kathcheese's Profile

嘢食算係普普通通放得入口啦，如果唔追求啲乜嘅話，即係唔係叫做難食，但又冇話好食囉。無論係餐廳嘅裝修環境、餐桌上面嘅擺設，定係食物嘅擺碟和食物嘅賣相味道，都係有種求求其其嘅感覺，款式唔多、唔精美，不過上菜都快，冇漏單，叫做有個地方，可以同朋友坐耐少少吹水咁囉。冇咩唔會再去。…Read More

短時間內食咗呢間嘢四次，因為真係好好味，淨係講個冬陰功湯，已經冇得輸。好多地方嘅冬陰功都唔好飲，一係唔夠酸，一係咸到苦，真係咸到苦，一係就硬係爭緊啲唔係嗰陣味。但，呢度飲一啖已經停唔到口，真係惹味香口嘅冬陰功，係泰國飲到嘅味道，好感動。對比之下，椰子雞湯就顯得普普通通，可以不叫。然後就係串燒，啲肉有，又巨又厚，豬頸肉、司華力腸，超級好食，墨丸連蜜糖都燒得香香的好好味。炒金邊粉酸酸甜甜，又大碟，真係冇得彈，好食過好多商場入面嘅餐廳，真係有泰國味。木瓜沙律就辣咗啲，如果冇咁辣就完美。甜品食咗西米糕，中間有粒粟米好得意，但係一碟有好多粒，食唔晒好大嘥。另外仲叫咗芒果糯米飯，超～好～食～以為自己喺泰國～…Read More

第一次嚟，坐底喺靠窗邊的卡位，微黃的燈光和窗外的景色有一種對比，感覺喺繁忙的城市中跳進咗一個可以暫時放鬆的地方。枱上嘅餐具好乾淨，真係好乾淨，冇跡冇油，整整齊齊咁，令人放心。食物全部都好好味，主要食串燒，肉嫩多汁、大份，醬汁亦都好多，食到的是師傅的心機、誠意。壽司上枱時亦都好觸目，因為真係好大份😂，味道不錯，食材新鮮冇雪味。成餐飯感覺到老闆開呢間餐廳真係冇hea你，廚房員工、樓面員工都好用心對待食物和客人。食完覺得開心咗☺️…Read More

一年前第一次食，覺得好好食，一年後再食都係咁滿意。兩次都坐卡位，燈光唔錯，少少昏暗，有relax感。燒雞泡魚加蛋黃醬好惹味，唔會燒到乾晒，真係好正。燒扇貝都超好味，好大隻，視覺都好享受，連汁都飲埋，有少少蒜味，同埋燒烤嘅香氣。所有豬雞串燒都好大份，醬汁非常足夠，食完會覺得飽，同朋友share就可以食哂咁多款。魷魚筒又係份量十足，燒完都多汁彈牙。唯一係特飲有d伏，兩次都俾張推廣menu吸引咗，但好苦，其實飲可樂就夠好了。…Read More

今日的主題是「日韓尋味自助午餐」，但去到覺得係冇主題。壽司只有反卷和太卷兩款，點豉油嗰陣會散出嚟。刺身三文魚係OK，厚切，冇筋，少少甘香，但其他幾款都唔好食，冇魚味，有少少雪味。日式嗰部份就係咁多。韓式嗰部份，除咗兜有少少蚊滋飛飛下的泡菜，我諗就係自助淥麵果part? 有午餐肉，當係部隊鍋掛。有幾款點心，有啲中菜，蝦仁、雞球、西蘭花。有六款movenpick 。講真，10年8年前嘅K buffet都好食過呢度。主要係冇咩款式。完～…Read More

明明打電話去話留卡位，聽電話個男職員都話OK冇問題，點知去到完全冇件事。然後我提出留咗卡位，佢竟然帶我去另一張唔係卡位嘅枱同我講係卡位。究竟佢係當我傻定係佢係傻。嘢食麻麻地，芝士泡菜飯有羶味，甜辣烤雞，雖然未至於話有死老鼠味，但都係唔算新鮮，入面嘅年糕，一啲都唔軟糯，又瘦又硬。隻叉有頑固食物漬。…Read More