Yukyuk11's Profile

間鋪長期逼狹，可能係甘，啲職員嬸嬸做到太燥，次次都係大大聲，我以為自己去左街市記得千祈唔好問任何問題，哟嬸嬸反客為主，又大聲又寸，我其實只係來買麵包，唔係來買氣受，冇下次架啦。…Read More

新正頭奧海城每間餐廳都好旺，check下openrice就發現利奥坊有間新既火鍋放題，120分鐘。雖然見到絕大部分都係好評，有啲伏伏地，膽粗粗試下啦。可能位置有啲偏僻，所以餐廳得幾台客。由於我唔吃羊，所以想點set A,不過老板娘話set A既牛冇貨，要我地揀有羊既set B,友人同佢講我其實唔吃羊，佢至勉為其難甘比我地set A,甘當然係冇牛，得豬，老板娘仲好好人甘話切大碟啲豬肉比我地🤣🤣🤣上左湯底後，自己出去拎火鍋配料，係幾多選擇既，特別啲既配料，台式小食，飲品甜品就QR code落單，但有好幾款食物都冇貨，例如蝦滑，台式排骨，雪花冰等，其實都同餐牌有小小落差。雖然老板娘全晚態度麻麻，但有個男職員態度非常好，例如清楚解釋珍珠奶茶甜度。另外有兩個加分位，就係椰子雞湯配椰青比我地加湯，另外就係即叫即整既牛角窩夫，真心好吃。平心而論，性價比ok既。如果係想叫啲客比set B既價錢,不如直接將set A加價，我諗啲客會願意比，而唔係用冇貨去游說啲客揀其他set.…Read More

叫外賣凍啡走甜，呀姐自己冇聽清楚就已落單，到我發現，就同我話已經出左單，我O哂咀我問可唔可以同水吧講聲，佢一秒後覆我話冇哂咖啡，當時未到八點以後絕不再幫襯純粹一提，門口長期有垃圾車出入…Read More

平心而論，雖然收費唔平，但食物質素係ok既(甘當然同區要揾更好食野，性價比更高既餐廳大把囉) 。飲完早茶後，我屋企人揾唔到茶單，我唯有去同收銀個員工講，指住係邊一張枱，個員工(呀嬸)好寸，話冇單埋唔到，之後又問係枱號，我返埋去揾枱號，根本張枱係冇寫任何枱號既，我唯有硬住頭皮揾呀嬸多次，屋企人亦好配合，高舉手等佢辨認，呀嬸繼續用好差既態度問'幾多位呀？',成個過程極唔愉快，係貼錢買難受。幾經艱辛，終於埋完單。出到門口，又見到門口職員聲大大不斷重覆問公公婆婆登記左未,用左安心出行未？可能對住熟客另一個樣呱？總之貼錢都唔會再來。…Read More

我地三大兩細一點半有多去到餐廳，可能見我地有小朋友，門口姨姨叫我地唔洗㩒飛，話剛好有一間房比我地，簡直係受寵若驚叫野食係自己QR code 叫既，我自己揀錯左其中一個定食，叫左貴啲既單點，自己都冇為意。冇幾耐，有個侍應妹妹入來確認我地係單點定定食，比我地改返，甘體貼係抵讚既。講返食物，午餐定食好抵，亦大份，味道正常。性價比高，服務亦體貼，會再幫襯。…Read More

我買左五盒蝴蝶酥加一袋紙包蝴蝶酥，亦買多三個紙袋，打算新年送禮用。負責pack貨既嬸嬸將兩個紙袋重叠，將五盒蝴蝶酥齊齊放入，呢刻個紙袋已經full左，佢再將我包紙包蝴蝶酥放上面，包紙包蝴蝶酥分分鐘會跌，我問可唔可以比多個袋我，佢好囂甘話呢兩個紙袋已經係free比我(其實我自己已經買左三個)。我再請佢將兩個紙袋分開，每個紙袋分別放兩盒同三盒蝴蝶酥，甘我又可以好安全甘放包紙包蝴蝶酥。嬸嬸態度即刻變得更惡劣，斷然拒絕(間舖頭得我同另一客人)。疫情當前，又冇乜同胞遊客，加上甘體貼既服務態度，我真係衷心祝福你間店唔會摺。順帶一提，蝴蝶酥已經冇以前甘鬆脆香口。…Read More

餐廳聲稱自己做緊x週年平日優惠，有特價河粉茶餐供應，三點去到餐廳打算叫特價餐，呀侍應叔叔話四點至有河粉來貨，所以冇特價河粉餐供應，但餐牌其他河粉則照常供應。我唔深究係咩邏輯啦。算啦，你唔做特價餐，甘我咪叫其他野囉。點知遇到同一個侍應叔叔，佢好熟手就將整碟食物飛落張枱度，我地睇佢表演睇到呆 左。其實你地甘唔想做生意,不如摺左間餐廳啦。美孚從不缺食店。疫情當前，仲要甘既服務水平，我真係祝你好運。順便一提，餐廳冇一個員工戴口罩架。…Read More

叫外賣點心，明明店舖內無乜人，點知要等大半個鐘有多，算數。點知外賣收費唔係逐個外賣盒計，係逐碟點心計，明明自備外賣盒，想環保啲，但都要逐碟收...離譜...再離譜既係雖然逐碟點心計外賣盒，但佢哋都係將兩三碟點心塞埋同一個盒，唔同味既點心撈埋一齊，大佬呀，外賣盒錢你又收左，唔係吖嘛？當你以為成件事已經好差既時候，原來仲未完呀。呀姐追住出來話要收裝住外賣盒既膠袋錢喎。講返食物質數，果個所謂既流沙奶皇包其實亦不外如是。多謝晒。長沙灣既外賣點心店唔只一間，長沙灣既街坊其實無需要幫襯你囉。…Read More