愛吃的小胖's Profile

薩莉亞已經食過好多次，差唔多每區都有一間，甚至有啲超過兩間，見好耐無食過，今晚就同老公去食，今次就揀咗第一城分店，我地大約7點左右到，2位等五張枱，等咗大約20分鐘就入得（都算快）入到去用手機掃code落單，已經聽到隔離枱話等咗好耐仲有幾樣野未到，會唔會漏咗單🫣我因為叫咗個沙律🥗無需煮，所以好快就到，到我食咗一半個沙律，老公個墨魚汁意大利飯就到啦🦑個賣相就⋯算，（老公話分量少驚唔飽，我話咁快啲加野啦，唔知等幾耐）講番個飯先，老公話都好味同熱既，等到老公差唔多食晒個飯，雞翼同芝士焗粟米🌽嚟到啦，跟著就一路等⋯等埋加單既漢堡扒⋯繼續等⋯其實有其他枱都等好耐先嚟野食同聽到其他人對呢間店既服務同衛生既意見睇一睇時間原來個漢堡扒等咗半個鐘仲未到😫我地唔等出去埋單順便叫佢取消，個收銀都ok既，有講唔好意思，今餐真係好失望🤦🏻‍♀️又未夠飽😔平時上菜好快架嘛，快到成枱都係，今次有食法國餐既感覺食完一道先上下一道😟…Read More

最近又想食下素，所以今晚同老公嚟咗大自然素食食晚飯，我地大約6:50左右到，要攞飛等叫號碼，下一張就到我地，因為7:00前埋單就有8折，所以都唔駛等好耐（一定有人7:00前埋單😅）等咗大約十五分鐘就入得，大自然選擇都算多，份量都多，其實兩個人叫兩個熱食都好飽（多人一齊食既可以叫多幾樣，試多啲款式😊）今日就叫咗兩湯一餸一飯原盅黃耳素翅燉椰皇🥥陳皮白菊素蛇羹🐍泰式松子甜酸筍殼魚🐟原隻金瓜焗飯🎃…Read More

陳根記係禾輋既時候同老公（當時男朋友）😂已經食過幾次，到搬咗入大埔改咗名叫饑落亭一直都好想試下，開鋪初頭因為坐位唔多一係要早去唔係就要等位🙇‍♀️所以都未食到。今年母親節因為疫情影響就叫外賣試下，家人第一次食都覺得好味所以到父親節疫情亦好轉於是就決定同家人去食，早2日前打去訂位，要6位以上先接受訂位（我地岩岩好6位）😉可能假日分時段，早段可訂5:30/5:45/6:00限時90分鐘。我地Book咗6點，時間算早唔算太多人，叫餐係會比張單你，自己睇餐牌寫低你想要個餸既號碼，好方便（唔記得影底😅）廚房出餸都好快，比起叫外賣仲大碟，又夠鑊氣，熱辣辣超正呢個真係必食，6個人叫半隻都夠，差唔多每張枱都叫（可選例牌/半隻或者一隻分量）寫落單紙記住寫埋要既分量呀😉，當頭盤食，雖然好“公”👃但超正“公得好過癮”呢個黃金豆腐有d失望可能廚房趕出餸，咸蛋黃煮得唔乾身，仲濕既分量好多，好香呢個唔叫得煲，因為唔係煲上🤣我地6個人每人都飲到2碗湯，伙記會跟支糊椒粉，但其實個湯已經勁糊椒，都唔需要加個鯪魚球加咗果皮同木耳絲豚肉無骨，啖啖肉呢個炒蜆原來留咗單，等咗好耐都未見有，就問下伙記，點知佢話無嚟就無架啦…一係等下一係就埋單走吓，咁都得我地見未夠鐘交枱就等下啦…見其他枱遲嚟都上咗，於是我地同另一個伙記講唸著取消埋單走，佢聽到話未嚟即刻同我地跟，話留咗單即整（呢d先係做野架嘛）好快就嚟咗啦！呢d係屋企唔會整，所以一定要試，無手撕雞咁“公”👃都好正我地叫咗8個餸，2支啤酒，3個白飯，都係八百幾蚊，其實真係好抵食比埋上次叫外賣既相大家睇下堂食食正好多:)…Read More

今晚自己一個食晚餐， 求其去大家樂食個快餐醫飽個肚， 見到有鐵板餐， 有牛扒餐，豬扒雞扒司華力腸餐， 可跟燒汁/黑椒汁/洋蔥汁， 最後決定要 豬扒雞扒跟洋蔥汁， 仲有酥皮週打海鮮湯 ， 可能岩岩晚餐開始，廚房整得靚d攞餐竟然有驚喜擺得好靚又好味自己倒汁落去，嘩！塊鐵板夠熱，真係“咋咋聲”，仲“咋”咗好耐 酥皮湯都夠足料係快餐店飲都唔會其望太高，總括嚟講，分量足夠😏 可以再encore🤗…Read More

一直都好鐘意食意粉屋既下午茶，抵食又大份，年頭唸著去食，點知圍晒版內部裝修😭無得食，今日瞓醒突然想起佢，於是就搭車去食😋今日食佢既午餐，每次都唔介意加$飲佢既酥皮湯真係好好飲，野食都好好味，餓住搭車過嚟真係值得，超滿足呀…Read More

商場裝修後加入咗好多新鋪頭，今日就嚟試八番屋，叫咗個叉燒拉麵，同豬軟骨野菜拉麵，唔好睇佢隻碗唔算好大，但原來麵底都算多🤭湯底都唔錯，只要有叫麵或者飯，野飲就半價🥤另外加配咗三味較子，有原味，芝士同香蔥叉燒三款叉燒拉麵d 叉燒都大塊唔薄身，岩晒我呢d要大件夾抵食既心態不過無睇清楚餐牌原來蛋要另加$老公叫咗豬軟骨野菜拉麵，豬軟骨好淋好正呢個就本身已經有蛋菠蘿梳打就不過不失我就飲菠蘿乳酸梳打呢杯好飲，唔錯三味餃子無咩特別，基本全部都係原味餃子，只係加咗塊芝士同一執香蔥叉燒喺上面值得一提舖頭會有電磁爐一路煲住熱水淥筷子，讓客人感到衛生…Read More

疫情關係好耐無同家人出街食飯，屋企附近開咗間幾特別既放題，一於去試下，一去到店員會講解下食野既流程首先會有5款小食（可以任加）我地每款都加咗一轉，跟著就勁啦，會上一隻成長枱咁長既刺身船，要由2個店員一齊搬上枱（不可再加），再嚟就係雞煲可揀唔辣/bb辣/中辣，我地唔太食得辣所以揀咗唔辣，D雞好嫩滑，（雞可以再加）但要留肚食最後一Part所以無加（雞份量都有一隻）食完雞煲就係打邊爐啦，個鍋好靚😍個湯底好好味，有3款揀，我地揀咗老火湯好足料，每人飲2碗先開始打邊爐，火鍋料有海鮮，肥牛，手打丸，響鈴，炸魚皮，菜……全部都可以任加，食到呢度個個都捧住個肚，超飽，仲未完架，最後仲有甜品芝士蛋糕，甜品可以拎走，太飽啦…甜品要拎走，呢餐個個都話好正👍…Read More