yuki1012tang's Profile

巴巴串今日要介紹嘅係觀塘巴巴串，係一間燒烤放題，但係比較特別嘅係佢已經將食材串好，再由顧客自己放上爐燒，同一般食嘅燒肉放題唔同。食材方面選擇非常多，而且用料新鮮，絶對唔係普通凍肉，除咗有常見既豬牛雞外，仲有鴨胸，燒賣，芝士腸，台灣腸，厨師腸，紅腸同名式丸類，最驚喜係有不少海鮮，有大蝦，扇貝，蟶子，青口，大蜆等，非常鮮美，加上粟米，萵筍，秋葵，菠蘿，車厘茄，蒜蓉包，棉花糖等等，選擇眾多，配上不同既醬料，一定滿足到不同口味。🤣🤣燒既時候只要將串好既食物放上燒烤爐就會自己轉動，唔需要一直望住，可以同朋友繼續一面傾計或者睇住戲，一面享受燒好既串燒，燒好既肉仍然留有肉汁，加上香味撲鼻，令人食指大動。😋😋除咗燒烤之外，老闆仲準備左好多不同嘅小食前菜同各式甜品，款式多到好難選擇，可以每樣都試吓，因為所有小食甜品都好似自助餐咁可以任食，而且每款都明顯落足心機，一定有適合你嘅口味，非常有誠意同超值。👍😍…Read More

今日係舊墟行過，見到一鳴屋台料理既日本野就入去試下。估唔到有驚喜😳，味道各方面都幾好，老實講區內來來去去都係個幾間日本野，無咩選擇。佢個餐牌都算多野揀，主食有拉麵同便當，仲有好多小食。淨係便當都有八款，今次我揀左吉列豬扒便當，賣相非常吸引，沙律同配菜好開胃，吉列豬扒外脆內軟，一口咬落去肉汁係口入面四淺，非常Juicy，仲有配埋唐揚炸雞小吃，一樣香脆多汁。而拉麵有五款口味，而今次就試下一鳴拉麵，拉麵可以選擇麵條粗幼，麵質，細葱，配料同辛辣，可以按個人喜好配搭。拉麵好有水準，湯底香濃，麵條吸收左湯汁再啜入口，味道濃郁，叉燒肥美非常，但係一啲都唔漏，連湯都飲晒，非常滿足。小食方面我點左燒河豚乾，汁燒雞翼同唐揚雞軟骨。河豚乾好惹味，如果飲酒嘅話可以當下酒菜，燒雞翼好香口，肉質嫩滑，絶對係必食選擇，加埋雞軟骨甘香酥脆，但係一啲都唔油膩，食幾多都唔怕。整體來講都係好食，環境又舒服，坐得好闊落，試菜都快，值得推介👍👍👍👍…Read More

行完街又落雨唔想行咁遠，所以就係駱駝漆搵野食，搵搵下居然搵到間幾Chill 味道又唔錯既Cafe👍👍先講個位置，搭笠到11樓一出笠轉左就見到呢間餐廳，應該好易搵到。野食同價錢方面我覺得都算足料大份同抵食，強烈推介加多$30升級埋個豪華定食，水果好多，同平時出面買既份量差唔多，仲要有湯同兩個小食。野飲方面我哋嗌左星晨大海同玫瑰鮮奶咖啡。星晨大海真係好靚，好岩打卡，而且味道唔算好甜，好清新。🌈🥰玫瑰鮮奶咖啡就有淡淡既玫瑰花香，好少會飲到，幾特別。🌹☕️野食方面我哋嗌左一份椒鹽炒甜粟米手指，Chill All Day Breakfast ，泰式青咖喱烤雞扒牛油果再加$30 升級埋個豪華定食。椒鹽炒甜粟米條，之前係出面都有食過，但好多時都比較乾身，但呢度既係咬入去都仲會爆汁，幾驚喜，唔錯，而且都有鑊氣，好味😋Chill All Day Breakfast 整體都唔錯，份量好足，我個人比較欣賞個包，外脆內軟。最後到泰式青咖喱烤雞扒牛油果加豪華定食，呢個餐真係令我好滿足👏👏🥳首先青咖喱唔會好辣但又好香好滑👍👍，雞扒烤到岩岩好，又厚又多汁，本身我都唔知點解會有牛油果，不過食完青咖喱之後再食牛油果又幾解膩，呢個配搭幾好，抵讚。而加左$30既豪華定食分別有蘑茹湯，炸豆腐，蛋沙津同水果杯，味道都唔錯，性價比高，值得追加。整體來講，環境，味道，價錢，出餐速度同服務我都覺得好滿意，值得推介。…Read More

今次呢間餐廳認真不得了，一見到即刻心心眼😍😍😍😍個裝修好靚👍👍絕對岩同啲姐妹係度high tea 無限打卡😘😊不過我今次係食午餐，留返下次先黎high tea 😏😏😏一到午餐時間都幾多人黎食，不過都唔洗等好耐，5分鐘內都入到去坐底。個menu 都好鬼靚😍😍岩哂少女心既我🤫🤫坐底左之後，我同朋友分別叫左澳洲和牛烤大菇漢堡配沙律薯條同埋香煎焗厚切豬肉眼配牛肝菌忌廉汁😋😋😋唔洗3分鐘已經上左個餐湯(南瓜湯)呢個上餐速度絕對抵讚👍個南瓜湯好濃，而且好有質感，有南瓜蓉既口感。之後到上主菜首先講下澳洲和牛烤大菇漢堡沙律薯條，份量好足，而個漢堡一咬落去勁多汁，牛肉味重，而個千島沙律醬份量岩岩好，唔會好膩。而沙律菜亦都好新鮮，咬落好脆好甜👍👍到香煎焗厚切豬肉眼配牛肝菌忌廉汁，塊豬肉眼好厚，好大塊，而且配個牛肝菌忌廉汁，真係好好味。其實塊豬肉眼咁厚，我都擔心會唔會煮得太熟而太韌，點知我既擔心都係多餘。😂😂😂火候岩岩好，仲有肉汁。👍👍野飲方面我哋叫左Long Black 同士多啤梨藍莓奶昔。Long Black 咖啡味香，入口好滑，而士多啤梨藍莓奶昔就好清新，唔會好甜。最後要讚下啲服務員，真係好有禮貌而且又快手👍👍👍以呢個價錢黎呢個環境同食啲咁高質既野食，絕對抵食同超值。…Read More

呢幾日都落雨濕濕,好悶熱。咩胃口都無🥹🥹行過apm見到鮮芋仙，就諗住嗌個芋圓外賣公司食。首先個環境都幾好，近住商場入口，而且個招牌都幾顯眼，應該都幾易搵。(近周大福個邊)因為我個人比較鍾意食煙靭既野，所以我叫左個芋圓4號，另外加左一份白玉湯圓🤫🤫🤫🤫可能落雨關係，今次我買既時候都唔算好多人，等左幾個人就到我。而佢既廚房係開放式，客人可以望到哂入面，所以衛生問題絕對可以放心👌👍👍👍👍不過要留意一點既係原來堂食係有時間限制，用餐時間45分鐘，不過對於食碗糖水黎講，時間絕對足夠至於野食方面真係要讚一讚😋😋😋😋😋首先講左份量先，呢個份量比呢個價錢，絕對係超值👍👍勁足料，我都自問大食，但都係勉強食得唒，食完真係好飽好飽。之後就到個芋圓拉，珍珠同芋圓既口感都好正，芋圓絕對係真材實料，食落去仲食到啲番薯同芋頭粒，而且個糖水甜度岩岩好，唔會一味得糖水既死甜，個糖水真係似我係九份老街食個隻味，清甜解膩，而且入面仲有兩大個芋頭，真係超滿足。🥰🥰🥰最後到白玉湯圓拉，白玉湯圓好似我哋平時食既小丸子，不過真係好煙靭，仲帶小小甜，口感超正，如果鐘意食煙靭野既朋友真係唔好錯過。👍👍👍👍🙌🙌🙌🙌🙌如果掛住台灣風味既朋友可以黎試吓一解相思之苦。😆…Read More

天氣開始凍凍，打邊爐就最岩😏😏係尖沙咀搵野食一定係去厚福街，去到左揀右揀，終於去左鮮入圍煮，食佢個花膠雞😋😋😋去到好彩都唔洗點等，上菜都快，一黎到緊係即刻叫左花膠雞湯底先，一上枱就勁香，之後緊係唔少得飲碗靚湯先拉。好味到不得了，勁勁勁足料，好似屋企煲既湯咁，好濃👍👍👍成個湯底有半隻雞同好多塊花膠，好似極都有咁🤭🤭🤭好抵食佢會比醬料你自己加，不過我比較鍾意原汁原味🥰因為得兩個人既關係，所以只係叫左芝士腸，手切牛，響鈴同蝦滑。不得不讚個響鈴浸落個湯真係好正。個蝦滑好足料，應該係用鮮蝦整，好有口感，好鮮甜。個手切牛好有牛味，配埋個湯已經好鮮，好好食，用料靚，有水準👍👍👍芝士腸係金妹嘜😍😍😍正整體黎講，野食係好食足料，職員服務唔錯，上菜速度都算快，天氣凍凍想打邊爐不失為一個好選擇👍👍👍…Read More

12/10 就係岩岩掛8號風球個時，見屋企無野食唯有落街搵嘢食拉，點知見到和氣食堂有開，仲要可以堂食，咁就拿拿臨入去拉。首先啲staff既服務超好，又會介紹有咩好食😊👍 我地首先叫左個刺身船😋😋🍣啲刺身勁鮮甜，而且魚生超厚，又好香魚油👍👍👍👍👍之後我地亦都嗌左唔少小食包括有三文魚牛油果沙律，個汁酸酸地，好開胃😋燒物方面我都嗌左牛油燒一口蕃薯🍠😍😍香甜好食鹽燒開邊雞翼😄唔會好咸，但燒到好香口😍送酒應該一流因為想食菜，所以蔬菜方面我就叫左日式炒野菜 同 田樂麵豉燒日本茄子🍆估唔到有驚喜喎，啲野菜好鮮甜又爽口，食得出好新鮮👍👍另外麵豉燒茄子原來幾好食🤭好野味🤭🤭真係第一次試，估唔到咁好食🥰🥰最後我地嗌埋個石鍋鰻魚炒飯，呢個炒飯超足料，真係兩個人都食唔哂，而且石鍋夠熱，有飯既焦香味，好好食，誠意推介大家可以試一試👍👍👍…Read More

難得入大埔，緊係要搵好嘢食填飽個肚仔拉，見到大大個招牌”良鮨”就已經好吸引，所以入左去食。一入到餐廳個環境好舒服，唔會話好迫。佢呢間餐廳係用QR code 落單既，都好👍夠方便又環保♻️黎到緊係試下啲壽司先拉生既壽司我分另叫左三文魚腩，三文魚，油甘魚，海膽軍艦，左口魚同和牛壽司🤤🤤啲壽司🍣勁新鮮👍，入口勁香魚油，而且魚生超厚身😍口感勁正。另外值得一提既係佢既wasabi 好有誠意，係即磨個種，出面唔多餐廳會有。而熟既壽司我就試左焦糖鵝肝壽司😋😋呢個壽司真係不得了，鵝肝外面層焦糖好脆，鵝肝入口即溶，焦糖同鵝肝超夾🤭🤭如果唔係驚太高膽固醇，我諗我食多幾舊都無問題👍到生蠔我就試左昆布林，因為佢海水味同蠔味都相對重啲，呢間有樣特色就係每隻蠔都放左自家製既檸檬啫喱，令到入口成個感覺好清新😍😍👍最後試埋啲熟食因為啲野食都好足料，所以只係試到牛舌，和牛同芝士年糕😂😂😂整體來講呢間係高質素既日本料理，可能有啲人會覺得偏貴，不過我覺得佢既用料值得呢個價錢，最緊要係個名改得好，我如果再入黎大埔一定會再黎支持👍👍…Read More

天氣咁熱又口痕想BBQ,所以就搵到呢間‘串Grill自助燒烤專門店’。入到去見到個環境同裝修唔洗講都知正拉👍👍佢呢度係任食飲，可以食兩個鐘，用QR code 點餐，我覺得幾好，夠哂方便🥰又環保而野飲就係自己去雪櫃拎，選擇都算多👍👍準備叫野食時個職員好細心咁介紹點燒，咩醬汁配咩會好味😋野食方面我地豬牛雞海鮮丸咩都叫哂😂😂😂😂先講牛拉，佢有分兩種，一種係和牛，一種係普通牛柳粒，兩種都好香牛味，不過和牛真係好正，入口即溶，個人比爆like 👍👍👍👍👍豬同雞都好正，夾埋佢啲調味料真係好野味😋雞軟骨，豬腩肉🥰🥰🥰🥰另外要推介既係佢既墨魚咀🤭🤭🤭呢個平時啲餐廳都唔見有，真係估唔到有得食，而且燒起上黎超香口😙😙送酒一流佢啲丸同埋腸都好好正😂😂我個人鐘意魚形既魚丸☺️不過個人有個小小提議，燒之前可以將每串野食之間夾開少少，咁可以快熟啲，特別係和牛😏😏😏🥰最後佢仲送左每人一杯密瓜味既雪糕🍦🤭🤭正…Read More

元朗多野食就緊嫁拉，不過今次黎元朗揀左食雞煲，因為渣車過黎，而餐廳對出有個標位停車場，所以諗都唔諗揀左呢間入去食。首先我真係要讚下啲姐姐，因為我去食個日咁岩落雨，佢地見我地都有淋濕，一黎就安排我地坐無咁凍既位，之後仲比紙巾我地抹，呢啲舉動真係好窩心🥰入直題拉首先超級強烈推介佢調味架入面既XO醬🌟🌟🌟🌟🌟超足料，唔會好辣，好香口，姐姐話係自家製嫁，不過好可惜無得買，我真係好中意🥲野飲我就嗌左杯水果茶，呀😧唔應該叫杯，應該叫一渣，我將水果茶倒左2杯出嚟，你睇仲有幾多淨，真係超抵飲👍🤣小食方面我地嗌左墨魚脆炸油炸鬼🌟🌟🌟🌟佢舖係油炸鬼上面既蟹籽如果多啲就更加好，真係超脆，勁夾😋好味雞煲拉🌟🌟🌟🌟🌟個味道好正，超野味，但又唔會話好辣，而啲雞亦都好滑😍而配菜我地嗌左個肥牛，魷魚，豬腸，魚皮餃同娃娃菜整體都係高水準，唔會話因為個價錢平而將貨就價😋😋😋特別係個牛，有牛味之餘仲超有牛油香，高質😋😋🌟🌟🌟🌟🌟我影低左個餐牌可以比你地參考下，價錢唔貴又抵食👍👍…Read More

今日同啲朋友一齊去粉嶺，所以就去左聯和虛搵野食，可能天氣太熱，只係想食啲酸辣野，所以就揀左「辣辣屋」黎試。不得不讚呢間餐廳既裝修同座位真係幾舒服👍👍唔會話好迫，坐得好舒服🤣🤣入正題拉，我地叫左個泡辣烤魚，真係痴線嫁，勁大條勁足料🤤🤤重點係佢個味好正，好野味，魚肉又超滑同嫩，我個人超like 呢個烤魚，而佢入面有鴨血同配菜，索哂個湯汁，勁正👍👍👍👍🤤另外我地嗌左杯水果茶同檸檬冬瓜茶，一見到我都嘩左聲，大杯至我覺得幾個人share 都得，太誇張拉，真係性價比極高😍不過我誠意推介一定要叫水果茶，勁足料，又勁好飲😍😍一試難忘除此之外我地仲叫個蒜香焗蠔，凍蝦，牛舌同茄子，先講個焗蠔先，真係好出色，焗得岩岩好，勁新鮮，激讚👍👍😋到個凍蝦，我覺得個汁係個靈魂，酸酸辣辣，好開胃，而個牛舌，勁有牛味👍最後個茄子，燒得岩岩好，而個燒烤粉超級正，唔會話好咸。整體黎講，我對呢間餐廳既評價好高，野食好食之餘，啲staff 超好service 👍👍…Read More

本身就好鍾意食雞煲😋😋見到旺角有間雞煲打邊爐放題就一於去試吓去到真係有驚喜😍先試咗佢嘅雞煲，揀咗個微辣好入味👍🏻👍🏻堅正，加上自己本身唔係好食得辣，佢呢個微辣啱啱好嘢飲種類都好多😎自己出去拎不得不讚佢個烏龍茶個樽幾有特色🥰地方夠大，裝修懷舊本地特色👍🏻之後打邊爐，全部都係用QR code落order自己揀☺️大部份菜式佢都講到明係一粒定還是一份，咁樣幾好唔怕浪費，自己想食幾多粒都可以自己決定因為平時打邊爐好多都寫住半份唔係好清楚個份量，呢個我又覺得幾好👍🏻嗌咗佢份牛，又真係幾好味😋唔係普通好cheap嗰隻肥牛😍成件事性價比非常之高😍至於海鮮方面都好新鮮，選擇黎講都算多，整體上都唔錯👍🏻最後最後佢個雪糕區😍😍超級驚喜成晚最最最滿意就係個雪糕😋😋乳酪雪糕，勁好味佢嘅配料仲好出色👍🏻有椰果有爆珠呢間嘢值得再去👍🏻平，靚，正😍真心有驚喜😂…Read More

諗住天氣熱辣辣食啲酸辣野等自己開胃啲，所以就去左呢間試吓。去度我就叫左個招牌豚肉燒飯，滷豬脾飯同青木瓜沙律😋😋疫情無得去旅行，估唔到都可以係香港食到泰國既味道😍首先個青木瓜沙律🥗配個汁，好清新，好開胃，夏天無咩胃口食一流，早知叫兩客拉🤤，到個招牌豚肉燒飯，真係要讚下🥴啲肉唔會燒到好乾，啲汁好野味，面頭既青瓜絲好新鮮，咁既配搭唔會話好膩😌個餐跟左個冬陰公湯，超足料，酸酸辣辣，勁醒神同開胃。另外佢仲有啲小配菜又係好好食👍👍而個滷豬脾飯，啲豬脾好淋好入味，佢再配啲酸菜，直頭係完美配搭🤤到野飲方面，我推介大家飲佢既泰式奶茶，好香椰奶味，入口超順滑，同我係泰國街頭飲既無咩分別，反而仲無泰國咁甜，味道岩岩好。整體來講呢間性價比都幾高，叫咁多都係二百零蚊，外賣都唔會話要等好耐。而且service 都好好，天氣熱無咩胃口可以黎食下。…Read More

八妹雞煲自從搬左之後第一次食。黎到第一個反應就係個裝修好得，勁靚，啲坐位勁舒服。首先我緊係嗌佢地最出名既雞煲拉，因為我朋友唔食得辣所以我叫左個唔辣。不過令我有驚喜，估唔到唔辣都咁好食。佢個汁真係好正難怪咁多人黎食拉。係個調味料區度仲有啲小食比我地等既時候食，真係幾sweet 🥰終於等到個雞煲黎拉。食雞煲緊係唔少得竹笙，魷魚，響鈴同肥牛拉。不得不讚下佢既份量真係比得幾足，我起初仲諗住叫兩份竹笙，點知一份都夠食。竹笙吸哂啲汁，真係無得頂，正到食唔停，至於魷魚好爽，配埋個汁真係好夾。另外，真係要推介下呢度既響鈴真係好新鮮，好脆，好似即炸咁，好鬆軟香口，而個手切肥牛好新鮮，好有牛味😋😋😋至於野飲方面我地分別叫左一渣竹庶茅根同一杯檸檬茶。竹庶茅根好足料，好好飲，勁清甜👍至於杯檸檬茶亦都好足料，好大杯。整體來講，野食好好食，出餐時間都快，service 都幾好又唔洗點等位。👍👍👍再食指數👍👍👍👍👍👍👍👍👍👍…Read More

今日要介紹呢間coffee shop 位於葵涌🥰首先個環境真係好舒服，有啲似去左台灣既coffee shop 咁，食晏時間一般都唔會太多人，可能係個位置比較偏僻。呢樣亦都係我中意既其中一個賣點，因為少人啲可以靜啲同坐得舒服啲。野食方面我覺得同一般coffee shop 質素差唔多，唔會話好出色，但一定唔會難食。整體黎講真係食個環境，如果想放空既話值得推薦…Read More