msy_1994's Profile

西營盤好多小店，今次見到呢間舖名好特別叫張三，睇完佢Menu都覺得幾正就決定咗試下有dinner set所以包左餐湯同沙律！沙律係有機三色藜麥雜菜沙律，落左醋食落酸酸地仲好新鮮，有藜麥令到沙律幾有咬口餐湯係忌廉羊肚菌濃湯，羊肚菌可以改善消化不良，增強免疫力，加埋落忌廉湯一啲都唔膩，仲好滑主食叫左檸檬香蒜虎蝦意粉，檸檬加蒜依個組合都幾特別，酸酸地好開胃一啲都唔膩，意粉亦都彈牙。虎蝦新鮮爽口另一款叫左石斑蕃茄忌廉手工意粉，塊石斑好大塊，魚肉膠質豐厚、口感飽滿仲有彈性。手工意粉煙韌又有咬口。蕃茄忌廉加埋岩岩好，唔會太酸又唔會太濟飲品叫左洋甘菊佛手柑金柚錄茶，飲花茶舒緩飽肚感，茶味仲好清香甜品揀左陳皮焦糖燉蛋，第一次見到呢個組合覺得神奇，食落先知原來係咁夾，普通焦糖燉蛋好易越食越膩，呢個唔會因為夾咗陳皮嘅甘香依間小店構思菜單都好有心思，好想再食埋其他！…Read More

尖沙咀依間樓上火鍋裝修係以懷舊香港嚟做主題，好有風味！而且仲有好多特色雞煲，食完仲可以打邊爐，好滿足！雞煲選擇好多，我就揀左清熱椰子雞湯，今次兩個人食叫咗半隻雞！好足料，配料有粟米、椰子同杞子，湯底好清甜都好夠味，個雞仲好滑之後就開始打邊爐，叫左個牛肉拼盤（細），有成六款肉，有本地手切牛肉，頂級雪花牛肉，南非和牛金錢𦟌，牛舌片，骰子牛肉粒，牛胸尖。整體肉味都好濃，有咬口得黎唔會韌蟹子蝦滑同墨魚丸都幾唔錯，彈牙而且蝦同墨魚香味都幾出最後叫埋個娃娃菜，吸晒清甜嘅湯底真係好好食飲品叫左自家製陳年鹹可樂，鹹鹹地都中和咗可樂嘅甜味，味道好夾今餐真係好滿足！…Read More

銅鑼灣依條街好多麵食，好多都高質素，依間都唔例外，裝修好靚，有港式情懷，而且又乾淨！所以午餐、下午茶定想輕食晚餐都好適合試左咩都有麵，係有櫻花蝦雲吞、墨丸、牛丸、魚蛋、慢煮牛腩同貢丸，咩都有得試下，湯底揀左大地魚雞白湯，湯底係冇味精可以飲晒！好清甜。櫻花蝦雲吞係新鮮自己包而且仲好大隻好足料，因為加咗櫻花蝦所以特別香。慢煮牛腩仲有得揀肥定瘦，自家炆肉質軟熟另外叫左三拼，揀咗櫻花蝦雲吞、慢煮牛腩同墨丸。湯底揀左雞白湯，原來雞白湯程序好繁複，要熬成八個鐘，好有心機，難怪咁濃郁清甜。麵同雲吞皮都係搵咗老字號做，有質素保證加左個菜心苗，加咗腩汁幾好食食個麵都可以好高質素 ！…Read More

元朗出名多小店，依間都幾有特色，係韓國嘅拌飯，用左韓國高壓釜飯機煮成，即叫即煮，熱辣辣仲整到飯焦，好新穎！首先叫左特級牛頸脊拌飯，牛頸脊煮完口感都仲肥嫩同有彈性，之後就撈埋要粟米、葱、蛋黃、芝麻同牛油就食得，飯嘅味道濃郁又豐富！鐘意濃味仲可以加個牛肉醬汁仲試左秘制牛油蒜容雞扒拌飯，甜甜地夾埋炸蒜蓉好香，雞扒係炸過，好香脆，飯焦都甜甜地好出色飯餐仲包個湯、魚糕同前菜小食叫左韭菜餅，薄薄地又脆口，幾香！仲叫左個炸薯條，都係即炸出黎，又係好香口好脆飲品就包埋韓式茶、果汁呀咁今餐性價比都高，而且真係好少機會食到！…Read More

中環收工想食好野飲番杯，依間好合適，嘢食同嘢飲都好有驚喜！難怪平日夜晚都咁旺場首先叫左個beef taco，薄薄地又煙靭幾好食，有西班牙蕃茄醬、阿根廷青醬同洋葱加牛肉，酸酸地幾開胃仲叫左Crab Cake，外脆內軟，蟹肉好多好綿滑，仲配左他他醬同桃嘅莎莎醬，甜甜地食落唔會好膩主菜叫左Cajun Prawn Linguine，墨魚汁意粉香濃又有咬口，個汁都好creamy ，蝦肉都多同彈牙，份量都多飲品都特色，揀左Yakult Martini，係益力多加vodka同martini ，乳酸味香濃又唔會太甜另一杯就係Holy Water，係西瓜汁加Gin，飲落好清甜仲有淡淡嘅西瓜香今餐真係好滿足，仲好想試埋其他嘢食同嘢飲！…Read More

銅鑼灣都有唔少泰國菜可以揀，今次依間各式各樣馳名泰國菜式都應有盡有！地方闊落仲坐得好舒服最尾決定揀咗二人套餐！有湯、小食、主菜、蔬菜、白飯同甜品，好豐富！湯揀左椰子雞湯，飲落清甜椰香味好濃，好開胃。雞肉仲好多同一啲都唔乾身，啲菇吸哂湯好正小食就叫咗豬肉串燒，豬肉燒完肉質都好軟滑，靈魂嘅沙嗲醬汁仲好香！主食本身嗌海南雞，但係太好賣賣晒！所以轉咗燒雞。一上枱已經切好晒，燒得好靚，外皮香脆雞肉就好嫩滑菜就揀左飛天通菜，炒得幾有鑊氣，香香辣辣夠哂惹味另外加多左個生菜包，好貼心有得揀唔辣，肉碎好香泰式香料嘅味道，包住食又多汁又清爽飲品叫咗泰式奶茶，夠晒正宗，又甜又香。甜品分別係椰青味大菜糕同埋芒果嘅大菜糕，口感幾爽，又唔會太甜今餐好豐富，仲有好多其他選擇下次可以試…Read More

依間樓上西餐平日夜晚上到去都勁多人，坐滿哂。雖然座位唔算好闊落，但係食物質素幾高。慶祝生日都幾適合叫左個意式燴牛小排（$338），個牛小排油花味道香濃，肉質仲好軟熟。個汁係甜甜地同肉味幾夾。配菜有薯角、西蘭花苗、紅蘿蔔、荷蘭豆咁，豐富得黎仲煮得幾入味仲叫左白酒煮蜆配墨魚汁意大利飯，白酒煮蜆就食得多，但好少會同墨魚汁意大利飯一齊，又幾夾！個蜆酒味香得來仲軟韌多汁，飯就好濃墨魚汁味嗌左杯sangria red，果味好香，配飯定肉都唔會太膩依間質素真係幾高，下次要試埋其他！…Read More

依間喺銅鑼灣但係價錢好親民，有湯、有自選餸同白飯，係家常便飯之選揀左醋溜土豆絲($18)，醋味酸酸地再加埋係涼菜所以好開胃，土豆絲都好爽口，切到幼細更加易入口仲揀左粉蒸肉($48)，好特別好似食糭咁，入口係似食糯米再包住肉咁，口感軟綿綿，味道就鹹鹹地帶啲肉嘅油香另外試左花石香乾炒肉($38)，係招牌菜之一，炒豬肉再加乾豆腐，配搭幾得意，炒得好香，豆腐中和咗肉嘅油膩最後仲叫左花菜炒肉($38)，係椰菜花炒豬肉，椰菜花炒得好爽脆，送飯都正依到一碗白飯($3)，好抵食今餐真係又平又滿足！…Read More

依間之前試過其他分店都覺得坐得舒服食物選擇又多。今次係荃灣食仲有得坐榻榻米！舒服又寬敞今次試左豪華原條鰻魚茶漬飯，鰻魚真係好大條帶濃郁嘅鮮甜同油脂味，口感仲好柔軟。個茶有淡淡地茶香味，用黎撈飯中和鰻魚嘅油香！仲叫左個壽司（8貫）配迷你櫻花蝦烏冬，壽司都高質，有兩款蝦、帶子、三文魚、呑拿魚等，新鮮又柔滑。烏冬個櫻花蝦味都好出，清清地幾好食套餐仲配咗兩個小菜，特別讚吓個牛蒡有人蔘味真係好香好有心思另外叫咗小食，試左燒味琳魚乾，甜甜地幾有咬口，正餐前或者送酒食都一流仲嗌左海鮮炸物盛合（蝦/廣島蠔），個炸粉唔會太厚，一咬落去蝦同蠔都熱辣辣好好食！飲品叫咗熱忌廉抹茶拿鐵，好大杯，綠茶味仲好香依間整體質素都幾好！同朋友食住傾吓偈都幾岩…Read More

一直都好鍾意食花甲粉，但係好食嘅唔多。今次係德福廣場嘅food court見都幾香，一於就試下首先叫左陳仔招牌沙嗲花甲粉+鴨血，個沙嗲湯底好濃郁好香，粉絲吸晒湯底嘅味幾好食，仲煮得好軟熟！花甲份量都鮮甜，鴨血同沙嗲湯都好夾另外叫咗個香辣魚片花甲粉，辣到可以揀，今次就試咗個小辣。湯底鮮甜帶微辣都幾香！個魚片好有驚喜，咬落爽脆一啲都唔腥仲加多左個蒜香焗娃娃菜，除咗蒜香味突出之餘仲加咗菜葡，味道夾之餘又有咬口個餐包咗紙包飲品，另外仲可以加錢飲冰紅茶依間性價比好高，鍾意食花甲粉必試！…Read More

一直都好鐘意食雞煲，但唔鐘意太濃味。所以椰子雞煲清清地但又唔會唔夠味，就岩哂！依間位置夠大仲坐得好舒服首先就叫左個竹笙椰子雞煲，有得揀半隻/一隻雞，見住店員倒啲椰青水落去，仲有椰肉，所以個湯底好清甜濃郁。雞煮完之後仲好滑，有淡淡椰青香味。竹笙吸哂個湯超多汁又甜。餐廳自助醬料區仲教埋點樣整椰子雞傳統醬料，沙姜+蔥花+小米辣+小金桔+特調醬油同個雞又幾夾幾惹味食完雞就開始打邊爐，叫左精品肥牛，牛肉味都濃郁又滑仲叫左肉丸拼盤、蝦滑，特別讚下個蝦滑好彈牙，蝦味仲好香，口感一流最後仲叫左個生菜，吸哂椰青水，食落好清甜依間個雞同湯底都好出色！…Read More

餐廳暗暗地氣氛幾好，餐廳名原法文演變出嚟，解有好食嘢、有好氣氛嘅地方，幾有意思！上枱就有熱辣辣嘅餐湯同埋包，麵包熱辣辣同埋幾香。湯就係南瓜湯，都滑同厚身首先嗌咗個巴黎前奏，有西班牙風乾火腿、辣味意式腸、法式火腿、炸白汁三文魚球、煙三文魚、迷你蛋批、吞拿魚撻。每一款點心都好精緻主菜就嗌咗澳洲牛胸腹扒，五成熟非常好，有少少肉汁但一啲都唔韌。火箭菜同炸薯仔配牛都都夾另外再嗌咗個法式煮青口配薯條，份量都好多，個汁係白酒牛油香草湯汁，甜甜地帶淡淡嘅白酒香，幾好食甜品方面係火焰橙酒可麗餅，好有儀式感先用火槍燒左個酒，再將酒倒上可麗餅，食落有少少熱熱地再配上凍凍嘅雪糕，口感夠哂豐富今餐好豐富係好啱香港人口味嘅法國菜！…Read More

依間樓上餐廳裝修好型格，好有空間感！除咗飲嘢之外啲嘢食都好有心思同特色前菜已經好特別，係韓式醃牛蒡同埋蒜頭，味道濃郁，又爽口首先叫左Akagai ，係赤貝包住新鮮嘅蘆筍，食落有咬口又彈牙，口感清涼而且赤貝鮮甜都幾開胃Celtuce salad ，呢個係檸檬凍湯配萵筍絲，食落好似水冷麵咁嘅，但係口感就好爽脆，酸酸地夏天食真係好啱Caramel used Pumpkin，呢個係拔絲南瓜！一入口先食到香甜同香脆嘅焦糖，之後就食到軟滑嘅南瓜，又唔會太甜掩蓋咗南瓜嘅香味Charcoal Grilled Eel，好有儀式感，現場攞炭燒魚皮，個皮好香脆！食落魚肉嫩滑彈牙，冇太多調味但係魚肉嘅鮮味都好出Wagu Katsu Sando，係竹炭三文治再加吉列牛，仲可以自己將燒肉汁吱落三文治入面，和牛嘅油香同牛味都濃郁甜品叫左Double fromage cheesecake，淡淡芝士香氣又唔會太濟而另一款甜品係mini melon daifuku，細細粒嘅蜜瓜大福 一咬落去就好多蜜瓜醬，清香又唔會太甜飲品叫左杯Jade,係有冷泡茉莉茶嘅cocktail,清清地好香茶味今餐真係好豐富又夠哂特色！…Read More

依間樓上cafe好有特色，除左幫韓星做應援之外，食物其實都加入咗少少韓國嘅元素。好有特色！食物選擇唔算太多，但係都吸引同特別首先叫咗個火炙北海道帶子配海鮮炸醬意粉，韓式嘅炸醬麵味道鹹鹹地配意粉又幾特別，配料都好豐富，除左大大粒帶子仲有蜆肉、八爪魚同埋魚糕另外叫咗招牌名古屋鰻魚大阪燒意大利飯，鰻魚汁好香好甜，再加埋雞蛋撈埋個飯夠唒入味。鰻魚都好大條跟餐仲送咗粟米湯，入口好滑，有粒粒粟米味道仲好濃郁飲品叫咗雪嶽山青提牛奶，賣相好靚，面頭係奶泡下面就係青提汁，呢個配搭都好少見，但係幾清甜好飲仲叫咗杯凍檸茶，都夠唒好清新，唔會好甜最後仲食埋蛋糕，揀咗朱古力芝士蛋糕同埋柚子蛋糕，朱古力芝士蛋糕個朱古力香味幾濃帶淡淡嘅芝士香，唔會太膩。柚子蛋糕就好清香，海綿蛋糕仲好軟熟今餐都好有驚喜！唔係淨係普通西餐咁單調…Read More

依間居酒屋坐得舒服，仲有露天位，都幾有氣氛。嘢食選擇都好多，壽司、鍋物、串燒、天婦羅等等都有齊！首先叫咗個牛小排壽喜燒，個牛油脂分布平均，入口味道都好濃郁，吸哂甜甜地嘅壽喜燒湯底，好入味。配料仲有菇、豆腐、菜等等另外試左鹿兒島A4和牛海膽卷（6件），賣相好靚，海膽鮮甜，再加上和牛油香味濃郁，入口軟熟，卷物口感豐富味道又唔會單一仲叫左個沖繩丼，有三文魚、帶子、油甘魚、牡丹蝦，幾款都係鮮甜得來入口軟滑，都好新鮮串燒方面就試咗免治雞肉棒同荔枝煙肉，燒到外面有焦香都幾正！最後仲叫咗韓醬燒紐西蘭蟶子，呢個整法特別，味道有少少似係韓式辣醬再加芝士咁樣，又估唔到同蟶子幾夾依間原來宵夜時段串燒都係$10，咁真係有特色得黎又抵食…Read More