whitedogbilu のプロフィール

落單後請即刻馬上做，明明已經早咗15分鐘落單，去到舖頭等咗10分鐘都冇嗌到自己，原來係未落單做，外賣自取功能簡直形同虛設，明明已經提早嗌定因為趕時間，最後白等左差唔多半個鐘。…さらに見る

成餐飯真係好有驚喜，尤其係鵝肝同埋鮑魚嘅調味，平時冇係OpenRice打開食評，不過食完餐飯實在好開心，所以想幫佢哋推廣下～餐廳門口已經好有feel～餐廳內嘅裝修都睇得出有心機，張凳嘅皮面好舒服😂入到去職員即刻比一個籃我哋放低書包🎒不過佢嗰日佢哋冇提供Kinki同埋北海道帆立貝，所以set dinner只可以揀「譽」，同埋帆立貝會被替換成另外一種甲類（嗰陣聽唔清佢講咩🤣），食落去就有啲似象拔蚌～一開始俾咗個沙律🥗係鴨胸肉火箭菜，個鴨胸肉整得幾好食，唔係普通出邊煙鴨胸嗰種味道～不過我就唔係好鍾意個沙律落咗咁多沙律油（？）如果係麻醬會更加鍾意🤣前菜係一個平時去日本旅行，懷石料理要食到嘅蒸蛋～我好欣賞嘅一個點就係平時食蟹嘅料理係會食唔出蟹味，但係個蒸蛋仲保留到好鮮嘅蟹味而且好似同日本嗰啲一樣會有淡淡的薑味，應該係為香港人口味作出左調整冇喺日本嘅薑味咁濃郁～龍蝦會喺你面前切開，然後將佢頭入邊嘅膏用牛油炒香做汁，淋喺龍蝦肉上面，蝦膏用牛油炒香左之後係好夾嘅，不過會有少少油膩，如果連埋太多牛油龍蝦膏汁嘅話。鮑魚調味非常驚艷，原味會係牛油鹽味，旁邊會配咗一個鮟鱇魚肝醬，呢個醬非常之夾鮑魚！忍唔住用一邊嘅藻類沙律撈埋佢食埋😂唔太鍾意食魚，所以對魚冇乜感覺🙈師傅炸埋魚鱗叫你食埋，係幾新奇～去食嗰日北海道帆立貝替左做另外一種甲殼類海鮮，味道好似象拔蚌。鵝肝係我非常推薦嘅菜式之一！！本身係一個完全食唔到鵝肝嘅人，但係佢用咗士多啤梨汁（應該係佢哋用日本好甜嘅士多啤梨自家製嘅汁）配搭柚子醃蘿蔔，見到佢好似會用少少紅酒煎，呢個配搭非常之新穎，而且好好味！配上底下面薄脆法包，鵝肝煎到外脆內軟，對於一個完全唔食內臟嘅人來講完全係可以接受，而且係會想繼續食！🥹🥰我哋叫咗一份和牛一份豬肉，和牛質素OK，豬肉嘅話，因為平時都食唔到太油膩，五花腩嘅部位會有啲太肥🙈不過係煎得好脆食到一半會俾咗個解膩菜紅酒蕃茄仔冰菜，個蕃茄仔係超級好食♥️冰菜口感好特別。炒飯會配有大量嘅蝦乾（有啲似櫻花蝦果類）撈埋一齊成個炒飯會係好脆🙈最後嘅湯係一個魚湯，對於完全食唔到魚嘅腥味嘅人來講，煲得好好，完全食唔出腥味，可以成碗飲晒☺️甜品可以揀開心果雪糕或者係柚子雪葩，會另外再配焦糖麵包條，個人覺得開心果雪糕會襯啲，不過食咗太多肉類有啲油膩嘅話，建議揀柚子雪葩。成餐飯加咗杯蘋果汁$58同埋波子汽水，買單大概係23XX hkd，嘢飲嘅話得杯蘋果汁還好，成個餐會有無限量熱茶提供，如果可以提供冰水就會真喺似日本鐵板燒咁😆個日係同男朋友慶祝生日，師傅仲用鹽寫咗生日快樂出嚟，掉轉寫係個鐵板上面都好靚🥹師傅同埋職員都好好傾～唔想講嘢嘅話佢哋都好識睇眼色，唔會逼你傾偈😆對於呢餐鐵板燒真係非常滿意🥰會再帶多啲朋友過去食♥️…さらに見る

生菜魚肉魚肉入邊澱粉含量應該比較多，魚肉好少，但係調味還可以。最唔開心嘅係見着職員跌咗一粒魚肉😢但係佢冇俾返一粒我🥲希望之後可以嚴格d執行返一碗入邊有幾多粒嘅數量😢😢😢…さらに見る

之前試過食佢個蘋果包好普通，睇完MM，決定再俾多次機會佢，點知都係好差。佢個麻薯包唔單止普通，而且係好難食，非常硬，完全係用牙都扯唔開。再買咗佢嘅scone，麵粉多過牛油，一啲都唔似酒店級數。而且好似其他評論咁樣講，佢真係*極速加價*，scone由$7一個變$15一個，絕對唔會再俾機會！而且收銀姨姨對於自己嘅員工非常之差，而且當時買嘅時候仲特登收多咗我兩個麵包嘅錢，同佢講返之後仲用好串嘅語氣，講話買多兩個仲平啦。唔會再幫襯！Tried their apple bun a month ago. It’s was below average. After watching Mill Milk in YouTube, I gave it another try but it was still very disappointing. Their mochi bread’s texture was awful. I can’t really eat it. Their famous scone which was told by themselves was also terrible. I can taste its flour was much more than butter. Not taste like a high-class hotel level scone. They also double the price of the scone from $7 to $15 after getting exposed on one YouTube channel. On the other hand, the cashier was treating their junior staff so bad and she even tried to overcharge me with two more breads that I didn’t take at that time. NEVER give it a one more chance again in my life!…さらに見る