為食3e的个人专页

Before making the reservation, I ensured my MTR voucher can be used and I could invite my friend from overseas to have dinner in this restaurant. The food quality does reflect the price but the service is a nightmare from ushering in the restaurant, food ordering, to bill settling. The waiters were not attentive at all. They just randomly put everything on the table and took off. Even worse, when I tried to get the bill, I felt embarrassed as I had a little argument with the waitress who insisted my voucher couldn’t be used. To stop wasting my friend’s shopping time, I caved in and settled the bill without using the voucher. The other day I checked with MTR management service team who confirmed my voucher is valid. Anyway, this was a very bad dining experience. I truly believe all staff in this restaurant need a lot more training imminently.…查看更多

主菜點了兩款牛扒，兩款都只是微暖，不熱，其中所謂澳洲Prime肉眼扒，係由兩塊好薄，幾乎好似吉野家的牛肉，搭埋一齊，問了服務員確認有否上錯，他說冇錯，那無話可說了。之後上甜品，三人三個甜品，他們先把一隻放有3隻叉的碟放在一邊，好似去了茶餐廳的感覺，然後先上一個甜品， 3分鐘後再上另一個甜品，要問了兩個服務員，才去查電腦，回覆還有一個，好明顯要補做，第3個甜品出現前上了一杯飲品，問服務員有沒有上錯，她拿回去問，拿回來說沒有錯，再問她那是什麼，她說不知道，又拿回去問，OMG。結帳時更有surprise，讓服務員再拿餐牌看清楚，才發現菜單的選項有很細很細又淺色的字，霎時有被欺騙的感覺，朋友善良，只說餐廳燈光較暗，自己眼力不好，看不到要加錢的細字，事實上，餐廳菜單有選項，某些選項加錢是很正常，但一般是光明正大，以免與客人產生糾紛，但這細小又淺色的字（見圖)，無話可說了，大家引以為鑑吧。…查看更多

當晚我公司宴客，包了慶公宴一個房間，安排餐厅写了一个特色菜单（见下），餐厅以茶水伴菜有名，但几道茶的级数都是一般般，当中的“香草陳皮烤豬肋骨”更是失败之作，客人都只有礼貌地咬了一口就放弃了，因为实在太干，又没有陈皮味。食物倒是沒有驚喜，但吃完松露飯後，就給大家驚嚇。服務員在添茶是，把滾水灑在其一女貴賓的身上，我問餐廳索取燙傷膏、沒有，問要紗布，沒有，才發現他們連一個小小的救急救箱都沒有，更驚訝，沒想到做了那麼多年的餐廳，居然毫不注重安全，而慶公宴沒更沒有主動安排員工買紗布，最後是我要求公司同事跑到附近的便利店買救急用品，事後，又沒有經理出來道歉或跟進情況，就是“閃”了。我老闆很無奈歎了一句：以後不會再到這餐廳！超失望！冰鎮荔枝蕃茄三文魚凍湯伴豆腐元貝配鮮蜂蜜汁花椒焗海中蝦竹笙木耳釀生根球西瓜燉螺頭湯時令蔬菜香草山藥桂魚卷香草陳皮烤豬肋骨牛肝菌黑松露炆雞 (配黑松露飯)紅豆普洱茶奶凍…查看更多

端午節一家人斉斉吃飯，天氣熱唔想媽媽煮得咁辛苦，有朋友介紹就訂左呢個盤菜。見別人食評寫佢一般，所以我一家人都不抱太大期望。點知竟然是一個驚喜！今天司機打來落樓取盤菜，態度好不在話，盤菜是有熱溫的。一拿上樓即邊加熱邊開餐，份量多不在講，吃大蝦爽兼有茄汁味，油雞有醬油味，五花腩、燒鴨、魚蛋、豬皮、枝竹、蘿蔔、冬菇、魷魚，都吃得出材料新鮮又有味道。今晚全家人都吃得好滿意！終有一家有水準的盤菜出現了，我地食過晒太x、稻x、盛x、富x、大xx，不再是從前吃過既冰冷又只得的一個味道的大什會盤菜。希望老闆保持水準，更不要大幅加價呵！…查看更多

當晚終於帶同姨甥仔去食甜品，我以前在TST分店食過"心太軟"，的確好好味，所以帶靚仔去試一吓！可惜當天晚餐吃得太飽，所以自己只點了一杯芒果奶，而他們就點了雪花冰及奶凍。當他們的甜品吃到八八九九，我的芒果奶仍未到，叫位穿超短牛仔褲的waitress妹妹幫我跟進，點知佢聽完只係企埋一邊，完全無幫我跟進！好彩不夠2分鐘就見有另一位waitress傳來一杯芒果奶。否則真係會一肚火去罵人...究竟o个位穿超短牛仔褲的waitress妹妹係咪開緊工？客人同佢講野竟當耳邊風，真過份！o个杯芒果奶簡直離晒普，淡到無芒果味，白雪雪成杯奶水咁，成cm粒冰都未打溶，被佢啃親都唔知咩事！仲唸住同元朗o个間英文字母記嘅芒果奶比較一下，好飲就唔使去咁遠tim，點知好野都係要花時間同精力去享用嘅！至於呢間分店嘅人同食物，都令我好 - 好 - 好失望囉！d人成日話新界的o野咩都cheap D、差D，唔該可唔可以做好D呢？點解TST/CWB又可以做得好呢！自我反省一吓啦...…查看更多

同一天，在旁邊另一間酒樓等位等到一肚氣，好後悔無直接入粵軒搵位，咁就會慳番好多時間，同埋無比人影響心情啦！雖然舖面細細，樣樣都好企理，服務態度又好，食物更比我一个驚喜！名符其實嘅“一盅2件"蝦餃、黑魚子燒賣都好好味，叫左个瑤柱雞粒炒飯，又夠乾身，真係唔錯！不過石榴果就粉皮太厚，原來唔係潮州个種蛋白皮，係粉果皮！仲有好多新潮款式，下次再去試晒佢！可惜這裡嘗完味道，填滿肚子就要閃，因為實在太少位置，見到d人在外面等位，妳都唔好意思坐咁耐啦！好o野都要益吓人地嘅！…查看更多

舊年去過新斗記嘆中午茶，雖然價錢較一舨酒樓偏貴，不過食物同服務都可以，所以今次趁新年再同家人去。當日中午12點去到，我地4位要等5張枱，应該點都唔會等太耐吧，點知.......个位知客不斷比熟人先入去，兼且佢就不斷收利是，我地就足足等左2个鐘，出聲追問佢，佢就話下一張枱輪到妳，咁係咪一肚火呢？！雖然上次食過，內裡食物同環境確係唔錯，但當日咁多人等緊位，以咁嘅入坐安排，真係好唔滿意囉！最後我地有位都唔去食，寧願去隔離細檔嘅“粵軒”再等位，都唔想幫親新斗記！…查看更多

睇到飲食雜誌介紹，食物圖片吸引，價錢又相宜，住沙田梗係選最近嘅大埔店去試吓啦... 雖然係屋村入面酒家，好食嘅o野唔理地點嘅！我地一家6口去到，梗係根據廣告中嘅點心即點啦，點知只得金牌流沙包有得吃，其他如酥皮叉燒包、千絲海龍皇都無，侍應話點心師傅走左，真真無癮！流沙包入面jelly咁，一d都唔流，點左15个點心，只得蝦蛟最似樣，一籠一只，算唔錯！其他點心就真係唔得囉！雜誌有85折Coupon，出去埋單時比佢，點知收銀員話只限“點...好食”可以用，但係雜誌寫明係同一飲食集團，完全無列明清楚，所以完全係誤導消費者！以後以後都無下次囉！…查看更多

好久沒在這裡寫食評，因為最近去的餐廳沒什麼特別，那就吃完罷了。今次因為看到飲食雜誌介紹新店，去開TST就去T一T啦！雜誌介紹牛尾湯通粉常餐，梗要試啦 - 可以吧！再重味d應該更好吃呵...下午茶嘅炸雞肶配西多粒粒，西多粒粒真係好好食，熱香不油且外脆內軟，真係好味... 而雞肶香脆又多肉汁，只兼它味道偏淡！差不多吃完飲埋柸好立克之際，就看見有位女職員，接過廚房傳來剛焗好的一大盤葡撻，她開始將葡撻用手一个一个從金屬托轉用紙托，方便拿出門外出售。問題是我看見那職員對手先前是傳食物、執拾枱面、用布清洁枱面，之後就用她5指山同手掌找著葡撻換紙托，眼看下好不衛生，每只都經她的手點過，真不想買來吃！戴个手套成本都不貴罷，管理層真係要檢討下，想信他自己看到也看不過眼罷，更何況係食客！假如這樣簡單的衛生都不懂，那怕看不見的廚房衛生更不敢想像呵！…查看更多

約o左粉嶺友食飯, 原本選上水區食店, 點知朋友話粉嶺有間好o野西餐, 讚到要必食.咁梗係要去taste吓啦!入到去環境氣氛一流, service一流, 正如其他食評所講一樣, 真係要讚吓... ... 一流!先來个湯好... ...正... ..., 松露油磨菇菌湯真係要一試...再來main course就... ... 又正如其他食評所講一樣... 真係要改善一下.件牛扖大大件, 成寸厚, 但係7成熟仲好生同慘血, 仲有一半係肥油同筋位, 呢度就真係扣晒分啦! 幸好位經理好識做, 又留意客人, 話即弄過半份比我食, 我真係好滿意佢嘅待客之道; 雖然我話唔須要, 但佢嘅態度無令我對此而反感. 其實因為我已飽飽o地! 再加埋同朋友share个甜品 - 心太軟, 整體都可以吧!我會再去一次比機會呢間餐廳, 希望佢唔好令我失望無回頭吧!…查看更多

星期日跟家姐去流水響行山，行完山梗係去醫肚啦...粉嶺最多人叫好就係呢間... 咁咪去taste吓lor...點知去到剛好1pm， 好鬼多人， 無得取號，自己入去搵位。枱枱都有人等，都要等，難得來到家姐話一定要試wor點知見人地最多吃咩就order咩lor，可惜...我媽媽煲完湯的豬手比它更惹味...牛丸米粉更加一般，但係要HK$17一細碗，無可能飽肚。完全唔值得咁辛苦等位食lor...真係失望而回lor！ …查看更多

呢排晚晚去街食飯, 今晚一家人去食片皮鴨, 見magazine賣廣告期期見, 今晚就去試吓lor!我地7个人叫左18樣o野, 好似好多, 但係都食得晒呵! Hehe! 小籠包拍得住台灣好出名o个間! 片皮鴨都好食, 但唔係o向我地面前片肉lor, 好似份量少左d! 水煮牛肉同水煮魚就帶咸味無辣味lor! 仲有个元貝炒飯就差d, 唔夠熱同唔夠乾身! 其他餸都可以 bor!環境方面就坐樓上好嘈又唔夠冷氣, 坐樓下应該好d!如果可以改善吓就更加好lu! 整體上佢都可以!!!!!…查看更多

聽到半島酒店就知內裹所有店舖餐廳都係"高檔"! 平時只會在酒店外牆經過, 都不會入去逛!今次有貴賓請我去Gaddi's食飯, 仲要係坐入面廚房旁邊嘅廚師枱, 真係感覺好特別!衣著要求好講究, 所以我都全身執過晒先至去, 唔可以失禮!一入去坐, 先帶我地參觀酒店所有廚房, 乾淨整齊一點油煙都無. 坐在廚師枱, 雖然無左外面嘅浪漫氣氛環境, 但係佢只有一張枱, 最多可坐四人, 望到d廚師在入面煮菜, 好特別又好有私人空間, 又有專人serve, 覺得自己好VIP feel lor...d食物都唔使講啦, 味道視乎每个人口味, 好食又特別...雖然去食真係好奢侈, 中午都有廚師枱o架, 款式少d又平好多, 點都要去試吓嘅...唔係一定係d有$人先去lor... …查看更多

約左契妹2家人食飯，又話想食buffet，就想起這間都幾難book位又傳聞好食嘅Todai。既然傳聞好食，加埋價錢又係酒店級(HK$318+10%)，所以對佢期待食物及服務水準都应有一定質素啦。所以一早book定位...點知，我o地6pm去到商埸，未夠鐘先逛逛。行吓望吓，見到有條小人龍，都唔理佢繼續逛；到6:10pm再望條人龍尾都唔知屈左去邊，咁走落去問問先！點知原來係book左位嘅人要排定隊等6:30pm入埸，無book位的有椅坐慢慢等，真謊謬！食過咁多buffet，平嘅貴嘅都無咁啦！入到去開始食o野，叫左位男服務員斟d茶，o个个唔記得左無o黎，再叫另一个女服務員來加茶，佢竟然話“加茶唔係佢職責另有專人做”，跟住執完碟就走開。哇~咩服務態度呀！真係terrible lor!食物尚算多款新鮮，但比起其他酒店級海鮮款式就唔夠多！總之我o地 9个人埋單3千幾蚊，真係唔值lor！連我9歲嘅外甥“buffet王”都話一次夠！…查看更多

好耐無去呢間食Laksa，上星期去番，仲係好好味!呢次愛上佢嘅咖喱大蝦，佢d”汁”點薄餅或配飯食，真係好鬼正呵!加埋柸紅棗茶補吓，愈食愈開胃我每次都帶d朋友仔去，个个都讚好味嘅，証明我d口味唔錯啦！…查看更多