #元朗 #牛油果🥑 #帶子 #周未好去處 #有公主👸🏿菜真嫁 #食到好野最開心 #史迪妹 #渣車雷宇…Read More

#美食日記：係灣仔與大隻形男食左漢堡包🍔之外，點會食甘少野，係附近行左個圈，發現左一間新開既鋪頭，入左去參觀，鋪頭入裝修簡約，旦有格調，以開放式廚房為主，顧客可以一攬廚房情況。呢間鋪以買意大利雪糕🍦（gelato)為主，gelato 雪糕分別有6隻味，我叫左平時鐘意食既焦糖味，雪糕充滿濃濃既焦糖味，入口都好滑，甜度偏甜，雪糕筒都保持鬆脆，旦店員潷雪糕既技術有待提升，可以潷得令啲。係食緊雪糕之際，呢間鋪頭老闆都出左離同我地傾計，佢仲比左兩款gelato soft，即係軟雪版既gelato，分別有兩隻味：芒果同金芝麻，兩款軟雪糕都好好味，一款充滿濃濃既芒果香，酸酸甜甜；一款充滿濃濃既芝麻香，如果老闆一早出現比我試呢兩款，我應該會買呢種gelato soft，#推介推介。另外，gelato 佢更推薦綠茶，不過食到好飽，下次有機會再試，食左既朋友話我知好唔好食。老闆個人都好friendly，而且同分享對做雪糕既堅持✊，更同我地討論左現時賣茶/奶茶風氣再一次係香港盛行，老闆話對上一次已經係20年前，哈哈🤪🤪🤪⋯⋯老闆同顧客傾計又係一種marketing 技巧，對呢間鋪留住左深刻印象⋯⋯ 地址：Dood Bottega Gelateria (灣仔)灣仔軒尼斯道288號英皇集團中心地下G13號舖ig: year19.92 #喜歡比個like #美食推薦 #不定期分享 #開心share #雪糕 #gelato #food #foodie #灣仔…Read More

#美食推介：我出省喇～大埔友出動...十年都唔出一次港島，因為覺得好遠，來來回回都成兩三個鐘，今次出去又點會放過搵好野食既機會，對於灣仔又唔係唔係好熟路，所以搵左個灣仔友問下，佢住左好耐灣仔了我諗🤣🤣🤣（背住鏡頭，黑色t果個就係佢，佢好大隻，單身🐶，有人可介紹佢識，好仔一名）佢推薦左我去食一間鋪既手工漢堡包🍔，去之前又冇乜概念係間咩鋪頭，以為類似西餐廳果啲甘。去到之後，發現原來係一間好細既鋪頭，得兩張枱仔，佢係舊式主要做外賣🥡既港式快餐既鋪頭，名係—樂景快餐店。一去到鋪頭剛剛碰上岩岩，竟然有位比我地坐，去到都唔係好洗諗食乜，因為牆上貼左好多有關漢堡包🍔既被報導既新聞，我地叫左芝士雞蛋漢堡、魚柳包同炸雞腿🍗薯條🍟。食漢堡最重要係咩？梗係漢堡同包啦，先講個包-烘到熱呼呼而且又外面好脆，睇落去好似好乾，旦咬落去就好鬆軟，至於漢堡熟度岩岩好，配埋邪惡既芝士仲半熟既雞蛋，我一啖咬晒四層，啲材料真係配搭得好出色😋😋😋😋😋，老麥真係輸幾條街，看似簡單既食材，味道卻不簡單。用心做食物真係不簡單。另外，魚柳包都唔比漢堡包差，由於有出色既包，加上外脆內軟既肉柳，食落真係有魚味（好似講緊廢話），魚柳雖然係炸，但一啲都唔油，而且又唔會食到覺得食緊粉團甘（正正子），真心推薦。快餐店都仲有好多粉面食，到中午時間真係好多人，係隔離都感受到啲鑊氣。地址：樂景快餐店 (灣仔)灣仔巴路士街17號地下ig: year19.92 #喜歡比個like #美食推薦 #公主👸🏿菜 #美食分享 #開心share #food #foodie #大埔友 #金舌頭 #灣仔美食 #樂景快餐店…Read More

#美食推介：民華茶餐自唔知幾時民華魚蛋粉麵（大埔）就成為我既飯堂之一，我已經唔知食左幾多次，點解成日去？係因為方便？係因為坐得好舒服？係因服務好？XXXX，係因為好味呀⋯⋯每次公主👸🏿菜問我食乜好，我都話民華...民華...民華，最高幾錄一星期四次大概😂😂😂。今日落住滂沱大雨，有人主動約我去食野，本身見落雨都唔係好想出，但佢話食民華之際，精神為之一振，我話好呀⋯⋯即刻換衫，究竟我有幾鍾意食民華。平時我主要都叫茶餐，特別鍾意食薑絲牛米同雪茶肉絲米，有人話食薑絲牛好呀叔呀伯既感覺，但我覺得可以食到嫩嫩的牛肉鮮味，又有少少薑絲味，非常開胃，暖胃，冬天食一流。不過我覺得最出色既係佢既多士同炒蛋，炒蛋係必食配料之一，又滑又有少少牛奶味。多士係厚多士，烘左之後外脆內軟，我喜歡加果漿，好好食嫁，唔加果漿可以加煉奶或者本身牛油底都好ok 。我見好少地方用厚方包了，所以佢嘅鮮油多（厚厚既方包配上凍冰冰既牛油，邪惡得離好好味），西多士（啲牛油成大舊甘比你，好似唔洗錢甘，可配糖漿或煉奶，我個人較鍾意落煉奶，建議唔好一個人食一份，隨非只食西多士）都係好出色，我都係別推薦。民華地方就比較擠逼，枱與枱之間較少空位，人多既時候有時都背貼背嫁，不過我情有獨鍾，習慣左了，鍾意食呀⋯⋯有興趣既朋友都可以一試你都可能成為佢fans 。…Read More

#美食推介：今日推介呢間餐廳既位置係我以前好成日去食野嘅，甚至話係我嘅飯堂之一，不過好可惜已經執左 - 鈞壹居（相信以前提到南盛街食野大埔友一定諗起呢間野，又平又抵食）。自從執鈞壹居執左之後，又真係無乜去果邊食野。宜家同一個鋪位開左間—阿霞餛飩。其實又點解甘岩會去呢，就係有人係果度買左幾隻餃子🥟番離食，根住話好好食食😋，重點無留比我食囉😤⋯⋯所以係有一日既陽光普照，萬里無雲，30幾度既情況下既中午時分，我去左果度食左個午餐，未到已經成身濕晒💦💦💦，原來做美食獵人咁辛苦🤪🤪🤪⋯⋯好彩好彩去到唔洗等位，如果遲多少少就有排等，「早到早享受，遲到有排等」，唔押韻嘅😜。去到之後，見到餐牌，同鋪名一樣簡單明瞭，一睇就知主打餛飩同餃子🥟。我叫左一碗湯餛飩同8隻煎餃，為左可以試多咩款，兩樣叫係雙拼既。先講下湯餛飩：分別叫左香菇鮮肉小餛飩同福建鮮肉小餛飩，餛飩細細粒，一啖口，皮唔會太厚，配上清湯更突顯餛飩既鮮豬肉味。對於以上兩款，我個人較喜歡及推介💕食香菇鮮肉，一啖放落口，就散發濃濃既香菇味，香菇都肉夾得很。相反，另一款就比較清淡少少，但都好食嘅。至於煎餃就叫左大白菜鮮肉同粟米鮮肉煎餃，一睇相就知餃子🥟煎到金黃色，而且皮脆肉嫩啦⋯⋯我一口咬落去（其實好熱），啲皮就餛飩皮厚，但非常脆口，外表睇落去乾乾既，但入面好多肉汗（所以燙親個口，人太心急），好好食呀⋯⋯我平時好鍾意食粟米🌽鮮肉餃，但今似啲個粟米🌽鮮肉餃就有點美中不足就係有啲罐頭粟米味，冇左原本既鮮甜，而另一款大白菜鮮肉餃又真係幾驚喜，啲大白菜好清甜，令成件事唔同晒👍🏿👍🏿👍🏿👍🏿👍🏿值得推薦。見到餐牌其實都仲有好多款，有蝦皮鮮肉、松茸菇鮮肉、薺菜鮮肉呢幾款都比較少見，但人唔可以眼闊肚窄，下次再去試過。講到呢到既裝修就係保持本鈞壹居既間隔，簡簡單單實用既裝潢。由於人太多，都未有機會同老闆傾下計，唔知老闆係咪叫呀霞？知既朋友話知。…Read More

大埔來講都幾多地方食豆腐花，除左好出名既呀婆豆腐花之外，我諗就不得不提到呢間豆腐花，其實鋪名就係豆腐花🤪🤪🤪。今日同女朋友（介紹大家識佢就係—公主菜👸🏿，一睇圖就知佢黑左😂😂，想知點解pm我）一齊做完gym，身水身汗，魔鬼👹上身，突然想食甜品，今日既運動量就冇晒了。身為大埔友我確確實實就經過左呢間鋪頭好多次，而今次就真係第一次食。人地賣豆腐花就得凍同熱或者甜同鹹，但呢度就有好多款，佢又桂花、紅豆、綠豆、芝麻、花奶⋯⋯好多款，我同👸🏿就一人叫左一碗，我地企係鋪頭門口一啖一啖就食左呢碗豆腐花，呢間鋪有堂食既，不過只係門口提供一啲膠櫈，比大家坐下甘，就冇枱冇冷氣甘坐底食既。今日掛住一號風球，突別大風，係街邊食住碗凍冰冰既豆腐花，真係爽，都幾有風味，這就是生活，就是態度，我是偽文青。😛😛😛我叫左綠豆豆腐花，公主菜就叫左花奶豆奶花，綠豆係煲到起沙，配合凍冰冰嘅豆腐花，又滑又沙，雙重質感，兩種享受；而另一碗係花奶豆奶花，我個人而言就係第一次聽，而公主菜好中意食花奶既，所以叫左呢碗比較創意既 - 花奶豆腐花，我都食左幾啖，又真係真係不錯，同埋超級滑，好就吞左落喉嚨，相信花奶應該調配過，有啲清甜，兩款係超好味，鍾意花奶既朋友值得一試，而且價格相宜，抵食。下次再食。呢間鋪仲有豆腐同腐乳賣，我番左屋企同媽講食左豆腐花，佢就問做乜唔買一罐腐乳番離，原來都係好受歡迎👏🏿👏🏿👏🏿，在下真係孤陋寡聞，平時食開都唔知🤫🤫🤫。 ig: year19.92 有興趣follow follow地址：豆腐花 (大埔)大埔大埔墟大明里22號龍騰…Read More