Weishiyou's Profile

Bakehouse的蛋撻同牛角酥出晒名就係人都知，我自己都係常客，每次經過都總會買一些回去，還會買些回去給家人做早餐，但就未試過堂食，上星期終於抽到時間去灣仔分店，坐低感受一下呢間打卡名店的brunch。灣仔店唯一一間是有堂食的，位置唔算多，有個閣樓，風格係我喜歡的英式工業風。兩個人唔算十分肚餓，叫左一份bakehouse breakfast，有兩片脆卜卜煙肉，sausages, 車厘茄，仲有我至愛的大啡菇，再加一件ham & cheese croissant，磨菇湯，兩個人share啱啱好。Bakehouse始終係主打pastries，咖啡飲品只係陪襯品，叫左一杯flat white，無期望之下竟然水準都幾唔錯，為呢餐畫上完美句號。臨走時當然要買些手信回去啦，今次買左Strawberry Vanilla Danish同Sourdough Egg Tart各一件返去比屋企人做下午茶，拎到返屋企都仲有少少温度，所有包類都是一如既往地好食😋，👍🏻👍🏻👍🏻…Read More

位於旺角moko嘅念川居，地點方便，裝修具有獨特氣派，感覺舒服，空間感足夠，座位舒適，每枱之隔適中，讓人唔會覺得太嘈吵，無論是家庭聚餐，朋友聚會，或者公司團建都很適合，整體感覺都算唔錯，值得推介俾大家。☺️☺️至於食物方面，亦都是頗有水準的，特別是我最愛的水煮桂花魚，桂魚鮮味嫩滑，麻辣湯底濃郁，滿滿的香味再配合上青瓜、寬粉條、花生苗的配料，為這個水煮桂魚增添色彩，還有蒜泥白肉，蛋白杏仁茶，生磨芝麻卷，都係做得相當出色，就連午巿嘅點心亦都十分足料高質㗎，如果大家行開呢個商場，不妨來試一試😋😋😋…Read More

羲和雅苑位於尖沙咀海運大廈，餐廳位置喺LCX餐廳區域，面向海傍環境優雅，裝修時尚又舒適，設有室內及室外座位，可以望住海景來吃片皮鴨，邊食飯邊欣賞維多利亞港的迷人景色，好適合家庭聚餐或朋友聚會。羲和雅苑係一鴨三食既代表，醬料同配料都好豐富，鴨既燒法係用特製既爐火燒烤，好香脆，佢哋將鴨嘅皮烤到好似honeycomb的形狀。師傅仲會在客人面前將鴨片皮，品嘗美食之餘還可以欣賞一下師傅的刀功，師傅片皮後店員會向客人講解鴨既食法，除左鴨，其他菜式都非常美味，就連個烏龍茶都特別香淳濃厚，服務亦算唔錯，望住迷人的海景用餐，令人特別賞心悅目。…Read More

難得與老朋友聚會，朋友說翠園最近有一個 $728片皮鴨海斑套餐幾吸引，所以就來這裡開餐，我們除了點咗那個片皮鴨套餐外還加咗一份是日例湯，佢哋啲例湯係分一份、半份咁叫的，因為有一位朋友未到，所以我們就先落單，然後跟服務員說待朋友到齊後才通知叫起菜，但服務員當時的態度表演出十分不滿意，還說等齊人才落單，我們說不用等，請幫忙先落單，因為怕朋友到咗嘅時候是日例湯就售完了，因為佢每日都有限定是日例湯的數目，所以就叫服務員先落單預留，待朋友到齊後便通知服務員可以上菜，第一道菜……..片皮鴨，超級唔掂，隻鴨不但凍冰冰，啲肥油完全凝固在鴨上，然之後鴨肉又乾，皮又唔脆，好似放咗成日先至拿出來，跟住等咗差唔多半小時之後才再出第二道菜 …… 涼瓜炆鴨件，又係凍冰冰，一啲都唔熱，我們就即時找了一位服務員處理，不但沒有處理還一個推一個，最後都沒有解決，在此期間有一個服務員走來跟我們說是日例湯已售罄，我們就更加火起，為什麼我在一個多小時前已落單預留的例湯，到現在才跟我說沒有，服務員還說最後一份被隔迫枱叫埋，我們當場就叫那位服務員找一個能話事的主管過嚟理論，在激烈的爭論後，那位主管唔知道從何調咗半份嘅湯來完場，老實講現在巿道已經不景氣，呢啲咁老牌嘅酒樓，不但沒有好好保持食物質素之外，就連服務員呢啲附帶條件上都咁差，還有就是餐具🫖☕️又污糟，杯碟上全是茶漬，好像沒有清洗乾淨，這樣下去，還怎樣可以令人留港消費呢 ？😪😪😪…Read More

在朋友口中介紹旺角波鞋街有一間特色泰國菜，上網查一查後找到了呢間叫青花 ( The Forest )，看到呢間餐廳好多好評，就book位試試，結果都尚可接受，有些特色😄地點位置都算係頗為方便，與朋友上到去發現青花真係好受歡迎~好多客人~感到有啲嘈，幸好店員安排了一個靠邊的位置給我們😅點餐是掃code落單，一目了然。食物頗為有特色，其中一個藍碟花蟹肉菠蘿炒飯，非常有特色，我稍為欣賞那個油酥手抓薄餅，像一個脹卜卜的咸煎餅，與一般手抓餅有些不同。總括嚟講都可以值得試試，價錢方面都尚算可以接受☺️…Read More

一般人都認為食泰國菜都一定係去九龍城，但原來在太子地鐵站附近的基隆街小巷中都隱藏着一間由泰國人主理嘅泰北風味餐廳。走進餐廳內，鋪面不算很大，裝修很簡約，環境舒適，服務周到，店員親切有禮。價錢合理，食物水準中上，食物種類雖然不算很多，但一般泰國餐廳能食到的都有，還有一些在一般泰國餐廳沒有的泰北菜式，能看得出餐廳主理人的用心。值得一提的是這間泰國餐廳是全日免收加一，如你在鬧巿中心又想品嘗一餐泰國菜，這絕對會是一間令你有驚喜的泰國餐廳。…Read More