kerrychung5's Profile

叫外賣叫到悶，突然想食打冷野，叫左依間，都唔知位置係邊既打冷點，叫左手撕雞飯，滷水拼盤，鵝片飯，蠔仔粥。今日天氣好熱所以我係食蠔仔粥，好多芫荽蠔仔好新鮮大隻，個湯好清甜嘅泡飯。仔仔係食手撕雞飯，伴菜有酸菜好清甜新鮮。上OpenRice睇返個地址，原來係日日都經過嘅打冷店，餐廳外觀平平無奇，平時完全冇留意，淨係知同一個舖位轉過好多次手，專登打一次食評，希望佢可以生意好啲，我哋可以繼續叫到外賣食 😄😄😄…Read More

生日飯同朋友慶祝，叫完湯底都未開始烚野就比張單黎埋單，之前食都無試過，問佢係米生日有85折話係，但當時張單無顯示，仲要張單無顯示之前留台比左$500 訂，問佢可唔可以計好先比，即刻黑面話拎左信用卡再計，我地唔想碌錯$ 堅持比到張計好既單先碌。 食左6 次左右，今次隔左成大半年，湯底，野食質素都差左，打黎book 位都要串人，唔會再叫朋友一齊黎，生日都咁受氣。而家到到都生意唔好，仲咁既服務態度。…Read More

已經係第三次同屋企人過嚟幫襯，一次比一次驚喜，而家市道無咁好，多左人北上消費，越嚟越多連鎖餐廳加上貴租，令小店難以生存。同屋企人食過一次nonsense 之後，搵番久遺既小店人情味，之前員工見到我地有小朋友，會主動同佢傾偈同埋請仔仔飲果汁。今次同老人家一齊黎食慶祝生日，職員好有心，預先同我地溝通點樣幫我地準備，我地一行5 人，黎到同職員有講有笑，食物質素依舊色香味俱全，老人家好開心，最後仲有職員親手畫既祝福甜品畫伴除我地叫既甜品上。真係好有心思，令我地好難忘！希望大家真係好好珍惜，一定要多多幫襯下。…Read More

叫左個餐有得2 選一要魚定蟹，落左單就有店員話魚好食d ,蟹唔夠食，好細隻，就直接放低話要我地接受條魚，逼我地要左去，但係大部分朋友都唔食魚的，好反感。除左青口係新鮮，全部野食都唔太新鮮，粥底落左好多粟米增加甜味，但係都係唔好味。龍蝦4 人餐，龍蝦一件分3 份，我唔知其他蒸氣火鍋點分，我地就大家你推我讓，有一個無得食。一開始有招呼，但係兩個樓面去打理成個場，食左6 款海鮮食左3 個幾鐘，係後期忍唔住叫佢快小小佢先跟進下，因為老闆應該重點招呼台大陸客。終於食完我地係隔離麥當勞每人買多個包。…Read More

昨天屋企長輩生日訂左4 大1 小共5 位，訂枱時訂購左3 個$799 +10% 既餐，另外到步時再叫多個片皮鴨和炒鴨絲，食物質素和味道的確有別一般菜館，雖然OpenRice 寫該餐廳係少鹽少油，但係每道餸都絕對係用偏油同惹味黎形容，但係食落唔似有味精。環境以高樓底酒吧一齊放係同一樓層，環境少少嘈，但係可以睇到outdoor 成個維港景色，目測9 成係游客同埋見到小紅書推薦，相信都係咁旺場既原因。員工人數唔少但係感覺好混亂，有野做就即刻做但係唔會思考地做，每次送菜上台都唔會比番碗碟比我地，我地既片皮鴨上左菜想即刻叫佢收番上一道3 隻龍蝦殼連碟都要等到另一職員協助，點知職員幫我地清曬d 食完既碟，又走左去，要提第三個職員比碟，浪費左好多時間。每人頭$32 一個人頭費，放低生日蛋糕又走左去無比碟同叉，由7 點食到10:30 都有最少1小時係用黎搵侍應幫忙，最後成餐食咗$4500 。…Read More

野食既味道真係一般，賣相就相當吸引，服務員既態度都好好，我地有小朋友，所以6:00 左右食，唔太多人，影相一流，同場都好多人黎影相，地點唔算太難搵，之後仲可以係附近行吓街。…Read More