monica_law's Profile

一個人見CWB 周圍都係人，阿姐話入面有位，見門口大大隻字話點心孖寶，就入左去。點心紙寫個價錢係底，好難搵架。價錢係高級洒樓價。話即叫即蒸，事實係蒸咗好耐蒸到啲點心皮都爛。鳳爪好大陣雪味。環境同食物質素比屋村酒樓仲要差。見好多內地遊客被昆。 只怪自己冇睇comment 先入去。…Read More

無意中發現這間餐廳，俾個有雪糕造型嘅意粉吸引左。經過尖沙咀就嚟試一試，好彩Walk in都有位，點咗一個粉紅雪糕造型意粉，原來啲雪糕係butter cream, 撈埋啲意粉食，幾得意，味道正常，另外點咗一個明太子忌廉意粉配三文魚子。我覺得依個意粉幾好味。叫左杯涷latte , 分量比較細。不過藍色幾靚。再試個tiramisu牛角包窩夫做甜品，個牛角包窩夫係咸的，有點怪。埋兩個人四百幾蚊， 打下咭，我覺得可以－試。…Read More

經過APM，諗住食個午餐。見間餐廳幾靚，揀咗個set lunch，職員服務態度真係麻麻，問佢有乜嘢咖啡選擇，就好快一輪嘴咁講出嚟，根本聽唔清楚。午餐選擇左魚，賣相幾靚，但係返開個底，原來只有魚皮，魚肉好少，叫左個三文魚羽衣甘藍沙律，啲羽衣甘藍好苦，放棄咗。加錢要杯凍摩卡。凍飲來講比較細杯，而且味道普通。呢餐根本就食唔飽，埋單嘅時候，職員見到你揮手，同你確認佢知道之後，繼續慢慢喺度抹叉，超過5分鐘之後先會走過來。咁嘅價錢，咁嘅服務，咁嘅食物質素真係冇下次。…Read More

知道呢間可以自己揀海鮮，又有刺身、日式小食，立即book 枱試吓。餐廳環境不錯，地方闊落，坐得舒服。海鮮種類唔算多，但好新鮮，d鮑魚好大隻，蝦又爽口。OpenRice 訂枱有龍蝦送。剌身每次只可以選兩片，比較麻煩，不過都幾新鮮，而且冇漏單，小食就不過不失。餐廳仲有日本啤任飲，真心唔錯，本來有雪糕食，但正想去食既時候，個雪櫃壞咗，我揀既套餐只有90分鐘時間，所以比較趕，但整體來說，又海鮮火鍋、又剌身放題，都值得推薦。…Read More

出嚟cwb搵食，見OpenRice comment 幾好，就試吓泰國菜，book 左位，但都等左15分鐘先入座。叫左個2人餐、生蝦刺身、芒果糯米飯和芝士蝦丸。海南雞不錯，油飯都好味。但我生蝦刺身竟然係超市既急凍刺身？因為個碟太細，上碟時，d蝦尾掂哂張枱🙄🙄，芝士蝦丸超大粒，蝦肉彈牙，係d粉太厚。冬蔭公偏甜，重番茄味，不過海鮮都足料。芒果糯米飯好大碟，不過味道真係麻麻，食左舊芒果就放棄咗。個生蝦刺身真係最敗筆之作。…Read More

老公是火鍋控，見將軍澳區有火鍋放題，身為將會軍澳友一定要試吓。火鍋套餐有前菜小食、刺身、雞煲、海鮮、仲有多種配料。海鮮竟然係任食，而且質素唔錯、剌身除左有三文魚同蝦之外，仲有海胆，仲好貼心咁配埋紫菜比你。湯底揀左花膠菜膽湯，湯感覺真材實料，有燉湯feel ,飲完冇好口渴,仲有超大隻花菇。餐廳服務都唔錯，侍應會主動幫忙換碟。食飽之後，仲有個驚喜甜品，芝士蛋糕。個芝士蛋糕超好味，好少火鍋店既甜品咁認真。…Read More

見周圍洒店自助餐都做優惠，於是第一次試呢間，點知勁失望。款式少，而且refill勁慢，洒店做龍蝦主題，但洒店勁小家，每次refill 都好慢而且只會refill少量龍蝦，排左幾次都拎唔到。我第一次食buffet 食到咁嬲😡至於熱盤，只剩龍蝦殼和配菜。甜品亦不吸引，而且款式好少，雪糕是movenpick, 不過成日冇人係雪糕counter, 要等先拎到。生蠔不用排隊，每次比3隻都可以。泰式船河是不錯的。不過我諗應該冇下次。…Read More