workforest's Profile

喺石門地鐵站旁邊商場一樓角落，有間高質雞煲，提供多款風味，之後仲有多種火鍋配料揀。服務主動又親切，餐廳夠晒寬敞，通風好好，唔驚食完衫褲一陣味。.🌟花雕藥膳雞煲花雕藥膳雞煲，生雞上枱即場煮。藥膳香氣濃郁，花雕酒味醇厚突出。雞肉煮完口感嫩滑，充分吸收湯汁精華，入味十足。.🌟牛舌心牛舌心用花雕藥膳湯底淥，藥膳香氣溫和。湯底醇厚，帶淡淡酒香。牛舌心切得厚薄適中，口感爽脆彈牙，而且吸收咗湯汁精華，風味獨特。.🌟水魷花雕藥膳湯煮水魷，湯底酒香醇厚，當歸藥材味突出。水魷質地新鮮，口感爽脆彈牙，喺湯裡面輕輕淥一淥，鮮味同藥膳風味結合得啱啱好。.🌟豬頸肉片豬頸肉片油脂豐富，煮耐咗都唔韌，口感軟嫩中帶彈性，充分吸收咗湯汁，食落溫潤唔膩。.🌟十優狀丸呢盤丸類拼盤真材實料。黑松露墨魚丸香氣突出，墨魚丸彈牙；蝦丸鮮甜，入面有墨魚粒嘅墨魚丸口感豐富。整體口感紮實，風味十足。.🌟椰青椰青清涼解渴。椰青水清甜冰爽，帶天然微酸，生津止渴。椰肉白皙軟嫩，可以用匙羹輕鬆刮出嚟，口感滑溜，清香自然。.🌟龍鳳檸樂香港經典特色飲品，鹹酸交織，巧妙平衡可樂嘅甜膩，口感層次豐富，生津解渴。…Read More

田記之前已經有兩間分店，第三間新店終於開張啦！餐廳用餐位置闊落，光猛乾淨，服務主動又有禮貌，而且上菜速度好快，好夾返香港人食lunch嘅節奏。.❤️餐廳優惠指定時間食麵或者飯，即送熱飲，凍飲加3蚊，價錢真係好合理親民❤️.🌟崩沙牛腩河牛腩炆得軟腍入味，筋膜帶少少爽脆。河粉滑溜，加一匙辣油，香氣即刻出曬嚟，更加惹味。.🌟牛三寶幼麵牛腩軟嫩、牛肚爽脆、牛筋膠質滿滿。幼麵口感彈牙，原湯濃郁。跟口味加一匙辣油同少少醋，酸辣吊味，更加開胃惹味。…Read More

在旺角開了一家連香港人都愛吃的湖南菜，很懂港人口味，價格相宜，人均五十就應吃到飽，難怪成為本地香港人最愛吃的湘菜，成為排隊王。.餐廳位置交通方便，下雨居然送傘，貼心爆炸，同時用餐位置寬敞，家庭聚會，好友聚餐同樣合適。.還有一點必須提，餐廳現點現炒，出餐速度極快，菜品多樣，彈性又大，可選不同辣度，仲有午市套餐人均50，免加一是周邊同學打工人日常飯堂之選。.🌟湘式拌魚皮爽脆彈牙，芥末味點到為止，不嗆不衝，只提鮮。搭配的香醋與辣油溫和開胃，整體清爽，是道不錯的餐前小菜。.🌟湘味酸菜魚酸菜魚份量實在，魚片給得大方，口感滑嫩。酸菜脆爽夠味，湯底酸辣鮮香，讓粉絲吸飽了湯汁，非常入味，下飯之選。.🌟膠原脆皮豬手豬手功夫到家，經滷水慢煮12個鐘非常入味。外皮炸得香脆，內裡卻依然軟糯黏唇，滿滿的骨膠原口感濃厚，香而不膩。.🌟辣椒炒肉辣椒炒肉鑊氣足，豬肉片炒得香嫩，油脂豐腴。辣椒鮮辣開胃，醬汁濃淡適中，非常下飯，是道經典不敗的家常風味。.🌟乾鍋肥腸肥腸處理得乾淨，先鹵後炒，口感軟糯中帶有嚼勁。以大量辣椒、花椒和香料爆香，麻辣入味，鍋氣十足。.🌟麻花糍粑花糍粑口感豐富，外脆內糯，附上的紅糖滋味醇厚，提沿沾食，甜味更有層次，風味更佳。.🌟鴨屎香檸檬茶檸檬茶份量驚人，確實物超所值。鴨屎香茶底醇厚，帶有獨特花香，與檸檬的清新酸爽融合得恰到好處，冰涼解渴，非常適合搭配重口味的湘菜。.🌟解暑西瓜檸檬茶西瓜檸檬茶果肉豐富，有大塊清甜西瓜。檸檬的微酸更襯托出西瓜的鮮甜，冰涼清爽，超大杯的份量非常解暑。.🌟大煲飯米粒飽滿，軟硬適中，蒸得恰到好處。熱氣騰騰，散髮著純粹的米香，直接以電飯煲上桌，保溫效果好，份量十足。…Read More

原來太古康怡三樓有間高質填鴨茶樓，價錢抵食，服務親切，每張枱旁邊都有自助熱水機，保證熱水新鮮滾燙，真正水滾茶靚，係聚會好地方。.🌟烤北京填鴨烤北京填鴨，皮薄酥脆，肉質嫩滑。配埋清甜哈密瓜同幾款醬汁，鹹鹹甜甜，味道好特別。.🌟雞絲粉皮雞絲粉皮係經典涼菜。粉皮滑溜彈牙，雞絲撕得幼細。加埋濃郁芝麻醬，香氣十足，口感清爽開胃，夏天食最啱。.🌟青城山杏汁白肺湯湯色奶白，杏香溫和自然。豬肺處理得乾淨，食落爽嫩。湯底醇厚順喉，潤而不燥，味道傳統又暖身，飲落好舒服。.🌟野菌紅燒豆腐野菌香味濃郁，同紅燒醬汁嘅鹹鮮好夾。豆腐煮得入味，外面微微韌，裡面軟滑。整體味道濃厚送飯一流，係一道簡單好味嘅家常菜。…Read More

銅鑼灣登龍街有間人氣好旺嘅川菜，就喺門口都聞到香噴噴，口水都流埋出嚟，胃口即時大增嗰隻。價錢親民，服務好好人，每道菜都即炒即做，鑊氣十足，辣度可以按個人喜好調整，由入門級到愛辣者都啱食。.🌟 雪花牛肉麻辣燙湯底麻香醇厚。鮮切雪花牛肉油花勻循，入口軟滑。蓮藕爽口，寬粉索飽湯汁，牛柏葉彈牙，鵪鶉蛋入味。用料十足，食完成個飽哂。.🌟不二毛血旺飯香辣濃郁，配料多多。鴨血滑溜，毛肚爽脆，仲有午餐肉同黃豆芽等配菜，超送得飯。辣度適中，份量夠哂，係鍾意麻辣風味嘅好選擇。.🌟大盆花菜飯大盆花菜飯鑊氣爆棚，花菜爽脆。用咗五花肉薄片帶香，油潤唔膩。醬汁鹹香適中，掛勻所有食材，勁送飯。份量十足！.🌟百香果冰茉莉酸甜清爽。果香鮮明，與淡雅茉莉茶底融合順口，冰涼解膩。口感清新，甜度適中，是重口味餐點嘅絕配。.🌟芒芒茉莉冰茶果香清新。芒果甜香自然，與清雅茉莉茶底十分匹配。口感清爽，甜度適中，冰涼解渴。…Read More

喺紅磡置富都會商場裏面，有間價錢相宜嘅南洋美食餐廳，提供多款美食選擇，座位舒服，就近火車站同理工大學，係唔少人嘅日常食堂。.🌟招牌亞金無骨海南雞油飯海南雞油飯，雞肉確實滑嫩，起咗骨食落方便。米飯油潤，帶住淡淡香氣。點埋黑醬油同辣椒，味道更加足。.🌟大蝦叻沙湯底濃郁，椰奶香同蝦鮮味平衡得啱啱好。油麵同米粉兩溝，口感豐富。大蝦新鮮彈牙，索滿湯汁之後更加好味。整體份量夠，食落相當滿足。.🌟一字骨肉骨茶配白飯藥材味溫和醇厚，唔嗆唔苦。排骨炆得軟淋，輕輕一咬就離骨。將湯汁淋喺白飯上面好開胃。食完成身暖笠笠，好舒服。.🌟鮮牛油咖央多士多士烘到金黃酥脆，麵包身好薄。中間夾住一片冰凍嘅厚切牛油，同香甜嘅咖央醬形成對比。口感冷熱交融，甜而不膩，係經典小食。.🌟香橙沙冰香橙沙冰質地綿密，入口係清新嘅天然橙香，冇假甜味。冰沙打得細緻，酸甜平衡，非常解渴。.🌟龍眼冰龍眼冰清甜爽口，裏面有去核龍眼肉，真材實料。帶住淡淡嘅桂圓香氣，冰涼解膩。甜度啱啱好。…Read More

喺銅鑼灣有間蒸氣海鮮店，提供多款套餐，包多種新鮮海鮮。餐廳用簾隔開用餐區，一人一鍋，私隱度高，而且通風好好，唔怕衫褲沾味。個蒸氣鍋有計時功能，跟住建議時間蒸，唔識煮飯都完全唔使驚。.今次同朋友分別叫咗🌟九品芝麻套餐同🌟八府巡按套餐，整體都好好食。.🌟貝殼類白蜆鮮甜多汁，大蜆肉質飽滿。北寄貝爽脆，帶淡淡海水味。鮑魚口感軟嫩彈牙。整體海味十足！.🌟其他有殼海鮮肉蟹鮮甜，龍蝦肉質飽滿彈牙，仲有滿滿蝦膏，香氣同味道都好滿足。大蝦爽口，唔使點調味，就咁蘸啲豉油已經好夠味，食到食材原味。.🌟肉類安格斯牛肉油花均勻，肉味香濃，口感軟嫩。雞髀肉就鮮嫩多汁，肉質結實。建議用煮米線嘅上湯嚟灼，蒸熟嘅肉片會稍為韌咗啲。.🌟丸類牛丸充滿濃郁牛骨香，口感彈牙。薑汁皮蛋貢丸味道獨特，鹹香中帶少少辛辣。墨魚丸鮮味十足，質地爽口。三款各有特色。.🌟魚湯麻辣米線濃郁嘅海鮮味同麻辣香氣夾得啱啱好，辣得嚟唔燥。米線口感滑溜，整體味道層次分明，鍾意食辣嘅必選！.🌟南瓜芋頭粥集齊蒸海鮮嘅精華，粥底綿滑，味道特別鮮甜。南瓜帶嚟自然甜味，芋頭增加軟糯口感，每一啖都充滿濃郁海鮮風味，溫潤好食。…Read More

喺西灣河轉角位有間特色日式小店，裝修風格勁啱打卡，老闆好好人，選擇又多，份量十足，價錢親民，係附近打工仔同學生嘅日常飯堂之選。.🌟火炙香料鴨胸咖哩飯鴨胸外皮脆脆哋，加咗焦糖，口感豐富，味道特別，肉質軟嫩，有炙燒香。咖哩香辣溫和，醬汁濃稠適中，同白飯好夾。.🌟濃口蘭王牛肉飯牛肉軟嫩多汁，醬汁鹹甜適中，有隻生蛋黃，蛋香濃郁。米飯吸晒醬汁精華，口感濕潤順滑，食完好飽肚滿足。.🌟柚子漬大根口感爽脆清甜，有淡淡柚子香。味道酸甜開胃，啱啱好可以解膩。.🌟淺漬燒蓮藕蓮藕爽脆得嚟有燒烤香氣。醬汁鹹中帶甜，更加帶出蓮藕本身嘅清甜。味道樸實溫和，係一道清爽嘅燒物小菜。…Read More

喺銅鑼灣登龍街有間新開嘅湘菜館，點菜方式好特別，所有餸菜都用細碗裝住，用蒸爐保溫，睇中邊碟攞邊碟，款式多多，實揀到心水，仲係食辣朋友嘅天堂！.🌟辣椒炒肉夠鑊氣，豬肉片油潤焦香，辣椒爽脆入味。鹹香中帶鮮辣，超好送飯，有住家餸嘅感覺。.🌟蒜蓉白灼時蔬蔬菜灼得爽脆翠綠。蒜蓉落得足，爆香淋面，鹹香惹味。係健康又好味嘅家常之選。.🌟酸辣雞雜雞雜處理得乾淨，口感爽脆。酸辣味調得啱啱好，酸香開胃，辣度溫和唔嗆喉。.🌟蒸陽乾魚魚肉外面微微炸過，外脆香內嫩滑入味，醬汁帶少少辣。雖然有骨，但都係大骨，容易吐骨。…Read More

喺香港仔中心商場有間高質潮汕飯店，人情味好濃，係街坊聚腳好地方。枱邊有自助熱水機，水溫夠滾，沖茶自然就正。價錢抵食，又可以提供高質食物同多款懷舊點心。.🌟滷水鵝片雙併鵝腸鵝片肉質軟淋，鹹香入味。鵝腸爽脆，冇內臟異味，處理得乾淨。仲有入味豆腐，份量夠足，一試就知係潮式風味！.🌟潮式蠔仔粥其中一款潮式代表就係蠔仔粥，蠔仔飽滿鮮甜，粥底綿滑，湯色清潤。加咗芫荽同欖菜吊味，更加有地道風味。.🌟潮州炸油粿外皮金黃脆口，咬開係軟糯嘅芋泥同椰絲，甜而不膩。熱辣辣食最正，係經典潮州甜點，口感豐富，食完好滿足。.🌟彩虹蝦餃皇蝦餃皮煙韌，蝦肉餡飽滿。就咁食已經好鮮味，但強烈建議點少少辣椒油，香辣即刻帶出蝦嘅鮮甜，層次即刻昇華，更加過癮。.🌟銀杏芋泥芋泥口感綿密細滑，香氣濃郁。甜度啱啱好，唔會漏。銀杏軟糯，帶少少甘苦，平衡返成個味道。暖笠笠食就最正。…Read More

坑口站隱藏咗一間高質精緻西餐廳，老闆同客人關係好close，人情味濃，係附近街坊嘅飯堂好地方，餐廳亦都係唔少科技大學同學聚腳食飯嘅選擇之一。.🌟 FIKA炸雞配青檸乳酪醬炸雞外皮脆口，肉質嫩滑多汁，香味十足。點埋青檸乳酪醬，微酸清爽，啱啱好平衡返炸物嘅油膩感。配搭新鮮，層次豐富。.🌟 意大利牛肉他他配鵪鶉蛋多士生牛肉他他剁得細碎，口感軟滑，加入芥末，微微哋刺激開胃又清爽。配埋烤到香脆嘅多士，同鵪鶉蛋黃撈勻之後，更加溫潤濃郁滑溜。.🌟 FIKA自家製豬面肉卡邦尼意粉豬面肉炆到淋滑入味，鹹香十足。意粉掛滿濃郁嘅蛋黃醬汁，口感好creamy。份量夠大，兩個人share一份就啱啱好。…Read More

喺旺角鬧市之中，金雞廣場大廈裏面有間英倫風格西餐廳，環境開揚，有日光透入嚟，坐得幾舒服。而且價錢抵食，好啱同朋友或者屋企人嚟聚餐，甚至當做日常飯堂都得。.🌟香蒜白酒蜆肉意粉 蒜片爆得好香，白酒味好出。蜆肉雖然細隻但係夠鮮甜冇沙，意粉軟硬適中，索晒蒜香，味道經典但又好惹味，份量仲要好足。.🌟煙三文魚忌廉番茄醬扁意粉 煙三文魚鹹香適中，同酸甜嘅忌廉番茄醬好夾。意粉掛汁力強，食落好Creamy，係一道幾開胃嘅意粉。.🌟松露蟹肉沙律 蟹肉鮮甜，份量夠。黑松露醬嘅香味好突出，同清爽嘅沙律菜形成對比。醬汁用咗沙律醋，感覺輕盈，整體口感豐富，帶微酸，幾開胃好食。.🌟蜜糖芥末單骨雞翼雞翼炸得外皮香脆，肉質保持嫩滑。蜜糖芥末醬甜中帶微辣，分量均勻，非常開胃。單骨設計方便食用。.🌟開心果麻糬提拉米蘇 開心果味好濃，面頭鋪滿開心果碎。中間夾住軟糯嘅麻糬，增加咗唔同口感，層次豐富，甜度啱啱好，係一款幾有心思嘅新派甜品。.🌟巴斯克芝士蛋糕 面層燒到有啲焦香，入面質地綿密濕潤，芝士味好濃郁，甜得嚟帶微微鹹香，口感順滑唔膩。…Read More

中環半山雲咸街有一間正宗印度菜，餐廳裝修風格充滿印度風情，背景以大館古建築群作伴，打卡一流，服務員着上印度服裝，係朋友家人聚會好地方。.廚師到巴基斯坦工作期間，得到當地廚娘傳授秘密麵包同烤肉串食譜，成功平衡香料同燒烤技術，深深受到啟發之餘，仲將美味傳開讓更多人可以品嘗到。.🌟Achari Beef Short Ribs 牛肋骨咖喱慢煮美國prime級牛短肋骨十分軟腍，肉質鬆化，輕易離骨。醃洋蔥同番茄gravy嘅微酸恰好平衡咗油脂感，香料風味溫和順口。.🌟Biryani Chicken 印度煲仔香飯配雞肉米飯香氣十足，長米粒分明。雞肉燉得軟嫩入味，香料風氣溫和濃郁。整體分量實在，偶爾咬到番紅花嘅香氣，係令人滿足飽肚。.🌟Garlic Naan 香蒜饟餅烤餅熱辣上桌，外層微脆，內裡軟韌有嚼勁。蒜蓉同牛油香氣濃郁，鹹香可口，單食或者配搭咖哩都同樣美味。.🌟Smoked Gabbar Singh調酒以煙燻氣息為主導，入口先係威士忌嘅醇厚，接續係接骨木花同蘋果嘅甜潤，尾韻帶有苦精嘅微苦同橙香，風味層次豐富。.🌟Chutney's Iced Tea冰茶以紅茶為底，加入咗新鮮石榴同桃嘅清甜果香，口感清爽。點綴嘅脫水橙片增添咗微妙嘅…Read More

喺土瓜灣啟岸呢度有好多間特色餐廳，其中呢間加咗好多綠植元素，用餐環境舒服又放鬆。而且餐廳會定期轉吓餐單，等客人成日都有新鮮感～最新晚餐套餐用匯豐信用卡埋單有八折優惠㗎！.🌟巴馬火腿哈密瓜沙律巴馬火腿鹹香柔軟，同清甜多汁嘅哈密瓜形成鮮明對比。生菜爽脆，加埋西柚呢類生果，酸甜開胃。.🌟吉列帶子明太子蟹柳忌廉意大利麵吉列帶子外脆內嫩，蟹柳鮮甜。忌廉醬汁濃郁但唔膩，明太子提鮮恰到好處。麵條軟硬適中，掛滿醬汁夠飽肚又好味。.🌟紐西蘭穀飼肉眼扒伴時令蔬菜黑椒燒汁紐西蘭肉眼扒肉質軟嫩，油脂適中，黑椒燒汁辛香濃郁，同肉汁好夾。時令蔬菜清甜爽口，平衡咗肉類嘅厚重感，再加埋薯條香氣撲鼻～.🌟卡邦尼芝士焗椰菜花套餐外加嘅小食，口感爽脆。卡邦尼醬汁濃郁鹹香，同芝士焗完更加好味。味道出奇地夾，真心推薦！.🌟自家製巴斯克蛋糕巴斯克蛋糕外層焦香，內裏濕潤綿密，乳酪味濃但唔膩。甜度適中，帶淡淡焦糖香氣。口感紮實但入口即化。.🌟檸檬薑汁特飲檸檬嘅酸爽同薑汁嘅微辛夾得啱啱好，清新解膩。甜度適中，冰涼口感完美平衡餐點嘅厚重感。…Read More

中環雲咸街一幢商廈裏面有間Lebanese菜餐廳，裝修風格幾特別，主打藍光燈，仲有跳動嘅燈光，打卡一流。食物選擇多，服務友善笑容滿分。.❤️每週六、日無限暢飲(可揀一道主菜+$150即可享受兩小時無限暢飲普羅塞克起泡酒).❤️每週三特選免開瓶費.🌟Hummus with Lamb 羊肉鷹嘴豆蓉羊肉煎得香嫩，配搭綿密嘅鷹嘴豆蓉，口感豐富。石榴糖漿嘅微甜同松子仁嘅香脆點綴其中，味道平衡。.🌟Lemon Garlic Shrimp 蒜香檸檬蝦香煎大蝦彈牙鮮美，蒜香濃郁撲鼻。淋上清新檸檬汁同橄欖油，再加芫荽提味，酸香開胃。.🌟Halloumi and Figs 炸哈羅米芝士配無花果炸哈羅米芝士外皮脆，內裏鹹香韌口，配搭清甜嘅無花果，口感豐富。鹹甜交織，風味獨特。.🌟Maqluba 倒扣羊肉飯將個煲倒扣嘅瞬間香氣撲鼻。底層番茄、中層羊肉軟嫩、上層米飯吸飽肉汁同香料精華，整體味道濃郁。.🌟Golden Wish呢杯cocktail以whisky做基底，橙香同蜂蜜嘅甜潤完美融合，柑橘酸香突出，苦精帶出深邃層次。味道平衡，易入口。.🌟Cave of Golden Wonders胡蘿蔔汁嘅甜潤，同薑嘅辛香完美配搭。青檸帶出清新酸度，薑汁汽水注入爽口氣泡感，好似果汁汽水咁好飲。…Read More