sumnie's Profile

第一次黎食果係佢新開張第一個星期。果次叫左午餐咖哩吉列豬扒飯，，送提子汁。咖哩同吉列豬都好食冇問題....唯獨是D飯竟然生米算啦，新開張可能師父仲未掌握得好。第二次，比多次機會佢個咖哩吉列豬扒飯!!好好食呀~~今日興之所至，又再次光顧。去之前同事極力介紹「汁燒雞扒飯」同「燒青魚飯」。仲話燒雞可以燒到乳豬皮咁、10分為滿分，青魚可以有12分咁話喎~好!!!就即管試下個「汁燒雞扒飯」先~點知午餐牌冇左果個飯 唯有問下啦~ 侍應話而家冇做午餐，但如果要都可以做比我，不過要等15分鐘。同事咁讚口不絕我又點會唔試呢，而且佢係即叫即做，我同事未落order佢就話落左我果個先，等我快d有得食。燒汁起飯底，好好味:)仲有醃羅白、中華沙津做配菜，真係做到色香味俱全。同事既咖哩吉列豬扒撈烏東，都好正呀!!!希望水準會keep住啦，好想快d試埋個12分既燒青魚飯呀!!!!整得好食既餐廳冇幾多間，為左以後都可以享用到咁正既lunch，極力推介呀!!!…Read More

聽人講lee間雷神d野幾好食~ 就即管去試下有幾好食先~~1點去到冇咩人喎~ 好快就有位~ 老闆比左好多餐牌比我地，又有咖喱又有烏凍又有定食~ 好多花款~話明日本野，梗係要試下佢d刺身定食啦!!!叫左一個三文魚刺身定食，45蚊一個都唔平喎~先黎一個「前菜」又酸又霉既醃菜幾片，乜日式定食既前菜係咁既咩係都比個蟹子沙律啦~冇切清哂d「皮下脂肪」有點兒.....兼且唔新鮮，要點好多豉油先入得口!!! 成個set既賣相...白飯加薑送剌身-..-"成件事...唔match lor一d面豉味都冇既面豉湯~~好似飲緊滾水+酒咁!!! bad!!!!食完之後，完全冇食完日本野果種滿足感。好失望!!!唔會再去!!!…Read More

晨早去到拎位，點知等左勁耐先入到去。入到去原來好多吉檯，楝哂牌仔做留座!!!唔怪之得等咁耐啦!!!好啦，我地7個人，點知比張4人檯我地，咁都算。檯與檯之間既距離仲要勁窄，跟本上坐左埋去，張凳已經頂住隔離檯客既手踭，坐都坐得唔安樂。開茶飲，點知侍應話要等等，因為冇哂茶壺喎!!!咁既藉口都有!!!唔夠茶壺又學人開茶樓? 真係好笑。食物質數叫不過不失啦~ 不過成日比烏蠅so擾，由一開始到差唔多食完都係咁飛黎飛去，好討厭。7個人食左$378蚊野，每位54蚊，飲個早茶都唔叫平喎!!到我地食完之後，佢大部份reservce左比人既檯仍然係冇人坐。有位冇人坐，有人就要等好耐，唔通咁大間酒樓，只鐘意做熟客生意??…Read More

今次去食，主要係因為元朗已經冇咩打邊邊好食，lee間又新開張所以就試下。晚市9時前入坐每位$138未計加一，另加$15可以任飲，不過就由入坐起計限食2個鐘。食物方面，選擇都算係咁啦。特別之處係有餐前小食、餐前串燒，最好就係大伙兒未齊人果陣叫黎食住先。另外亦有甜品區，不過今次就冇試到。小食、串燒同甜品都係任食。不過要注意既係每一份分份量其實係好少。例如叫一份娃娃菜，佢夠膽死真係比一份1/4邊既娃娃菜你。所以如果大伙兒食，order多d都唔怕!!食物質數方面，都ok新鮮。起碼d菜唔會霉霉爛爛、蝦係新鮮蝦仲生生猛猛、肉類唔會話放到瘀瘀黑黑果種:)。之不過....上菜既速度真係好慢，入座order左湯底、餐前小食同第一round野食，起碼要等成10分鐘。個湯底黎到又要等水滾，都幾哂時間。唔知係唔係限食2個鐘既原因，雖則過左2個鐘佢冇趕我地走，但係我地落左幾次order，追過好多次單，都係冇已經冇野食黎。總括而言，揀得任食火鍋就梗係想食多d，但係由於佢d食物份量少，而且漏單嚴重，如果食完好似冇咩野到肚咁。所以都係食一次就算啦。:(…Read More