carolluilui's Profile

上一手以前成日幫襯，轉手後第一次嚟。入到去首先覺得價錢驚喜，午市七八十蚊食到個刺身丼，有湯有沙律，而食物質素唔錯～ 跟住見佢五品刺身價錢好抵食，就叫咗份試吓。質素好驚喜，味鮮！厚切！呢個價錢真係可以 Encore!店主仲請我食鱈魚干，態度又親切。而家市道唔好，個個又北上，其實好嘅本地店舖真係要多多支持吓！最後兩份午餐加一份五品刺身，三舊水真係無投訴啦！…Read More

食物唔錯，雖然價錢略貴，但味道係驚喜嘅，同埋好打卡able。點咗杯橙乳酪，幾清新。但整體上餐實在太慢，太chill了。隔離檯話佢由午餐食到tea time。另外，希望有樣嘢真係要改善，就係排隊等位嘅安排。客人喺出面戶外曬住等，我差啲等到中暑，我都見唔少人抵唔住曬走咗。其實店舖可否安排比較陰嘅地方排隊？或者at least放幾支太陽傘？再唔係學下人哋可以mark低客人人數及電話，有位通知。唔使曬到咁忟。…Read More

見好耐冇食北京菜，又想支持吓香港經濟，食咗2千幾蚊，食物質素都唔好提喇，服務先差都無得再差。除咗帶位嘅較為好啲，全程係冇人serve嘅，落單都係我自己QR code落。零服務，叫極冇人應。難怪人人北上消費。食物大致上冇咩味，同埋唔夠熱。片皮鴨400蚊一隻，片出嚟啲皮好少，同埋…竟然有陣「騷」味！包鴨嘅薄餅皮…好差！我可以話隨時去一間普通茶樓食片皮鴨都好過佢。好失望！另外，講真，服務可以畀0星星嘅話，我會畀0。一星真係畀多佢。…Read More