Fion Yue's Profile

員工服務態度非常之惡劣，剛坐低就問洗唔洗落埋單，聽order時好似趕時間 ，未聽清楚客人要求，諗住提一提佢，佢擰轉頭啤住我，覺得好麻煩，送餐時好大力放。非常失望 ，不會再光顧🤬🤬…Read More

今日行過灣仔，順便食個下午茶，見到呢間紅磡冰室，見到人不多便入去試下，呢輪成日食常餐（炒蛋+公仔麵+多士），所以今日想試下其他，揀左個鴛鴦炒飯，因為巳經好耐無食過，另外再點左杯凍檸茶,5分鐘左右，炒飯到了，一邊紅色蕃茄汁配雞絲，另一邊白汁配蝦球，蝦球有3件，彈牙爽口，白汁味道麻麻，紅色蕃茄汁個邊，雞絲夠滑，加上甜甜酸酸慨蕃茄汁，味道還可以，可惜炒飯份量太少，而且炒飯好硬，好似生米一樣，冇蛋香，d汁多到好似食湯飯咁，失敗!食左大半放棄左.…Read More

今晚約左朋友食宵夜，忽然想食車仔麵，朋友大力推介呢間，話之前食過好好味，於是揸車過去試下。裝修行懷舊風，幾特別，揀左門口位，涼涼地。一坐底，店員便主動告知很多食物沽清:(，朋友不太餓，於是點左腸粉，燒賣，結果又係全部沽清:(。我點左4個餸加粗麵，朋友推介牛骨湯。麵一到，即試下個湯，好咸!牛腩又係好咸，我以為自己味覺有問題,朋友試左一件,即吐:(。豬大腸洗得好乾淨，不過都係好咸，麻辣牛柏葉，爽口。咖哩魚蛋，正常。但碗麵實在太咸了，根本食唔到。結果我放棄了，埋單走人。好失望!!!以後唔會再嚟!…Read More

和女兒閒逛到世貿有少許餓，便到茶木用膳。因時間尚早不用等位便可入座，並安排窗邊位。每人點了一份晚餐金桔鱸魚柳玉龍果櫻花蝦牛乳泡高山菜麻醬水耕菜沙律紅豆薏米水一邊用膳一邊可欣賞維港景色…Read More

十點先收工，無飯食，啱啱路經呢間車仔麵，見唔駛等位就入去試下。車仔餸同一般車仔麵選擇差不多，三餸面$37，4餸面$42，響灣仔不算貴。平時食車仔麵我都愛點油麵，貪佢份量夠多，今次也不例外。點左4個餸+可樂.墨魚丸:一D都唔彈牙。:(牛腩:炆得夠入味，夠腍。:)豬大腸:每次食車仔麵我必點，大腸洗得乾淨，無肥膏,鹵水味夠，但炆得太腍，失望。:(咖哩魷魚:冇味，又乾又硬，冇咖哩味。湯底:味道頗淡,無味。:(咖喱汁:一D咖喱味都冇，唔香唔辣，加左落湯度，變左咖哩水，完全無味。…Read More

今日心血來潮,好想食鍋貼,便走到呢間店試下.星期日４點鐘,但人不多,自己求其揾個位坐低,因為Ｄ阿姐全部掛住傾偈,唔得閒理我.揮左手幾次,終於揾到人同我落單.因為好肚餓我點左5隻鍋貼同一個雲吞豬扒上海麵.鍋貼:同傳統上海鍋貼不同,似日式煎餃子.裹面有肉汁,不過我唔鐘意個皮,始終都係傳統鍋貼啱我口味多Ｄ!雲吞豬扒上海麪:湯底好淡,好彩加左Ｄ雪菜,否則似滾水.雲吞皮厚,但有肉汁,上海麵份量頗多,豬扒另上,剛炸好,十分香脆,而且好大件…Read More

放假冇人約去街,瞓醒自己一個去下午茶,冇乜心水下行經呢間剛搬新鋪的鹵八鵝店（舊店只是一街之隔）,門口依舊有一条小人龍排隊買外賣,我選擇了堂食,新店比以前光猛,但座位竟然用上了快餐店那種高櫈,面向牆壁的單邊位餐牌輕微調高了價錢,單拼飯$40,雙併飯$45,三併$50.我貪心Ｄ,點左個鵝雜飯同例湯,湯是咸菜胡椒豬肚湯,湯好咸.鵝雜飯份量不小,陣陣鹵水香味撲鼻,有鵝腸,鵝肝和鵝腎,鵝腸爽口,鵝肝份量頗多,但因為太邪惡,只試了少少.鵝腎不會太硬,鹵水汁味道不太澧,因為有Ｄ店鋪個鹵水汁Ｄ花椒八角味會好重.…Read More

好耐冇食過呢度嘅雲吞麵,今晚朋友提議再嚟!去到巳經9:30,唔駛等位,仲有卡位添點左個雲吞撈麵,麵質爽口,不過鹼水味略重,雲吞正常大小,蝦彈牙.湯用大地魚熬成,好香濃.及第粥,粥底好綿,豬潤又大塊又爽口,其他料也好豐富.最後加上葱花蝦米腸,腸粉即叫即拉,米漿好香,加上灑滿了葱花和蝦米,配上甜甜的腸粉豉油,很快便被我掃清光.…Read More

約左朋友天后交收,近近地揀左呢間食lunch,因為大集團關係,已經冇乜期望.一上去,知客比張飛我,行入去,無人理,唯有自己揾,點知揾唔到,見到有個樓面阿姐執緊枱,問佢我張枱喺邊,佢話唔知喎!然後繼續執枱,無理我地.見到另一個樓面,問佢張枱喺邊.佢話是旦坐坐低左畫好點心紙,舉左好耐手,無人理.有個阿姐行過,叫佢落單佢話等陣先.一直無人理,同一個阿姐第2次行過,佢又話等陣先我話又等?好艱難先落到單!蝦餃,肉絲炒麵味道ok,田園海鮮炒飯,冇味道,只有油味.唔夠食,再加單,點知Ｄ點心去錯晒隔離枱.已經冇耐性再食落去了,谷住滿肚子氣埋單!…Read More