lawrence siu's Profile

今日book咗六點半，本人六點就到，成間餐廳一個客都冇，但係個reception安排咗我哋坐喺正門門口嘅位置，有禮貌地問他可否安排其他位置，他跟我們講其他已經俾人book咗，我亦有跟他說我都有book枱，佢話我比人哋遲book枱喎，服務態度極差，到我走個刻(大概7:30)他所謂那三張窗邊的枱，只有一枱客戶嚟咗。最後尾仲有小插曲添，叫佢幫手影相，佢反白眼上太空，其實嘢食幾好食都無用，我唔會再嚟。。。…Read More

1月16號好彩酒樓再一次致電給我問我今天是否book咗食飯，點解仲未黎，原來佢將我嘅Booking 落咗一個月之後，真相大白，完全不知所謂，但仍然毫無歉意。佢哋完全冇諗過一家大細、大時大節，爭啲冇枱食飯嘅感覺。…Read More

人生第一次寫食評竟然是一間老牌酒樓，事源是今日book咗枱同屋企人做冬，最後去到的時候佢哋同我講無我嘅Booking，佢地完全冇諗過係自己餐廳miss咗我既booking，跟住我拎出好多嘅證據，例如幾點book、中間嘅對話內容、通話紀錄。佢哋都覺得係完全無問題，態度極之惡劣。好似覺得我專登講大話為咗食佢間酒樓咁樣，完全冇人理我，跟住換咗另一位男經理過嚟，仲要同你講，我哋今晚冇枱都幫唔到你，現在都係口同鼻拗，我話你冇book枱都得，冇聽過你電話都得，咁嘅服務態度真係無明火起，仲要搵三個經理圍住你。最後因為有一張大枱取消booking 就好似施捨俾我噤，如果唔係同屋企人有長輩喺度，真係唔會繼續喺度食，嘢食再好都冇用啦！…Read More