zoe12345's Profile

晏晝太肚餓想食下午茶喺土瓜灣行咗好耐喺啲冇咁多人嘅地方發現呢間餐廳叫咗個好食紅油抄手叫咗佢走辣但佢唔記得咗辣嘅真係好食好多但係辣到我係咁咳轉咗走辣之後就食得落味道係唔錯 只係$38 仲多肉大粒…Read More

嗰日落勝利道搵嘢食，想食日本嘢，不過有幾間都好似好貴，所以入咗呢間試下。價錢唔太貴50至100內，嘢食質素唔錯，最鍾意食個八爪魚配菜同麵鼓湯(好清甜)刺身份量都唔輸泄，份量竟然拍得著銅記大x屋午餐(80 幾蚊不過多好多配菜呢...)不過52蚊又唔駛加一仲想點，我見下面話份量貨不對版，真係好想知佢食咗幾錢先。…Read More

嗰日太肚餓，見翠河新開張就入去食下下午茶選擇都多，但係麵同飯就唔太多，叫左個魚香茄子炆米，嚟到先知原來係米線...之後嚟到碟嘢個樣太核突，其實佢個炆米配搭得好怪，米線已經好林，仲要再用啡色汁嚟炆，唔知係我要求高定係點，食唔落即刻走咗(口感好軟一pet pet 咁)。 不過淨係為咗飽肚我諗總會有人食得落嘅。我就唔得啦。…Read More

由於工作關係需要同客人搵個地方傾嘢食嘢。其實有買左個早餐食下，三文魚長通粉同朱古力$34, 味道麻麻地， 得一塊好細嘅三文魚，其他係雜菇。我食完去左個廁所，遠到飛起，行左差唔多五十米先到。之後返番去等個客，個客黎到之後叫左杯熱飲。點知個經理就走埋黎話：「你地淨係叫一杯野飮，等陣我地一客多你地就要走。」我即刻覺得好失禮，其實我係黎食左野，只不過你地個廁所太遠。之後入番黎就當人地無比錢淨係入黎坐。我個客之後都買左個餐加水，我個客一食完個經理就走埋黎同我地講, 我地依家rush hour，所以請你地離開。我地坐左無一個鐘就比人趕走左。 但我入去個時間店一個人都無。真係以後都唔會黎呢度食，食個野咩心情都無曬。坐唔夠一個鐘就即刻趕人走，第一次遇到咁嘅餐廳! 勁無人情味又唔好食。…Read More