gigigg10's Profile

難得地去左龍景軒食晚餐，雖然我冇預先request要海景位，但餐廳好貼心預備左窗口位比我地。由於餐廳每道菜式逐樣上菜，等我地食完一道再上另一道，我地由6點半開始食到8點半可以清楚睇到日落同維港夜景，真係一次好滿意嘅餐飲體驗！一開始茶藝師會為我地沖茶，我地分別揀左小青柑普洱同鳳凰單叢：前者味道較濃郁帶酸後陳皮味，茶藝師表示呢款消滯用效原錯；後者則比較清香帶甘。龍帶玉梨香整體其實係蝦膠加帶子，口感彈牙，配合香梨不但增加口感仲令味道好清新！中間仲夾雜左啲金華火腿令味道更有層次。廚師精選三拼分別係厚切叉燒、蝦多士同鴨舌。先講叉燒，厚切但一啲都唔鞋唔韌，肉質非常鬆軟！蝦多士好鬆脆，亦唔會好油膩，蝦膠都係彈牙。鴨舌無骨方便食，滷水入味！菜膽北菇燉竹笙個人覺得味道略嫌太咸。北菇不單止聞落好香，食落都好香而且有甘味。薑蔥蝦球皇相對咁多道菜泥講呢道菜比較平庸，蝦有啲韌而且冇咩鮮味。純粹薑蔥搭夠有味。蠔皇南非鮮鮑伴和牛面肉鮑魚好有鮮味亦好軟滑，好食！和牛面肉好滑一啲都唔鞋，好味！之後有道上湯杞子浸時蔬，不過忘了影相。xo 醬法國乳鴿崧炒米型意粉初時見賣相以為係炒飯，點知原來係米型意粉，比一般米飯更加煙韌！米型意粉炒得好乾身亦都唔油膩！配埋佢地嘅自家製xo 醬法國乳鴿崧更加香口！香芒楊枝甘露令人最驚喜係楊枝甘露下面原來仲有一層芒果布甸！層次豐富而且仲有西米增加口感，粒粒芒果肉唔會過酸好食！食完呢個甜品同時會再上另一壺茶消滯，非常貼心！之後佢地加送左另外2款甜點比我地試：椰汁紅豆糕加奶黃酥紅豆糕唔會整到好硬，淡淡椰香味唔會搶左紅豆味。奶黃酥上檯時仲係微熱👍🏽好重奶黃味不過食落有點兒膩。…Read More

之前分別去過旺角同尖沙咀嘅立鮨分店食過，果日行開荃灣醒起呢間立鮨係有得座就決定泥食！油甘魚刺身有少少甘香味，不錯！立鮨壽司拼盤(上) ($78)整體上不過不失，特別推介珍寶赤蝦壽司好鮮甜！立鮨特上壽司盛合 ($138)中吞拿魚甘香充滿油脂！略嫌有筋。海膽軍艦唔會苦，算鮮。北海道特大珍寶帶子好鮮甜！池魚同牡丹蝦則不過不失。原隻活赤貝壽司($30)：必點鮮赤貝好鮮甜！黑松露帆立貝壽司：無北海道特大珍寶帶子咁，但不過不失。炙燒左口魚邊壽司：火炙後令魚油溢出更加香！炸軟殼蟹手卷($38)軟殼蟹唔會太冧仍然脆口。鰻魚櫻花玉子燒($48)玉子燒略嫌質地太實的的，軟棉棉啲會較好。蘋果疏打酸酸甜甜好fresh!原味雪葩(香橙) ($38)味道頗酸，夠曬凍，炎炎夏日啱曬！—————————————-  總結 味道：✨✨✨ ✨回頭：✨✨✨ ✨推薦：✨✨✨ ✨性價比：✨✨✨✨…Read More

Bookmarked好耐，果日趁等緊朋友，自己先去靜靜地嘆下咖啡☕️ 店舖不大，坐位只有幾個，幸好剛剛有檯客人走左先有位唔洗等✨Cold Brew有一大粒圓形冰用另一個杯裝。Cold Brew味道頗濃，個人都比較鍾意冇咁酸嘅咖啡。下次得閒都會去再嘆下咖啡💛—————————————- 總結 味道：✨✨✨回頭：✨✨✨推薦：✨✨✨性價比：✨✨✨…Read More

睇到餐廳門面似係打卡cafe，點知原來係食越南野，所以決定一試！當日餐廳坐無虛席，好彩啱啱有位唔洗等。招牌火車頭牛肉粉($94)內裏有生牛肉、牛𦟌、牛栢葉、牛丸和白蘿蔔。生牛肉浸過湯底一陣啱啱好熟一啲都唔鞋！牛𦟌軟腍。牛丸爽口。白蘿蔔好入味又唔老。左:iced americano ($44) 不過不失右:iced morning viet($48)面層有少少肉桂粉幾香，最底層有甜奶，溝埋一齊幾好飲✨lemongrass cream brûlée ($60)唔同坊間嘅cream brûlée，面層有檸檬蛋白餅，下面仲有cream同新鮮芒果粒粒，唔酸又幾甜！最底層就係焦糖燉蛋。一啖一曬全部口感層次都好豐富！唔會過甜，可以一試！------------------------------總結 味道：✨✨✨✨ 回頭：✨✨✨✨ 推薦：✨✨✨✨性價比：✨✨✨…Read More

每次泥紅橋都想食呢間，但每次都好多人排隊等位所以放棄。今次特登早啲去，終於唔洗排隊就食到😝先泥前菜昆布味噌湯配芝士芝士味道濃郁，帶點煙燻香味，配搭淡淡嘅昆布味噌湯意想不到地match!!!好可惜當日冇壱の重丼同北海三味丼，唯有下次再食😆我地之後就揀左弍の重丼（$195）所有魚生都好新鮮💛油甘魚味道回甘亦好鮮甜。赤身好香唔會有筋。海膽都好鮮甜唔會有苦味！赤海老好大隻好滿足💛非常推薦！黑甕丼（$195）帆立貝同甜蝦都切成粒狀增加口感。個人覺得黑松露醬嘅味道過搶，蓋過左其他魚生嘅鮮味。巨峰乳酸梳打（$25）友人點左呢杯酸酸甜甜都幾開胃！不過不失喇～—————————————-總結味道：✨✨✨✨回頭：✨✨✨✨推薦：✨✨✨✨✨性價比：✨✨✨✨…Read More

與友人泥到砵蘭街呢間樓上cafe，原來朗晴坊係朗豪坊附近，非常易搵！去到一出𨋢就會見到店舖。睇睇menu都多款式選擇。白酒煮美國馬拉蜆（$118）食呢個作頭盤真係啱曬！因為辣辣地好開胃！味道偏咸有少少酒味。粒粒蜆肉平均都好大粒，肉質煙韌，唔會食落好淋、好霉。以$118呢個價錢泥講性價比算高！焗肉桂蘋果脆脆配意大利雪糕（$88/2人）由於我同朋友真係唔太肚餓我地叫左個甜品食。Apple crumble仲有得揀4人份量，我地就嗌左2人份。Apple crumble熱烘烘配上凍冰冰嘅Oreo雪糕，冰火交融真係啱啱好！好match!!最意想不到係入面全部都係大大粒蘋果粒，絕不欺場！最後補上店舖嘅環境。------------------------------總結 味道：✨✨✨ 回頭：✨✨✨推薦：✨✨✨ 性價比：✨✨✨✨…Read More

今日泥到位於建生嘅盤子工房。其實已經幫襯過幾次，每次都keep到水準，今次再次到訪！💛店內嘅裝飾都令人感慨我地點左2樣嘢：咸蛋黃醬軟殼蟹意粉軟殼蟹大大隻又唔會因為醬汁搞到好冧。咸蛋黃醬亦令平平無奇嘅軟殼蟹意粉帶點特別✨Green breakfast 素素地早餐($98)因為是素，所以冇平時all day breakfast跑煙肉等。所有蔬菜都好新鮮，蕃茄微微烤過令鮮味更加突出！黑松露炒蛋亦係我至愛！辣辣地水牛城雞翼（$44）喜愛辣嘅朋友真係要點呢個食！味道辣得來唔會嗆喉，好惹味！而且雞翼唔會煮得過老而鞋，肉質仲係好滑！桂花蜜糖鮮奶咖啡（$48）咖啡面加入桂花作裝飾點綴好靚並唔係得個樣！金桂花味道天然，飲得出唔係普通就咁加入糖漿製成嘅假香味！好喜歡呢杯咖啡💛！——————————————總結味道：✨✨✨✨回頭：✨✨✨✨推薦：✨✨✨✨✨性價比：✨✨✨✨✨…Read More

食完晚飯想再繼續chill下聽朋友介紹話紅橋嘅cityhall啲cocktail好高質💛調酒調得好飲 終於去左試下✨我地total叫左4杯酒飲果度嘅氣氛好舒適 好適合一路傾偈一路飲下次我地一定會再去飲🤟🏽特別要推介佢地嘅margarita!!------------------------------總結 味道：✨✨✨✨ 推薦：✨✨✨✨✨ 回頭：✨✨✨✨ 性價比：✨✨✨✨ （滿分為5✨）…Read More

夏日炎炎最好就係飲番啲凍飲即使係閒日 但一泥到已經見到大排長龍 人氣不減一定有佢嘅原因！💛泥到角酪就試佢嘅期間限定😋小英角酪✨其實係台灣金鑽鳳梨而製成嘅乳酪特飲，乳酪唔會過甜，配搭金鑽鳳梨嘅酸酸甜甜真係有好fresh嘅感覺！天氣咁熱飲呢杯特飲真係可以透心涼🤣店內更有人氣打卡位方便大家影吓相👍🏽…Read More

訂左檯7點鐘泥到I’m not nothing食晚餐。歐陸式嘅裝修增添浪漫環境氣氛。坐低無耐已經見到坐無虛席，泥呢度真係要訂位，閒日晚市都多人😳主菜方面分別點左2樣。香煎北海道帶子配香蒜辣味羅勒意粉（$138）帶子煎得好香，亦唔會鞋。整體來講意粉炒得好香唔會乾身，配合啲菇會多左口感，味道辣辣地好開胃！澳洲肉眼8安士配薯菜燒汁（$158）我地叫左5成熟，可以見到下圖真係做到5成熟無話過熟！牛肉較薄身，相對地唔會鞋同韌。配菜如薯條整得香脆可口！飲品方面叫左2樣青檸香茅薄荷梳打（$48）一飲就覺得好fresh✨✨夏天飲真係好match!最緊要係一定環督啲青檸同薄荷令佢地更加出味😋凍朱古力（$42）好濃郁嘅朱古力！唔係茶餐廳溝好多水沖嘅味！而且佢加左一大pat cream係面，睇得又食得，仲好邪惡啊🤩最後補上餐牌，佢嘅插畫畫風都好趣致😆總括泥講，餐廳食物價錢唔貴，而且都有質素，性價比頗高。泥開元朗可以一試！—————————————————味道：✨✨✨✨推薦：✨✨✨✨回頭：✨✨✨性價比：✨✨✨…Read More

餐牌選擇不算多，但樣樣睇落都好吸引好想點😆泰式辣煙三文魚($70)好特別嘅appetiser 😋煙三文魚夾住香蒜片，再配埋泰式醬，辣辣地刺激味蕾之餘仲好開胃😆特別推介加呢個小食🤤晚餐跟湯，沙律粟米湯唔似平時罐頭果款，似真材實料！全因有口感😋沙律中間有隻大蝦，正！而且用醋而唔係一般沙律醬，味道酸酸地較清新，又比沙律醬冇咁肥，較健康😆松露忌廉雞肉意大利飯($138)Risotto 口感較硬身，充滿松露香味，加上芝士好夾！菇菌又可以中和當中嘅膩，配埋一塊塊雞肉，好食！蜜糖青芥抹虎蝦意大利麵($138)大蝦爽口，配搭蜜糖芥抹醬好特別🤤水泥牆上都掛上黑白相，非常有格調！店鋪檯與檯唔逼狹👍🏽------------------------------總結味道：✨✨✨✨推薦：✨✨✨✨✨回頭：✨✨✨✨性價比：✨✨✨✨（滿分為5✨）…Read More

餐牌選擇都算多另外仲有一份詳細有圖嘅餐牌同飲品menu醬油漬牛舌手打烏冬($62)值得一讚係個牛舌好入味，而且一啲都唔鞋又唔難咬，正😋而個烏冬係讚歧烏冬，唔會粉，夠彈牙😋如果食食下牛舌覺得太咸，仲可以配埋大大塊嘅海帶食中和番芝麻雞翼($38)炸得一啲都唔乾！雞翼外皮香脆，一咬雞肉仲竟然會有汁溢出！加分位係上檯時仲熱騰騰！😆牛油果軟殼蟹反卷($46)有4件和8件選擇，我選了4件試試。牛油果新鮮，唔會有變黑/擺得耐嘅情況。如果軟殼蟹更脆會更好味😋壽司加左牛油果感覺更fresh😋前：油甘魚壽司 (28)　後：車海老壽司($22)油甘魚甘香，而且唔係薄切，更有口感。車海老有蝦嘅鮮味！😋餐廳內部裝潢都設計得好有和風風格，有刻真係唔覺得係係屋村嘅日本餐廳入面，而係好似去左當地😆每個卡位都會有呢盞充滿和風的燈👍🏽------------------------------總結味道：✨✨✨✨推薦：✨✨✨✨回頭：✨✨✨性價比：✨✨✨✨（滿分為5✨）…Read More

本身係附近行街，經過呢間鋪睇落唔錯好chill，於是就入去試試😆見到佢地用心製餅底就好期待製成品嘅味道😆Pizza可以叫2款口味各一半，岩曬我呢啲想試多啲唔同口味但又食得唔多嘅人😆左：超級撒亞人肉腸 右：愛的夏天1967 (13”$228)值得一讚係個批底一啲都唔油！薄批又唔會好快食到滯👍🏽左：芝士香濃香蒜惹味，芝士拉絲效果令人流曬口水🤤配搭羅勒葉同肉腸令個薄餅無咁膩。個人較喜歡呢個味😋右：呢個批係辣辣地嘅，加埋菠蘿記可以中和番😋一樣有層厚厚芝士同蕃茄醬🤤價錢亦合理，相比pizza hut呢度好食多了😋意大利白酒肉腸意粉($148)肉腸有別於pizza果種肉腸，呢款比較黏黏地。個人覺得意粉太乾，芝士粉令意粉口感更乾，頗膩。環境氣氛不錯，昏暗又有音樂。不過檯與檯之間較窄。—————————總結味道：✨✨✨✨推薦：✨✨✨✨回頭：✨✨✨性價比：✨✨✨✨（滿分為5✨）…Read More

行完yoho經過呢度見到餐牌明碼實價，我和友人見到價錢合理就決定食呢間～串燒水牛城雞翼雞翼皮香脆，味道辣辣地好惹味😋雞肉又唔鞋，值得一食蒜蓉包麵包焗得香脆，配搭香草更香口😋羅宋湯我和友人都點了羅宋湯，另痛磨菇湯選擇。好多雜菜，真材實料亦唔會淡而無味。慢煮美國牛肋骨配黑松露薯蓉慢煮牛肉肉質好稔，食時唔癡牙。肉唔鞋，入味，再配醬汁味道更佳。薯蓉面配上魚子醬，薯蓉味道較淡，質感稀稀的。美國安格斯西冷千牛排配意粉牛排我點了5成熟，牛排肉質頗嫩，亦唔鞋。食埋意粉分外飽肚。左：Hazelnut coffee 右：Green apple tea soda最後我地點左2杯飲品。朱古力味香濃，配埋榛子醬好夾😋店內環境裝飾甚有氣氛。------------------------------總結味道：✨✨✨推薦：✨✨✨回頭：✨✨✨性價比：✨✨✨（滿分為5✨）…Read More

原本想去嘅餐廳原來裝修緊，誤打誤撞之下見到呢間餐廳，係門外都聞到香味，於是決定就係佢喇！Fisherman’s Crab Cake ($198)其實要整好味嘅蟹餅確實好考工夫，而呢度整的好好味！熱騰騰嘅蟹餅材料豐富，一絲絲蟹肉中加不同香料，辣辣地令蟹餅味道更好更香口。Shrimp spaghetti aglio e olio with anchovies ($178)Aglio e olio即係棷欖油香蒜嘅意大利文。蝦爽口，香蒜令整碟意粉更惹味。Fresh lime soda ($38)飲青檸梳打唔單止令口腔回復清新，亦覺得無咁滯。------------------------------總結味道：✨✨✨✨推薦：✨✨✨✨回頭：✨✨✨性價比：✨✨✨（滿分為5✨）…Read More