parkom's Profile

近排多咗時間係旺角，橫街窄巷都食過唔少野，來到朗豪坊已經開始好陌生，已經兩年冇來朗豪坊，原來好多餐廳都唔同晒，多咗間茶木，不過好多人，要排隊，所以就冇等，去food court搵嘢食， paper lunch ,本應都幾想食牛扒，不過見佢差唔多要成＄100 ,所以放棄左呢個念頭。之後就揀咗呢間，因為自己好鍾意食海南雞飯，見佢張相影到隻雞餐好正好靚咁，就深深地俾佢吸引，所以就揀咗呢個餐嚟食，就咁睇個海南雞賣相都唔錯睇到個雞都好滑，不過食落去就真係完全唔掂，好有唔新鮮嘅感覺，真係有啲唔開心。其實我個要求都唔高，就算係冰鮮雞，我都無乜所謂，但係佢就係連冰鮮雞嘅感覺都俾唔到我。冬瓜湯，個冬瓜湯得個咸，完全冇冬瓜嘅清甜味。海南雞飯嗰三隻汁又同碟海南雞好唔親，我都唔知發出咩野事！一句講晒，呢一間係我第一次食，我應該都唔會再試。喺打食評嘅時候，其實我都想試佢嗰個冬陰公，睇返前幾個食評，我諗我都應該唔使試。…Read More

韓式壽司既材料就自由配搭，我地要左魷魚壽司，除左魷魚仲有紅蘿蔔，黃蘿蔔，波菜，蛋等等配菜，好足料，魷魚本身醃過，有魷魚好口感，但就無魷魚味。唔記得雞翼係咩野名！無醃過既雞翼，韓汁搭救！但韓汁味又好濃，感覺食緊個汁多過隻雞翼，所以唔太鐘意！ 辣豬肉好好食，極力推介，辣度對我來講就啱啱好，再辣啲就唔啱我食啦。超正！無論果汁，配菜，豬肉，全部都好夾好match。呢個簡直係我食過咁多豬肉製成品，呢個真係好正，好夠味，無得輸。可惜碗飯太細，爬三至四啖已經食完，剩返半碟＼豬肉要乾食。兩個人埋單$100鬆啲，都幾抵。…Read More

麥當奴近排連環出招, 連我呢個唔係成日食麥當勞嘅人，都忍唔住要去攞一攞着數。食親麥當勞，我都會散嗌佢＄10嘅魚柳包，同樣＄10 ,今日可以有另外一個選擇，雙牛芝堡，真係佢出左咁耐都未食過，就試吓你！唔知係咪因為做緊特價，超級多人，無論係排隊食嘢定係排隊等位，都周圍滿晒人。買一個包，前前後後等左十分鐘，早知就唔買啦，但錢已經俾咗，無辦法，唯有等落去。平時食開魚柳包，已經遺忘左麥當勞嘅牛肉味，呢個包都令我幾驚喜，牛肉味幾香，可能因為有2層，都幾濃郁，配合埋中間果塊芝士，個芝士好香滑，成個感覺幾豐富，但係茄汁好多，令到我覺得佢有啲漏，算係少少嘅敗筆，如果唔係，呢個＄10嘅包真係冇得彈。…Read More

今次係第二次來，都格左成幾個月先來，點解唔來？因為唔覺得好食囉，就係咁簡單！最平都要成$180，大把選擇，點解要簡你先！今次朋友想來，先加入戰團！夜晚11點幾近12點入座，女知客嘅態度又好一般，黑口黑面，未入到去食已經無心情。湯底OK,幾濃,所以食到後邊會有D咸~牛肉,第一碟靚,第二碟差左D.....叫佢來碟豬同牛，剩係來牛，算......無乜壽司款！有既，得乜乜飯卷，等左90鐘，都係個碟，咁洗鬼任食咩，任食？得一款，搵鬼幫親！，翡翠螺就難難容容，見到都唔開胃。要讚嘅就係啲菜好新鮮，冬菇你都好靚。但接近＄200你唔係叫我淨係食菜掛。唔係11點幾入座就乜都無得食丫，咁做乜收同一價錢，入座前講明：你地唔會加野，想食先好入來，咁就無野好食都唔會怪你地丫嘛！甜品又無乜~收工格！不如改收夜晚11點，由開始食到90分鐘後埋單走人，一直都冇人收枱，成枱都擺滿雜物。唉…整體覺得一般般~同價錢可以有其他選擇~唔太抵,出邊散叫都唔使咁貴~如果老闆生意少咗，你應該知點解。…Read More

 好耐冇嚟過呢度啦，今日經過呢度,就上咗去再試下，上到發現原來menu轉左，環境都變埋，五個人叫左二人餐同三人餐，本身呢就諗散叫，但套餐又好似多嘢食啲，化算啲。最終都係簡咗套餐。今日係南瓜忌廉湯，個南瓜湯上面有兩粒麵包，我覺得呢兩粒麵包係成個湯入邊嘅精髓好香蒜蓉味。超級正。湯之後係沙律，有粟米粒蕃茄粒青瓜蟹柳片，雖然沙律細細個，但係佢都幾豐富，配埋芝麻汁，我覺得好好味，不過我嫌佢哋汁太的多，少啲就更好。小食係蜜糖薯條&瑞士汁雞翼。一直食開嘅薯條都係茄汁加薯條，原來用蜜糖加薯條食其實都幾好味幾甲。唔錯嘅配搭。食埋瑞士汁雞翼。我好鐘意食章魚小丸子，散叫左一客章魚小丸子。章魚小丸子唔係好特別，普普通通咁啦，不過不失。不過我一個人都食咗4粒。芝士肉醬意粉，芝士味好濃郁好鬼死臭紅豆鮮奶枺茶，紅豆好好味，但就欠缺咗枺茶香味，唔夠濃烈，7分到拉！食完嘢，玩埋board game,10點半鬆人。…Read More

本身好鐘意食壽司嘅我，其實對壽司係都無乜要求，來到大埔火車站，附近麵包鋪居多，無咩可簡，見到間壽司店，望落鋪面都好新淨，紅色做咗公司嘅主色，好吸目。買咗幾件三文魚壽司同其他壽司，大約廿幾蚊，都算化算，但質素就唔太得，壽司飯好濕，好比*知飯*無乜壽司醋嘅酸味，三文魚都較淡魚味，整體而言，食過一次後，經過都無再入去買！有啲失望。…Read More