咩都話好食's Profile

之前喺度買過個朱古力撻之後就對 ABC餅屋念念不忘，今日去開上環，都專登行番去中環揾呢間老餅鋪><上次去已經喺朱古力撻同棗蓉合桃撻之間掙扎咗好耐，但係因為嗰朝喺蓮香樓買咗個棗泥棋子餅，所以都係食咗朱古力撻。其實今次都一樣有掙扎，但最後都揀咗棗蓉合桃撻。講咗 朱古力撻($4.5)先啦，其實佢個撻嘅filling係 brownies, 好甜不過好好味。至於 棗蓉合桃撻($6.5)，就係有極少量合桃(~半粒)撈埋喺啲棗泥入面(好似係南棗), 上面仲有啲crumble 。呢個撻一樣好甜，不過鍾意食棗嘅人應該會鍾意嘅。而且佢個撻皮有少少腍，我已經焗番熱嚟食都係唔脆。我都知棗同合桃都唔平，不過佢賣$6.5又真係貴咗啲。唔好俾幅相誤導以為個撻好大個，其實佢仲細過啲迷你鮮果撻。相比起朱古力撻，今次呢個撻就令我有少少失望。不過我對呢啲老餅始終有種情意結，如果下次有機會經過嘅話我應該都會去試吓個棗蓉合桃蛋糕嘅 …Read More

老豆生日年年都係食傳統蛋糕，今年想搞搞新意思試吓食cupcake。雖然跟據以往經驗，cupcake都係好睇唔好食，但係見前面咁多好評，一於試吓啦！點知結果都係令人失望。買咗4件，total $72,cupcake嚟講唔算貴。4隻味分別係芝麻，開心果，荔枝，朱古力蜂蜜。芝麻: 本身好鍾意芝麻味嘅嘢，佢芝麻味都算濃嘅，不過就唔夠香。開心果: 呢隻味最好，好香好濃，好似真係食緊開心果咁。荔枝: 冇試，但其他人話"好荔枝"。朱古力蜂蜜: 朱古力味正常，但唔覺有蜂蜜味。間嘢係標榜少甜，冇色素, 冇香精。冇色素冇香精我都信嘅，因為啲味好真，啲色都唔會好假。但係少甜就真係...見仁見智喇。我個人認為無論係啲butter cream (除咗開心果味) 定係件cake都幾甜。而且啲cream太過實，唔夠軟滑，好似雪過落冰箱咁。個蛋糕底都唔好味，間嘢叫natural chiffon, 諗住個蛋糕係好鬆軟啦，點知又唔係，但係又唔似butter cake咁香咁"實鄭"。總之感覺上好似落咗好多面粉咁。無可否認，啲cupcake係整得好靚嘅，不過就真係得個樣囉，試過一次就夠了。呢個價錢我下次都係寧願買個mini蛋糕。…Read More

星期日兩點幾鐘落左街搵食，見呢間野光光猛猛，企企理理，而且系食南洋野，就入去試下。下午茶有唔少選擇， 飽肚d既有炒粉面飯，價錢都系大約三十頭。另外都有多士，沙律呢類比較似tea 既野食。雖然系食南洋野，間鋪感覺上就偏向港式少少。最後叫左個 紐西蘭青口海鮮喇沙米粉($33), 馬來炒貴刁($31), 南洋咖哩三文魚頭帆立貝焗飯($36), 全部包野飲。紐西蘭青口海鮮喇沙米粉： 味道ok, 分量偏少，不過見佢其他時段賣$5x, 所以算系甘啦。青口得一隻，另外有蟹柳粒，墨魚仔，兩舊豆卜，少少芽菜同蔥。海鮮都系急凍貨色啦，湯底椰味頗足，唔會太辣，$33算ok, 如果正價時段$5x就唔會食佢。馬來炒貴刁: 顏色偏淺，但系食落夠味，ok的，不過感覺上都系港式少少。南洋咖哩三文魚頭帆立貝焗飯：炒飯底， 咖哩汁幾好味又夠多，帆立貝得一粒， 三文魚有幾舊仔，本身就無咩味， 不過撈埋d咖哩汁幾好食， $36都幾抵。至於餐飲都系普通茶餐廳野飲啦。見到間野仲有其他小菜類，好似珍珠蠔煲，南洋咖哩雞俾煲等等好似都唔錯，下次夜晚黎試下先 :) …Read More

之前試過佢啲薯蓉，上面啲料算多同濃味，不過就咁食啲薯蓉已經好夠味，又香又滑。嗰日經過見到有個黑芝麻包$7，好鐘意食芝麻嘅我就忍唔住買咗個啦。點知...個芝麻包令我對呢間鋪嘅好感完全冇晒！個包聞落去已經好大陣怪味，完全冇芝麻嘅香味。撕開佢都見到個包有好多黑芝麻粉嘅，以為食落去會好啲啦，點知都係冇芝麻味，仲有少少怪味。呢間嘢啲包其實都唔平，應該唔會再去。…Read More

食過呢度嘅下午茶覺得ok但係喺下午茶嚟講有啲貴($4x)。聽人講set lunch同tea差唔多價錢仲有自助salad bar同餐湯任飲所以再嚟試吓。嗰日好多人等咗大半個鐘。餐湯有雞肉冬陰公同冬瓜湯。冬陰公唔辣不過都幾香，而且都幾多雞肉。Salad 有水晶粉青瓜雞絲沙律:普通，有啲辣仲有雜果沙律，就係平時嗰啲蘋果雪梨薯仔沙律醬撈埋一堆嘅沙律，不過食完啲熱嘢辣嘢之後食都幾舒服。餐就嗌咗海南雞飯同泰式炒金邊粉。海南雞飯:唔掂！雞有少少'玫',啲油飯先係最大問題，唔夠香不特止，仲要係未熟，煮得好腍但係仲係生米！金邊粉:個味ok,夠香，不過甜咗少少同唔夠乾身，不過整體算唔錯。之後salad bar岀咗炸蝦片,即刻好多人排隊攞，其實味都ok，不過又好似炸唔透咁有啲硬。最驚喜反而係杯餐飲，試咗杯泰式熱奶茶。未加奶之前試咗啖，覺得隻味怪怪哋同甜咗啲，落咗奶之後陣味又好香好夾wo。服務方面就普通，多數都係啲中年阿姐冇乜表情，不過有個後生女就好好笑容又有禮貌好主動幫人加水，喺咁忙嘅時間仲keep到咁好，俾個like你！…Read More

下午茶去朗晴坊揾食，俾紅廚房嘅有營食肆標誌吸引咗。但係原來teaset 同set lunch都冇有營菜式，所以都係食其他嘢。teaset就比較少款而且唔係好啱食，最後叫咗個lunch嘅喇沙豬頸肉石鍋飯$39包湯，包，嘢飲 。個fd嗌咗個tea 三隻雞翼+沙律$25冇嘢飲。可能因為冇乜人，啲嘢都算嚟得快。teaset:好細份,味道不過不失蒜蓉包: 好似得1/3塊咁，唔熱唔脆，不過幾香蒜蓉味羅宋湯:有驚喜，香濃但唔油，多菜，不過辣咗少少喇沙豬頸肉石鍋飯: 幾大份，好夠飽。醬料份量適中，但完全冇喇味，淨係咸咸哋咁。個飯好夠熱，食到最       尾都熱，刮埋啲飯焦好香口。最好嘅係好多菜，西蘭花椰菜花紅蘿蔔，雖然有啲咸但係熱辣辣同埋都幾新鮮。凍榛子牛奶咖啡(+$10): 差。冇榛子味冇牛奶味，連咖啡香味都冇乜,淨係得啲糖水味，細杯仲要有半杯都         係泡，同埋太多冰 。要加$10完全唔值!! 就算唔洗加錢呢杯嘢都唔合格。總括，呢個價嚟講嘢食算係幾ok，但係飲品就建議真係唔好叫咖啡。…Read More

一直好想食台式便當，甘o岩系報紙見到呢間小店，好似好好味又健康甘，所以即刻走去試!!!其實間野都唔易搵，好彩棟工廠大廈翻新過，都算乾淨企理。間鋪頭細細地，不過好光猛整齊，有種好溫馨好舒服既感覺:)我地兩個人，叫左一個紅燒牛肉便當($36) 同醬燒排骨便當 ($34)。便當d飯分量都唔少，細食既女仔最好叫少飯，不過都有得揀多飯。而且每個便當都會有埋肉燥,鹵蛋，青瓜同菜。d青瓜唔知用咩醃過好好味，不過得兩塊。菜同蛋都系凍既，味道正正常常甘啦無咩特別。肉燥個味又幾好wo唔會太濃但系都好好撈飯，分量都偏少，不過個台灣老闆哥哥見到我食唔曬d飯都主動問我洗唔洗俾多d肉燥我 真系好細心，香港其他餐廳有幾可會甘做。紅燒牛肉同醬燒排骨味道都好好，排骨比牛肉清淡少少，不過d牛肉都唔會好濃味(我指d調味料)，兩樣都好有肉味而且炆得夠淋，唔錯!!餐飲方面叫左杯哈豆奶茶(加$2珍珠)，同埋一杯胚芽哈豆(加$3)。哈豆其實姐系間鋪自己磨既豆漿，而且呢間鋪無用奶精同糖水，用豆漿同蜜糖，鮮榨果汁代替，岩曬我呢d鍾意飲珍珠奶茶又怕唔健康既人。果兩杯野都好香豆味，又唔會好甜，連一向唔多飲豆漿又好怕甜既媽咪都話好味，真系好難得 d胚芽同珍珠都落好多又有咬口。杯野飲又大杯wo(應該系700ml)，最後食到超飽好滿足:)間舖頭仔算系坐得好舒服，老闆同老闆娘都好友善，下次一定再幫襯!! 下次想試下佢下午茶，$25有個細既香菇肉燥飯加野飲，淨系杯野都十幾蚊la好抵食。 唯一唔好既就系間鋪6:00定6:30 pm就刪唔做晚市，不過見到有poster寫佢每晚7:00pm都會開d免費美容班。寧願早d收鋪做呢d野甘得意既，甘算唔算良心企業…Read More

琴晚呀媽又提議去東廣場間花園，雖然無裕民坊果間甘就腳，又無甘有港式扒房feel,不過勝在人少唔洗等位，平d，同埋好似乾淨d。之前次次去親都系食蜜糖豬手，$5x大大舊豬手配薯菜真系好正! 不過今次竟然無豬手:( ，唯有轉戰睇落好正既咖喱雞肉農夫包 呢兩樣好似都系得東廣場呢間先有!!首先系餐包同羅宋湯，普普通通la，花園甘既價錢你都唔會expect d 咩架啦。跟住到戲肉la!! 個農夫包一黎, 哇大到丫，普通女仔一定食唔晒（我呢d黑洞當然另計xd）打開鍚紙，就feel到成個包熱辣辣，正! 個包外面真系脆卜卜，最入面就軟林林。兜咖喱汁都好正，我食完個包仲飲埋淨番果d，都微辣得黎帶ok重既椰香，啱晒唔太食得辣既朋友 。入面d雞肉其實都幾dry，系美中不足，不過估唔到既系d雞加埋d金不換一齊煮，即刻將本身平平無奇既雞變得好香，真系唔錯。最後加$10有件朱古力慕斯蛋糕，唔會太甜幾好食。甘平靚正既野真系得呢間花園先有><，我下次去一定會忍痛唔食豬手改食農夫包!!另外值得一提既系service，其實大部分員工都無咩特別，不過有個地中海哥哥超級勤奮，有禮貌有細心，gd！…Read More