Foodie_candyui的個人專頁

為了慶祝生日，我搵到一間任食壽喜燒嘅餐廳，仲有買三送一優惠，即刻約咗朋友柴娃娃一齊去試新嘢，超興奮！一到餐廳，門口店員問我哋揀咩湯底，我哋選咗豬骨湯，店員就帶我哋去坐tatami座位。座位好舒服，我哋帶咗個BB，佢喺tatami上玩得好開心！店員帶位時好快咁講解咗食材同醬料放喺邊，服務算周到。我哋就去拎食材同醬料，返到座位見到個豬骨湯已經上枱。我心諗：點解係火鍋湯底？以為係食完火鍋先到壽喜燒，雖然覺得怪怪地，但見餐廳好忙，就冇即刻問，開始食先。食到一半，我問店員幾時可以食壽喜燒，點知佢話揀咗火鍋湯底就唔包壽喜燒！如果想轉食壽喜燒，要另外加錢（唔知幾錢）。我哋一聽就呆左！因為預約時我哋已經講明揀咗Lv4套餐（$498），按餐廳菜單，Lv1-Lv3（$228-$398）只有日式火鍋，Lv4先包壽喜燒。我心諗：我特登揀壽喜燒餐，點解而家食唔到壽喜燒？仲要加錢先食到，呢個玩法真係好怪！老實講，餐廳嘅食物質素其實唔錯，環境同服務都OK。但我畀咗壽喜燒嘅價錢，結果食唔到壽喜燒，真係好失望！如果餐廳喺訂位或帶位時清楚講明湯底同壽喜燒嘅分別，或者安排食物時更貼心啲，應該可以避免呢啲誤會。今次無得試壽喜燒，真係有啲掃興🥲…查看更多

前幾日同朋友相約食lunch，見到呢間餐廳有lunchtime優惠，兩點後第二位半價，超抵！於是同朋友決定一試！餐廳位於K11二樓，出lift就即刻見到，位置超方便。餐廳環境開揚又舒適，最角落仲有個live band位，夜晚嚟食dinner應該好有Feel🥰。我哋揀咗lunch menu入面嘅「麻辣雞漢堡」同「黑松露大蝦意大利粉」，另外跟餐有餐湯或沙律，我地一人叫一樣試試。當日嘅「蕃茄忌廉湯」味道不錯，湯質地綿密，忌廉嘅甜味同蕃茄嘅微酸完美平衡，超開胃👍🏻。🍔 麻辣雞漢堡係個驚喜！雞肉嫩滑，麻辣醬汁惹味但唔會過辣，帶點微麻嘅感覺，配上厚實又軟熟嘅漢堡包，味道一絕！仲有大份薯條，超豐富😁。🍝 黑松露大蝦意大利粉意大利粉新鮮炒製，黑松露香氣濃郁，配上爽口嘅大蝦，味道好夾。意粉口感彈牙，食落一口接一口，停唔到😂如果賣相再精緻少少就完美了😉餐廳環境實在太舒服，我哋忍唔住開咗支酒，同朋友一邊飲一邊傾，過咗一個好chill嘅下午🥂餐廳做第二位半價呢個優惠真係物有所值，今次嘅體驗真心不錯！下次一定要試試佢嘅晚餐❤️…查看更多

今次生日飯真係又可以打卡又可以飲飽食醉 今餐真係超滿足❤️踏入5月尾 雙子星生日月 又可以不停食好西 真係好開心🥰食飯當日好好天 加埋無敵大海景 真係未飲酒就已經開始醉😂中午Bunch$580有生蠔做前菜，六款小食任食，食小食食到夠哂先再上主菜，然後仲有生日甜品，食物方面，生蠔係日本蠔，好新鮮❤️店員仲不停建議上去40樓影相打卡，40樓係室外全海景，感受到少少海風，我地仲拎住杯白酒上去飲，望住無邊無際的海景，真係好放鬆心情，心曠神怡❤️好鍾意唔使囇住太陽室外嘆海景，真係用優質黎形容今次的用餐體驗👍🏻非常建議大家一定要過黎試下❤️…查看更多

平時帶bb去街最鍾意去唔同既商場 貪佢有冷氣又有育嬰室 方便又比較乾淨 今次帶bb出動去#奧海城 仲要見到之前去深圳好鍾意食的#綠茶餐廳 更係要試一試佢啦～🦐粉絲裹蝦-有店員即場用Gas爐熟熱返「粉絲裏蝦」 保證夠哂新鮮滾熱辣👍🏻份量十足，有好多隻蝦同粉絲，豉油底同蝦同粉絲係唔會輸既組合，好味❤️🍲蝦湯泡飯-泡飯有脆米後加落泡飯裡面，每口都有脆米增加口感，蝦湯唔會太濃，剛剛好，有解膩的效果，很不錯的泡飯❤️🥦香鍋花菜-好鍾意呢款類似泡椒的炒菜，食落完成唔辣，但係又好惹味，花椰菜有少少豬肉的豬油味，好味❤️🐚鮑魚小炒肉-佢由尖椒+鮑魚片+豬肉而成的菜式，是沒有原隻鮑魚的，食落係平常的小炒皇，味道正常～🪽金沙雞翼-外皮炸得好脆，有少少咸蛋王味，味道平衡做得不錯，如果熟透度可以輕手一點會更好😊🧋龍井檸檬茶、暴打鳳梨茶-飲品做到深圳風味，就係有主題的味道又帶一點鮮甜，個人覺得好好飲Good❤️香港的綠茶餐廳同深圳的綠茶餐廳環境相當不同，香港的環境帶現代清新感，座上很舒適，價錢屬於大眾化價錢，菜式整體份量偏大，帶埋bb車去食飯都唔會覺得迫，今次體驗都相當不錯，可以再去🥰🥰…查看更多

次次經過新蒲崗都好想試下佢既「沙嗲牛肉麵」今次經過佢終於係未收鋪加上好肚餓，所以即刻衝入去，原來3:30之後就差唔多關門，所以遲過4:00都要食閉門羹喇😂大家留意返👍🏻我地試左「沙嗲牛肉麵」同「乾炒粒粒通粉」，不過可能太有期望，「沙嗲牛肉麵」唔算好有驚喜，沙嗲味偏濃，屬於發揮正常的「沙嗲牛肉麵」，反而「乾炒粒粒通粉」個人覺得好好味，好似大排檔炒小菜咁，好有鑊氣，而且仲好足料，勁多午餐肉同腸仔，個人覺得好好味，係值得一試既炒通粉❤️下次撞岩未收鋪，都會入黎呢到食野，再試下有無其他水準之作😁…查看更多

今次朋友介紹呢間鐵板燒真係唔錯，我地三個人叫左一個二人「極上和牛套餐」同一個「特選套餐」，兩個套餐食唔同既海鮮，食材方面相當新鮮，每次上菜都會介紹用左咩材料同埋有建議食法，我唔食和牛可以轉豚肉，廚房烹調時雖然無大火表演睇，但係食落係有一貫投巧，全部都煮很好味，只係羊架煮得比較熟，食落有「嚡」口外，其他的熟透度都剛剛好，個人覺得「海膽黃金燒大蝦」同「活龍蝦」最好味，龍蝦當日係「青龍」，佢既質地真係好彈牙同好新鮮，如果想去銅鑼灣食鐵板燒，真係可以過黎試下😊P.S 我地係當日book位，即時叫佢安排生日甜品都做到，真係好有效率👍🏻…查看更多

早排見好多人去呢到打卡 我都湊下熱鬧 試下係咪真係咁好味😂第一次去旺角店，估唔到串燒店既環境可以咁有情調，如果加多少少日本裝飾，好有居酒屋feel🍶食物方面，同一款食材可以有好多唔同調味選擇，唔會所有串燒都係同一款調味粉，今次試到好多唔同既口味，滿足到食串燒時的不一樣，很不錯的體驗👍🏻餐牌上寫住即叫即燒，我地叫左大概5分鐘，大部分餐點已經開始上菜，所有串燒都好熱，一d都唔hea❤️餐廳限時兩個鐘，但係又唔會食得好趕，因為上菜好快，所以食得好爽，而且啤酒仲要買一送一，好抵飲👍🏻味道屬於港式風味，麻辣唔算好麻，味道似香辣，而且都幾辣，唔食得辣但係鍾意麻既人要留意返😊平時想食或者未食過既串燒都有，選擇都幾豐富，大家如果去食既話記得留定肚，每種調味試下都有排試😂如果鍾意食串燒既話 呢到係不錯既選擇👍🏻…查看更多

拍青瓜花雕凍鮑魚-鮑魚肉質柔軟得黎好彈牙，花雕味平均，青瓜好清香，唔錯的餐前小食👍🏻七味金磚豆腐-外脆內軟的豆腐，口感一流，外層的咸香很出色，好味❤️燒味三重奏-三重奏有海蜇、乳豬同半肥瘦叉燒，乳豬皮脆到好似薯片咁 好正👍🏻半肥瘦叉燒肉質都幾滑 如果質地可以再幼嫩的話 口感會更豐富～明閣炸子雞-金黃酥脆的外皮 包住肉質鮮嫩多汁的肉質 發揮不錯👍🏻薑蔥上海年糕龍蝦煲-龍蝦好新鮮同埋都幾厚肉 上海年糕充斥住龍蝦的鮮味 加上煙靭嘅口感 竟然佢好有驚喜😂雖然佢有少少貴 但係享受非凡❤️窩燒蔥香鵝肝A5和牛炒飯-味道方面 鵝肝比和牛味道更出眾 但係整個炒飯帶有濃郁的肉香 好惹味 米飯粒粒分明 口感滑順 食埋佢 整餐飯好滿足🫶🏻…查看更多

第一次係香港食米芝蓮二星餐廳 餐廳不論服務質素、餐點味道同環境情調 完全對得住佢拎住兩粒星既名銜❤️食物方面 我地總共叫左八道菜 前菜叫左「蟹粉土豆餅」外層脆脆包裹住滿滿的蟹肉 再點上鮮美豐富的蟹粉 是一道打開味蕾的出色前菜👍🏻個人最喜歡「桂花陳酒桂鱔」桂花陳酒香氣濃郁 包裹住整件桂鱔 食落好juice 而且口感爽脆彈牙 真係超好味❤️招牌菜「蜜餞西班牙黑豚肉叉燒」又係另一出色之作 每件都係半肥瘦 蜜餞甜度適中 肉汁完全鎖住係肉入面 係一個口感好豐富的叉燒❤️驚喜之作「煙燻滷水鴨肝配脆饅頭」因為有煙燻效果 開蓋時特別有儀式感 很高雅的感覺 鴨肝帶濃濃的煙燻香氣 配上口感鬆化 類似餅乾質地的脆饅頭有一種味道新體驗的享受👍🏻鴨肝同平時食西餐的烹調方式完全不同 第一次食呢種質感的鴨肝 真係超級好味 呢個係必點之選❤️另外仲點了「招牌鹽香雞」、「醬燒蜜椒豬肋排」、「百合腰果蓮藕炒爽脆」、「大澳蝦膏牛崧炒飯」 味道不錯 整體食物體驗相當優質 非常滿意 今次朋友挑選既餐廳真係超好推介 大家想食優質中菜 或者有外國朋友返黎介紹香港 一定要帶佢黎呢到試下👍🏻…查看更多

今年做左長沙灣街坊 長沙灣出哂名多食肆 我同屋企人都好鍾意周圍食唔同既餐廳 今次就揀左呢到試下食晚餐 我地叫左「酸菜魚」、「辣子雞」、「血旺肥腸煲」呢三道小菜 佢地既味道 好有港式川菜既風味👍🏻「酸菜魚」-我地叫左小辣 酸辣唔會好辣 麻味唔濃 魚肉好爽嫩 份量都幾大碟 足夠兩人份量👍🏻「血旺肥腸煲」-上菜時新鮮滾熱辣 肥腸好彈牙脆嫩 豬血完全吸收哂湯既精華 湯汁好濃郁 呢個餸拎黎撈飯一流❤️「辣子雞」-雞肉炸得剛剛好 唔會太乾身 每一口都帶花椒香味 帶少少麻辣 而且都有好多雞肉 好味👍🏻餐廳整體食物份量都偏大碟 座位有卡位有圓檯 如果一家人黎食飯都可以坐得舒服 服務質素唔錯 可以再食👍🏻…查看更多

上次有朋友極力介紹呢間烤肉店 話呢到性價比好高 很高質 今次要同朋友慶祝生日 所以就去呢到試一試Book位個陣預訂左$198「大得驚人牛小排」點菜時要通知店員一聲已預訂 因為呢款牛先到先得 賣哂就要等下次喇 個人覺得一定要試下呢塊牛 因為佢有齊牛的四個不同部位 每一口都有不同肉質同口感 如果鍾意試牛的不同部位 呢個係必點之選❤️🐃一本壺漬牛胸膜肉-一大片的牛胸膜 有一定的厚度 肉質好煙靭 今次叫店員先釀上特調的醬汁再燒 醬汁跟牛膜膜的味道超級夾 而且燒得剛剛好 真係味道一流❤️🐃特上和牛魔鬼牛肋肉-口感係A5和牛的質素 入口即溶既口感真係食一口就溶化左個心咁😍非常好味❤️當日仲叫左豚肉同扇貝 個人覺得發揮正常 對得住價錢的質素😊餐廳位於靠近邊寧頓街 係京華中心個邊既渣甸街行過去 直行到尾就會到喇 係利園二期既後街 大家去既時候要留意返😊～P.S 餐廳唔收切餅費的❤️…查看更多

有朋友介紹新蒲崗有間米線店幾好味 作為米線迷既我 更係要過黎試下啦😁呢到最出名係「炭燒豬頸肉米線」差唔多檯檯都有一碗 我地更係要叫黎試下啦 豬頸肉係分開上的 豬頸肉的外皮甜甜地 有脆邊 Size大細適中 肉質少少煙靭 整體幾好味 湯底叫左酸辣湯底嘅小辣 辣度適中 湯頭好濃郁 酸辣平衡得幾好 米線份量略嫌偏少 男仔食可能要加底先夠飽 但係整體質素很好 專登揸車過黎都值得❤️另外我地仲叫左「慢煮豬軟骨米線」、「招牌魚腐米線」個人覺得豬軟骨發揮正常 呢個米線跟招牌豬軟骨湯底 豬軟骨湯底好鮮甜 好有驚喜 如果鍾意食清湯一定要試下❤️另外的「招牌魚腐米線」魚腐外皮煎過再擺落煮好的米線上 食個陣仲係脆口 質素唔錯 而且仲有5粒 可以過足口癮👍🏻小食方面 我地試左另一個招牌菜「招牌手作蝦多士」 蝦多士係新鮮炸起的 蝦係蝦膠 蝦有少少雪味 不過口感一流 脆卜卜 唔錯👍🏻另外的「椒鹽雞翼尖」賣相一流 炸得剛剛好 椒鹽味做得好好 食一隻 又食下米線 超級夾❤️個人覺得除左米線唔錯外 小食各方面都做得好好 除左試米線都可以試埋小食😁當日閒日夜晚大概7點幾左右 等左半個鐘到先有位 朋友話閒日下午係可以直入 大家可以留意返😊…查看更多

今日終於有時間可以相約朋友一齊去食lunch,朋友就介紹左我地食燒肉 話午市套餐好抵食 每人叫個一人套餐 就可以享用75分鐘的自助吧放題 自助吧有成40款食物 當日小食有蘿蔔炆牛肉、煎餃子、仲有兩款唔記得左😂另外秋葵、翠玉瓜、車厘茄同幾款菇、紫菜飯同雪糕可以任食 仲有咖啡汽水任飲～今次我地叫左三款套餐 有齊豬、牛、雞,個人覺得「佐賀A4和牛小排」既油脂分怖同肉味既平衡做得好好 推薦❤️另外「霜降豬頸肉」既肉味好濃 油脂好香 質素很好👍🏻其他肉類的整體發揮屬於中上 以百幾蚊一個套餐黎講 個人覺得物超所值 而且服務態度很好 係一個高空的舒適環境下同朋友一路食一路傾計 今次既午餐體驗非常滿意 大家係銅鑼灣想食燒肉一定要過黎試下😊…查看更多

呢排好想食意大利飯 今次就搵左呢到試一試佢個Lunch Set,Lunch Set有沙律或者餐湯、主菜同餐飲 如果想飲特色飲品或甜品 可以另加$18～🧀芝士蘑菇意大利飯-淡芝士口味同蘑菇味平衡做得好好 每一口都帶有蘑菇味的餘韻 意大利飯質地好綿密 入口爽口煙韌 係一個好層次既意大利飯❤️🐷炭燒慢煮豬斧頭扒-濃郁豬味的斧頭扒 部份位置做到九成熟 可以保留住肉汁 咬口質地好豐厚柔軟 如果好鍾意食豬扒 真係要過黎試試❤️今次體驗相當滿意 不論環境氣氛同食物質素都相當好 價錢方面我都覺得性價比高 大家可以一試👍🏻…查看更多

上次見到介紹 呢到環境好靚 無敵大海景+中式格調裝修 適逢有朋友生日 就提議過黎試一試😁🐣川味手撕農圃雞-呢個係平時食開的雞絲粉皮 粉皮好彈牙 手撕雞好嫩滑 加埋新鮮芫荽 很好的開胃菜❤️🐷滷水豬腳仔-豬腳仔既骨細細粒 啖啖肉 可以好斯文咁食👍🏻滷水味唔濃 反而有少少似醉雞汁浸豬腳仔😂🐖鵝肝醬片皮乳豬件-鵝肝醬連埋多士+乳豬皮一齊食 本人覺得比較油膩 如果分開食反而幾好味😂乳豬皮普通 鵝肝醬好厚身好大片 如果多士可以脆口多少少就好喇😊🐽菠蘿咕嚕肉-酸甜度做得好好的咕嚕肉 外皮鬆脆 整體唔錯～🦞龍蝦湯西施炒飯-龍蝦湯好鮮甜濃郁 食一啖 龍蝦味籠罩住口腔久久不散 超好味❤️泡飯無平時食既脆脆 但係飯既質感好有咬口 唔錯 呢個係必點之選💪🏻🍤金果青檸明蝦球-外層用咸蛋黃包裹住 食落帶青檸的酸味 青檸味令咸蛋黃的油膩感平衡返 好好味 成隻蝦好肥美好大隻 食哂成隻飽左😂🫛欖菜素雞乾煸四季豆-豆干炒得好入味 正常發揮的四季豆🐓脆皮醬油燒雞-脆皮雞啖啖肉 外層好酥脆 內外都燒得剛剛好 很有質素的燒雞👍🏻👍🏻如果早少少黎到 可以嘆哂日頭同夜晚景色 180度無敵海景相當醉人🌃 當晚天色仲要相當清澈 真係很讚👍🏻食物質素屬於一級享受 呢到真係相當適合慶祝生日及紀念日的好地方❤️…查看更多