AlexFong2763's Profile

剛剛食完，一個字形容“差”……90分鐘手機入單裡選擇已經少，飲品又沒啤酒，加湯和埋單又要自己出去搞（但又要收加一服務費，其實真係唔知有咩服務俾到我的），空調又唔夠所以頭頂有好多風扇，地下要有冷風機，夠90分鐘就攞張單來話夠鐘要你走但個場還有好多吉枱的，樓面基本上只得兩個服務員，＄700/2個真的不值，所以一定冇下次的了…Read More

上星期五朋友生日約了去Green同佢慶祝，7點準時安排不錯的枱給我們（大玻璃望到街景的），枱也沒像樓上自助餐那樣坐得迫，樓底超高所以很舒服，菜單係週末龍蝦四道菜晚餐，飲品任飲的，每人選了那＄300幾有6款蠔的，選蠔時副總廚還親自過來介紹和推介每一款蠔的分別，非常專業和健談，他還送了件生日蛋糕給我朋友整晚的食物和飲品都非常美味，總括環境，服務，食物，飲品都非常好，價錢合理值得去的一家餐廳，只是三小時有點不夠，坐多三小時邊飲邊聊天或跟副總廚和服務員交談下就差不多的了😊😊…Read More

好耐冇食過自助餐，一心諗住搵間好的，見到呢間有生蠔，食評又好似唔太差，價錢還要係中上的（埋單＄900幾一位），一心以為無事的啦！點知食完就覺得唔太值同有其他問題所以才上嚟發文表達下。6:30開始，6:15去到已經很多人在門口等入場，到能入去時我們三人被安排到最入的二人枱坐三個人，其中一個要面對牆壁來食，感覺已經唔太好，所以即時反映要求換枱，服務員很快也安排好換枱，這方面係值得讚的，而被安排的枱係最入面距離攞嘢食的比較遠有點唔係太方便。出去攞嘢食之前發現原來有加＄160幾可以任飲紅白有汽的酒和啤酒，於是我問女服務員紅白酒係咩國家的，她說不清楚於是找來一位男同事來，但這位男服務員的態度就很有問題，一來開口就問咩事呀！我話想知紅白酒係咩國家時佢就答係澳洲的，跟住就話有汽酒都係澳洲的，啤酒就係嘉士伯，嘉士伯就唔知係咩國家的了(即時感覺佢態度好有問題)，於是我選擇不要，但我朋友就選擇要了白酒，但我發現白酒係唔夠凍的，那女服務員立刻說會用冰雪住枝白酒（這也是讚的），我朋友說一個人飲太悶所以最終我都加錢要了紅酒，但就發覺紅酒就雪太凍了所以跟女服務員說紅酒不需要雪的了。終於到講食物方面的感覺，生蠔比較細和瘦但都有海水咸味的，每次可以攞三隻但開完的蠔放碟上給客人攞沒冰雪住感覺又係唔夠凍，攞了兩邊凍龍蝦，好奇怪一邊係淡到完全無味的另一邊就有番少少龍蝦和咸味的，松葉蟹腳都係咁，小龍蝦和蝦就正常的，而魚生就要讚帶子一流，三文魚就正常但要開口師傅才會係櫃入面攞三文魚腩俾你的，但啲蝦有點霉就唔太得了。到熱盤就發現選擇不多，所以只食了牛扒和羊扒，不錯可以的但都係要開口同師傅講才有好的部位，唔係會俾啲剩下的全熟邊位的。甜品就做緊榴槤主題，我麻麻的就沒試但佢哋有godiva軟雪糕，這個不錯可以的，所以食了兩杯之後同那女服務員聊起上來，先知原來佢無名牌的係partime的，問了佢叫Condy，一個很好的服務員總結就係＄900幾的自助餐食物一般，服務有好有唔好，場地係一個U字型，坐最入的去攞嘢食就非常不方便。…Read More

一直都喜歡他們的馬豆糕（椰汁香豆也適中），就算越來越貴（8元一小塊）久不久也會買一次來食的，昨天又忍不住去買了兩件回來，但第一口就已經失望，怎麽椰汁味那麼淡的，再食就覺得似椰汁溝了水的淡而無味，最後因為8元一塊無理由掉了就勉強食埋，現在這樣的價錢這樣的品質我就不會再幫襯的了…Read More

祥發真的是一間不錯的大排檔小菜館，小炒好味而最喜歡就是辣的菜式，夠香夠麻夠辣，老闆老闆娘又好招呼所以來的熟客也不少，價錢又合理不貴的，值得推薦的食飯聚餐好地方！…Read More

早排和朋友去了試呢間，聽講唔錯，燒海鮮又正的，整體都算是滿意的，但有樣嘢想講就係啲燒貝殼類海鮮，係不錯也算是新鮮的，但我們完全感覺不到是燒出來的，完全感覺是蒸好才放蒜蓉上去然後給客人，貝殼底部完全是沒有燒過的樣子，正面也很白雪雪，食起來更沒有燒過的香味，覺得有點騙人的感覺，問我如果想食蒸海鮮可以一試，燒的就可以不用去試的了。…Read More

本人算係熟客一名，所以見到不少廚房出茶不穩定的問題，我也中伏好幾次，反映過但一直沒改善所以才決定說出來給大家分享下。首先環境跟普通茶餐廳沒什麼大分別所以不用多說，樓面員工係唯一可讚的，細心好傾做事又快又不求其但最差的就係廚房了，小菜比較多油又遍咸了點所以每次點菜都要話少油少咸才可，見過有客人點蒸紅鮋但出來係盲?，又見過有人點姜蔥腐竹鯇魚腩煲係忘記落腐竹。而我就試過小炒皇一直係腰果但就變咗花生，凍檸檬有咖啡味的（檸茶底個壺裝過咖啡）鼓汁蒸倉魚出來也經常不同的，最離譜的係晚市的梅菜蒸鯇魚腩，晚市$55已經貴過午市的$40，但竟然係俾午市賣剩的再翻熱，魚一翻蒸就老了，魚肉很乾有時還霉霉的做飲食的係要親力親為的，但老闆倆公婆經常不在店裡的，希望廚房盡快的改善問題的啦！…Read More

物價飛漲所以份量越縮越小？今日晚飯去了點蔥油雞飯（$48）包少少菜心和一杯熱飲，但碟雞今日真的係細得可憐，得六塊（實際得五塊半的雞），看到立刻有點失望，會再俾佢機會一次，如果都係咁的情況就唔會再去的了…Read More

於網上訂位有折和每人送半隻芝士焗龍蝦和啤酒汽水任飲，於是昨晚一行五人就去了嘗試，結果是令人失敗的。首先餐廳在二樓，隔離就是類似飲嘢的bar但有歌手唱歌的，我們坐近門口，那歌聲有點大阻礙了我們自助餐區正常的聊天。本人很喜歡食冷盤的海鮮，有蝦有蟹腳有青口和小龍蝦，這些還是可以的，但生蠔區就完全不行的了，有三個地區選擇，但各自放在三個盤裡，每次給三隻客人，但那些生蠔完全處於室溫狀態這是不能接受的。到魚生區，有五款選擇，但吞拿魚的顏色很淡感覺不太新鮮而且盤裡有血水浸住的，八爪魚又完全無味的。熟食的我朋友就說蟹沒鮮味，切出來的牛柳有點老，係生滾粥有驚喜好味，還有就是有H字頭的雪糕和雪條選擇，最後還有的就是飲的啤酒和汽水也是不夠凍的，要加冰才可，總結每人差不多400幾位的價錢是不太值所以不會再去的了。…Read More