hkfoodtalk的個人專頁

宜家係葵芳都食到漢堡扒飯啦🤪水準同以往一樣👍🏻塊漢堡扒都係超爆汁💦💦本身上枱時係6成熟左右，大家可以按自己喜好睇吓想再煎多幾耐😛我覺得大約6-8成熟就啱啱好👌🏻夠晒嫩😋除左芝士味之外，今次食仲食埋新口味🥑牛油果漢堡扒！喂❣️又估唔到咁夾喎！舊牛油果夠熟，口感好滑，同漢堡扒一齊食，好似令到個口感更加豐富，多咗一層creamy嘅醬咁😚白飯、湯同西蘭花都係任食任添🥦仲有好多唔同醬料可以任加😌價錢視乎你揀幾多塊漢堡扒，由$95到$140不等。…查看更多

抵食火鍋放題🍲仲有得打麻雀唱K🀄️呢間火鍋超抵食抵玩👍🏻有$168同$298任食套餐揀🍲自助區嘅丸、熱葷、蔬菜🥬雪糕🍦冰粉等等都可以任拎🤤👘體驗着古裝漢服打卡📸都一樣係免費❣️而$298放題套餐會有幾款澳洲同美國嘅安格斯靚牛可以揀🥩有埋海鮮類🦪仲可以「免費」🆓 升級包K房 或者 麻雀房🤩仲有足足2.5小時比你玩！如果揀$168餐，都可以加$60升級K房或者麻雀房🀄️如果食得辣嘅朋友一定要試呢度嘅「正宗四川成都麻辣火鍋」湯底😍超級香麻惹味！個人覺得最滿意嘅係啲牛肉雖然係任食，但係夠高質👍🏻每次追加都係一樣質素👌🏻而且仲有小龍蝦🦞炸饅頭呢啲都可以任食！食完辣野🥵再整返碗冰粉，按個人喜好同口味配搭唔同材料，係爽嘅😌宜家係Openrice book位，單點食品仲有低至68折嘅優惠🤤真係抵上加抵🥳…查看更多

😱呢間餐廳咁大膽竟然免費派和牛漢堡扒蘭王蛋丼⁉️食呢餐飯不停聽到響鐘聲🔔因為只要同場一有人中獎，店員就會敲鐘🥳只要叫「手打和牛漢堡扒蘭王蛋飯 $128」或者「手打芝士安格斯漢堡扒蘭王蛋飯 $118」，食到見到碗底，就會發現驚喜等緊你🤩終極大獎係成碗飯免費🆓而我地當晚都見到好多人中咗半價、免費小食等等嘅優惠👏🏻中獎率都幾高😝而且咁玩法好有氣氛!有刺激感！我哋食嘅係手打和牛漢堡扒，肉質好軟嫩鬆化👍🏻呢度嘅漢堡扒飯仲會附送埋酸瓜或者泡菜，夾埋酸瓜一齊食會有錯覺以為自己食緊Burger🤣除咗丼飯，呢度都有壽喜燒牛肉鍋🍲甜品仲有牛角包waffle🥐🧇口感好Q彈煙韌!推薦大家嚟測吓運氣😏…查看更多

估唔到❗旺角樓上鋪竟然有咁高質嘅任食任飲燒肉😱聽到「旺角」加「任食」🤦‍♀就會自然聯想起好多不愉快經歷......但係安平燒肉令我重拾信心💓呢度嘅價錢可以任食和牛真係夠晒抵，質素仲要唔差，連鮑魚、蝦、帶子都係任食😳平時出面呢類燒肉，海鮮多數都要另外加錢，呢度竟然包埋比你任食😈除咗肉類，係自助區亦可以任拎蔬菜同其他飲品🥬🥤雪糕都有任食🍦雖然聽落食放題食飯好似好蠢🤣但係呢度個自助區嘅櫻花蝦飯你都一定要試🫵🏻個自家製櫻花蝦油超級香!或者叫個櫻花蝦拌麵都可以👍🏻自助區仲有12款特色醬料揀，黃金醬、薑味可樂汁、椒麻醬呢啲平時係第2度都唔見有，好有特色😯❣另外有2樣必食推介💯分別係薑汁芋圓豆腐布丁，布丁口感勁Q🍮同埋芝士蕃薯🍠甜甜嘅蕃薯剝好晒皮，撈埋芝士燒一燒，正到簡直係不停encore😍…查看更多

原來呢間來自大阪嘅過江龍御好燒X鐵板燒🇯🇵幾乎全店都係日本店員同大廚😱而且店內都好多日本人嚟幫襯，加上鐵板熱辣辣，大家都舉杯暢飲🍻超有氣氛🥳我哋食咗👇🏻👇🏻🥢京都九條蔥燒 $108估唔到平時麻麻地蔥嘅我哋，竟然覺得呢個九條蔥燒幾好食😯啲蔥有股清甜嘅味道😋🥢九條蔥海苔醬磯邊餅 $48用鐵板即燒嘅年糕😛口感煙煙韌韌，九條蔥海苔醬帶出些炒鹹鮮嘅味道🥢鹿兒島黑毛和牛扒 $348🩷🩷🩷🩷🩷大愛呀!望住大廚係我面前煎咗塊扒好耐，以為會overcook，點知完全係外脆內嫩嘅口感，入口即溶，完全將真材實料嘅和牛發揮到極致😍另外仲食咗🥢牛舌($105)、🥢熱熔芝士大阪燒($118)、🥢雪見大福配抹茶紅豆($63)🥰全晚都好滿足，食物高質係其中一個原因，最主要係比日文包圍住，令人有置身日本嘅感覺🤣…查看更多

呢間餐廳日頭主打咖啡☕️夜晚就搖身一變做酒吧🍷佢哋出咗個All You Can Taste Menu🍽️前菜8款任食+1款自選主菜😍任食前菜包括有👇🏻🍴馬刀貝薄切刺身配羅馬番茄及日式高湯醋汁🍴帕瑪火腿配意大利乳清干酪|什錦漿果|焙茶🍴煙燻三文魚田園沙拉|香草醋汁🍴炙烤牛肉薯仔沙律|柚子胡椒🍴煎餃子|柚子醋🍴脆炸日式沙蟹仔|檸檬鹽🍴味噌醬炸雞|霹靂辣椒|七色芝麻🍴炸薯條配腐乳豬油醬主菜有👇🏻🍴咖啡鹽麴熟成西冷牛扒🐮唔好睇佢望落黑蚊蚊咁🤣佢味道同香氣都好獨特😯用咖啡鹽麴熟成過，口感好軟熟😌同一般西冷比較韌嘅口感唔同👍🏻或者🍴香煎法式鴨胸🪿呢款同樣不容錯過😍建議大家2個人嚟嘅話要一人點一款主菜🤩呢個鴨胸配咗甜甜嘅西梅醬，同時又加入咗四川花椒，食落味道好有層次同刺激感🤤超正!其實唔止食物，佢哋亦有專業侍酒師🍷可以比你用1個價錢任飲各種酒🥳加上餐廳環境都好有氣氛，好適合邊食邊飲👏🏻…查看更多

😱呢間隱世工廈西式私房菜竟然有牛扒Omakase⁉️約齊6隻腳👫👭👨🏾‍🤝‍👨🏽就可以用$600/位嘅價錢食到牛扒Omakase🤩當中包括有龍蝦湯🦞4款牛扒🥩同甜品😋我哋當日就試到鹿兒島A3和牛🇯🇵招牌美國Hanger Steak🇺🇸同🇦🇺澳洲朱古力飼嘅和牛Inside Skirt🍫每一款嘅味道口感都好唔同，各有特色😯我哋最鐘意當然係A3和牛😛油花分佈平均，朱古力飼嘅inside skirt都好特別，望落去好肥👀食落又唔會好有油膩感👌🏻Hanger Steak嘅啖啖肉感就最實在🤤呢個Omakase可以一次過試到大廚精選嘅唔同部位😌勝價比極高❣️就算唔夠6隻腳，其實每款牛扒同其他菜式都可以單點😉例如脆炸豬皮配牛油果醬🥑藍芝士烤魷魚🦑等等，都係餐廳特色嘅招牌菜😎…查看更多

原來食海鮮係可以咁平咁方便😱最近彌敦道開咗間專門食籠蒸海鮮同點心嘅「鍋心海鮮點心專門店」🐟蒸象拔蚌、蟶子、扇貝、龍蝦、生蠔等等，全部都有清蒸、泰式同蒜蓉唔同做法可以揀👌🏻最正一定係配蒜蓉粉絲🤤泰式都幾夠辣勁🥵每籠海鮮多數都係$30-$50左右就有成交，比起去傳統遊客勝地抵食得多🤩除咗海鮮，呢度都有全日點心供應🥟就算1個人嚟食，都可以簡簡單單叫碗海鮮粥或者籠仔蒸飯，同樣係$30-$60左右就有交易，而且都好足料，粥仲可以自選口感稀啲定綿啲，真係好抵食!…查看更多

發現呢間喺銅鑼灣好玩又好食嘅辣炖雞湯元祖店🤩原來連黑白大廚評審都讚過😱呢間餐廳真係稱得上辣炖雞湯元祖😇1965已經係韓國開業😯韓國亦都好多飲食節目介紹過佢哋招牌嘅蒜蓉辣雞湯☺上到嚟見到每枱基本上都係人手一鍋🍲有辣有唔辣嘅炖雞湯🐥我哋揀咗細size嘅辣炖雞湯，入面都已經有超多雞，基本上夠3-4人份量🤰🏻重點係❣鍋入面啲雞肉係神奇地滑到不得了😍個辣湯亦都好啱鐘意蒜味嘅人，因為真係一大湯碗蒜蓉嘅份量車入去🤣當然都可以走蒜🫢個鍋亦可以自選加其他配料入去打邊爐😉除咗雞鍋，都推薦大家叫辣炒小麥年糕，炒年糕口感會比起個鍋入面嗰啲更加煙韌😙個醬辣得嚟又甜甜哋，食落好惹味!食完雞鍋之後，個鍋就可以加做芝士炒飯🤤芝士同紫菜已經💯完完全全同飯撈勻晒融為一體!邪惡得嚟真係食到停唔到口😈呢度嘅甜品都好韓式🇰🇷傳統街頭小食糖餅都有，入面有豆沙餡，餅皮煎到煙煙韌韌，面頭加埋蜜糖漿食，食完一堆辣野之後就係要呢種甜先夠滿足😌另外點解話佢好玩呢⁉️因為佢有《魷魚遊戲》個123木頭人🪵轉中邊個就邊個飲酒🍾呢度有唔同嘅韓式米酒、燒酒比大家叫，或者好似韓劇入面燒酒溝啤酒都得👏🏻…查看更多

😨人均百幾蚊就可以食到日本直送嘅和牛壽喜燒⁉️最近一輪壽喜燒熱潮🍲你又試過邊度性價比最高?今次發現呢間旺角新開但係已經逼滿晒人嘅牛舍🐮超級無敵大抵食💰3百幾蚊已經有鹿兒島和牛2人餐🥩如果揀美國肩胛肥牛就更平，只係2百幾咋😱套餐除咗牛肉，亦都包埋前菜、蔬菜拼盤同飯/烏冬🍚所以絕對滿足!食壽喜燒最重要就係牛嘅質素同個壽喜燒汁😎呢度嘅自家調製壽喜燒汁味道剛好，唔會太鹹太甜👌🏻食完都唔會好口渴😌鹿兒島和牛質素就唔洗講啦，酒花分佈均勻，入口滿滿脂香😋最正緊係蘸埋蛋汁再撈飯食😏就算唔夠喉，再追加每份40g和牛都只係$38😳想食就要打去book位啦，因為真係就算平日都好多人🤣walk-in有機會食唔到架！…查看更多

呢度烏冬同串燒都有齊，串燒仲有上百款選擇，重點係價錢超抵食🤯就算夜晚都係每人$100內有找😎簡直係糧尾恩物！特色招牌芝士湯同蕃茄湯手打烏冬，湯底濃郁稠密😍手打嘅烏冬彈牙、煙韌得嚟又有咬口👍🏻掛晒啲湯超級正!仲每碗都會有半隻完美溏心蛋🥚串燒呢度無論係雞、牛、豬、海鮮類都應有盡有🥳尤其是雞腳筋、雞胸軟骨、10吋長雞皮串、雞皮包蝦等等呢啲都係比較有特色，出面唔係咁常食到😉嚟到記得試埋啦!…查看更多

原來蘭桂芳嘅小巷內隱藏咗間家庭式小店🥰質素好有驚喜😍蘭桂芳都唔係淨係得酒吧嘅😜小巷內都仲有唔同嘅小店🏠一入到嚟呢間西式小餐館，見到個開放式廚房同一張大長枱，就好有家的感覺好warm😚店員都好貼心，仔細介紹佢哋嘅招牌菜式👍🏻我哋2個人就叫咗個6道菜Tasting Menu，有齊晒必食嘅招牌菜🍽️前菜有芝士脆卷配牛肉他他🧀同黑松露比基尼三文治🥪雖然牛肉他他配芝士脆片唔係新配搭，但係將芝士脆片整成一個卷，包住啲生牛肉一啖過食，都幾有心思💕❣️必食推薦一定係藍芝士煮藍青口👍🏻👍🏻👍🏻個藍芝士汁連平時唔食藍芝士嘅都食唔停口🤤最後我哋仲要加麵包蘸埋啲汁食，一滴都唔捨得浪費😋意粉都係佢哋強項🍝我哋係店員推薦下揀咗三重芝士肉醬意粉，以為會好普通🤨點知食落完勝所有肉醬意粉🥇可能因為有三重芝士，令到個肉醬嘅味道好豐富！唔會淨係得茄汁嘅酸味咁單調🥫🐷另一主角慢煮伊比利亞黑毛豬又係一個驚喜🤩肉質好爽口，唔會乾唔會韌，而且個杏脯醬完全有畫龍點睛嘅效果👀令到豬鞍嘅味道更有層次！套餐內亦包埋甜品Tiramisù，不過同一般嘅Tiramisù唔同，佢有啲似Affagato🍨係Mascarpone Cheese味嘅雪糕，底下收埋咗咖啡啫喱同手指餅碎，加埋Espresso落去，全部野一齊食就會好似食緊Tiramisu，不過係一個咖啡味特別濃嘅版本☕️食呢個Tasting Menu就可以用優惠價$88加配紅酒/白酒🍷唔飲酒嘅都可以試吓佢哋自家調製嘅Moodie’s Pink Lemonade🍋味道好Refreshing🤗啱晒而家呢啲悶熱嘅天氣！…查看更多

一個套餐有齊鵝肝、龍蝦🦞鹿兒島和牛🐮大蝦🦐北海道帆立貝👏🏻超豐富！🍽️$788套餐包括👇🏻👉🏻前菜當日係汁煮螺肉，勁入味!👉🏻北海道帆立貝🥬簡單配菠菜汁都夠鮮味!👉🏻大蝦用返大蝦本身嘅蝦膏去炒，正🤤👉🏻甘鯛做左立鱗燒😋皮脆肉滑!火喉剛好👌🏻👉🏻鵝肝配焦糖蘋果片同多士一齊食，塊鵝肝雖然勁厚但係都完全唔會膩!👉🏻黒豚薄餅好特別😯用左薄餅片整到好似春卷咁，包住炒過嘅黑豚肉，口感豐富☺️👉🏻鹿兒島和牛和牛唔洗講🐮點煎都好食😌配埋脆蒜同wasabi更正!👉🏻炒飯入面加咗肉碎，食落更加香口，粒粒金黃分明👍🏻👉🏻吸物魚湯係成餐嘅亮點🤩雖然食到嚟呢道菜已經好飽，但係一飲都仲係會有WOW嘅感覺!因為佢真係勁濃魚味，超正超足料!飲完成物暖笠笠🥰👉🏻炒野菜有芽菜、韭菜同蘿蔔絲等等🥬👉🏻甘味除咗off menu咚嘅焦糖多士，仲有香滑奶凍🍼當日做緊優惠，我哋兩個人夾埋張單過$1500就送一隻龍蝦🦞勁新鮮！…查看更多

入到嚟完全係1秒返到古代咁😳所有擺設裝潢都好古色古香👍🏻呢度主打自家製點心小菜🥟大推麻辣蝦餃同麻辣燒賣😋唔會好辣，但就好香麻辣味👍🏻🦀宜家蟹當造，一定要試埋蟹粉沾麵🍜同蟹粉烤餅，蟹粉真心鮮味足料😌絕對唔係有臭味嗰啲🤣爆汁小籠包同蘿蔔絲酥都係呢度招牌菜😎蘿蔔千絲酥個酥皮非常之鬆化，入面蘿蔔充滿水份，口感豐富有層次。甜品推薦必食中式糖水😜椰皇貓同老彿爺杏仁茶都係勁濃郁🤤好滋潤🤗…查看更多

CP值高而且親民嘅日式風格小店🇯🇵見佢晚市坐滿人，就一於試吓啦😌入到去發現有超吸睛嘅無敵巨型斧頭豬扒丼🍚塊扒大過個頭，用手拎起嚟食都可以當做gym添呀🤣豬扒勁厚切，外皮炸到勁香鬆爽脆，入面仲係juicy的💦另外叫咗款新出嘅御品丼，入面有2隻巨型炸蝦同原條炸穴子，個飯就唔係配白飯😏而係壽喜燒汁香菇飯，個飯本身就加左壽喜燒汁同菇菇一齊煮，所以完全索晒味好香甜😋丼飯套餐有跟埋前菜同麵豉湯☺️呢度仲貫徹日本文化免收加一服務費😱簡直大滿足呀🈵…查看更多