chingmy's Profile

今晚去K11睇晚塲，之前個晚睇定食乜。我怕去到無位，所以通常會搵定一啲可以訂位嘅餐廳。咁搵搵下得呢間可以訂，咁咪睇下有咩食。見到menu有鮑魚龍蝦湯飯，又有位訂，雖然係貴左啲，但睇相啲野食ok, 我地就訂啦。我訂8點鐘枱，晏晝叫我地7:45要去到，因為8:15 last order. 咁都算，唯有早啲去啦⋯⋯ 去到搵呀搵，原來呢間野係food court個層。 隔離係間食日本野嘅小餐廳。對住OpenRice 幅相，我猶豫左一陣。 因為個舖面咁細，似賣西餅，小食之類嘅舖頭。 再對多次地址，無錯呀⋯⋯ 咁就行左入去。行入去原來左邊有4張枱。 坐低左，個侍應都好有耐性咁介紹佢地個魚肚飯同鮑魚飯。 之後，睇來睇去都唔見個鮑魚龍蝦湯飯，唯有去問個侍應⋯⋯ 點知menu改左，確實有啲失望。 好啦，唔黎都黎左⋯⋯ 咁就叫佢個推介鮑魚飯細份， 諗住叫鵝肝沙律（因為見上網推介），點知個menu變左得鴨肝⋯⋯ 然後叫一個魚子醬加鮑魚天使面加有香檳個set⋯⋯ 鴨肝一定無鵝肝咁香，但都$280味道可以嘅。我見到個飯，點解同menu張相差咁遠。好⋯⋯ 當自己睇唔清楚。 細份 ==> 係指鮑魚！ 呢碟飯$220。味道可以，但著實唔抵囉⋯⋯最好食算係呢個天使面。 連杯香檳$430重點黎喇⋯⋯ 佢俾個匙我哋食魚子嘅時候，連埋條毛⋯⋯ ⋯⋯ 😰😰😰 （我唔講咁多，自己諗）真係咩食慾都無哂呀⋯⋯ 大哥。 心諗唔係掛⋯⋯ 咁都得，話哂啲野食唔係平架喎⋯⋯😡😡呢餐$1034連加一。對唔住，唔會再黎！…Read More

人日，又趁中午可以出街食。 諗住出街食餐好。上網見YouTuber講過呢間餐廳放題就諗住試下。入到去，大約坐左十張枱，人唔算多，餐廳算係乾淨企理。坐低叫左個中價放題。岩岩出黎啲刺身都算正常OK, 指定牛個盤野就真係一般般。有一款直頭咬唔開成舊吐返出黎。算啦⋯⋯ 諗住掃code點餐，點知啲牛好多都點唔到，其他貴一啲嘅壽司都無。 打邊爐啲蔥、蒜、辣椒都無⋯⋯ 收人地正常價錢，雖然午市7折。 我明白而家市道艱難，但係如果你地一早講有啲食物，而家無供應。 我反而能夠接受同明白。 但係而家咁樣野食都無，係咪都要同客人講聲。仲要無個啲都係一啲比較貴嘅食材。 我感覺係隱瞞客人多啲。 …Read More

如題...今日母親節, 本想好好地跟各親友一起慶祝此一年一度而又咁具意義既節日。。。所以表姐搵左好耐，　聽聞依間私房菜唔錯，　就係度訂左位食晚飯。。我地一行廿多人，　扶老携幼咁走去食啦。。。。一早知冇冷氣，　場內設有一把牛角扇。。冇冷氣唔緊要，　最緊要大家開開心心。。。去到個度，　枱未ｓｅｔ好，　都唔緊要，　咪等下囉。。。等左１５分鐘度，　終於搞掂。。坐埋枱，　又唔夠櫈，　又要自己搵又要自己搬，　都算喇。。話說個度係私房菜，　我地又突然間又多兩個人。。。個老闆娘就好唔好老皮咁講，　喂。。你地臨時多兩個人。。你地唔夠餸架喎我地已經話唔緊要我地夠食架喇。。。（嗱～我地都仲好ｎｉｃｅ咁答佢架~)跟住個老闆娘仲係度話.... 我地啲餸岩岩夠食架咋...你地突然多兩個..唔夠食架~!...(已經唔好聲氣囉...)我地明白多兩個人, 但係我地廿幾人, 有三份一都係小朋友...咁我地仍然都話唔洗喇....點知佢仲話, 加多條魚啦....加多條魚先夠食....咁啲大人就費事嘈....就話是但啦...加就加...但係個條魚要另加350蚊囉....叫野飲既時候又話....我地淨係得可樂咋喎...要飲自己去過面鋪到買....個啲語氣好似我掙佢錢咁...大佬..我黎食野...唔係黎受氣架...ok...都算...食野啦...第一樣...荔芋鴨...芋頭還芋頭...鴨還鴨....啲芋頭好似on side咁...第二樣係蕃薯菜...可算係正常三...係薑醋鷄 ....嘩...真係唔岩味囉....好似酸酸"叔叔"咁...四...豬肚包鷄湯.....可算係有特式...但係淡口左囉...可能係因為先蒸鷄既緣固掛...五....個條魚..另加個條....都可以既....平心而論, 條魚都大條..但係硬要你加個下老套囉...六...炒"on"菜....都係ok既....正常既...七....土魷蒸豬肉....正常既...八....蝦沙律...話明沙律...應該係涷架...就算唔係好涷都唔應該係暖囉....啲蝦係熱既...但係生果係涼既....好奇怪....如果係凍...我覺得係ok既...但係叫個待應撈個啲沙律既時候....佢竟然走開囉......其實應該仲有一兩味既....但係又等得耐, 啲細佬又食到熱冇心機....(唔知點解有牛角扇唔開囉...食到尾先開...)....所以都唔知自己食乜....總之....無論以後啲人係依度post到有幾咁好食.....我地一眾人已經決定唔會再去囉.....請都唔去呀.....…Read More