yxwom's Profile

最近同朋友都興起食韓國菜, 講起韓國菜, 當然唔少得呢間元祖奶奶雞! 之前已經黎過食LUNCH, 都覺得唔錯, 今次黎到呢度食DINNER! 今次呢左芝士薄餅, 幾驚喜, 因為佢好重芝士味, 而且都有D辣, 如果鐘意食辣既一定會好鐘意, 因為佢的辛辣味好正, 我地都追住黎食, 芝士亦唔會搶左辣味, 點埋旁邊個醬, 配搭上更顯薄餅的美味, 令我非常回味!  而且令我覺得相當開胃!另外仲點左真露煮大蜆, 成個煲上枱, 夠哂特色, 先講個湯底, 有少少酒香同甜味, 酒味唔算太重!  用個煲斟D湯出黎, 入面亦充滿蜆既鮮甜味, 唔會浪費佢一點一滴!  蜆肉完全被酒味滲透, 蜆肉細細隻, 但味道鮮甜, 非常好味!終於黎到主角喇! 當然唔少得招牌菜奶奶雞啦!  揀左小辣, 味道濃郁, 小小辣味亦相當好味, 唔會太咸, 太咸就會影響成碟菜既味道!  雞肉咬落相當嫩滑, 非常入味, 另外佢配菜亦有不少, 有紅蘿蔔, 薯仔, 仲有紅薯粉, 無論雞肉定配菜都相當入味, 辣得非常惹味!  不過紅薯粉粉量就少左D, 如果多番D就更完美喇!  員工手腳幾快, 態度唔錯, 幾好!…Read More

中秋節當然要BBQ, 本來想去石澳, 但怕太多人, 所以去大尾篤燒, 大尾篤有好多唔同燒烤場, 今次揀了枱上燒, 放棄了傳統的用燒烤叉燒烤, 因為上次試過附近某燒烤場, 覺得一般, 所以試試這間! 當日都相當多人, 到了大埔墟本想搭小巴, 但太多人, 所以搭的士入去, 入到去, 都幾多人, 有朋友早早到了, 所以入去買入場劵就可以, 有兩款, 一款自己燒, 一款自動, 自己燒$168, 自動燒$198, 相差$30, 唔算相差得太多, 但BBQ就要自己燒先至開心! 所以揀左前者!開爐$50, 雖然冇服務可言.... 但做事手腳都算快!  入到去, 要去另一個地方, 領取蜜糖, 紙碟, 盤, 等用品, 而每位而可有一罐飲品, 支裝飲品要加錢! 領取用品後, 到另一間房取食物, 食物種類也算多, 有一些已經用竹簽串了的多春魚, 雞全翼, 丸, 牛脷, 雞軟骨等.. 蔬菜種類也不少, 有冬菇(不過太細), 韮菜, 蕃薯等... 亦有麵包, 法包領取過後, 我地就開餐喇! 天氣好熱, 但周圍都有風扇, 尚算可以!食物方面, 醃得也算幾入味, 唔會只有雪味, 但調味方面也不算太咸, 呢度有個金沙骨做得唔錯, 燒烤過後更為入味, 幾好味!  雞翼燒後嫩滑多汁,即使你覺得唔夠味, 枱上亦放有孜然粉和辣粉, 好正!  另外, 麵包亦好切開一半, 方便燒, 加上蜜糖更好味! 最驚喜莫過於呢度有豬大腸, 燒後更香脆可口, 不會太肥! 另外, 還可以另外ORDER海鮮, $100/一打生蠔, 即叫即開, 鋪上蒜蓉, 幾鮮甜, 唔會有腥味, 唔錯! 但個人略嫌過多蒜蓉!  烤過後的生蠔更香口! 呢度仲有唔同食物送, 有煲仔蜆, 蝦, 蒜蓉金菇, 菠蘿!煲仔蜆冇味道可言, 有點失色; 蝦都算彈牙, 實肉, 唔會霉; 蒜蓉金菇冇難度, 好難做得唔好食, 不過份量就比較少!  燒過的菠蘿都好甜, 熱食也不錯!呢度雖然只有一個跳彈床俾小朋友玩, 但地方都算寬敞, 下次可以帶埋屋企人一齊黎! 而且假期的價錢黎計, 唔算貴! 值得一試!…Read More

早排聽朋友講中環有間以<立食>為賣點既牛扒餐廳新開, 聽講都唔錯, 所以都去試試係九記牛腩附近, 都唔算難搵! 入到去, 職員都幾主動過黎介紹個程序係點, 先揀自己心水既牛扒, 同廚師講要幾多克就可以(最少要點200克), 因應個人需求而點, 同埋有個磅係你面前秤, 起碼唔會呃秤先啦!  呢度會有個半開放式既廚房, 可以睇住廚師燒自己既牛扒店內環境唔錯, 有兩層, 可以上樓上, 但我就揀左下面, 上面都幾光猛當日點左佐賀A4肉眼(1.8/克), 叫左大約200克, 5成熟, 鐵板上到黎, 賣相唔錯! 上面有蒜片, 而且仲有配菜, 中和牛扒既油膩自己本身鐘意食肉眼, 鐘意有油脂香, 而呢塊牛扒, 一咬落去, 果種油香十分重, 好好味! 咬落腍身, 唔會有過多脂肪, 入口即溶, 而且有食落去鮮嫩, 多汁, 唔會因為鐵板上而令到牛扒乾身, 正!其實佢仲可以加$30轉SET, 不過一塊牛扒對我來講已經足夠!食牛扒要有唔同既調味, 呢度可以比你自己揀調味料, 有黑椒, 海鹽, 薄荷醬, 黑醋, 忌廉芥末, 柚子汁, 黃芥末, 好多唔同種類, 總有一種岩你心水!  每樣都有試過, 而自己就偏好黃芥末, 配合牛扒一齊食, 好味! 另外, 配菜方面有粟米, 粟米配埋黑醋汁個味道更佳! 食飽飽喇!呢度抽煙都做得幾好, 就算食完都唔會一陣味今次初嘗都覺得唔錯, 價錢又唔算太貴, 味道都幾令我回味!…Read More

咁岩今日入開元朗, 早排有朋友介紹呢度有間食韓國菜幾好味, 自己又唔係成日食韓國菜, 所以過黎呢度試下先!聽講呢度晚市都幾多人, 所以一早過到黎!  好彩早黎到, 所以唔算多人, 都唔洗等位, 但係入左去冇耐就愈黎愈多人!呢度裝修都幾特別, 以消防局作為主題, 同埋佢既擺設都幾有心思!  而且成間店俾人感覺都好乾淨!  加上店入面又播緊強勁又輕快既韓國歌, 都幾重韓國感覺, 唔錯!  呢度D圓凳入面都可以放個人物品, 又幾好喎!自問唔係食韓國菜既專家, 通常去到一間食店, 都會叫D推介食品, 實冇死啦! 其實呢度都幾多款式, 小食, 次盤都幾多選擇!個人都幾鐘意食沙津, 見到佢有個藍森林沙津係推介, 一於試下佢!都幾大碟, 個沙律幾特別, 俾人感覺幾新鮮, 有沙律菜, 蕃茄, 藍莓, 仲有芒果添! 個汁酸酸甜甜都幾好味,唔錯, 幾開胃!呢個都幾特別, 同行朋友都幾鐘意食腸, 所以點左呢個!  有幾款腸仔, 食腸最怕佢咸, 但呢幾款腸又唔會太咸, 而個香料味又做得幾好, 但又唔會做得太重! 唔錯! 加上佢用鐵鏟盛住, 唔會咁快凍, 反而配菜就一般般啦, 冇乜特別!食韓國菜, 當然唔少得芝士啦! 叫左個煙肉通粉, 芝士非常濃郁, 用長通粉可以將D芝士滲入去長通粉入面, 好好味! 雖然成碟都好多芝士, 但又唔會好漏!呢個拌飯都係佢既推介黎嫁! 個人好鐘意蛋撈飯, 加埋蔥, 蒜同紫菜都幾特別, 因為第一次食呢種拌飯, 個人對蒜蓉都唔抗拒, 所以都OK.呢一餐令我對韓國菜添加好感, 下次都想再食其他款 …Read More

朋友係外國人, 通常佢地都比較鐘意食中餐, 所以今次帶佢黎食上海野其實之前係同一個位置, 食過另一間上海野, 可能真係太耐冇黎朗豪坊, 連變左第二間店都唔知道, 但見到個格局都好似唔錯, 所以就試試!首先佢有杯茶, 幾好飲, 兩個人食左唔少野, 但味道其實唔係好得先講員工, 服務態度唔係好得, 非常求其放低碟野, 好似掉落枱就算食上海菜, 好多時都會叫雞絲粉皮, 自己本身都幾鐘意食呢個, 但呢度好特別, 冇乜味道, 絕對不能夠用好食黎形容..小籠包, 有湯汁, 普普通通, 皮有點厚酸辣湯, 正常應該酸酸辣辣, 但好奇怪, 唔知點解會有陣胡椒味紅油炒手, 食左一粒咁多, 其實俾佢食哂, 小辣生煎包, 寫住招牌當然要試試, 但其實味道好一般..炒年糕, 油過多基本整餐飯都係冇味道可言, 冇特別, 真係唔知可以俾到咩特別評語.. 希望店舖可以改善員工同食物質素!…Read More

食完晚餐, 輪到香港人最愛既甜品時間!當晚唔算太晏, 大約八點到達, 不算太多人, 所以還有很多位置選擇甜品選擇算多, 當日我叫了椰皇燉3.6牛乳, 同行友人也一樣, 該店廚房不算大, 所以同行友人叫同一款甜品需要時間翻熱, 員工亦有告知, 而且反應快, 服務不錯燉品不錯, 奶味足夠, 而且亦相當滑, 不會太'鞋'而椰皇肉亦容易食, 不會太硬, 而且亦很香椰皇味不過價錢略貴…Read More

最近一至到做緊半價優惠, 又有朋友食過唔錯,所以去試下龍蝦$58/隻連伊麵/烏冬底燉翅$24/碗乳鴿$24/隻一行七人六點半已經到達, 去到當然立即落單, 叫了以上優惠食品, 亦叫了椰皇燉燕窩過了一分鐘, 女侍應告知椰皇燉燕窩已售罄! 售罄?! 六點半已售罄, 而女侍應亦用不耐煩的態度回應:每個來到都叫這幾款, 一日只有數十碗, 賣哂有幾奇?如果我八點落單, 售罄不出奇, 但六點半.....真的好奇怪啊! 原本想再點其他菜, 算吧! 是但食算了!乳鴿, 好咸, 不用任何醬料. 咸得相當利害!雞燉翅, 整晚最好的一味, 但味精相當重!兩個字! 好差!好厚粉, 而且肉是霉的! 伊麵被多到瀉的所謂上液的芡汁浸到非常難食, 整碟碟龍蝦伊麵都非常差!可能地區問題, 之前到其他分店, 食品沒有這裡這麼差!!這間稻香, 樓面, 廚房都必需再培訓!…Read More

咁岩出去銅鑼灣, 又想食下甜品, 去到唔洗排隊, 好!即管試試!自問唔係抹茶控, 但係咩都要試下, 所以叫左個白玉牛奶抹茶雪糕食($44)先講賣相, 其實都OK, 抹茶雪糕的抹茶味尚算濃郁, 有抹茶的苦澀味, 而牛奶雪糕唔知係咪俾抹茶雪糕對蓋過本身的味道, 所以一點都唔特出至於白玉做得不太出色, 咬落去太硬, 麵粉味太重, 本以為綠色的抹茶會好一些, 但其實係一樣, 只係顏色上的分別而另外亦會附上黑糖定楓糖漿, 倒了糖漿可以中和抹茶的苦澀味. 唔算太甜雖然在室內有冷氣, 但雪糕溶得幾快總結, 如果唔洗排隊的話可以一試, 因為唔算太特別!…Read More

難得星期一休息, 專程出發去銅鑼灣試試大阪燒肉, 因為友人極力推介, 本來想等到晚市先試試, 但上網見到有SET LUNCH, 所以今次早一點黎試下, 等到下次有機會再試試DINNER吧!大約12:30去到, 冇乜客人, 只得小貓三四隻, 係我太早定還是晚市先會比較多人?帶我地入座後, 亦會主動打開椅子下面的儲物箱, 可以放袋, 防止有燒肉的味道SET LUNCH都有好幾種唔同款式可以揀, 但偏向喜愛牛肉的我, 一定要試試牛肉套餐佢每一日都有個是日精選, 今日既精選係牛柳套餐叫SET, 仲可以加$5要特定飲品, 烏龍茶, 可樂.. 仲有熱飲可供選擇點完餐後, 亦會主動附上紙圍巾, 以免油漬會彈上客人衣服, 跟日本一樣相當貼心座位方面其實不是相當闊, 個燒烤爐亦好細個醬汁唔錯, 唔會太濃烈而影響肉的味道普通的烏龍茶, 茶味唔會太濃, 個人比較喜歡較濃的味道, 但加$5有一大杯, 相當抵飲SET LUNCH會附上不同的配菜, 但奇怪的是, 明明係日本燒肉, 點解配菜都係韓國配菜, 真係百思不得其解, 老實講, 我對韓國食物唔係太喜好, 至於配菜連日本料理最基本的麵豉湯都冇, 就真係有點兒.....當然, 佢個MENU本身都係寫左係韓式配菜, 但我心目中的日式燒肉並不是這樣啊!當日午餐精選($120), 牛柳, 幾重肉味, 肉質不錯, 燒完都唔會太乾特上牛肋肉套餐($120), 油份較多, 肉較稔身, 口感尚算OK另外LUNCH亦可加$48要4片牛舌, 唔錯, 爽口, 反而牛舌比起牛肉更出色上網睇過其他唔同食評, 得知這裡夜晚氣氛相當熱鬧, 可能下午較少人, 即使有人入座會相繼講午安等日文外, 其他時間都非常靜但整體上, 可能是一分錢一分貨, 本來滿心期待可以食到正宗的日本燒肉, 但配菜卻是奇怪的韓國配菜, 而播放係英文歌, 個人認為就不太正宗! 或者是我期望過高吧!…Read More

食過幾次都覺得服務, 食物水準都KEEP得到, 所以又再食幾次黎到, 都係坐係果個位, 好有緣份每次都可以見到師傅整壽司, 相當快手, 又有得睇又有得食食主菜前, 梗係要係D開胃野啦, 八爪魚醋物, 無論係個汁, 定係八爪魚本身都好好味, 值得一食開完胃就要食下壽司, 好新鮮去得居酒屋, 冇理由唔食串燒, 食串燒我最鐘意就係冬菇, 好入味, 仲有好好味既牛舌, 蘆筍唔係間間都有得食架至於呢個豆腐唔係唔好食, 但係普通啦, 下次可以食其他呢度最出名開係關西燒, 當然冇日本既關西燒咁好味啦, 但係都OK既…Read More

九龍城多好野食就係人都知啦, 呢一間之前經過都想試下, 難得時間尚早, walkin入去佢有好多唔同既餐, 大部分都係二人餐, 而且仲會送一個飯團/白飯一碗仲可以加錢要個剌身, 正正常常, 不過不失重點係燒肉, 都係講番燒肉啦呢個餐有牛有豬, 都幾好味, 本身鐘意食牛舌, 而呢度既牛舌都唔錯, D牛都好重牛味, 而且醃得好好, 又唔會搶左本身牛既味道, 唔會好似有D燒肉店咁D肉會鬆散, 好juicy食食下發覺好似唔係幾夠喉, 所以再叫多個, 不過今次唔係SET係幾種唔同既牛好味, 入口有種好香既油味, 而且肉質相當好! 而且冇乜其他醃料, 只係用盬, 已經足夠, 靚既肉, 根本唔需要過多既醃料遮蓋總括而言, 值得再去食!…Read More

一向都有食開GODIVA既朱古力, 作為佢既忠實FANS, 點可以唔試下佢既雪糕其實已經唔知食左幾多次, 不過真係食幾多次都唔會厭, 因為真係好好味今次食呢隻係黑朱古力, 45@軟雪糕個質地好軟滑,係好香濃, 而且奶味同朱古力味配合得相當好加上上面亦都朱古力醬, 相當濃郁而且筒邊亦有朱古力脆脆, 好好味, 其實本身唔係咁鐘意食脆筒, 但呢間既脆筒都好脆, 唔會好淋…Read More

朋友介紹黎呢間食,第一次食沾麵入面唔算大,所以等位都冇乜地方企,但係相當細心,等位時有茶飲,都幾好飲四個人食,但地方有限,所以分問坐,但係都係俾左最入既位俾我地,都好方便叫左四個麵,分別係香蔥拉麵, 帆立貝油麵,香辣沾麵X2,餃子香蔥拉麵,都幾重口味,本人食野都幾重口味,所以覺得幾好食帆立貝油麵, 佢會有隻蛋俾你打落去,呢個都幾漏, 但係味道幾好, 唔錯, 都幾好味!至於朋友就叫左香辣沾麵, 都幾辣, 食完之後加湯, 都幾特別餃子皮薄, 都幾好味呢度食物係偏向重口味,但可以一試…Read More