PPW004's Profile

冇寫食評好多年了，但係早幾日去完一間陶x飲茶，平均每人百幾二百蚊難食到飛起，尋晚再嚟三好，一比較之下真係要為呢間小店寫一寫食評🙏🏻小朋友喺呢個商場功課輔導，終於有間似樣啲嘅食店，等我可以接佢嘅時間食埋飯先返屋企啦👍🏻由於新開張，初初都唔敢亂推介，試咗多幾次先敢確保佢嘅穩定性👍🏻因為唔係每次都影相，所以有些推介係冇相的。環境：入到店舖，個場掛咗好多「好」字嘅標句，入到嚟毎句望吓讀吓加強正能量😝好配合佢個名👍🏻以呢類型嘅點心店嚟講都算坐得舒服了，木製傢俬，地方乾淨。服務：一開始嘅時候覺得佢啲夥計雖然好努力咁，但係有啲新手，經過好似差唔多兩個月之後，覺得佢哋上手咗好多，同埋都有禮貌，執枱都快手快腳。食物：我哋通常先叫一壺人蔘烏龍茶，因為好少地方有，再叫仔仔最鍾意嘅必食點心，之後先每次試啲其他點心，暫時仲未試齊咁多款。仔仔必點嘅有：1. 椰皇燉湯👍🏻（椰香味濃，味道應該冇味精），初初仲有其他湯，不過轉左餐牌之後只剩下椰皇燉湯。2. 炸鮮奶👍🏻（個皮鬆脆、入口即化，鮮奶部分甜度適中）。3. 大大隻鵪鶉蛋燒賣👍🏻（肉質剛剛好絕對不會是爛啤啤的）。4. 棗皇糕👍🏻（以往只覺得利x的棗皇糕好食，而家就多埋呢間三好，有日帶咗公公過嚟食，公公話好食過利x嘅棗皇糕，唔知遲啲過年嘅時間佢會唔會有得一底底咁買呢😋咁我就唔洗特登去利x訂了）。5. 好媽咪腸粉👍🏻（個皮滑過BB個面，我通常會先食一部分唔落豉油，食清楚個原味之後先加豉油，好重米香味一隻隻蝦肉好彈牙有蝦味，配搭埋叉燒啱啱好滿足到我哋呢啲咩都想食嘅人）。6. 蒸飯，每次試唔同嘅蒸飯，全部蒸飯粒還粒好靚👍🏻試過黃鱔飯（可能因為蒸，所以啲黃鱔較為腍，但本身唔食黃鱔嘅仔仔食完覺得好食）、酸菜牛肉飯（本身諗緊會唔會好古怪，但原來兩者夾到喎，如果牛肉多番少少會好啲）、菜脯醬鳳爪排骨飯（唔使加豉油撈埋啲飯味道剛剛好）、蟲草花雲耳蒸雞飯（有薑蓉味嘅雞飯）、梅菜肉餅飯（啲肉餅唔係爛啤啤嗰種，不過如果可以多多少少肉餅會仲好）。其他食物：1. 蝦餃、燒賣啲蝦好新鮮，靚過好多其他地方👍🏻2. 鮮竹卷一次好正，一次咸咗啲。3. 狀元餃，有啲似小籠包，好多肉汁，不過個皮比起小籠包厚身少少，有少少似蒸鍋貼。4. 黑松露野菌餃，好香啲菌味，個皮晶瑩通透，無論個皮定個餡都好食👍🏻5. 棉花雞，$30大大嚿魚肚，正👍🏻6. 流沙奶皇西多士/流沙奶皇包，入面個餡好香鹹蛋黃味，正👍🏻一開始係西多士，之前喺西環、天后周x食過味道口感差唔多，不過可能地區問題，周x貴啲，最近轉咗餐牌之後變成流沙奶皇包，餡一樣，不過要快少少食，如果凍咗個包皮會有少少乾，下次可能後加會好啲。7. 香蕉包，個包皮好軟熟，入面真係有香蕉，小朋友好鍾意食。8. 鴛鴦鮮蝦米網腸，有少少似春卷腸粉，但係個皮同春卷唔同，蝦肉好多👍🏻9. 鹹水角，未轉餐牌之前係青咖喱鹹水角，轉左之後係普通鹹水角，雖然都好食，但係我個人都係鍾意一開始嘅青咖喱鹹水角多啲，比較有特色，問應該係老闆定經理，佢話因為好多老人家問佢有冇原味鹹咸水角，所以轉咗，個人希望三好考慮整返青咖喱鹹水角啦😝10. 釀茄子，釀喺上面嗰層應該係加咗墨魚，厚厚的。11. 薑汁糕，公公鍾意食，甜度剛剛好，我自己鍾意再多啲薑，不過小朋友話而家已經啱，如果唔係會好辣，所以唔同人口味都各有不同。12. 千絲香芋酥，比較起炸鮮奶，我哋會鍾意後者多啲。13. 排骨春菜煲，試過有一次鹹得好犀利，向店員反映過之後後來味道剛剛好。我哋食到攬住個肚，每次都只係平均每人8、90蚊👍🏻一間咁有心嘅點心店，咁勇敢喺疫市開店，值得我抽空寫吓食評，希望香港能保留多啲呢類小店啦🙏🏻…Read More

本人對尚楊館於處理預約時的態度極之不滿，並就此向大家作出提醒：1. 長期沒人接聽，只可一直等回覆2 原本未說用圑購卷時說這星期五有位，但說後就即變已滿。再問其他日期都話已滿，回覆時態度巳極之差。我再問如果要星期五六日有邊日得，因啲卷係5月2日到期，但接聽個男人話＂都已講咗滿哂咯，要食就9點後＂，回覆時亦極之不禮貌。我問有冇其他早啲時間，佢話＂一係6：30，一係9:00＂，亦時極差及不禮貌之語氣，總之，整個電話他的回覆均是態度極差及不禮貌之語氣。咁我問7：00或7：30得唔得，佢話＂唔得，分2段時間＂，，我話佢哋圑購上唔係咁寫，佢話＂而家咪話你聽囉＂，咁我問如果要6：30有邊日，佢話＂5月26日囉＂，但我話張飛5月2日到期喎，佢話＂咪話俾你聽得囉＂，我話佢而家乜嘢態度呀，佢話＂小姐，咪話你聽冇位囉，你仲係咁問＂，我話＂你唔想做唔好拎出嚟賣囉＂，佢話＂咁你咪退咗佢囉＂。我本來諗住圑購咁平，不能要求太高，但真係冇諗過未食巳經咁差，唔知係咁啱回覆我嗰個先生咁冇品，定係成間餐廳都有問題呢？！總之，如果唔想做團購俾人，又或者根本做唔到咁多，佢哋可以唔賣歐或者限額賣，但一定唔可以用咁嘅度對人。亦希望圑購公司以後於選擇合作對象時可以留意一下。…Read More

啱啱前日先至响澳門返嚟，尋日再接再勵食葡餐作一次香港澳門之比較，哈…兩日內食3餐葡菜，而且，3餐都係為咗慶祝自己生日，真係儍咗呀！我諗下年嘅生日都應該記得今年生日食過D乜呀…第一次嚟Casa Lisboa，一上到，一塊塊嘅塼地加上塼砌嘅receiption，巳經覺得好有葡式feel…入到去仲見到成個廚窗有好多Portuguese sausages同hams…好吸引呀…望吓個menu，成個lunch set 連埋coffee / tea 共5個courses，每位$148加一，最好仲要係除咗個snack係complimentary之外，其他所有嘢都可以响個menu入面逐樣揀，真係有好多選擇呀…而對於我呢D心多嘅人就慘啦，最終決定咗選擇成枱人都冇揀嘅，然後就响每個人嗰份度試小小…咁就完完全全滿足到我嘅貪念啦…Yeah！！1.麵包、2款牛油、芝士、豬耳朵、Olives麵包竟然係切片French stick而唔係傳統用嘅豬仔包，French stick個皮有小小硬，內面唔係好夠軟，好彩嗰D豬耳朵又幾好味，不過7個人得2小碟好唔夠分，牛油同芝士都好淡，如果唔係有朋友睇過Openrice記得介紹過，真係唔知原來D 牛油有sundried tomato呀，我估可能因為得2小碟俾咁多人分，每人就住就住，所以唔夠味…D olives味道亦都好淡，感覺好似浸咗好耐水咁…有D失望呀…2.Seafood cream soup海鮮味唔錯，clams都好鮮味，如果多小小cream可能會仲好。3.Duck Rice入面有好多鴨肉，上面有2小片ham同2小片sausages，味道咸咸香香，唔太咸，剛剛好，D飯帶小小飯焦咁嘅口感，唔錯！唔錯！不過，真係好多油，有D似蠟鴨飯，一餐半餐，肥就肥啦，有佢啦！4.Roast suckling pig烤乳豬係葡菜必食嘅，一嚟到以為個皮好硬，點知原來都幾脆，即時加分呀；D肉望落應該唔夠林，但食落ok林嘅，不過真係做唔到澳門嗰種又林、又滑囉，而且肉醃得唔夠味，我講嘅唔係咸味，而係香味，咸味唔夠可以自己加鹽，但香味唔夠真係難攪…不過，以响HK嚟講，佢嘅水準都唔錯啦…5.Bacalhau with clam魚身每一片實得嚟又好滑，而且，好欣賞個lemon sauce，因為酸度剛剛好。本來用呢個sauce嚟吊起D海鮮嘅鮮味係一個好聰明嘅做法，但係唔知點解，成份馬介休竟然一D咸香味都無！我都知馬介休要整得有咸香得嚟又唔太咸其實係好難嘅，就算澳門而家都唔係間間得啦，通常一係就太咸，一係就好似呢度咁一D咸香味都無…如果當佢係其他魚咁食，咁呢碟魚就即時變成好高分啦！真，你唔知佢係馬介休嘅話，真係好好食，亦會俾Good佢囉。6.Pork loin steak同lamb chops份量好大，賣相亦唔錯，不過我就冇試到，朋友話都ok喎。Dessert 1: 木糠布甸好香滑，D質地同平時食嘅俘好唔同，比較似木糠加mousse咁，不過味道好香。Dessert 2: Pear with Porto wine容許我誇張D講句“好好味呀” ！平時最怕係D砵洒味太濃，但係好彩呢度灌切其他dishes嘅作風 - 唔係好濃味，加埋片紫蘇葉一齊食仲正呀！Dessert 3: Portuguese Egg Pudding佢嘅egg pudding 竟然有濃厚嘅蛋味，好香，質地有少少實實地，有D似唐人個D水蒸蛋糕。總括嚟講，Casa Lisboa D 食物係較其他葡國餐淡，咸味淡完全讚成，健康D嘛，想咸D嘅可自行加鹽，但係我就唔係好讚成浸淡到連原有嘅天然香味都淡埋，甚至乎冇埋囉，希望佢可以改進啦……Read More

曾經係“西龍纤味” 嘅捧場客，亦介紹不少朋友、同事到此。由佢剛開張， Openrice都未開始有其他食評，我就一直嚟，亦一直推介，原因就係個場嘅裝橫實在太特別啦，而且當初嘅食物亦做到平、靚、正三大原則…可惜…自從佢哋揾完雜誌影相、人客越來越多就巳經越來越差，身邊D朋友亦因為唔係响我推介時即刻去，到咗最近先至試，食完就向我投訴…真失威呀！！1.杯台 - 本來都估到D枱櫈會越來越殘舊，不過，真係無諗過D杯台會用到有黑色手指橅、有油、有蹟，都可以唔換！！！唔該可唔可以衛生D呀？容乜易飲水嗰陣個口點到個杯台？！如果咁唔乾淨，我寧願佢唔洗將個紙杯放上去個杯台度囉！！！2.座位 - 本來巳經迫啦，仲要3個人坐2人座位？！有無可能呀？！我次次都有book枱！仲唔係最忙嘅1點喎！去過食嘢嘅人都知係絕對無可能啦！其實好多人巳經因為迫得辛苦而唔去啦，我再繼續俾機會佢…可惜…另一次就…12點15分，明明當時只係得1枱客，亦係都要我哋撘枱，我終於忍無可忍然後話“唔食、走” ，個女人先至肯俾我哋自己一枱。嗰日大約食咗1個鐘，到我哋走嗰陣竟然都唔滿，唔通其他人同我一樣用行動表達不滿，以後唔去？3.食物 - 本來真係好食，啲炸雞翼個汁好特別帶小小甜、醉雞啲酒味好濃、啲素鵝啲料多外脆、等等…但係可惜而家…啲炸雞翼要隔硬响個碟底抹先致有啲汁、醉雞啲肉”high” 到不得了，最過份係竟然食到入面全部雪！！！做食市真係最緊要係保持水準，咁做法係留唔到D客！！！一間咁有特式嘅地方，真係唔應該越做越差…唉……Read More

一入到@Rex就可以見到排蛋糕樻，見到就開心啦...其實每次到@Rex都係貪佢啲set lunch可以揀coffee or cake，當然我就一定揀蛋糕啦…Soups - 如果鍾意較為gravy感嘅湯，咁@Rex通常都唔會令你失望，因為佢啲湯應該係用新鮮材料打磨而做... 我將曾經飲過嘅湯排咗名次：1.Mushroom soup - 係@Rex我最鍾意嘅湯，好rich、好heavy、好濃嘅蘑菇味，有好多一粒粒磨碎咗嘅新鮮蘑菇，但係我就有friend話太似糊仔好唔鍾意喎，各人口味唔同啦…2.White bean soup - 亦係較為rich同heavy嘅湯，好濃烈嘅豆味，鍾意豆嘅人應該會滿意，不過佢只係最多排第二。當然，亦係有人話太糊仔啦…3.Pumkin and cream soup – 都唔錯，好有pumkin味4.Celery and potato soup - 亦係較為rich，不過有D celeries 响度，所以就唔會太heavy…Main courses - 佢哋嘅main courses通常都係同一般意大利餐廳咁樣唔會差，但係就一定唔會有驚喜…（排名不分先後）：1.Lamb chop - 真係平平無奇，唔會話好林/好滑，但係就唔會“High” ，肉味一般。反而，焗蕃茄就特別少少，個面係crispy crumbs。2.Prawns with angel hairs - 成碟angel hairs得幾隻蝦，而味道亦是一般cafe都有嘅味（即係olive oil + herb 如rosemary、parsley、etc）…Desserts：1.Raspberry white chocolate cake – 酸酸哋嘅cake，好smooth、好soft，分咗幾層，raspberry味好特出，white chocolate嘅味較淡，要分層食先食得出，雖然係咁，但係整體嚟講佢係一件好好味嘅蛋糕，所以我有時都會特登訂嚟做birthday cake。2.Lemon cheese cake – 質地同raspberry white chocolate cake好似，一D都唔溜，不過似Lemon mousse cake多D，因為真係食唔出有cheese cake味道，但係如果當佢係Lemon mousse cake嚟食咁就即刻高分咗好多啦！3.Apple crumble – 最唔喜愛嘅@Rex甜品，皮身林而無layer... 蘋果只係食到cinnamon...而本身我就比較鍾意D蘋果用syrup加cinnamon一齊整出嚟嘅味道，所以不好此道。:以價錢嚟講，有朋友覺得唔太值，因為感覺D品質係好平凡…不過，我就覺得以中環呢區，一個set lunch有湯、main course同甜品連埋加一約$130，附近有好多質素差唔多或者差過佢，但比起佢仲貴嘅就大有人在啦…但係如果我唔响呢頭返工，我就唔會特登嚟食囉… …Read More

啱啱講過Twyst，就一定要講吓Bonheur啦！唔知點解我硬係要將佢兩間比較呢…可能佢哋兩間都唔係做太正宗嘅法國餐，但係品質同環境都唔錯，消費又差不多啦…Heee.e…有啲似個感冒藥廣告咁講“唔通呢D係縮命” …先送上一份麵包(可以添)，Bonheur嘅麵包係有少少洋蔥响入面，帶出少少嘅香味，但又唔會令唔食洋蔥嘅人反感，連份麵包都可以咁有自己特式，真係好嘢！再嚟個Appetizer – Beef Caprice先咋，薄薄嘅生牛肉，用少少Balsamic Vinegar同Salads帶出D牛肉味，入口即溶，但D肉味仍會留响個口度一陣，係甜品之外最令我回味嘅一道菜。Kurobuta Pork Chop - 平時好小食煎豬排因為驚un，但係响Bonheur我就無驚過，成塊豬排食哂，唔un不特止，仲帶少少爽脆，咸味剛剛好。朋友就食fish fillet，但係唔記得佢嗰件係乜嘢fish，朋友話魚身好滑，魚皮邊好脆喎。如果係咁，應該都唔會差啦…最後當然係coffee加dessert(extra$48)啦…响Bonheur我嘅必食甜品緊係Mango Mille-feuille啦！D custard又唔會太甜、啱啱好，D酥皮又脆，又夠多芒果，所以一D都唔覺太Heavy，而家諗起都想食呀…不過，最近件Mango Mille-feuille好似細咗D，同埋D custard好似小咗D，雖然仲係好好，但仍然希望佢哋可以加翻多D custard啦…講真呀，Mango Mille-feuille係令我嚟Bonheur最大嘅動力嚟，千褀唔好俾佢減分呀！！咦？點解每次有Bonheur就一定有Mango Mille-feuille？！哈哈…廣告又嚟啦…“唔通呢D係縮命” ……Read More

柏廷坊不嬲都係食lunch嘅好選擇，一來近公司，二來幾間都有翻咁上下水準，三來環境都ok唔會太嘈。而今日lunch就去咗Twyst食…一開始上咗麵包跟埋個番茄Dip，D麵包好軟身，同個Dip好配合…個Dip食落有少少似用fresh tomatoes加sun dried tomatoes 加olive oil嘅味道。 Appetizer揀咗mushroom crepe, tiger prawn with mango, smoked duck breast with asparagus。好鍾意個mushroom crepe，塊crepe真係好軟(呀，其實點樣可以做到咁薄、咁軟、又唔會穿嘅crepe呢？？？)…tiger prawn比相像中細隻…smoked duck breast就無乜驚喜…到個湯…Tomato Soup…我本人覺得太酸啦…Main course揀咗Lamb Chop，好林又唔太so，而且肉味好新鮮，可惜佢哋竟然無steak knife，所以骨嘅邊、中間、骨背都食唔到，直係浪費，因為通常D部位係好好食ga嘛…而伴碟D mashed potato好香牛油味，但就咸咗少到咗dessert啦…今日有西瓜、lemon mousse、coffee cheese cake…1. 西瓜 - 入貨唔錯、好甜 2. Lemon mousse - 我最鍾意帶D酸嘅甜品，所以呢個lemon mousse完全可以fulfill到我嘅口味呀。而且，我覺得佢哋整得好有誠意呀，點解？！因為佢哋唔係用一般嘅lemon rind嚟整，食得出佢係好似先製成蜜餞類再壓到好碎咁…真係值得俾個Good佢呀3. Coffee Cheese Cake - 就令我失望啦…我自己本身係任何cheese cake都鍾意嘅，但佢呢個Coffee Cheese Cake就一啲都食唔出有Cheese或者Coffee味，反而有好重嘅Rum味…其實Menu只係寫Daily Dessert，我係order嗰陣由個waiter介紹，所以曾經諗過係個waiter介紹錯咗，但係double check完都係話Coffee Cheese Cake…帶嚟咗少少缺憾…如果以甜品嚟講，我會選擇留下Bonheur，但係main course就Twyst好似多選擇同水準高啲，Appetizer就大家都差唔多水準。雖然有少少嘢係唔太啱我個人口味，但係總括嚟講，成餐Lunch都幾滿意，Service又唔錯，而且，個set連埋dessert同coffee即6 courses都係$168 + 10%…到咗埋單嗰陣最大驚喜係我個friend話因為我就嚟生日，所以今餐佢請，但佢無講定俾我聽喎…呢餐真係好似人生咁有喜亦有失望，而從來無expect嘅surprise係最開心ga…所以做人有時真係唔好奢求太多，有時希望越大，可能失望越大，始終都係順其自然就最開心啦！…Read More

嗰日有個同事準備飛去東京旅行，同佢我不停咁講D日本食物，攪到我即時好想食燒和牛…其實，燒和牛都應該好難唔好食啦，只不過要响HK食到好似响日本食嗰D就較為難咗D啦(**)，所以只要佢D雪花夠多又夠新鮮，做到入口即容，我都巳經好滿意啦，而盛八就一向都做到呢個水準，而且價錢又唔太貴。除此之外，我最鍾意就係佢嘅厚切牛舌。好多人唔鍾意厚切牛舌，話so，同埋質地好怪，但係我就係鍾意個質地。如果燒得啱啱好，佢其實係有少少脆口，唔會太林。其實，一條牛舌可以做到厚切嘅係唔多，所以唔係咁多間有得食咋，呢個亦係我嚟盛八嘅其中一個原因。不過，其他啲嘢香草和牛石頭碢飯、同理黑豚肉就好一般啦…嗰晚好似係每人$350-$400左右。(**寫呢扁食評嘅時候巳經發生咗日本大地震…嗚…一個咁好嘅地方攪成咁真係好慘呀，原來自己真係好幸運啦，好在我一向都好珍惜食物咋…祝願日本所有人平平安安)…Read More

一直都好想寫食評，但實在太懶啦，襯住呢排成日食生日飯局一次過寫翻多幾遍先…一路都覺得香港有好多餐廳都稱自己為法國餐廳係不名不實，直到試咗Chez Patrick之後，我諗我嘅要求會更加高，因為不論食物嘅水準、特式、同埋食物嘅擺設加上伴碟嘅精致真係令又無法唔愛上…而大廚更親自介紹食品添，好親切呵一開始上咗麵包，再上一份好似mousse咁有小小herbs加lime嘅味道(唔記得叫乜…送嘅) 不論就咁食定係送麵包都覺得有種好fresh嘅感覺。1. Warm five cheese and prunes cookies: 賣相已經唔錯啦，係我最深刻嘅一道菜，每一粒發放出嚟嘅芝士香味，到於一個極度鍾意由芝士做食材嘅我嚟講，真係未食都口水流…一咬落口... 嘩！掂呀！！！質地有D似Brownie，外脆、內軟得嚟有D煙UN，芝士味又夠濃，好好味呀！！！不過，唔鍾意食芝士嘅人就真係唔好試啦，特別係Blue Cheese。2. Warm Crispy Brie Cheese in Crust with Apple and Walnut:又係一道致愛Cheese，不過就無第1道咁濃，而且我唔太鍾意Walnut。其實，如果唔係先入為主，呢道菜都幾有特式，我個friend唔係芝士愛好者，所以佢就較為鍾意呢種清清哋嘅芝士味。3. Pan fried sea bass fillet: 賣相真係好有心思，個sauce係water cress做，成份魚就多咗份青香嘅草園味。4. Roast leg of lamb:好淋，唔so，但好有肉味，連旁邊嘅baked white sauce potato都好好昧好香。唯一覺得失敗嘅係我同朋友竟然係响一個極短暫嘅Lunch Hour嚟，而唔可以慢慢享受一餐咁好嘅meal…而且最終仲要cancel個dessert…真失敗……Read More