Bo127's Profile

由於想平平地食生蠔🦪，所以見食評話無咩野食都照去食，始終$258一位（包埋加一）仲想點。生蠔：okay la，有人即開，又不停添，雖然偶然有沙，但我覺得可接受。熟食：款式唔多，唔好有期望。即煮車仔面幾好，有雞湯同冬陰公湯底可選刺生：有三文魚同八爪魚，正正常常甜品：我以前都有外賣帝都既甜品，估唔到佢自助餐既甜品水準都外賣整個蛋糕既差唔多，好味！而且雪糕係Movenpick，仲有7隻味可選。冷盤：得蝦同青口，沙律選擇不多飲品：這個有點失望，連果汁都無，得牛奶、咖啡及檸檬茶，要扣分。每人會送半隻龍蝦仔，但勁硬，老人家咬唔開。下午茶自助餐時間為3:15-5:00，今日人唔多，到後期拎生蠔都唔洗點排隊。整體來講，不過不失，唔好有高期望。…Read More

我係比對面Port 33帝豪既服務態度激走後而轉到明星飲早茶，本身因為覺得新蒲崗明星啲野食麻麻唔多想食，但因為好肚餓，就去間近近地既酒樓。講返正題，講價錢，明星當然經濟啲，但環境的確差啲，不過對比我早幾前黎食，啲食物質素好似好返啲。我叫咗6樣野：叉燒腸粉：皮薄，而且夠熱，我好記得上次係呢間明星食叉燒腸時係一團粉甘，今次有進步。雞包仔(孖寶)：屋企人話食到有蝦，但我唔覺。夠熱，正正常常甘牛肉球(孖寶)：估唔到有四粒喎，呢個係$26係孖寶喎，我以為得3粒，雖然比一般細粒啲。4蝦餃：$13兩粒，OK啦，都幾大粒菜苗餃：特價既，但入面唔止菜，仲有粟米，未試過菜苗餃入面有粟米，但令成粒餃甜咗，都幾好既。鳳爪排骨飯：$13.X一碗，不過不失啦，我嗰人覺得啲飯爛咗啲姐埋單兩個人$126，都OK啦，好飽。另外值得一贊係冷氣充足。…Read More

今日下午在尖沙咀想食台式甜品，找到此間台灣過江龍，出名食芋泥。叫咗一個仙草涷同一個五色冰，平均成$50碟，但嗰份量真係少咗啲既，味道覺得普通，芋泥都算綿的，但上次去荃灣食鮮芋仙，大份好多囉，而且嚐仙寫明一人最少叫一份，呢樣感覺就差啲，不過見佢位置係街舖，仲要係金馬倫道，份量細都情有可原。…Read More

本來復活節假會去台灣玩，一早諗好要食咩，點知...唉...宜家只求人人健康渡過疫情。無得去台灣，但點都要食下台灣野過過癮。今日天氣炎熱，唔想食熱野，突然醒起舊同事介紹呢間鹽水雞okay，即刻去食。一去到已經有幾個人等攞食物，填好表，比錢就得。我選咗一人餐（胸+腿），要咗甜不辣、雞腎同小青瓜，而加$7加了麵，計埋都$52，以午餐黎講唔算平啦！但食過葵涌廣場地下間鹽水雞，知香港食係甘上下價錢了。但一食，覺得比葵涌廣場嗰間好食，即刻覺得值晒，勁開心可以食返台灣既味道。雞都滑既，嗰味道都似台灣食的，雖然去過幾次台灣，其實我未食過甜不辣，有咬勁的，魚旦甘。總之我會再食的，不過本來我想快食嗰Lunch，但都等咗成15分鐘，不過甘樣都係證明佢好食姐。…Read More

之前經常見同事食酸辣米通，覺得好特別，唔多見出面有米通食，原來呢間食店甘出名，由於牙痛，今日只試食佢既米線。第一啖飲佢既湯，睇落去覺得比較清，但食落又有酸辣味，同埋有一股薑味（我見有好多薑片），味道不錯。我食雞翼米線，雞翼炸得香口，有四隻雞翼，數量算合理了，而且雞翼另外用紙袋裝，唔會淋晒。在等外賣期間見到其他人食快餐，貌似不錯，下次可以一試，而且外賣速度快，等咗一陣就有，幾好！呢間店可在再幫趁！有機會要食米通…Read More

今日心血來潮想食酸辣湯麵，荔枝角附近好似只有呢到有，好幾年前都曾經光顧，但印象不深。今日食酸辣湯麵，味道普普通通，材料不多，而且份量不多（外賣），下午四點就有點肚餓相片是食到一半先醒超要影，所以得半碗…Read More

工作完成後到東涌逛逛同食午餐，突然想食韓國辣湯飯，就到了大食代。韓國辣海鮮豆腐湯飯在很多大商場內的Food Court都有，我預期都係搵啲急涷海鮮粒（魷魚、蜆肉仔什錦）加幾塊豆腐就算，點知今次有驚喜喎！內有兩隻有殻蝦，可能都係急涷貨，但係彈牙喎，而且有兩個青口，其餘海鮮什錦都好多，仲有唔少洋蔥同翠肉瓜。但覺得辣咗啲，唔食得辣既朋友就要考慮下！…Read More

之前祥仔初開，每日都勁長龍。今日剛好同事生日，想食好啲，就試試呢間在貴版茶餐廳。12:15pm到達，不用排隊直入，坐在一旁四人位。其實內裡地方不大，座位唔算多。入門口見到人地食的炸豬扒好似好好食甘，我就叫了炸豬扒蕃茄飯，再加一個沙律。其實之前聽說呢到個兩日兩夜羅宋湯好似好有誠意甘，都想試，但見其他同事選湯，甘我就試沙律吧！試飲了一啖羅宋湯，覺得不外如是，其他店的更美味。沙律既賣相就好精緻的，睇落靚，食落都Ok，淋上（定浸過）酸酸地既汁，啲菜好濕，我覺得似浸過汁，當中紅椒已經無咗層衣，呢個細心位👍主菜炸豬扒飯，炸豬扒一切就已經切開，而且好趣，但味道不足，齊食淡口，要配蕃茄飯食。個飯就好普通，係有好多洋蔥，未似多洋蔥版的大家樂甘。另外同事食：咖哩雞：雞仲有雪味牛脷：好淋👌粟米真斑腩飯：個汁好Creamy整體來說，呢個價錢可以係荔枝角食其他更好食的，難怪少咗好多人排隊，正價食就唔抵，但剛好見到枱面寫住即做會員可以四人免一人錢，當然唔好蝕底即做會員，折咗$3XX四個人，甘當食名氣，但應該無下一次了…Read More

晚上八點多到Megabox，但到到都仲好多人排隊等位，想快食一餐，見拉麵應該會快等到，結果前面有6個人，等了唔洗5分鐘就有位。由於唔太餓，所以一人一碗拉麵再加一個沙律便夠。沙律：感覺新鮮，另外隻烚蛋應該是日本蛋，蛋有蛋味😂我點了最普通的豚骨拉面，覺得第一次食應該就要食招牌吧！份量對女生剛好，一上枱，就見到碗面凝固了一片膜，感覺湯底好有骨膠原甘。有兩片豚腩叉燒（可以選豚肩叉燒），第一啖入口已食到一口燒過的味，雖然第一層是肥肉，但唔會覺得肥膩，有豬肉香味，不錯！拉面是幼面，令我諗起一蘭拉麵。同行朋友點了櫻花蝦龍蝦湯拉麵，好多櫻花蝦，試了一啖都幾有蝦的鹹香味，但龍蝦味唔覺，基本配料是與我碗豚骨拉面一樣的。臨走前，聽到廚房傳一把男人講日文聲，唔知係未真係日本人打理？整體感覺良好，見隔離男士食石頭飯，都貌似幾好食！只是整間店好開放式，好多人路過，適合快食快走，唔適合傾計，但以味道黎講，這間店可以Encore😊…Read More

見此店新開業，今日又想試肉燥飯，而且連排骨只售$29，便試試。飯量足夠我食飽，排骨有四小塊，但排骨乾到咬到我牙痛，個肉燥是瘦到不得了，就算有汁都勁鞋口，正宗肉「乾」燥飯，本都想試試魯肉飯，但都係算啦!…Read More