NicoleLui2855's Profile

今日同舊印尼工人姐姐聚舊，想安靜唔趕咁食飯傾計，選了食pizza,因為就姐姐宗教，所以都唔會食有豬肉的，以為睇清楚餐牌，點知上菜時都仲係有少少豬，我本來諗住自己食，再另叫比工人，點知Ken經理超好人，立即同我哋換，再問清楚廚房其他餸菜有冇豬，原來其他的都會有煙肉，佢立即同我哋換晒佢，無另外收費，真心多謝經理的體貼，令我哋有個愉快的晚上，食得好安心，又唔限時間，可以慢慢傾，真心滿意。下次會再去食嘢。…Read More

有常餐，午餐，小菜等今日同朋友食小炒，分量多，材料足，價錢合理，男生都夠飽，仲可以泊車，唔洗出元朗掙車位。簡簡單單要求唔高，呢度都係一個好選擇，只係冷氣唔夠凍。…Read More

牛丸彈牙超好味，牛肉夠滑，河粉滑滑，湯底濃郁，最喜歡可以因個人喜好，自選加減青蔥、茜、洋蔥，感覺窩心。香橙紅茶味道很夾，不甜不酸，茶中帶點香橙味，好正呀！最欣賞都是老細同店員的服務態度超班，店中每個員工都好好人，真的食得好開心，定必再食再食…Read More

良心小店，老闆超友善，對食客有傾有講，又樂於幫助，有困難的食客，食到我好感動。意粉好味，有彈口，肉丸仲有肉汁，不錯。環保小店，不是膠杯，用不銹鋼餐具，有特色。一定再回來再食…Read More

水準好一般有些沒味的，有些很喊，喊到我食一口，就飲了兩杯水，而且不夠熱，全是暖點點。偏貴，碟碟都是小小的，一小塊羊扒，幾十元，兩個女生食唔飽，沒叫飲品，都要$399，完全不值這價錢。飲品都是罐裝支裝，沒其他特色飲品，連檸水檸茶都無，水就免費自己斟，但杯子偏小，要行來行去斟好多次。:(:(環境不錯，朋友宵夜吹水就好，但要食飽就難一點，因完全沒有粥粉麵飯。有足夠地方泊車，但飲了酒吹水，又點楂車呢⋯⋯幸好有64K&251A…Read More