Elsakinny's Profile

難得假日約左班朋友們聚會，當然揀間坐得舒服又可以坐得耐嘅餐廳啦地點在K11都算方便，但餐廳確實比較難搵入到去有天然光又係白色裝修，有種簡潔的感覺Order左set lunch，每人會有個包包，暖軟軟的包再加上薄薄的牛油，好味呀揀左野菌忌廉湯，飲落去好滑仲有細細粒菇可以咬下，飲完個口仲有淡淡的菇味主菜我要左香煎紅鯛配薯蓉，紅鯛係非常細小的兩小塊都好腥下，點野菌汁都好似有種九唔搭八嘅感覺就算點埋汁都係除唔到個腥味.......最好食係個薯蓉，好滑好重牛油味呢！正！愛人要左個香煎蕃茄沙沙鱸魚配薯蓉個份量就正常D，都叫有舊野切下啦味道偏鹹，食嗰陣有時會食到粒粒鹽蕃茄沙沙好少，只係一小撮蕃茄粒放在魚上，冇咩誠意喎餐飲要左Mocha，拉左花都幾靚呀千祈唔好加糖，本身已經好甜隻咖啡本身應該有微酸，但整體係幾好飲的跟餐可以加錢食甜品，有三隻款藍莓批：算係最好食的，酸酸地的果肉加埋甜甜的批底，好醒胃蘋果批：就係一舊焗左的蘋果放在酥皮上，冇咩味，唔識欣賞Tiramisu：只係一舊有咖啡味在中間的蛋糕，唔得左！上菜都好慢下，啱曬朋友們傾計聚舊個個Staff都超有禮貌同超nice，非常抵讚幾日前request想在甜品碟上寫上Happy Birthday為朋友補祝生日連自己都忘記左呢件事，佢地都有寫，非常細心！自問都坐得算耐，staff都會主動加水又唔會趕人走呢個價錢在尖沙咀又有咁嘅服務同環境真係好少有啦…Read More

好多時行過都排曬長龍，今次喺食晚飯時間前嚟，終於唔使等啦！我Order左芒果斑蘭窩夫配朱古力雪糕芒果非常非常甜，好正！食完窩夫再食芒果可以refresh一下個味蕾熱辣辣的斑蘭窩夫雖然未可以做到外脆內軟，但已經算係高質素啦配埋movenpick的朱古力味雪糕，真係絕對好食食嗰陣口被朱古力味覆蓋左，食完口中會有淡淡的斑蘭味㗎愛人叫左心太軟配士多啤梨味雪糕Present得好靚，令人賞心悅目心太軟食落比較甜同好重奶味，重到有D蘇食埋酸酸的雪糕，咁就會好D啦好多焗的甜品都係即整的，要有耐性咁去等啦最欣賞係佢地D材料唔係用平野一定會再幫襯㗎！…Read More

見門口有曬雜誌介紹，又口痕就去試下啦一坐低就係咁介紹海鮮，感覺不太好，介紹到比人有hard sell的感覺比左呢種感覺我後，我更加唔會order海鮮啦曾經在紅磡食過好正的燒韮菜，想重拾呢份美味可借事與願違，除左食到孜然粉味之外，好似冇咩韮菜味條條韮菜都好長，一半已吞入喉嚨，更一半仍在口中，有種想哽親嘅感覺好彩韮菜唔老冇渣，另外串燒下有吸油紙都幾貼心，食落好似冇咁油秋刀魚唔太得，冇味的，反而用來點秋刀魚的汁好好味雞翼燒到乾過秋天的皮膚，得個鹽的鹹鹹地雞軟骨同雞腎又係冇味同好乾台灣黑豬腸就好味道，但價錢唔親民細細條要成30蚊原條燒茄子非常yummy加埋蒜粒同蔥粒非常惹味燒得啱啱好，仍然食到juicy的茄子是日愛人想飲杯熱飲舒緩不適，呢度竟然連一杯熱茶或熱水供應都冇就算想比錢order都冇一間餐廳只供應凍飲，會唔會奇怪左少少，我就order支唔凍烏龍茶，愛人唯有order個泡菜豚肉鍋，飲住湯當熱飲啦個鍋反而幾得喎，酸酸地辣辣地的湯底幾合我胃口賣相又好精美，有好多豚肉泡菜同洋蔥食極都仲有，豆腐雖然係盒裝豆腐，勝在夠滑啦份量太大啦，2個人根本係食唔曬的店員服務都幾好，好快清理左食完的碟同垃圾令張檯有多D位放其他食物仲會主動幫個鍋較細火，要讚一下總括食物就麻麻地啦，服務除左hard sell嗰一部份同冇熱飲外，其他都可以，再回頭幫襯的機會不大啦…Read More

行經沙田被店鋪的香味吸引住就抱住不妨一試嘅心態入去一睇menu 有好多牛，但我同愛人都唔食牛，只好揀燒海鮮啦前菜好迷你，湯同沙律都係普通啦，ok嘅呢個set 有比目魚，魷魚，蝦，帶子同菜總體都係比較無味比目魚都有少少味，煎得幾脆魷魚就好似食緊膠咁帶子太生啦，出奇地一D鮮甜味都冇蝦反而係最甜的，仲有膏添！非常難得！菜又係炒得太生啦呢個set有三文魚，蝦，帶子，雞扒同菜三文魚都ok，幾肥美，唔太乾雞扒就不知所謂，又乾又無味，絕對需要改善怪唔之得有三種醬汁可以自己加啦個辣醬好似xo醬咁，好味道喎晚巿好好生意，見廚師們個個做到冇停手，都真係辛苦曬佢地服務態度ok呀，都有笑容總括咁嘅價錢嘅鐵板燒有齊咁多野食，算係咁啦…Read More

一行四人去澳門玩當然要食下葡國餐啦呢間小店地點好就腳，又見店內都好多人食就試下啦焗鴨飯好香，粒粒飯都好有味鴨肉又唔會un或者老，值得推介馬介休炒椰菜，份量非常少，又唔夠熱味道一般，唯一抵讚係放左好多馬介休葡國雞同平時食開的唔多同顏色食落又ok wor，汁香雞滑，有驚喜燒豬賣相好唔得，得四五塊豬，斬得又樣衰衰一咬落去已心知不妙，層皮竟然係唔脆，味道好普通薯條又係炸到乾曬，唔知想點有葡萄牙汽水飲，幾特別呀，推介菠蘿味！總括都ok嘅，可以一試啦…Read More

行過見到新開店仔，又有set lunch 就試下啦Set lunch 都係由4x-6x不等，有湯或者沙律，main course再加杯熱飲我同愛人一人要一樣，湯係芹菜頭湯，濃濃的芹菜味，飲落唔太creamy所以唔會好漏個沙律係凱撤沙律，菜好鮮甜，salad dressing 鋪滿每一塊葉，抵讚個熱咖啡聞落好香，飲落就偏苦微酸另外杯餐飲加左10蚊轉杯Mocha 嘩，竟然有個心心圖案呀，好surprise 飲左都特別好飲啦香煎雞扒配蕃茄沙沙加薯條雞扒皮煎得好脆，雞扒就比較淡，但配埋蕃茄沙沙就好D薯條炸得麻麻地香蒜蜆肉炒意粉賣相都吸引，但又係淡左D，冇咩味蜆肉絕對唔馬虎，一食就知唔係雪藏貨除左上菜比較慢外，其他服務都ok仲會主動問番啱唔啱食，抵讚建議食物可以鹹番少少…Read More

是晚為朋友預祝生日，一行四人嚟九龍城食一番入到去咁啱有卡位，四個人坐六人卡位，坐得好鬆動呢海蜇芝麻雞酸咪咪的前菜令人好開胃，仲加左酸瓜絲，份體量仲好大呀，值得推介鹹魚炒芥蘭味道尚可，係用梅香鹹魚炒，不過係油多左D蟹肉炒粉絲粉絲炒得好夠味，凍左之後粉絲就會變成一舊舊除左粉絲外冇咩其他材料，又冇咩食到蟹肉，所以唔會推介蝦醬什錦炒飯有驚喜喎，真係好什錦，啖啖飯都有唔同料好開心竟然會在炒飯中食到臘腸同扎肉絲呢，反而D蝦肉係冇味的飯又炒到一粒粒，好味道串燒雞軟骨就普通冇咩特別，雞腎就偏甜，應該係落多左蜜糖墨魚丸就唔得啦，一D都唔彈牙芝士腸的味道同想像中仲有一段距離，麻麻地腍肉就非常好食，少少酸又燒得脆脆地再加D蒜頭粒粒喺入面，好好食飲品都好多選擇，尤其杯山楂雪梨冰最得我歡心，甜甜酸酸仲有D雪梨肉食下，好飲！總括嚟講，食物都幾好，好平均又坐得幾舒服，服務好好，主動加左幾次茶，價錢仲好吸引…Read More

行行下街好想食越南湯河，見唔使等位就二話不話衝左入去食愛人要左碗嫩菜湯河，簡單嚟講係幾塊爛生菜嘅湯河賣相當然欠佳，所以無謂post出來啦至於味道係.......冇味的 :( 河粉份量好多，但真係唔好食，所以都食唔曬蒜蓉牛油雞翼完全唔係越式牛油雞翼嘅味感覺好似普通炸雞翼咁但冇牛油香但同D湯河比，已經算係ok啦雞絲湯河應該有十條雞絲再加一大碗河粉芽菜一早已浸埋落個冇味嘅湯度，食落已經淋曬唔明點解越式湯河會冇洋蔥唯一值得加分係辣椒粒同粒青檸仔係另外一隻碟仔上，可自行調味但可惜加曬所有野，個湯仍然都係冇咩味的，失敗呀…Read More

每次經過都好想試下的拉麵，今晚終於試到啦等左5分鐘已經有位啦店鋪外觀，裡面嘅格局，桌上嘅設備甚至店員的制服都非常有日本拉麵小店的風味可以選擇麵的硬度，湯的濃度同要唔要蔥，都幾貼心啦愛人叫左碗竹炭胡麻黑蒜油拉麵好快已經有得食賣相好黑好靚喎，飲第一啖，已經失望到極湯底只係重竹炭味，搶晒其他黑蒜呀，胡麻味淡得很，又唔夠熱，真係好唔掂我就要左醬油豚骨沾麵麵的口感非常好，唔太硬又有D咬口個湯有晒切細左的材料，但其實切細左好難食到晒D料同樣地又係唔夠熱的湯底，食食下見到D油凝結左一粒粒白色浮面，真係扣曬分份量都頗大，湯底又未至於濃到要店員加湯先可以再飲但由於真係麻麻地嘅關係，都冇要求加湯再飲D湯啦價錢唔係貴，但呢個水準嘅拉麵就唔多值啦…Read More

去完澳門玩，一落船就好想食日本野，一行三人就行左去呢間"遊＂食放題之前食過幾次，對D食物都有信心唔會差得去邊竟然有任飲汽水wor....正！可惜係杯裝好過冇啦咁一口氣叫左好多前菜：牛油粟米粒，蟹籽沙律，枝豆，清酒煮蜆，中華沙律，海蜇，味付螺肉同芝麻八爪魚樣樣都好細碟，可以試清楚喜歡邊款再encore 我地encore左三次牛油粟米粒，實在太正啦海蜇都好好味，好爽口其他都係stanard味，冇咩驚喜，中華沙律反而唔好食，令我跌曬眼鏡刺身方面，：三文魚完全冇味墨魚好新鮮，食落仲會有黏住個口的感覺甜蝦都ok，可以收貨馬刀貝好味，好爽口又甜，值得推介炸物方面：炸墨魚餅完全唔得，咬落去一"pack"野唔知想點炸芝士年糕仍舊保持水準，好正，邊咬邊漏芝士，一絕！但食得多會＂漏＂炸蠔同天婦羅都冇咩特別燒物冇左燒蒜頭，好失望多春魚除左鹹左D之外都ok嘅雞軟骨同雞腎都好香口燒海蝦最正，真係食到蝦的甜味燒羊就唔掂，偏大舊同肥，仲幾蘇下火鍋類的蕃茄湯底幾好，酸酸甜甜，好夠味手打烏冬好味道，QQ的口感豚肉好似唔使錢咁，比左好大疊我地，但好肥，出左好多油，麻麻地甜品有雀巢杯裝雪糕，冇興趣所以冇試熱食的芋心丸同芝麻紅豆丸超正正正正一定要留肚最少食兩粒總括嚟講，選擇多，價錢中等，食物味道都尚可，可以一試…Read More

食完晚飯當然要食甜品先叫圓滿啦店內非常光猛，坐得又唔算好迫已經加左分啦比起其他地方，呢度的榴蓮奶凍份量非常大，仲上面頭加左一大舊榴蓮肉非常足料，奶凍本身好重奶味，要加埋榴蓮肉食先做到濃濃的榴蓮奶凍的感覺可惜奶凍唔夠滑，否則口感會更好榴蓮班㦸反而意想不到的好食，皮好薄，食落又唔硬入面有好多好多染有榴蓮味的cream，一切落去D cream係爆出來的，仲有少少果肉，食落去感覺好Rich，好正呀咁嘅價錢食到呢個質素的甜品，有賺啦 …Read More

一行四人誤打誤撞咁嚟左呢間食店食飯環境企理都算乾淨，除左有小菜打冷仲有泰國菜Tim 四個人叫左：椒絲腐乳通菜，話梅豬手，椒鹽九肚魚，燒豬頸肉，魚雲豆腐白菜湯份量啱啱好，四個人剛好食晒最好味的一道菜，好有鑊氣，每條菜都有濃濃的腐乳味但又唔會覺得鹹好失望的一道菜，一D脆的感覺都冇，好＂淋＂咬落下就係一＂劈＂野咁，完全食唔到椒鹽味，調味粉同件食物都唔夾奶白色的湯好似家中煲的魚頭湯咁，一D都唔鯹，幾鮮甜加埋D豆腐，一定好清熱!個豬頸肉份量都算ok多，燒到啱啱好又唔太乾身，食落都幾爽口個汁係無得頂呀，少少酸又少少辣令人好開胃豬手份量比較細，初初以為係冷盤，點知原來係熱食㗎好似食緊淡味的豬腳薑咁，食唔到有咩話梅味，冇咩特別…Read More

家人生日,又係食自助餐嘅好時候啦用openrice 優惠卷,生日嗰個就有半價同埋cake 送 呢間餐廳嘅選擇真係多到冇朋友,款款都好食唔失禮ga就算樣樣試少少,個肚都唔多夠位放呀啤酒,可樂同雪碧任飲,真係有十個開心呀燒雞翼好似平時bbq嘅味道,燒得啱啱好仲要唔燶ga,值得推介另外仲有燒波羅(好味道仲好JUICY),燒香蕉(就係一條熱左的香蕉,冇咩特別),燒腸仔,燒帶子冷盤海鮮有長腳蟹,藍青口,翡翠螺,大頭蝦同埋另外一隻鮮色的蝦長腳蟹好鮮甜，正啊！大頭蝦的肉好＂鞋＂，都係另外種蝦好食D燒羊架都非常吸引，一D都唔＂蘇＂，燒到8成熟，好味道啊薯仔沙律同南瓜沙律都比較失色，冇咩味炸薯球外脆內軟，值得一試大大隻燒蝦唔使點海鮮汁都已經好夠味，因為隻蝦本身已經好甜啦，呢個一定要食呀燒豬頸肉本身都ok，加埋個汁就仲yummy刺身方面都係普通的大路野:三文魚，甜蝦，八爪魚，醋鯖魚...選擇多，但味道一般，可能係因為個豉油同wasabi好唔得嘅關係每人送一份芒果焗龍蝦，但因為太飽就冇試到lu甜品實在有大大大驚喜啦，除左有Dryers雪糕外，竟然有Haagen Dazs食除左普通的雲尼拿，朱古力同士多啤梨味外，竟然有流心的朱古力系列真係令人有受寵若驚嘅感覺忍唔住試晒兩個，Tiramisu味的流心就比較甜，反而朱古力味流心就超好味濃濃朱古力又唔太甜，為呢個晩餐寫下完美的句號呀除左地點偏遠D，食物，價錢，環境都係上上之選啦…Read More

是日喺九龍城探朋友，一行三人就在附近食個便飯啦次次嚟親都係食泰國野，今次都唔例外 行過D比較出名嘅鋪頭，八點幾都仲要排隊 :( 算罷啦，不如試下D好多泰國人幫襯嘅小店啦！好彩呢幾日都唔太熱，坐街邊食都唔會好辛苦，又係另一番風味，最緊要D野好食jei一坐低，每人一個椰青飲住先椰青夠凍夠清甜，清熱又解渴呢我地三個人叫左四樣野：生菜包，無骨鳯爪，鹹魚炒椰菜苗同埋泰式濕炒豬肉河上菜非常快，鹹魚炒椰菜苗味道控制得非常好每棵菜苗仔都有鹹魚味，仲要落足料ga，有大大粒嘅梅香鹹魚椰菜苗非常鮮嫰，好甜，一D都唔老無骨鳯爪非常酸辣，好開胃個汁簡直無得頂，份量啱啱好食落去就係在曼谷街頭食沙律嗰種啦生菜包比較辣，但好好食，菜好新鮮乾淨啖啖都有乾蔥的豬肉好正，豬肉又唔太肥，唔會油淋淋炒得夠乾身，食嗰陣唔會狼狽濕炒真係好濕好多汁，但好夠鑊氣豬肉仲要醃左先炒，好有味D菜又切到細細條，好細心服務非常好，個個都充滿笑容又會問下啱唔啱食，怕辣親我地呢D香港人好有heart的小店子，一定會再回來幫襯呢！…Read More

難得同媽媽撐檯腳，就揀間門口成日都有好多好多人嘅雞煲試下啦六點半左右去到唔使等位，直接有得入去坐我地兩個都唔太餓，所以只叫了：半隻雞煲（微辣），脆肉鯇，娃娃菜野食嚟得好快，叫左唔使10分鐘，就嚟齊晒雞切到好大件，唔易熟透，所以要等耐D先可以起動洋蔥芹菜份量偏少，當滾起時冇香氣噴鼻嘅感覺第一啖食落口，嘩！！！！好鹹呀！只有鹹味的雞煲令我地好失望啦，同我想像中差好遠我地兩個人飲左一枝可樂同一酌竹庶水 可想而知D雞係幾咁鹹啦中途加水打邊爐，脆肉鯇賣相新鮮又乾淨，值得加分 吸埋D雞煲嘅汁就成為左全晩最好味的食物啦但係娃娃菜竟然會係冇味的，一D都唔甜，好難得成個雞煲越食越辣同麻再加埋鹹，真係一次就夠啦野食同環境都好乾淨，但服務真係好差啦見到隔離檯夠鐘未食完就比人趕走，攪到佢地要打包未食嘅食材，都係第一次見咁嘅情況令人食得好有壓力…Read More