jasonthe1's Profile

食大排檔，实会諗起深水埗，特登走咗去耀東街諗住食好嘢…通常有期望就梗係失望嘅…………今次都唔例外！食咗个橡皮椒鹽百福豆腐，唔知点解，个皮唔係脆皮…粉漿加得太……………多嘞，老細！對唔住食物都要嘞，食咗两舊，成碟留返俾佢！麻辣海蜇鴨舌，中規中矩得嚟……啲麻辣辟唔到啲雪藏鴨腥味！夾硬都係食得一半！稍为見得下人嘅係燒汁鱔片同豉油王蝦碌，但都只可以講係行貨水平。总括嚟講，應該唔会再幇襯！加上就嚟拆到佢舖头，更加後会冇期！拜拜！…Read More

真係不枉山長水又遠咁走到啟業邨东菇亭！呢度个个檔口都爆，但經過我目測所得結果，呢間係最多"組合" 幇襯嘅，單拖情侶兄弟幇合家歡…乜都有……好！就揀你！望下歺牌，套餐抵到你唔信，低中高三个价位都几啱食嘅小菜加埋三舊都唔使！不过今晚咀刁，眼角稍到有两个唔喺套歺度，但又好順眼嘅小菜，所以決定散叫！1. 双翠炒龍躉片：西芹爽脆甜豆鮮甜！主角龍躉片，啲鱼皮黏到擘唔到个口…………我俾9分！2. 椒鹽焗鮮海蝦：簡簡單單，傳統白紙椒鹽焗，海虾嘅鮮甜加上恰到好處嘅椒鹽，咸甜味適中！送酒送飯一流！………我俾9.5分！3. 鮮鮑魚炆雞煲：咸旦超人隻眼咁大嘅原隻鮮鮑4大隻！炆雞係估佢唔到咁………………滑呀！如果要揾唯一可以挑剔嘅……就係油份高咗少少，中意食葱嘅我食唔到太多……我俾8分！总括嚟講，全海鮮咁濟，4舊水，性价比高！可以encore！…Read More

1／起菜慢！明明全餐廳冇人，都要等半個鐘，仲要係刺身！2／吞拿腩都勁有筋都要三舊水一客！3／刺身有陣雪藏水氣！4／生蠔冰凍！5／坐位超窄！可取嘅係職員尚算有禮。…Read More