babyiii's Profile

天氣凍想打邊爐，見網民寫得呢間禾牛薈咁吸引，今次一行六人嚟試試。見到湯款好多選擇，真係唔知揀邊款，最後見有小朋友，叫了個坑腩鮮茄薯仔湯，湯底唔錯，足料、多坑腩，坑腩好淋。另外叫咗個刺身併盤，賣相吸引，刺身好新鮮，海膽鮮甜。火鍋料都好多選擇，見佢好多食物都係自家制，我地試了個手打黑白墨魚丸，好味彈牙。另叫咗個雲吞，內裏有帶子和蝦，大粒好食，另一款老友鬼鬼，朋友話淨食好脆好味，我就覺得放湯即撈，有D湯精華好味D。而極品特級肥牛同牛肉粒顏色鮮紅，脂肪均勻，完全無根。同佢自家制竹䉀水都好飲，服務很好，收拾很快。太多款式，一次食唔晒，下次會再試!…Read More

今晚約咗三位朋友食飯，聽講呢度啲海鮮幾新鮮，主要係有兩個set Dinner推介，第一次來食就揀一個平啲嘅食先，貴少少嗰個就有A3級和牛。先來一點蟹子蟹肉沙律， 份量非常十足， 最初以為係四個人一盤，點知係兩個人，你嗰日食咗兩三碗先食完。呢個刺身，不得不提係呢一個加拿大海膽， 唔算好濃味，清得來有好鮮甜，果兩件劍魚腩係厚切，真係好甜好好味，其餘果三樣都係非常之出色，唯一可惜嘅係嗰塊三文魚竟然唔係厚切，都唔係腩位。呢個龍蝦唔使講啦，即燒即食，平時都有食開新鮮龍蝦，呢一個龍蝦係非常之新鮮，應該就咁食刺身都冇問題。工作人員真係燒得啱啱好，肉質岩岩好，如果燒得過左火候嘅話，肉質未免有啲硬。工作人員比住我哋睇d 鮑魚有幾活，鮑魚喺度慢慢咁郁下郁下，落咗少少清酒咁燒，傳來陣陣香味，令人食慾大增，鮑魚味道清甜，口感一流。呢隻鮑魚比我想像中大隻，落足成本。最後一味海鮮不得不提係一個蟹肉蟹膏甲羅燒，估唔到隻蟹有咁多膏，同我地平時係香港食到嗰啲蟹唔同，廚房已經預備好張蟹膏同肉混埋一齊，啖啖新鮮蟹肉入口真係好正。最初仲諗住叫多個A5級和牛，點知未食飯團已經飽到飛起，飯團燒得好香好脆，好彩本身冇肉係入邊，如果唔係真係食唔落。最後嗰個甜品柚子雪芭用黎消滯真係唔錯。最後埋單每人七百幾，性價比真係好高，呢個咁平嘅價錢，食到呢個質素真係超乎想像之外，如果下次再嚟，我會試一試和牛。…Read More

今日個位真系揀得啱啱好，個位完全可以望住個日藉廚師。除咗嗰日藉廚師之外，呢度嘅食材全部都由日本到親自運過黎架，我特別鐘意食就系呢度嘅菜，一嚟到就會有一大碟放喺個枱面俾你食，配埋有小小酸特製嘅醬油，真系可以食足幾兜。仲可以無限添加tim。呢到主打串揚，串揚系將一層薄薄嘅漿沾上食物，然後再喺面加脆脆再去炸，所以咬落只會有微脆，但這樣卻能保持食物原有嘅口感。我特別鐘意食喺呢度嘅蔬菜類，尤其是佢條露荀，拒唔系一般長，系起長。咬落去非常之爽口，入邊有啲汁漏出嚟，再配埋沙律醬點綴，十分好食。仲有系香菇，將冬菇餅面勾了花，而冬菇嘅下便就釀咗肉落去，咬落去有雙層嘅口感。仲有呢一個神之蕃茄，唔好睇佢好似好簡單，佢系日本直送過嚟嘅蕃茄。首先系個樣已經攞曬分，用冰鎮盛上。切開咗食，每邊都十分飽滿，再點小小鹽更提升佢嘅酸酸甜甜。肉類方面就好喜歡呢個雞翼，我一個人可以食一碟。外面微脆，雞翼肉質飽滿嫩滑。外面還淋上拒特製的醬汁，有咸味，有酒香，獨特。仲有就系呢條香腸，真系唔食得都睇得。但可惜拒系又食得又睇得。喺喎，仲有個蛋蛋，真系煎出嚟仲有煙。入口又嫩滑，仲好多汁，真系好正！建議大家下次坐吧台，可以直接望到廚師整嘢食，哈哈。又有得食，又有得睇，你諗下有幾正先。…Read More

夏日炎炎，唔知點解好想打邊爐，食好多好多野，滿足一下一天的勞累。入到黎感覺好舒服，四個人可以坐邊枱，有電視睇。而我們多人，今次坐圓枱。未黎湯底之前，當然要叫番d 小食，酸薑溏心皮蛋，兩者真係絕配，又開胃，又填補我飢餓的感覺。之後再黎脆炸墨魚丸，賣相金黃色，好吸引，又彈牙，墨魚味十足。不得不提係呢一盤法國生蠔，勁抵食，海水味適中，十分肥味，完全係實現到即開即食的滿足感。食左無幾耐，終於黎到個湯底，呢個珍實豬骨煲，分量真係勁十足，三四舊連肉的豬骨，唔怪得之湯底咁有味，其他配料真係要食左先，如果唔係唔夠位落其他料。之後就叫左本地招牌手切肥牛，魚皮餃，自家制四寶丸，炸魚皮。其實樣樣款式都好好味，分量又好夠。其中我覺得最出色係一個炸魚皮，因為真係啱啱炸起，配埋你個湯底嘅味道，真係好夾。最後仲叫左個水晶粉，聲稱只係滾一分鐘就夠，我們當然計曬時，效果好理想，果然係好彈牙。總結黎講，呢一餐性價比真係幾高，絕對值得再試，係尖沙咀食到呢一個環境同價錢，真係正。…Read More

很多人提起深夜食堂都會想起日本那套電視劇，談及都是食物和客人之間的一些微妙關係，也是對待食物的態度，帶出食物背後的人間故事，可說是人生一些大道理。要說到食，其實香港人一點也不會輸給日本人，尖沙咀可說是美食雲集之地，這次來到深夜食堂可說是一個空間讓客人和客人，客人和食物之間嘅心靈交流。深夜推介蒲燒鰻魚飯，也點了菜單裏的牛舌和鯖魚。肥美的鰻魚飯讓我想起了昔日在日本的情懷，來自日本的鰻魚總讓人掛念，肥美的鰻魚，十足的份量，每一口混合魚和飯，感覺正在跟我的肚子說話。每一次點串燒，我都會點牛舌，有人說吃牛舌感覺很噁心，但我卻覺得我們的舌頭在交流，儘管人和動物有一份情，正在吃美食的時候，總是覺得為什麼我那麼喜歡我的味道，我知道了，他們的犧牲讓人類得到飽足。鯖魚，醬汁鮮甜和肉質緊致的鯖魚，他們的味道總是配搭得10分好，再加上新鮮嘅檸檬，總係讓人覺得為什麼會有這麼偉大的美食。夜闌人靜，人和人之間要有輕鬆的交流， 也需要，食物和人之間嘅交流。…Read More

從餐廳嘅格局由外看，裝修新潮，正好配合尖沙咀嘅時尚味道，往內走，發現空間很大座位十分舒適，與熙來攘往的尖沙咀街道有點兒差別。兩個人分別點了兩個午餐，平均價格只是40多元，還包了飲品，價格十分相宜。最愛叉燒飯的我，點了這個秘蜜叉燒，原來秘密之處在於叉燒面上的柚子醬，酸酸甜甜，讓肥瘦不一的叉燒帶來一陣清新的氣味，這個配搭是我第一次嘗試，留下了滿足的味道。另一味菜是川香口水雞，不太吃辣的我，覺得口水雞的味道十分鮮嫩，而且不是太辣容易入口，雞件雖然不是很大，但份量10分十足。這個新飯堂真的不錯。…Read More

太古城真係好少平價午餐可以搵到黎食，每一次嚟到呢一度食我都好頭痕，午飯時間周圍都好多人， 大家樂可以話係唔使諗嘅選擇。呢個最平之選嘅鴛鴦炒飯，基本上都冇乜茶餐廳可以做到呢一個嘅價錢，當然未都未必係算係好好，但我多一於唔使諗照叫，果然不出我所料，雖然鴛鴦炒飯甜甜酸酸，但真係唔可以用炒飯黎形容，完全感覺唔到佢係炒過。呢排低糖綠茶可以話越做越hea，唔使錢都可以勉強飲，假如要加錢我就真係唔要啦。如果唔係太古城冇嘢食，我都唔會算大家樂。…Read More

小西灣呢個地方，雖然唔係好大，但係來來回回都開過唔少日式壽司店，無乜邊間可以生存好耐，爭鮮正式進駐，換來一場腥風血雨。但係睇賣相已經知道算係唔錯，爭鮮俾人嘅感覺就係性價比高，係呢個團隊慶祝嘅日子，外賣份量十足嘅壽司，可以講係氣勢非常之十足。我一直以來都覺得壽司係一分錢一分貨，要食新鮮嘅魚生一定係貴價上等貨，我算係好少買平價壽司。不過今次味道算係中上，用心製作。作為一個三文魚愛好者，佢嘅用料算係唔錯。加上多元化配搭，已經係贏咗。我相信短期內一定會屹立不倒，對於其他競爭者一定有存在嘅威脅。…Read More

夜晚晚好肚餓，屋企附近呢一間鄰居正好滿足到我，打個電話落樓下， 15分鐘就有得拎。食開呢一個大烤菇安格斯漢堡，當然要黎覆桌啦。呢一個漢堡包算係性價比幾高，安格斯嘅肉汁好香，肉質好嫩，比起一般嘅普通漢堡包店出色好多。講到最關鍵嘅，當然係個大烤菇啦，分量十足，味道同塊安格斯好夾。簡直係好吸引。價錢雖然唔算係好平，但係夜晚晚打機嘅時候，中途休息叫外賣，真係幾吸引嘅。如果唔係好夠，可以加多10幾蚊就有薯條同埋汽水，薯條又粗又正，下次一定再嚟。…Read More

黎到麥當勞，食啲乜野好。以前來來去去都係食幾款，唔係雙層芝士包，就係脆辣雞腿包。今次試下芝味蘑菇安格斯，雖然話就話係安格斯，但當然唔夠平時係牛扒餐廳食嗰啲咁好味啦，都比起普通牛肉係好味啲，牛肉味濃烈啲囉，至於醬汁不過不失，配搭都算係一般，但三十幾四十元一個餐，都算係物超所值。對我呢一啲經常食開麥當勞嘅人，都算係多一種選擇。…Read More

為咗預備一年一度嘅冬至，一早訂咗一間房預備今日豐富嘅晚餐， 當然一定要預早訂定炭燒乳豬。呢隻細細隻嘅豬都要＄480， 但口感真係一皮好脆，肉質好淋，果然係其中一樣鎮店之寶。你一個菜係香煎墨魚餅，數量唔係好多，樣樣係真材實料，味道真係好正好爽。價錢唔算平，但中菜味道真係一流。…Read More

熟蟹就是食多啦，第一次食生嘅醬油蟹，我都係帶着戰戰兢兢嘅心情去試吓。呢度兩隻醬油蟹，睇落去都有一隻碗咁大，size 都算係咁，不過都唔敢食太多，始終都係生吖嘛。我對蟹蓋始終都有一種鍾愛，對於呢一種第一次混合嘅方式，感覺甜甜地又鹹鹹地，食落味道真係一流，我都係第一次食，難以比較，但朋友話呢種食法係韓國食都係好正，下次真係要去韓國食番轉。之後當然梗係要食燒肉啦，牛肉真係幾正，自己有獨特嘅醬汁，都算係唔錯。 不過，要講到最正都係呢一個牛肋肉，一食就上晒癮，份量唔多，但係脂肪飽和度非常好。一碟帶子，七大粒。口感都幾爽口，雖然都係雪藏嘅材料，但係呢個價錢食到呢個質素算係性價比幾高。總括來講，我一定會再嚟食多幾次醬油蟹，食完都冇肚痛等等問題出現，下次一次食兩三隻都冇乜問題，至於燒肉，其實選擇都幾多，我食到一半都已經好飽，唔係食得好多。…Read More

收到一盒金記月餅做中秋節禮物，一拎上手都感覺到係重甸甸。原來先發現原來佢係用紙盒包裝。打開發現原來一盒係四個裝，同一般嘅老牌餅店都係差唔多，食落味道算係唔錯，不知不覺食咗半個當做午餐。下年中秋節會考慮下買黎送禮。^_^…Read More

每次來到金記，都想起上一次喺呢度食嘅燒味嘅味道係好正。燒腩仔，肥瘦同脆皮都係嘅份量都係好一致，每一塊都有脆皮亦都有肥嘅部份亦都有瘦嘅部份。呢度嘅叉燒味道真係唔錯，同外面燒味舖食到嘅叉燒飯係好唔同，一來佢有控制住微熱，二來每日都好軟淋淋。燒鴨呢，好完整切口好整齊，味道唔錯。每一次食完都好滿足咁離開…Read More

之前去咗日本10日係咁狂食，返到嚟都想試下其他嘅食物！行過呢間鋪頭睇落啲漢堡包幾正，價錢亦係相當之合宜，當然要梗係試一試啦。薯條又粗又香又脆，新鮮炸起，非常之吸引。一個係夏威夷漢堡，我就覺得唔係好夾啦，菠蘿同漢堡好少擺埋一齊，但係用咗樣樣都好新鮮，味道都算係唔錯嘅，唯一可惜係塊煙肉炸得太耐。…Read More