foodsimba's Profile

• • 龍亭（中環）• •一個平日晚上同友人去試佢嘅十一品Delux Set ($688/1) 中環店燈光柔和，環境舒適，吧檯滿座。< 前菜漬物 >店員細心介紹content同享用順序，先牛油果三文魚他他、再另外的三文魚面珠墩、洋蔥漬。特別想提面珠墩肉，對我地黎講都好新鮮，加上漬海帶，口感爽，似食海蜇頭🪼，得意。< 煙三文魚黑松露沙律卷 >煙三文魚包沙律菜配黑醋汁，挺身脆口，非常fresh。喜歡伴碟酸甜嘅龍珠果🐉。< 刺身🐟🦪 >鯛魚刺身，正常發揮；生蠔，特製嘅蝶豆花海鹽泡泡帶出鮮味蠔B鮮味。< 魚子醬蘭王溫泉蛋 >蘭王蛋🥚基本都係保證，令配松露油淋上嘅青瓜絲加一小勺魚子醬，一啖豐富濃郁又互相協調無衝突嘅味道，第一次亦覺得好應該有下次。< 海鮮：慢煮鮑魚、日本元貝、白鰻、虎蝦>鮑魚有𡁻頭，炒香嘅蒜粒好夾✨元貝生熟恰度好處；白鰻好讚，皮煎得香脆，稍稍油香同彈牙魚肉夾埋，口感味道都令人滿足。我地最鐘意佢嘅秘製龍蝦汁🦞，虎蝦點呢個汁，非常惹味。< 肉類：澳洲一口牛柳粒、安格斯薄牛卷 >我地試嗮牛🐮，Medium嘅牛柳粒點炸蒜最惹味，另點碟邊嘅芥末、黑鹽都各有風味。薄牛卷牛味十足，如果仍保留到啲濕度會更理想。< 金龍梅酒 $93/ 支 >🥃 有次試過覺得不錯，今次翻啅都覺得好夾鐵板燒嘅氣氛。< 黑松露海鮮炒飯 >有次食鐵板友人最愛就係當中嘅炒飯，今次都頗有期待。海鮮係虎蝦、魚子，大方咁厚厚鋪面😋 itadakimasu! 呢碗炒飯做到基本嘅粒粒分明，黑松露摻混嗮係碗飯入面，味道有所昇華。< 菊花豆腐白味噌湯 >菊花豆腐，果然有雕工，湯入面仲有塊花膠😳 感覺養生。< 甜品：黑糖柚子燕窩雪葩 >甜得黎唔漏🍨 有被佢地嘅 mix & match impress 到下，完美句點。同場有兩枱生日，巨型煙花蠟燭🎇，氣氛十足，I的😸同友人側邊睇得幾開心。…Read More

• • L’amour（中環）• •實現蠔B自由嘅晚上🦪🤤日本、澳洲、法生蠔Free flow $898/1 平日黎嘅晚上都滿座❤️❤️❤️ 果然有啲名氣，OPRice見到米芝蓮三星團隊主理就心思思想黎一試究竟😎✨• Starter •< 白松露蟹肉沙律 + $38 >激多魚子，大滿足🈵，🦀啖啖蟹肉沙律放上多士面，nomnomnom😋 口感豐富😸< 是日: 火箭菜 Parma Ham >正常發揮: Fresh 菜脆口 🥗🦪🦪🦪🦪🦪🦪職員細心提醒由最淡嘅日本🦪開始食🇯🇵🇦🇺🇫🇷嗚嗚嗚 係好味嘅眼淚..Freeflow🦪嘅size隻隻都大大隻💪🏻🥰 肥嘟嘟，佢唔係Creamy個種，但夠晒fresh 鮮味十足 🌊🌊🌊• Soup •< 是日: 洋蔥花膠濃湯 >真係塊塊花膠，有趣嘅配搭。< 法式澳洲活龍蝦湯 + $48 >非常濃郁，湯面嘅拉花都非常有心思🌸追加 🦪🦪🦪🦪🦪🦪追加• Pasta •< 炸九肚魚青醬貝殼粉 >揀左一份手工意粉，fusion 有諗頭，意粉夠嚼口。< 招牌龍蝦帶子薏米飯 + $68 >令人意外大方嘅三文魚子，卜卜卜，啖啖魚子，鹹香加濃濃嘅🦞龍蝦汁燴成嘅煙靭薏米飯，今日數一數二難忘嘅dish☺️✨• Main •< 威靈頓牛柳 + $98 >外皮酥脆，都食得出菇香🥩< 法式油封鴨髀配焦糖蘋果 >鴨脾要咗medium well，頗香亦都唔柴身，下次有機會會想試吓medium😎😚🤌🏻追加 🦪🦪🦪🦪🦪🦪追加碟碟份量適中，讓人有空間實現蠔B自由，讚。• Dessert •< 原隻海膽雪糕 + $48 >海膽同好當然齊齊揀海膽雪糕，擺盤已經好吸引，出晒煙咁夢幻，咸咸甜甜原來咁過癮😆🌊🍨Happy Ending🌿🍨🍧< LM Rainbow $158 >開心微醺頗為盡興🥰🍹…Read More

• • 龍亭（佐敦）• •餐廳隱秘嘅大門似係招呼有心人，令人有所期待。室內暗黑神秘色調，一幅同店名相關嘅石雕式牆，一位接待，一位廚師，照顧吧枱及兩張（4-6人）枱。年輕鐵板師傅介紹黎初次一試嘅友人同我可先試試五道菜嘅套餐($588/1)< 煙三文魚沙律 >煙三文魚包沙律菜配黑醋汁，伴碟既龍珠果酸甜味頗夾。< 海鮮：鮑魚、扇貝、帶子、東星斑>鮑魚唔韌，炒香嘅蒜蓉好夾，甜甜地幾提鮮✨牛油truffle煎香嘅扇貝冇過熟，同帶子一樣都拿捏得好好，脆嫩集於一身，意大利黄瓜托住粒帶子，再一勺魚子醬，口感豐富😸魚煎得香脆同蝶豆花泡泡夾埋，口感味道新鮮💙💜< 肉類：雞、豬>正常發揮啦，師傅又特製嘅 辣菜菠蘿汁🍍讚，蒜香牛油🧈又好香濃，任君選擇。師傅話伴碟嘅櫻桃蘿蔔可解膩，係幾fresh但對草青味幾敏感的話，可能會幾大感覺..主要係想提呢道！< 海鮮炒飯 > 望住師傅功架十足咁炒香啲飯，食指大開😋 的確冇失望，粒粒分明，飯身焦脆😳 on top 肥嘟嘟嘅🦐同大方嘅三文魚子，卜卜卜，爽...truffle醬同油香令成碗飯昇華晒，想講..識食一定係食鐵板炒飯！全晚嘅highlight✨<甜品：日產益力多雪糕、柚子雪葩>Fresh，Happy Ending🌿🍨🍧< 梅酒 $168/ 支 >鐵板燒一定要有啲微醺先開心架嘛，同友人開一細支開心一下，頗盡興🥃🥃P.S. 最後仲畀我地發現有明星同場，佢好低調，師傅都好貼心咁就算認得都好比空間佢同友人enjoy個晚餐..真係last一刻走前先同對方確認係..我地都係個陣先知..讚職業操守、工作態度👍🏼先祝大家Merry Christmas🫶🏻😽💕…Read More

呢幾日落雨，涼左啲，感覺好想食拉麵‼️（咦？……）近近地，學完結他就有間係左近。<極上蟹白湯拉麵>離遠都聞得到好香既🦀味，湯底濃郁鮮甜，又有啖啖蟹肉，麵身亦都掛湯...... 無投訴‼️慢煮既叉燒亦有驚喜。<神匠蕃茄蝦湯沾麵>身為蕃茄控忍唔住叫左，一樣非常香濃，茄湯同櫻花蝦係絕配‼️平時食開拉麵，今次食沾麵就略嫌湯汁太鹹朋友本身教路可以叫店員比木魚汁......不過今次就用偷佢啲蟹湯代替😛 都好唔錯！麵身比較硬，岩晒我鍾意嘅口感。套餐加左兩款小食🤭🤭<溏心蛋>雨天唔食得炒蛋，但就可以食溏心蛋？🤔（有冇人話我知點解唔食得炒蛋......）有冇咁鍾意食，麵本身已經有半粒，小食仲嗌就知朋友有幾熱愛溏心蛋，正常發揮，好友認證係過到佢個關。<南蠻炸雞>不過不失，雞有雞味...xD 同mayonnaise都夾。<梅酒>少見拉麵店有梅酒‼️cheers🥃…Read More

• • 燚（大埔）• •再訪呢間鐵板燒，又有小驚喜✨＜北海道煙三文魚特色沙律 >柚子調嘅泡🫧好fresh，夾埋菠蘿嘅煙三文魚味道好夏日😎< 柚子乳酪巴拿馬火腿 >繼續夏日嘅步調，火腿鹹香幾開胃。海鮮🐟< 扇貝、盲鰽魚、鮑魚、蟶子 >扇貝同truffle原來係可以咁friend鮑魚唔韌，蒜sauce夾一夾盲鰽魚煎得金黃，皮脆肉唔老，讚蟶子亦都唔韌，配埋牛油煎香嘅露筍，啖啖鮮、香肉肉🥩＜ 雞、豬 ＞兩碟邊都有啲dressing 任君配搭，黑鹽同濃郁芝味醬。雞 特別有款辣醬，wasabi調，唔會太強烈，夾埋幾惹味；豬 impressive，因為係有肉汁，唔鞋，另配梨醬，夠fresh🌿＜ 炒飯 ＞有澱粉落肚係唔同啲，粒粒分明，又香口，一勺仔魚子醬又顯鮮味。＜ 金時可麗餅 ＞小驚喜在此🫶🏻✨輕奢金箔，微暖餅皮淡淡蛋香，紅豆同cream唔會死甜，以呢碟作結非常完美，滿足。＜ 啤酒🍻 ＞TGIF! Lunch time 啤啤佢，why not? lolMenu 每期都有新驚喜✨…Read More

• • L'AMOUR(大埔) • • 今次山長水遠去大埔食法國菜🇫🇷嚟到門口已經比佢門口吸引住，開門既時候玻璃會變透明，閂埋既時候會霧化，亦都令到室內用餐時有私隱度❤️鐘意有舒適環境既您一定要黎試試✨頭盤< 蝶豆花木魚清湯鯛魚刺身 >酸酸地既汁配埋新鮮既鯛魚刺身，味度非常開胃～< 波特酒釀葡萄·法式鵝肝凍>水果新鮮🍇配埋鵝肝既食法又幾特別喎！小食<極品海膽魚子醬多士>海膽大件又新鮮，配埋新鮮既魚子醬，成道菜都好滿意！<自家製蟹餅·檸檬忌廉汁>蟹餅食落唔油膩，配埋個自家製忌廉汁好出色😆主食<傳統花式鵝肝牛柳>牛柳口感軟腍，肉質鮮嫩，配埋煎香咗既鵝肝，入口味道甘香✨<法式西鰽鱸魚·椰菜花蓉·紅腰豆>鱸魚用油炸，食落外脆內嫩，配菜都好開胃，好吃😋Yummy 😻😻😻😻Good-deal 💎💎💎…Read More

• • INN - I’m Not Nothing (荔枝角) • •又到咗月頭出糧，緊係要食返餐西餐開心一下🤓今日去到荔枝角工廈搵好野食，let’s go🎊頭盤< 青芥末牛油果三文魚籽蟹肉多士 ($88)>青芥末醬味道啱啱好，幾開胃😛又唔會搶咗蟹肉🦀既味道，而且個牛油果好新鮮，依個配搭好特別。主菜< 燒肉眼扒10安士🥩 ($258) >肉眼扒叫咗五成熟啱啱好，唔會過咗火喉🔥，燒汁係自己調製，味道好夾🫶🏼主菜<盲鰽魚牛油忌廉汁 ($168) >擺盤好精緻，魚表面用油炸過，外脆肉嫩，配埋忌廉汁非常開胃，配菜用迷你蘿蔔仔🥕好特別，味道口感都不錯！🥰Yummy 😻😻😻😻Good-deal 💎💎💎…Read More

• • Vision 8（荃灣）• •臨近sem尾，見細佬就考試，帶佢出去輕鬆下，差下電🔋 就黎個寫意嘅西餐，spend個chill evening😎✨< 鮮蝦忌廉濃湯 ($88) >濃郁龍蝦鮮味， 仲有啖啖龍蝦肉🦞 唔會有平試影衰嘅苦澀味。< 野菌忌廉湯配黑松露菌油🍄 ($78) >一樣好濃郁嘅菇香， 足料🈵 兩款湯嘅質感都係偏濃稠，至岩喜歡rich口感嘅😺< 酥炸魷魚圈 ($68) >炸皮夠薄， 入口完全唔會有油膩感同炸粉漿嘅味道。 配上蛋黃醬， 係一個推介嘅餐前小食😋😋< 鮮菇蜆茄醬燴意大利麵🍝 ($168) >分量十足，菇同蜆嘅比例適中。熱辣辣咁上枱，10分讚💕 麵質唔會過腍，唔錯。茄味唔會酸，屬偏甜☺️< 煙三文魚配千島醬薄餅 ($158) >鍾意食薄批嘅一定唔可以錯過🫶🏼每件都有滿滿嘅煙三文魚，拎起嗰陣仲有芝士拉絲添✨！Yummy 😻😻😻😻Good-deal 💎💎💎…Read More

今日喵帶媽媽食好野😺 燚嘅隱秘大木門好有感覺，真係做朋友介紹或招待有心人，令人由未入去已經滿有期待。室內一如大門嘅色調，氣氛不錯，一位接待，一位廚師，照顧吧枱及兩張（4-6人）枱。紫藍色燈光💜，而焦點集中喺廚師同大鐵板上👨🏻‍🍳沙律最impressed嘅係坐底嘅泡泡~~廚師特意blend成具柚子調嘅泡🍋好fresh 🌱喵本身唔算太好貝類海鮮，但媽媽鼓勵我試個廣島蠔🦪 然後真係..我有改觀✨ 媽仲要錄左片send去屋企個gp lol 肥嘟嘟且juicy，旁邊蝶豆花泡泡減低燒蠔嘅油膩，夾埋炒香左嘅蔬菜粒，非常惹味😻🍻另一貝lol 鮑魚一啲都唔韌😻 蒜蓉sauce會唔會太夾，甜甜地提鮮✨ 不得不讚師傅嘅功力，煎至鮑魚自然脫殼，同時咬口依然但唔韌😽🍻特大虎蝦蝦膏濃郁，未上碟已先聞到令人食指大動嘅香🦐 醬汁好香牛油味，夾到絕。🍻意大利黄瓜托住粒帶子，再一勺魚子醬，加上輕奢金箔 口感非常豐富😸🍻喵媽prefer牛柳粒熟啲，medium well 🥩 咦，估唔到仲係幾腍身，又要讚師傅嘅鐵板控制💕 碟邊大大塊炸蒜薄片、手磨山葵、黑鹽同芝士味dressing 任君配搭，脆口嘅蒜片喵真係好喜歡😻🍻喵妹唔食羊，我地成日都係襯佢出去食先會整，今日同媽媽出黎撐枱腳，食lamb嘅癮起😹 我唔忍啦 媽 好嫩啊，您今日都係度一齊食，真係好幸福😻 想食個刻又比你食到，仲要係高質素，係好值得感恩.. 師傅又特登blend成嘅💛 菠蘿蔬菜汁🍍🥒 太太太讚✨ 羊本身唔羶（1讚）juicy 唔韌（2讚）仲要特色汁蓉微酸甜好fresh，所以食左咁多碟都唔會覺得heavy✨🍻 望住師傅炒香嘅飯、配以🥚同🥕粒，同非常肥厚嘅鵝肝，繼續好有食欲😋 的確冇失望，粒粒分明，油香令成碗飯lv. up up up.< 啤酒 $88/ 杯 >Starting happy hour since daytime, why not🍻 點少得鐵板燒嘅好朋友🍺 同喵媽間中一齊放肆一下🤭大家新年快樂!…Read More

• • 魚眾不同酸菜魚（灣仔）• •今日同閨蜜🍯過開港島，最近天寒地凍，上次食過呢間已經幾想推薦畀酷愛酸菜魚嘅🐢🍯決定要齊齊令氣溫急升返🔥＜青花椒酸菜湯，鱸魚片🌶️🌶️ ($70)>今次識嗌，一定揀呢款湯底，係膽😎 配菜揀左豆腐皮同娃娃菜，配手打薯粉（+$20）青花椒湯一貫嘅麻香撲鼻😻 麻得過癮🌶️ 不過都要小心咪咬到粒粒嘅青花椒同辣椒🔥 可見湯底嘅足料程度。喵怕多骨，哥哥推介冬天可試鱸魚，冇介紹錯，滑而富有魚嘅鮮甜，🐢🍯都大讚！娃娃菜索晒汁，塊塊過癮🤪 豆腐皮份量不少唔講仲以為係有一箸闊麵🍜 食到暖粒粒。喵今次挑戰成功，真係清左成碗。唔太食得辣，但又心思思想尋求小刺激嘅朋友真係都可以一試✨ < 花膠濃湯雞煲($80) >你睇下塊花膠先啦👀 雞塊大大件，啖啖肉💛 湯底的確濃郁，唔見底你就知咩事，一啖米線一啖湯，暖在心頭。建議唔好食太慢/ 可以索性成碗麵落晒湯，因為麵本身偏硬，要趁湯熱浸淋返啲。濃湯偏咸，🐢🍯prefer 淡返幾度。…Read More

呢日入開嚟元朗，友人又想食啲辣嘢，話要祛吓濕😹 於是乎就搵咗有間食酸菜魚嘅，有辣有唔辣，啱晒食辣嘅朋友，同偏向溫和係嘅喵，呢個組合🐻😺<老壇酸菜湯，墨魚片(唔辣) ($79) >喵見個名咁正宗，就決定一試。另加左蘿蔔、海帶同黃喉，配手打薯粉（+$20）。最後個味餸——黃喉係畀佢個叻叻手勢👍🏻吸引左， 睇埋個英譯喺vein（血管🙀）本身都有啲怕怕，但友人不斷慫恿我試。最後係冇後悔加嘅！因為佢甚至比啲墨魚片更令人印象深刻，口感非常爽脆，絕對為翻啅之選🌶️🌶️。蘿蔔舊舊索汁，好juicy 如嫩啲少啲根，更上一層😉 墨魚片唔韌，不錯，但係試咗幾塊朋友嘅生魚片，就覺得必點生魚片，陣間再詳細講。喵下次會挑戰兩條辣椒，覺得魚眾不同嘅辣，係有特別為香港人口味調教過，而且叫唔辣，大部分就只剩下鹹味，唔夠過癮🤫🤫🤫＜青花椒酸菜湯，鯛魚片🌶️🌶️ ($70)>友人揀左萵筍、豆腐皮同肥腸，都係配手打薯粉（+$20）佢嘅青花椒湯一上，真係香味撲鼻😻，喵已經忍唔住要偷食...食開譚仔小辣嘅朋友，覺得呢隻湯底可以稍為再辣🌶️多一度就會係perfect，已經諗緊下次幾時過嚟再試😹...對喵黎講，就係一個好好嘅入門挑戰級😼生魚片有少少骨，絕對正常，小心慢慢食(mindfulness😌)肉身爽脆，有魚嘅鮮甜，吃貨友人大讚可翻啅😎 湯底嘅足料程度，可由一鋪棵棵嘅小青花椒體現出嚟👀 萵筍索晒汁，塊塊過癮🤪 豆腐皮份量不少唔講仲以為係有一箸闊麵🍜 友人食到大汗疊細汗，祛吓濕效果一流。< 口水雞 辣醬另上 ($42) >另上嘅辣醬係畀喵先試吓水溫。雞肉正常發揮，點咗偏多油嘅麻辣醬，少少麻，漸進地提升咗喵今次嘅麻辣體驗😺…Read More

• • 哈哈韓式炸雞專門店（長沙灣）• •同友人逛完深水埗，好口痕想食韓式炸雞，OR見有間HAHA Chicken，Simba最近好鐘意外賣自取，確定一試，買上友人家煲住劇嘆炸雞加汽水。鋪頭外觀都幾clean（叫外賣都同樣在意lol）staff都好cheerul，落柯打到拎得野食都係3-4個字，慢慢行，腳程岩岩好。< 蒜香醬油炸雞 ($156) >食炸雞平時都怕炸得酥脆，就要放棄肉身嘅腍滑，但Haha嘅蒜香醬汁十足之餘，裡面雞肉仲嫩口多汁，滿足晒我嘅願望。份量比想像多，朋友仲留左件宵夜食🙊😝！氣炸後，風味依然😌我地勁勁勁鍾意佢無骨，啖啖肉，享受...＜蒜香酥炸魷魚 (跟餐) >魷魚又係條條肥嘟嘟，當零食，一條接一條！我地又氣炸左次lol 打開對住個隻蒜蓉香味，真係毫無抵抗能力，啖啖都刺激味蕾！< 辣芝士炸雞餐 ($49) >好重芝士粉味，辣味過下口癮，Simba唔太食得辣，都覺得呢隻組合都夾，鹹甜芝士平衡返個辣味。無骨得黎仲要大大件，抵食。今日食得好heaty lol 但都開心留左quota比HAHA. 要知道，興起要食某樣野，然後又俾你搵到有能力食到，係幾咁令人興奮！下次癮起，food🐼一下先，就認真坐定定等食。…Read More

今日去City探朋友，lunch見個面 唔咁頹係canteen啦，約左係white zone鬆一鬆，City人一定明啦呢間J.S. foodies都幾eyecatching, 佢旁邊係boutique, 另一邊就係cafe咁樣，啲deco都幾有心思都多人黎，一邊傾計一邊等，都差唔多30分鐘先有得入~~點左一份main share呢款pasta個碟大大，都幾得意，見到啲三文魚子已經心花怒放 睇佢細細碟，但都夠我地食，佢個sauce都幾重味，食多幾啖都真係幾咸xD 魚子卜卜卜，開心。入黎前都係比佢嘅pancake賣相吸引到，點可以放過 hmmm呢份焦糖布丁pancake上到枱，感覺冇想像咁靚，哈，不過唔緊要，都係味道緊要啲..我地覺得就不過不失，或者下次試souffle會開心啲，口感會特別啲~~…Read More

中學時期已經會黎嘅，嘉樂冰室..由十幾年前(爆年齡series) 要排隊，到今日都係咁仍然，佢店後都係被懷疑係一個雞場...多蛋到一個點...今日兩個女仔，食唔得多，先要份三文治係鮮牛嘅心情..你睇..蛋蛋嘅澎湃..真係好難唔對佢念念不忘。今日冇quota食Omelette..但記得第一次比佢收買左個心嘅就係佢份細奄列「咳咳，我係叫左份細..」｢呢份咪細lor! ｣ 大家去開應該知咩事。嗱，個胃點都留定位比雞翼..佢真係漲卜卜到....juicy到..個甜辣醬又係好夾…Read More

同朋友好耐冇食Saizeriya..呢間係屯門蝴蝶邨嘅薩莉亞，人少少，感覺幾舒服~~兩個人order左三樣野食，而且都係我去親必定會嗌的 感覺返晒黎:)一定要有一份飯 正sauce濃郁，飯量唔洗多，剛剛好，就係鍾意佢咁嘅portion..Pizza都一定唔少得，cheese fans嘅我地...點會放過熱門嘅水牛cheese pizzanom nom nom批皮唔太厚，連邊都食埋菠菜就真係我私心鍾意嘅，難得朋友都ok, yeahhh 雞肉唔洗講，係我長期至愛，雞肉一定冇錯 太滿足又係啖啖cheese, 有d蔬菜個餐都冇咁evil(自欺中..) …Read More