肌脂不均仍要吃's Profile

大概兩個月之前行過見到早茶有特價，好似幾抵，攞咗張點心紙返屋企慢慢睇，如是者過咗一排又唔記得咗，早兩日執屋摷返出嚟，今日決定去試吓。星期日晏咗起身早茶特惠完了，點咗一向鍾意食嘅點心，加埋special promotion嘅乳鴿，先試試水溫。鮑汁鳳爪滿有驚喜，夠熱夠淋夠入味，呢個下次可以encore。 乳鴿夠熱夠香夠脆口，唔似係返炸再返炸啲friend唯一美中不足嘅係四寶雞扎，咬咗一啖發現原來件雞未熟透，拿拿淋叫個夥記更換，阿姐態度好好不斷話唔好意思，最終雞扎已經售罄張單取消了。整體意見所有點心都好食，唔怪得早茶午茶全場爆滿啦見到有晚飯package唔知好唔好食呢？下次可以試吓！…Read More

因為戒carbs，原先諗住搵間扒房同朋友慶祝生日，點知朋友搵到呢度，話不如自己生日先試，佢話因為上網睇啲comment好好。另一朋友打電話去訂位但冇人接聽，openrice又冇預訂，一睇個電話號碼就估應該要whatsapp，於是whatsapp預訂好快就有回覆。嚟之前唔知道會有live band，知道之後甚有期待，希望歌唱得唔錯，可以為朋友的生日錦上添花先講嘢食，全部嘅presentation都好好，我哋叫咗一個二人扒餐， 加咗湯，另外再叫咗一個沙律及小食，三個人份量都好足夠。除咗牛扒有少少過熟之外( 下次可以叫幾多成熟)，其他嘢都好好食，之後甜品梳乎厘，creme brulee同埋心太軟都好食。Waiter會詳細介紹每道菜，聽得出對食物飲品係有詳細了解，笑容和親切感係發自內心live band開始第一首歌就係哥哥嘅“追”，歌手Dave確實唱得好唔錯，一連落去幾首歌：霧之戀，明年今日，一加一減你，最佳損友等等，為成個dinner加分，我覺得佢應該去參加歌唱比賽呢！餐廳老闆剛啱同朋友食飯，除咗老闆之外，無論歌手、餐廳侍應、老闆嘅朋友們等等全部都好鬼親切，重點一題，預訂嘅時候有同佢哋講過係為朋友慶祝生日，嚟到嘅時候店員特意問我朋友叫咩名，除咗喺甜品上面加上佢嘅名字，當晚所有歌手、老闆、老闆嘅朋友，都一一為佢道賀，好似一大班朋友同你慶生咁，唱埋生日歌奉上甜品氣氛滿滿晚上熱情氣氛越見濃厚，食客其實係可以上台唱歌，我哋不便獻醜點咗幾隻自己喜歡的：不再猶豫、傷信、命硬，大滿足！live band 逢星期二四六先有，下星期五約咗朋友食飯就要再搵地方了想喺香港地，搵個地方食得開心氣氛好，有好歌聽，性價比高嘅西餐，其實呢度係一個無可抗拒嘅選擇…Read More

荃灣有好多地方飲茶，每間酒樓都夠有特色，每個星期試一間，可以食半年不重複。前身係蓮香棧嘅潮樓，保留部份蓮香棧嘅特色，再加少少新淨時尚裝修，環境算係唔錯，唔似一般光猛酒樓。記得以前蓮香棧，應該係蓮香樓嘅同一集團，有好多懷舊美食，有個可愛嘅阿姐會推住點心車叫“蝦餃“ ”燒賣”，可惜隨著蓮香樓成個集團結業， 蓮香棧都不能幸免。講返潮樓，佢哋最抵食嘅係平日早茶時段，孖寶可以食兩set唔使100蚊，抵到爛。今日試咗麻醬麵，腦海中以為係日式麻醬，點知嚟到先知係腸粉嗰種麻醬 😆🤣，估唔到係咁鬼“杰”嘅，配落個面度唔係撈得好勻循，口感麻麻地。其他點心實屬正常，值得一提嘅係門口阿姐笑容親切好禮貌，溫馨提示積分可以換點心，因為佢哋，係會令人返轉頭幫襯嘅！…Read More

 生日飯又來了，每次同呢班朋友食飯，都要諗諗有冇素菜，今次選了這裡還是可以的。因為要就返大家方便, 所以轉戰去奧海城。呢度的裝潢以簡約現代風格為主，搭配一點點傳統上海元素，讓人一入門就會感受到濃厚的上海文化氣息。餐廳主打上海菜，其中小籠包同生煎包係必試嘅招牌菜。小籠包的皮薄餡多汁，一口咬下，滿口都有肉香同湯汁，今次病病地，所以無叫生煎包，希望下次有機會就試吓。個人好鍾意食百頁毛豆，其實點都會覺得好食，因為鍾意除咗呢兩道經典菜式之外，仲有好多款地道上海小食＆家常菜，例如紅燒獅子頭、糖醋排骨、炒年糕、包雙方等等，今次叫左宋嫂魚羹，四喜烤麩，椒鹽小黃魚，全部都唔錯嘅。服務方面，工作人員態度親切，服務都幾周到，地方就唔算係打卡餐廳，但都OK整潔啦，餐廳價格亦係合理的。…Read More

🍲同幾個朋友打邊爐，想開開心心自己有一個小天地，荃灣如心廣場二期的凑凑可以算是好的選擇。因為booking 只有6點或8點15分兩個時段, 考慮到大家都係想盡興而返🤣 ，而且想有VIP房， 所以最終選了八點三的時段。🉐️VIP房只須要叫大湯底, $588/個. 無minimum charge，確實係抵玩。食材就ok啦，以呢個價錢其實可以更好。自己帶茅台清酒，配上麻辣湯底，vip房有個唔好處，就係要叫夥記會有點叫天不應叫地不聞的感覺， 最後要用品或點菜都要走出去外面，如果房內可以加一個叫鐘就更好🤣🥇…Read More

又係想搵好地方同朋友食生日飯嘅時候，其中有一個朋友仔係素食者，揀一間有沙律同素Pizza嘅就掂晒啦冇諗過一間書店旁邊會有間餐廳，隔離就係有啲文具售賣，好有外地餐廳feel🌿🌱🍀原先講明用餐時間係90分鐘，但之後冇咩人所以都唔趕人走真係好開心，同朋友食飯最緊要就係可以傾下密偈，加上有打到卡嘅環境，最後可以坐到五點鐘，yeah！泰國嘢總係有一點點辣，如果想完全避免唔辣嘅話，選擇就唔太多，自帶蛋糕會有切餅費。兩位壽星女好滿意，今年任務總算完成😆🎉🥳🎁🎈…Read More

朋友生日指定要食呢間素菜，同我哋講話會有表演😅，冇所謂啦即管試吓。📱打電話訂位時接線的人非常有禮貌，後來同佢講話要改期，佢話佢哋假期休息，希望我哋維持原來嘅日子。我唔知嗰個係侍應定係老闆，佢好熱情咁介紹每一道菜，雖然有點over多嘢講但是其實都係親切嘅。老實講呢間素菜啲嘢全部都好好食， 每碟嘅presentation都靚仔，我哋當晚去係星期六但竟然唔爆滿，有半場係關咗燈，其實都幾唏噓，聽聞以前訂位要提前一個月。呢度嘅素菜餐單係“阿媽家姐”，全場人都係食嗰啲唔會有選擇，不過素菜其實都冇乜所謂。 提前同佢哋講話同朋友慶祝生日，竟然送咗個小蛋糕🎂畀我哋非常驚喜，呢啲熱情小店買少見少，真心希望多啲人會支持，由新界特意過來港島區食呢餐都係值得嘅！…Read More

成班朋友好耐冇見，搵個地方食好啲係正常嘅，人多圓枱一定係方便啲，所以中式食肆都是離不開。🥢依家出面好多地方食嘢都有限時👉👈， 一大班人想食完嘢吹下水其實唔係咁容易。都唔知係邊個朋友仔介紹，呢間好多年前食過，好耐冇去原來水準亦都keep得好唔錯，有啲古舊菜式(竟然有金錢雞同雞蛋焗魚腸👍)，雖然我唔食，但佢哋都食得津津有味。當然舊式中菜坐得會比較迫，但係夥記好熱情，呢個係地道香港人情味。推介嘅喺冰鎮咕嚕肉，真係成盤冰🧊畀你浸住啲肉 🤣，入口冰凍香脆，隔離台兩個鬼佬一人叫一盤笑鬼死我哋😆😆😆這間特色菜會貴少少嘅，推介：杏汁白肺湯 (當日已售罄😭 建議各位訂枱時要預訂)煙燻太爺雞雞湯脆米浸石斑花甲蒸水蛋成個過程嘢啲好食，朋友好耐冇見氣氛好又唔怕嘈🤪，冇限時冇黑面，夥記相當友善，唔怪得當日全場爆滿！…Read More

位於尖沙咀九龍酒店basement的日式居酒屋，未到來之前，仲以為係附屬九龍酒店的，原來係獨立餐廳。😆🍱以濃厚的昭和風情和地道的日式料理，創造一個隱秘的美食體驗。以溫暖木色為主調裝飾，配搭改良版的榻榻米座位，營造舒適而傳統的日本居酒屋氛圍。佢地以正宗的爐端燒和海鮮美食聞名，食材新鮮🐠🐡，每日由日本豊洲市場直送，確保了料理的高品質和新鮮度，當日我地都選咗條鮮魚去燒，估唔到好好味呢。菜單亦時常更新，根據季節和食材供應調整，非常驚喜。特別推薦鹽燒鮮魚，其鮮嫩口感搭配山椒粉，呈現出經典的日本風味。此外，上湯玉子燒、燒牛肉、沙律等等都是不容錯過的美食。🍢值得一提的是，餐廳在每週四至週六晚上提供傳統的日本「搗年糕」表演，讓顧客在品嚐美食的同時，也能體驗到日本文化的獨特魅力，我地都有淺嚐一口。另外，餐廳也精心挑選好多款清酒，搭配美食，真係一流。餐廳唔單只食物品質上乘，服務都十分周到，同舊朋友聚會或birthday dinner都係理想選擇。雖然餐廳內有時會稍微吵鬧，但整體來講，呢度係一間性價比極高嘅日式居酒屋，值得一試再試。(利申我都來過兩次喇!)🤪…Read More

位於荃灣地鐵上蓋，地點方便，不過好多人，要早少少去排隊。環境算ok，隨心試一吓日式燒肉的不錯選擇。“一人燒肉”店以為係一人一爐，原來太多數都係兩人一爐，見啲爐都冇特別會清洗，相信係每日收工後先會大洗一轉，呢方面有待改善。燒肉選料尚算新鮮，肉質同口感唔錯，佢哋自家調制嘅醬料，都幾好味。除咗燒肉，餐廳亦有壽司同刺身不同套餐，下次都可以試吓。整體來講，價格唔算貴，唔想屋企攪太多嘢，唔打算坐得耐，快食快閃，仍然值得烤肉愛好者一試。…Read More

仍然須要增肌減脂嘅時間，在荃灣想搵個好地方食All day，又要就其中一個green friend，所以試吓呢度，睇介紹啲片唔錯。餐廳以歐式風格和高樓底設計都幾吸睛，環境優雅，如置身歐洲的咖啡館，可惜今天下大雨，無機會在室外hea。同兩個朋友共享午餐，約咗12點，早咗少少但未夠鐘唔俾入，態度就.....，anyways，無訂位無人等都要撳飛，點解呢？選擇了All Day Breakfast和黑松露意大利飯。All Day Breakfast份量都足，食材還可，但稍嫌煎蛋過熟，若能更加軟嫩將更添美味。黑松露意大利飯則是另一道亮點，黑松露的香氣四溢，不過調味上鹹了許多，建議廚師可以稍微收斂一些鹽的使用。此外，餐廳的服務有待加強，侍應的反應有時顯得不夠熱情。總體來說，在視覺和空間佈置上給人留下深刻印象，食物品質還可，但調味和服務質素若能進一步提升，將會是一個更完美的用餐體驗。…Read More

第一次來到這家小店，品嘗廚師的精心安排，戒緊carbs仍然可以吃得豐盛，大滿足！魚生都很鮮甜，煙燻青魚特別有驚喜，在家真的造不來，清酒煮蜆的湯給我們喝光光，三五知己來一個獺祭清酒，笑翻了的晚上。…Read More

第一次到南豐紗廠環境很美好，尋找了一些童年的回憶。 食物精緻，色香味俱全，老闆細心解釋每道菜材料來自於哪裏，是如何烹調，聽完增加知道自己想要件點那道菜更合心水。今次我選食了Vegi Lover，blueberry sauce做底， 有很多種不同的生果和果仁，再配上可食用鮮花，看似不飽肚但食落都很滿足，卻又不會增肥，哈哈！兩位同事點選了和牛漢堡， 他們的和牛不是免治和牛，是完整的一片片和牛， 我也是了一口，非常好味。特別一提，甜品也很美味呢。一班同事第一次試好滿意，決定下次再來。…Read More