sinzzzzy's Profile

平時好多Foodie推介 今日終於試到Black coffee！好開心😍當晚7點鐘已經有幾個人排緊隊 等咗15-20分鐘就入到～ ①自家製蘑菇忌廉汁貓耳朵配慢煮口水雞扒 $124 😋5/5第一次食貓耳朵意粉 好得意🤣 意粉質地好煙靭 個蘑菇汁食落有忌廉味 而口水雞扒上嘅醬汁食落少少麻辣 肉質都好鮮嫩🤤🤤好惹味 食完會想再encore！②手打牛肉原隻大蘑菇漢堡配薯條 $138 😋3.8/5牛肉比較鞋 唔太多汁 菇好juicy 但冇乜菇味😕 而薯條似five guys嘅 不錯～ 配料好豐富 但我同男朋友都做唔到一啖咬咁食曬 要將配料分開.. 口感就冇咁好啦 ③提拉米蘇 $68 😋4/5賣相打卡able 非常精緻！除咗朱古力醬之外仲會有啲朱古力餅乾朱古力醬偏甜 餅乾個底做得好creamy好濕潤 有濃烈嘅咖啡味 加少少比酒味 有口感 幾好味～🤤④抹茶拿鐵 😋4/5重抹茶味 好濃好濃 唔係回甘個隻 本身鍾意抹茶嘅我都幾鐘意🤤賣單總共 $406 🌟服務好 店員會不停加水加水 P.S 喺食嘢途中 不斷都有人係出面排隊 如果唔想排太耐隊嘅 建議你食夜晚嘅7點去啦～…Read More

朋友生日，就上Google search下有咩打卡able嘅cafe，跟住就見到呢間，用旋轉木馬做主題，見到咁靚就即刻book咗位🤣①芝士肉醬薯條 😋4/5一上枱就聞到有陣焦味 薯條偏軟身 一盤大概係M記大薯條份量 話明肉醬又點可以冇肉粒呢😍 可惜就有啲咸 要飲下野先得 ②意大利布袋芝士薄餅 😋4.5/5第一次見布袋芝士 一個波波咁 好得意🤣 薄批底係芝士 火腿加芝士中和番 塊火腿太鹹 有啲硬～ 味道幾特別 值得一試～可能因為有芝士 食到第二塊就開始有啲飽 建議3人以上食 ③蘋果焦糖賓治 😋3/5有得飲又有得玩 化學味 少少藥水味😕 建議撈埋個雪糕一齊飲～ ④百香果西柚梳打 😋4.8/5感覺係由糖漿沖成 梳打唔算太多氣 百香果味重啲 有西柚味 好鐘意入面既百香果果子 酸酸甜甜咁 岩曬解油膩👍🏻🌟環境氣氛好適合朋友聚餐🌟店員有禮貌…Read More

Beans係我不停encore嘅黃店！🤤🤤 今日dayoff就同男朋友黎食個tea❣️去到around2點15分 間店都滿曬 要排10分鐘先入得 入到去就2:30 岩岩好有得叫Tea😍 ①焦糖單骨雞翼配薯條 $62 😋4.8/5沙律正常發揮 加咗沙律醋 酸酸地 好開胃😚薯條有啲脆 唔係硬身個啲 (有啲似M記😂) 有薯仔味 有啲香草係上面 係比M記好食啲嘅！蜜糖雞翼好好食 男朋友好快食晒😂 肉質鮮嫩好juicy 煎到脆皮 岩岩好😍 ②開心果馬蘇里拉芝士薄餅配蜂蜜 $62 😋5/5第二次叫呢個🤤 其實佢個質地唔算係pizza 似係pizza形狀 焗過嘅面包😂 入面較乾 同豬仔包有幾分相似🥖 開心果碎冇乜果仁味 但點解我咁中意食佢？ 因為成塊pizza都係芝士😍😍 加埋蜜糖係精粹😍 中意食甜野嘅應該會中意🤤抹茶鮮奶 😋3/5男朋友表示麻麻地 茶底似個茶包浸咗好耐咁 有啲苦澀 鮮奶味唔出😔可能熱飲會好飲啲？特濃朱古力 😋5/5非常打卡able嘅一款❣️ 朱古力碎加上綿密既泡泡 口感好好 真係好濃朱古力味🤤 記得要襯熱飲！凍咗會淡味咗 貼心服務💁🏼‍♀️每張枱臨食完野前 店員都會送上牙籤座計埋小計共 $150 🌟個人覺得Tea比晚餐抵食好多 野食份量唔少仲要包埋野飲 可以Encore再Encore🥰…Read More

之前都唔識呢間麵包店，係因為Ig有唔少foodie介紹佢嘅麵包布甸，就決定去試下，點知一試愛上😍 唔單止麵包布甸好食，其他產品特別係bagel都好好食！①抹茶紅豆Bagel $17/2 🤤5/5質地比我平時食開嘅bagel軟熟 係比一般麵包有咬口～ 餡料有芝士奶油同紅豆 啲cream唔會膩 紅豆甜甜地 再加上回甘嘅抹茶味 增加成個味嘅層次感✨雖然佢係mini size 但每個都好足料 一啲都唔孤寒 可以一次過試曬咁多款都唔會好飽😍②芋茸肉鬆Bagel $17/2 🤤3/5因為我唔太好肉鬆 所以就麻麻地佢～但值得一提入面嘅肉鬆同芋茸都好多 有顆粒感 好有咬口 食落唔會覺得乾👍🏻③紫薯軟包 $17/2 🤤4.5/5麵包好軟熟 咬落去先發現除咗大量嘅紫薯蓉 再加埋麻糬 好夾！本身唔太好紫薯嘅我 都接受到 紫薯味唔算太濃 可以encore~😋④法式布丁麵包 $15/1 🤤5/5終於食到超興奮！！當日我就排咗around半個鐘隊。佢有兩個食法：凍食/焗熱再食凍食比較似甜品 入面嘅布甸好重奶味 半流心效果 好creamy好滑 配合煙煙韌韌嘅法包 食完令人回味無窮 ！！雖然15蚊唔係平 但值得一試！利申 非打手 因為番工係油麻地附近 每日番工前都會買幾好做早午餐😂🥰推介🌟🌟🌟🌟🌟…Read More

今日同朋友係觀塘行街 夜晚IG搵觀塘有咩好食見呢間個名幾有特色就去咗試👀我地去個時6:30pm 間店只係得3-4枱客 一到去就俾個到嘅台式裝修吸引咗 兩個女仔入到去不停影🤣 非常打卡able✨✨✨好可愛嘅落單紙 ①阿華田豆漿 $42 😋6/10嗌呢個絕對係因為佢個樣😍諗番起之前去台灣食嘅冰淇霜🍦豆漿個底加咗胚芽 加埋個阿華田雪條 味道幾特別 可惜豆漿有啲淡 去OK買支豆漿可能仲好🥲 ②古旱味蝦卷滷肉飯 ＄64 😋8/10滷肉飯味道幾正宗 滷肉唔係勁多肥膏個啲 蝦卷意外地好食！外脆內彈牙 好有蝦味 可以encore😍③蜜糖椒鹽雞翅膀 😋8/10 蜜糖雞翼不嬲都係我至愛 呢到嘅雞翼個皮燒得岩岩好脆 少少lone味 加上肉質鮮嫩 好推介🥰④鮮梅佐豬排滷肉飯 $68 😋7/10⭐️店員服務好好⭐️環境舒服，裝修靚🇹🇼⭐️食物整體都幾高質，大件夾抵食👍🏻計埋小計共$190…Read More

一直bookmark咗呢間Cafe好耐 今日終於同男朋友去咗食❣️當日係星期日Lunch time時間 所以都幾full下👀個到有兩層 空間唔算好大 一入到去下層已經full曬 店員帶咗我地上一樓🪑① 匈牙利燉牛肉飯 $88 🤤8/10 以前好中意食意八個紅酒繪牛肉飯 因為藍店就冇再去 今日重拾番個浸滋味😋個飯應該加咗忌廉去整 食落有啲奶味 質地剛好 唔會好淋～ 牛有牛脂味 蘿蔔好淋 一啲都唔會濟！唯份量有啲少 唔係好夠喉😩⚠️注意⚠️有少少辣② 意式焗肉醬千層麵 $98 🤤6/10好耐冇食過千層麵啦😍 麵上鋪滿芝士同肉醬 食落好濃芝士味🤤 肉醬味有少少咸 而千層麵個皮就有啲厚 口感同我想像中唔同☹️ 個人覺得麻麻地 食咗一半就有啲濟🥺③ 抹茶鮮奶 $43 🤤4/10 賣相好靚 可惜味道麻麻😔有啲淡 似係有抹茶味嘅水😅 鮮奶味都冇乜 ⭐️自助式拎餐具 ⭐️店主服務好好 好nice⭐️環境舒服 有R&B做BGM 好chill😚⭐️食物整體都幾高質 野飲就咁岩叫咗杯伏嘅😂但份量對於男仔就略嫌太少☹️計埋小計共$275…Read More

以前係學校村番學 每逢Singcon、Christmas Party都會嗌孖寶🤤🤤 今日同朋友出街 突然興起就去咗叫外賣🤤❣️依家仲有8折外賣自取😍不過可能我岩咁撞正晚飯時間 個時要等25分鐘～ ① 4號餐：滿地可特色薯條+炸雞一件 🍟🍗$47薯條配牛肉汁 薯條我覺得似薯角多啲 質地偏淋 份量都幾多 加埋芝士食絕對係將佢昇華😍 可惜個牛肉汁偏咸 呢個位有少少減分😔炸雞超級大件！！肉質幾鮮嫩 雞皮係個外賣盒焗咗10分鐘都冇淋 好脆🤤 皮上面嘅七味粉係精粹 如果中意食炸雞嘅可以簡佢！② 2號餐：墨西哥風味薯條+炸雞一件 🍟🍗$47呢款係肉醬汁加薯條 個人覺得比牛肉汁好食好多！！ 有啲似肉醬意粉啲肉汁 味道好濃郁 下次會翻叫❤️‍🔥P.S 食孖寶係一定要加埋隔離間開心菓園🤣…Read More