stan668's Profile

今日8點喺銅鑼灣收工，有個朋友我揸車出嚟接我收工去西環食晚飯，我仲諗住佢喺西環發現新大陸，諗住佢有咩驚喜？帶我食咩好嘢？ 朋友話book左9:30pm,架車泊低咗喺西寶城，行咗一陣書店買咗幾本書，之後就跟朋友行去今晚食飯嘅地方 點知去到門口，又係我哋最鍾意食嘅火鍋撚食過中環同旺角，我哋今次終於可以圓滿，試曬佢哋所有分店😂 我哋坐低已經覺得好有歸屬感唔使點員介紹我哋已經自己加醬汁揀好湯底，同埋開始用apps選擇配料 今次又係祖傳秘製麻辣火鍋/蜂巢豆腐白湯鍋有辣有唔辣任君選擇😂 鴛鴦雙蚌（珊瑚蚌片桂花蚌）每一次都係刺身推介，跟時間十秒鐘新鮮爽口 即炸三秒響鈴卷呢個都係必食，有名你叫三秒鐘就食得 五色丸丸拼盤有貢丸，芝心丸 ，花枝丸，鹹蛋黃牛丸，同埋鮮蝦丸（最鍾意芝心丸同埋鹹蛋黃牛丸，記得小心爆漿) 四寶餃餃拼盤有水餃，韭菜餃，魚皮餃同雲吞 （拼盤係一個唔錯嘅選擇，樣樣都有啲，可以試下不同款式，推介👍） 極品安格斯肥牛朋友特別喜歡安格斯牛肉，口感不錯 脆鯇骨腩（半份）試下新嘢，鮮甜爽脆，好彩叫咗半份我哋眼闊肚窄差啲食唔曬 柑桔檸檬蜜今日食啲嘢咁邪惡，飲柑桔檸檬蜜，感覺健康又潤喉， 仙草芋圓之前食過咁多次都係送沙冰今許仙草芋圓，不過芋圓唔係好夠淋鍾意沙冰多啲 本來今次想試下西環限定湯底招牌胡椒豬肚雞鍋 不過朋友想麻辣，所以唯有叫鴛鴦湯底 下次黎一定要試💪…Read More

朋友同我都係生蠔怪😂知道銅鑼灣呢間starry night 有任食生蠔套餐，到個價錢$468又唔算貴，即刻邀請我同佢一齊去試吓😋上到去個環境都幾舒服，都幾relax適合我哋一路吹水一路食野，一開始嚟咗個前菜煙三文魚同埋黑糖麵包，有一碗忌廉海鮮湯，碗湯有驚喜入面有勁多配料，I like it 😋之後就到我最期待嘅主角生蠔出場，分別有愛爾蘭，南非同韓國既蠔去選擇，啱晒唔同口味嘅人，我個人就比較貪心，所以咁多口味都啱我食😂食咗幾round生蠔之後，梗係要食埋個main course ,我揀咗美國西冷牛扒，朋友就食肉醬意粉，味道都可以，本身個餐包任飲無酒精飲品，不過我覺得食生蠔應該飲少少有酒精嘅野飲，所以問吓佢哋有咩推介，佢哋整咗兩杯嘢飲俾我哋，雖然要加錢😂但係我超鍾意呢杯紅色嘅Cinderella，最後飲完再encore咗一次先夠喉😍濃厚嘅士多啤梨味但又唔會太甜，配埋生蠔簡直係完美配搭😋整體嚟講我覺得無論環境食物同埋員工嘅態度都幾好，下次可以叫多個幾個生蠔腳一齊上嚟食野傾下計一齊開心下😆…Read More

今日放假約咗朋友尖沙咀行街，夜晚想食下啲生冷嘢，跟住諗起之前有朋友介紹post 過鮨一，即刻上網search吓邊度有，點知係尖沙咀已經有，即刻打電話去好彩有位即刻上去食嘢先，見到個Menu都幾多選擇價錢都ok👍🏻見到有熱嘢又想食下，最後叫咗九樣嘢食1）鰹魚番茄沙律我本身未食過呢樣嘢點知撈埋沙律食又出奇地夾味道都幾新鮮2）仙風趾蠔Size 有我手掌咁大,食落去口感好Creamy,我超鍾意😍3）石恆貝我冇加到任何調味去食，都感受到佢好新鮮食到佢嘅原味4）鮨一手卷同鮮帶子海膽手卷平時啲手卷係卷好晒用手拎，第一次見呢種好似壽司嘅加大版，一時三刻唔知點食，最後用掌心托起分咗幾次先食得晒，都係好新鮮，仲有我最鍾意嘅海膽勁好味😋5）免治雞肉串俾咗隻雞蛋我哋個雞肉串沾晒啲蛋液，成件事都幾match6）軟殼蟹天婦羅正常炸物，炸粉厚度適中，食落去口感幾好7）味噌煮牛舌初頭嚟到見到啲牛舌勁大嚿😂冇諗過幾十蚊咁足料，不過飲落去感覺都唔錯8）鹽燒牛小排鍾意咁樣一粒粒一串嘅食法，食落去啖啖肉最後埋單$1000到，價錢都合理，下次可以試吓其他食品😋…Read More

-今日同老婆去咗尖沙咀行街跟住見到好啦行嗰邊嘅彌敦左岸做緊牛魔王120分鐘任食牛優惠😍，啱晒我哋呢啲好牛人士，即刻入去食-佢個環境都幾闊落見到佢將每台適合盡量有咁開分咁開俾大家有足夠嘅社交距離食得好安心-佢每星期提供唔同種類嘅牛，今日係食封門柳，我嗌咗五成熟，太太叫咗7成熟，嚟到見到除咗九安士嘅牛之外佢嘅沙律同埋薯條份量都好多，本身諗住可以食到最少兩塊😂點知最後飽得滯食咗一塊就夠晒數-準括嚟講我覺得佢個性價比都幾高，不過下次我會等到好肚餓先去食要食返多啲就仲開心😋,因為其實佢除咗牛之外沙律同埋薯條都可以無限refill，不過食唔晒所以我哋冇再嗌，唔想做大嘥鬼🙊-食完之後仲有雪糕可以任食即刻整返杯雪糕筒個雪米糍開心一下…Read More

近排成日搭火車都經過，次次見到都好想食 今晚有個朋友好耐冇見，大家約食飯 雖然而家天氣炎熱，三十幾度，但係大家不約而同都諗起想打邊爐，仲要食麻辣火鍋 一講起火鍋同辣，就諗起就食火鍋撚 一個近排喺放工係旺角食嘢，都開始要等位 所以提早一個禮拜預約，咁就好穩陣 放工揸車過旺角，好彩搵到個錶位泊低，咁就可以安心打邊爐，唔使驚俾人抄牌 好彩預約咗 ，七點半嚟到， 已經人山人海， 全場已經full曬 因為朋友唔係咁食得辣，所以叫咗個鴛鴦鍋 秘製麻辣鍋/蜂巢豆腐白湯鍋 咁我同朋友就可以各自各精彩😂 我見到佢有個招牌胡椒豬肚雞鍋都好似好正 但係原來係西環店限定，下次可以試下 可能自己食辣多咗，今次依個難度覺得唔夠辣下次叫中辣試下先 牛肉都好多選擇，不過唔知點解最鍾意食安格斯，賣相非常吸引，比較有咬口，放落個湯度，十秒八秒就食得 咩都想食啲所以都叫咗四寶餃拼盤同埋五色丸拼盤 仲嗌咗鴛鴦相蚌珊瑚蚌好出色，又新鮮，食落去又爽口每次打邊爐都一定要叫 台式火鍋店都好鍾意送沙冰張單係寫腐竹雞蛋糖水，但係送畀我哋係沙冰不過唔理咁多，送嘅就冇乜所謂不過都幾好味，大杯啲就更加好…Read More

成日經過中環，都見到火鍋撚招牌成日話想試下，轉頭就唔記得咗 咁啱約個朋友喺中環放工食飯朋友想打邊爐，腦海即刻浮現咗火鍋撚原來佢都成日聽但係都冇食過 我哋驚冇位提早咗兩日預約730pm 準時七點半去到，唔算太多人，安排咗張卡位畀我哋，檯面已經準備好啲配料 因為朋友唔食得辣所以叫咗鴛鴦湯底分別係秘製麻辣鍋，另一個係一品酸菜白肉鍋 我哋order咗安格斯牛肉，菜心苗，珊瑚蚌桂花蚌，響鈴................. 食物賣相都已經好出色,質素都唔錯 好窩心, 海鮮旁邊有烹調時間提示 我哋跟足佢個指示，時間啱啱好 麻辣火鍋一開始都唔係好辣，去到中尾段我都頂唔順，都轉食酸菜湯底 一開始以為分量好少，去到最後仲有一鍋酸菜未食過，下次菜都可以唔使叫 最後仲有沙冰送畀我哋，味道有少少似益力多味 呢度都幾好，環境舒服寧靜，同朋友一邊打邊爐一邊傾計，渡過一個開心的晚上，呢度都值得推介…Read More

同朋友經過此店，見到有燒肉放題買一送一，兩位牛魔王便入去試試。中午2點入座人不太多，本來都擔心食燒肉好太陣味，但冷氣抽風好夠，幾好!!第一件事去拎飲品，好多台式罐裝品飲和汽水供應，雪櫃都好夠凍，正!!頭盤已送上一片厚厚的M5和牛，好有牛味，肉質鮮嫩，好好食，和牛仲可以任叫，好低食啊，最後我們共吃了4大塊，好滿足。醬油牛肋肉也是不錯，雖是醬油但不會好咸。另還附上兩隻鮑魚，燒鮑魚有提示只需燒7分鐘便可，燒完都好鮮嫩好淋，可惜呢個不是任食。仲有燒菇類，燒出來好有咬口，比起打邊爐更能吃到各種菇的味道。特別推介佢的炸物脆薯角和章魚燒，全部都即叫即炸/燒，好新鮮，尤其薯角好少食到即炸，香脆又不油膩，我們一共食叫左3次來吃，真的好好味。刺身就一般，因為我們主要食燒物，所以沒有吃太多。最後本來想試試它的榴槤雪條，但太飽了，想起時已食唔落，好可惜，下次會再黎試試。呢餐真係好好食，大滿足!!…Read More

之前都聽朋友介紹過呢間邊爐嘅湯底好濃郁好足料，咁啱同朋友想打邊爐，就即刻跑左過嚟試吓☺️☺️☺️我哋叫咗麻辣拼沙嗲湯底，麻辣湯底味好，麻味都好夠！沙嗲湯底超濃嘅沙嗲味😍😍😍仲要好香花生味，呢個真係超級大愛，唔使點豉油淨係個湯底已經好夠味😘😘😘鮮蝦水餃，入面啖啖都係大大粒嘅蝦，連埋啲肉溝埋一齊，成粒水餃超飽滿😘😘正正!!我唔係好鐘意水餃都被它吸引左。香甜粟米，😆😆粟米又係超新鮮超甜!!粒粒都好飽滿，打邊爐同粟米真係絕配。羊肉，佢嘅羊肉一啲都唔騷，又冇雪味🥰🥰🥰大愛響鈴，佢嘅響鈴炸得好脆，又冇油溢味🤣再溝埋沙嗲湯嘅味道，一流!!!朋友真係無介紹錯，真係好食既一餐!!!…Read More

今日同朋友來到登龍街開餐，呢道好多野食，好正！！我們7點來到，店鋪不算好多人，座位都幾寬敞，好適合三五知己來飲酒傾偈。我們前菜點了燒鱈魚乾同雞軟骨，兩樣都好好食，燒鱈魚乾好有咬口，好香，好有魚味，伴上沙律醬好惹味；雞軟骨好大碟，香酥又不油膩，咬落卜卜脆，伴上鮮檸檬汁，簡直perfect match!!呢兩樣小食餸酒一流。燒鮑魚同扇貝，呢個又係好好食，鮑魚雖然係燒但係燒得好林，扇貝好鮮甜美味，正！串燒五花肉同牛舌，串燒全部燒得好香，好入味，一食就知唔係雪藏肉，全部好新鮮，因為太好食，所以再試埋一口牛同厚切煙肉，一口牛好香牛肉味，又不韌。呢道店員好有禮貌，每道食物都會講比你知食物名，又不時幫你加茶同收碟，服務好好。因為朋友不太食生野，所以今次沒有叫刺身，現在openrice 訂位仲有8折，咁新鮮的食材確實幾低食，下次會再來試試！…Read More

今日去了朋友家雀局，聽說有間黃店食爆辣冷麵，一定要支持下啦！一見到店鋪貼住禁播tvb,就知係正野食呢d冷麵係讀書時候的最愛，已好多年無食了，試左朋友話最出名的爆多蟹籽冷麵，蟹籽好多啊，因為唔係好食得辣，所以少辣就好，都唔算好辣，不過略嫌蒜左d，少蒜應會更好味。朋友叫左賽磅蟹杯麵，佢係用杯上，有點搞笑，雖然杯上，份量都不少，不過有點難撈，因為份量好足，呢個好食啊，賽磅蟹份量都夠，又有好多粟米，好香！爆辣雞軟骨，雖然話話爆辣，唔知係咪因為好多野食都辣，所以已食唔出佢的辣了，雞軟骨好有咬口，作小食好正，味道好香，不過咸左少少，好彩我都食得咸之人，正！！哥斯拉雞翼，叫得哥斯拉真係好辣啊！又夠大隻，好彩我還叫得得落佢的辣，愛辣的朋友一定要試。蟹籽沙律，呢個一定係穩陣野，蟹籽又夠多，食咁多辣野食呢個可以中和下🤣🤣沙律我最愛。佢仲有得買爆辣生蒜油，好少見有辣味的生蒜賣，買左一樽回家試下🤣🤣今餐好火啊，辣到噴火！！鍾意辣的朋友要來挑戰下！…Read More

和四歲小朋友一起來食，呢度得兩張枱，晚上8點到，兩張枱都有客，我們便先order,到有pizza時岩岩有枱客走，我們便坐下，點知店員話將收鋪不可堂食，我們有小朋友咁可以去邊度食？最後都比我們食埋但要快d。Pizza的芝士味好穌，一點都不好吃，no next time!!…Read More

一家人來了長洲一日遊，見到有越南野便來試下。有驚喜，食物非常美味。看們叫了香茅豬扒雞翼飯，好香香茅味啊，而且豬扒雞翼好新鮮又不油膩，仈量又多，好食蒜蓉包，只係$22，有四件，呢個越南野必食啦，又香又低食。火車頭河粉，味道好正，有生熟牛肉,扎肉,牛丸，只係$6x，好6低食，呢間野位置唔顯眼，應該係做街坊生意多，平靚正！鋪頭又好dum本，抹枱用品同廁所都用上滴露清潔，疫情下食得好放心，店舖雖小但冷氣夠，好正，下次一定再來…Read More

好耐無見過呢間店，今日經過來食吓下午茶。叫左個餐肉蛋鮮茄通粉+豬扒腸仔公仔麵+半融芝士薯條，鮮茄通粉同公仔麵都好咸，餐肉唔好食，佢以前的餐肉都算出色，現在肯定換左牌子，沒有餐肉味，好似無煎過咁，豬扒都OK，會碎上給你方便進食，但腸仔又係好難食，建議店舖能換第二d牌子。芝士薯條就幾好食，$15蚊都低食，佢用粗薯條伴上熱的芝士汁味道幾正。另外飲品係冷壓凍檸檬茶，沒有片片的檸檬，但都幾好飲幾fresh。…Read More

今日買左個原味銅鑼燒來試試，一食難忘啊！！店員很窩心，在雪櫃那出來，即使只有買一件都比乾冰我。呢個銅鑼燒用黎下午茶一流，裏面包左cream同豆沙，cream非常滑流，中間夾了豆沙，好香又不太甜，真係食到有餅味有cream味同豆沙味，三重享受，好正！！會再來買啊！！…Read More

行過聞到好香好香蛋糕味，被此味道吸引過來。原來是新鮮出爐的古早蛋糕，立即要買多試下，原味只係$45大大件，放上盒非常熱，店員溫馨提示不要張蛋糕盒全關上，以免蛋糕會太濕，好窩心。拎到回家試試，口感超軟綿綿，又不會太甜，好鬆化，食過好多間古早蛋糕，呢間真係又唔貴又好食，就算食唔哂雪入雪櫃，再拎返出黎都好食，Yummy!!…Read More