kay84211's Profile

見到咁多好評，滿懷期待，點知⋯⋯⋯1）火山炒飯，外面無味係正常，點知入面啲炒飯都係無味。2）燒肉拼盤，牛仔骨韌到咬唔到，五花腩全部係肥肉。3）其他食物不過不失，價錢貴，無咩性格比。4）間鋪收10點，9點要last order，9點15要我地埋單。結論：食物整體一般，服務有趕收工感覺，不會再去幫襯⋯⋯…Read More

20:19落單，前面有18張單等緊，等左二十分鐘，前面仲有10張單，4-5個員工出餐，有兩個好似未瞓醒咁，望住個電腦發呆，個個客人都等到燥底，真係唔知點解會咁慢，希望高層訓練下班員工…Read More

今日去yoho買下野，順便食個下午茶，見到間食大雞髀，即刻試試先🤤見佢地出食物都幾快，點知等左20分鐘，咪問下佢囉🙄仲要原來我個餐一直都擺左喺度，個收銀員唔記得咗按，我睇住個餐擺左成10分鐘，雞髀都已經凍哂，杯可樂溶晒冰，我同個收銀員講，佢扮聽唔到囉，真係好過份，極之唔推薦呢間野👎🏻👎🏻👎🏻…Read More

見到美心有厚熱牛扒餐，即刻同老婆試一試，黎到一切開，嘩⋯⋯薄過張紙呀，都明白圖片與實物有點差距係正常，但係冇諗過，差咁多⋯⋯⋯⋯再食一啖，咩肉味都冇，唉😮‍💨又中伏…Read More

食過幾次午餐，第一次嗌晚餐，門口塊板寫住送老火湯同飯，同四眼收銀講，要晚餐叉曉餐，加$10蚊飲可樂，唔知係咪太多人等緊外賣，佢連個湯都冇比我，咁我咪問佢，佢仲好意思話，你咪嗌左可樂囉，我同佢講，個可樂係我加錢，唔係送嫁，跟住佢又話，你要湯係要講🙄🙄🙄🙄我心諗，咁我都冇話要飯，你又跟比我⋯⋯返到屋企，打開個外賣，真係單薄，$88，連湯都唔比⋯⋯⋯⋯…Read More

南記終於開黎元朗，唔使再專登出去食🤣食物保持水準，店員服務態度好好，特別係男經理，今日同朋友去食，嗌錯左米線，想改番，點知已經整好左，男經理聽到後，就直接問我想改咩，跟手就送多碗河粉比我，又唔使我再加錢，而其他店員亦都好好咁，完全冇唔高興👍🏿👍🏿👍🏿👍🏿服務態度非常之好，極力推薦元朗店…Read More

因為鍾意食羊，專登走去元朗買外賣買左碗羊腩粉+羊肉蔥油餅羊腩粉味道可以，但係食食下，就見到有隻「小強」真係馬上反胃🤢蔥油餅個外賣罐幾特別，但係一拉就爛左，最後要用剪刀開😩整體：味道還可以，價錢亦都合理，但係衛生真係非常差，不推薦…Read More

同家人第一次去成記食飯環境整潔乾淨👍🏿服務態度非常好，特別老闆娘，非常健談友善👍🏿食物上菜速度快，味道亦都中上👍🏿強烈推薦1️⃣冰鎮鮑魚，非常爽口鮮甜，個汁亦都好夾，夏天食，非常適合2️⃣肉崧茄子，茄子炸過，非常特別，肉崧多到食唔晒3️⃣龍蝦刺身2食，刺身鮮租，龍蝦頭上湯炒飯，炒飯干身，粒粒分明，非常出色整體來講，味道都屬於中上，而且價錢唔算貴，服務態度非常之好，同老闆娘吹下水，侍應自動波換骨碟，又有禮貌👍🏿👍🏿👍🏿👍🏿…Read More

之前朋友食過，叫我去試吓，咁咪自己一個人去食個下午茶。可能疫情關係，店舖都冇咩其他客人，咁服務員就帶左我入去坐，我見到張凳有舊餅碎，咪叫佢幫我抹抹，點知佢叫我坐對面咪得囉，我話我想坐呢邊，佢好唔高興咁幫我拎塊濕布抹左下就行開，跟住我自己拎張紙巾抹番干。等左陣，食物就黎，坦白講，就算幾好食，就已經扣哂分，所以我都係食左幾啖就走......更何況食物都係一般而已.......…Read More

今日一家人提早食父親節飯，開開心心咁。叫左10個餸，坦白講，冇個見得人，首先就水晶肉，淡而冇味，又冇比汁我地點黎食，真係食件午餐肉仲好過佢。再黎上海粗炒+上海炒年糕，除左咸到pk，冇其他味道，而且粗炒係一條肉絲都冇既。跟住上黃金蝦，個蝦係好林，唔爽口，黃金又唔夠。水煮牛肉，牛肉冇牛味，個汁仲要油到嘔。仲有其餘幾餸，除左咸味，咩味都冇，真係自己煮仲好過佢！！不過值得一提，侍應服務唔錯，都幾快手，態度幾好。…Read More

訂左2人晚上8點半，滿心歡喜同老公二人世界。入到去，客人唔多，環境可以，感覺唔錯。點知，一到9點，d侍應就開始準備收工咁，生蠔吧個開蠔侍應直頭行開左，等左3分鐘都冇人理會，其他食物都冇再refill過，食完既碟放喺度都冇人黎執，隔離枱埋單走左成10分鐘都冇人執，成個場好似麥當勞咁，周圍都冇人執野，侍應一個都冇，環境惡劣。因為冇野食，都冇咩意思，食左45分鐘就埋單走人，真係不知所謂，以後唔使錢都唔會再黎，差！…Read More

同老公去慶祝生日，訂左7點，滿心期待。食物種類極少，生蠔唔新鮮，說好的長腳蟹失蹤，龍蝦又鞋又硬，仲衰過自己整。唯一好食，係甜品但係每位678元，一d都唔值，唔會再去。…Read More