g178737's Profile

作為荃灣居民嘅我 真心想為呢一間餐廳平反一下😎好多時喺荃灣想搵一間比較有水準嘅西餐廳食飯，通常都會諗起荃灣廣場outback 或者海之戀既Odelice 或feather and bone 雖然都係有質素嘅西餐廳，但性價比唔夠高所以如果你想搵一間喺荃灣區 唔使等位，食物有質素而 環境又唔錯既我十分推介呢間 以我所知呢一間餐廳已經開咗業幾年，但每一次經過晚餐時段都係唔爆嘅 真係唔明點解但我都幫襯咗差唔多10次，每一次都保持到水準我強烈推介 牛扒或豬鞍 （魚都唔錯） 因每一次佢做到嘅熟度同埋柔軟度都好好仲要係juice 豬鞍做得唔鞋口係唔易 佢既食材係有水準既 唔係比塊醃肉你佢個餐可以加 錢加紅白酒薯條 同埋前菜既蟹餅都好食 個蟹餅真材實料👍係完全感受到大廚係有心去煮野食比你真心推介比情侶或三五知己去試下…Read More

咁大個女未試過係避風塘食飯 覺得食海鮮可以揀流浮山 三聖村 西貢 鋰魚門….大把選擇但咁岩親戚回港探我地 就一於去試下呢啲特色野記得要預先WhatsApp船家訂位 講明食幾多人餐（船家講左 到時想加人頭都加唔到 ）老闆已預早比左清晰指示 係邊度行去上船位置到時會有艇仔去碼頭接我哋 出發當日 路線易搵既 （提醒最好去埋廁所先上船）佢格局係一連十多隻細艇既 每架就一張枱咁 可以容納8個人左右我地一行8人都覺得幾迫。架船搖下搖下咁因全程得兩個呀姐 招呼咁多枱客 佢不停咁係你船頭行黎行去 佢全部海鮮正常水準。因為我覺得新鮮海鮮都幾難整得難食 但最好味係佢既手撕雞同埋炒蟹 同蟹油炒面但佢唔好既地方係 真係想加單都加唔到即係我表弟覺得唔夠飽 想加碗白飯都冇個隻所以建議真係去前睇好想食咩 預返好個份量😎嚴格黎講 未去過既 去下無妨會暈船浪者 要諗清楚…Read More

由於親戚係英國返黎 成日都想食中菜 但去酒樓去到驚 所以今次揀左福建菜試下 我uncle 係客家人所以應該岩胃口因為預先訂枱 餐廳安排左張大圓枱比我地 坐得好鬆動我地一行5 個人 叫左好多野食佢而家最抵係39 蚊一條百秒黃花魚 不限你叫幾多碟 我地五個人叫左3碟 🤤🤤🤤（但竟然唔記得影相😂）佢樣樣我地都想叫 但可惜冇咁大個胃個黃花魚 好滑 好新鮮 我uncle 連個湯用黎撈埋個白飯 😂 一路食一路話好好味5 個人埋單千幾蚊 平均二百零蚊人頭建議屋企有老人家 長輩可以一試 唔洗成日食酒樓咁悶…Read More

每次經過都勁多人等位 唔明點解咁受歡迎今晚有人預先去等位 就去試下啦 （餐廳不接受電話預約 仲要你齊人先比坐）餐廳環境ok 氣氛好好 係坐位較迫 枱與枱之間都冇咩位食物質素 首推炸雞 pizza 手工beer我之前對韓國炸雞冇咩喜好 因為唔鐘意佢外皮咁多汁包住 攪到本身脆皮都變唔脆但呢間既炸雞有別於傳統個隻佢有好多味道選擇 有蒜蓉蜜糖 咖喱 幾種揀。仲可以揀兩隻味 Pizza 就揀左厚批 見佢圖片拉絲咁 爆多芝士 好吸引 呢間炸雞係我食完會介紹朋友去食佢熱辣辣 外脆裡面多汁 配上咖喱粉（好似卡樂b咖喱味個隻味道）出奇地夾 再配返杯手工beer 一絕我除咗荃灣呢間 再去埋元朗個間 質素都係咁好建議四至六個朋友去食 可以試多d唔同既雞and pizza 🍕 …Read More

聖誕節前夕 同朋友諗住去海港城血拼 行之前梗係搵個地方醫醫肚先😋最後揀左呢間 我記得我幾年前食過 但佢出名係西京燒 正正常常既但朋友今次竟然推介佢既壽喜燒咁我地最後叫左 壽喜燒鍋定食 同埋吉列黑豚定食首先上菜係壽喜燒定食。成個set 好豐富 有兩碟前菜 一碟漬物 茶碗蒸 佢兩塊牛肉已經預先煮好放係鍋裡面 望落去半生熟 配有生雞蛋 相比起日山 搵人係你面前煮 煮完即刻食。（雖然食過日山真心冇想像同YouTuber 推介咁好食） 所以個刻心諗肯定冇咁好食啦但放入口之後 我推返我既諗法。 佢牛肉肉質柔軟重牛味 厚薄適中 （有d餐廳牛肉勁薄 食完好似食左陣風咁） 點完生雞蛋食。簡直冇得輸真心 lunch set 呢個價錢 係日山lunch set 既一半（開始覺得 日山貴左個一倍價錢係用黎出人工😝 你去過就知我講咩）唔講個吉列豚定食啦。因為我相信同好多出面專門食吉列既日式餐廳質素一樣 唔食都冇咩損失既…Read More

去九龍城 唔打冷 唔係食泰國菜 唔係糖水 唔係串燒 今次去食地道小炒其實本身係上網睇到芝士龍蝦伊面而黎既 一去到見到枱枱都叫 究竟係咪真係咁正佢賣相係吸引既 但無奈見到個份量 我地卻步了因為食完個面 我估都飽哂 唯有下次多人d先叫望下個菜牌 好多野食 我估大排檔叫得到既呢度都有 我地最後叫左椒鹽鮮魷 乳鴿 薑蔥桶蠔煲 豉椒炒聖子 加個白飯。最緊要支大beer佢其實好多野都好吸引 但大排檔真係要人多先好去😂今次試住咁多先但走個時發現一對情侶 叫左芝士龍蝦伊面 羊腩煲加兩三款小菜 成枱都係 真心覺得勁既總括覺得 呢度煎呀炒呀炸野ok CP值ok但蒸野就一般佢有提供海鮮加工服務 所以加工應該揀返薑蔥炒 椒鹽 芝士焗 豉椒炒穩陣…Read More

星期日同屋企人去搵食。由於我地全家都鐘意食川菜 聽聞啟德站附近有間酸菜魚唔錯 就去拜訪下佢係商場一樓 由地面行樓梯上一層 唔知點解覺得個格局勁似大陸d大型屋苑裡面d餐廳feel由於新開 門面 用餐環境乾淨企理既 似茶餐廳feel 既川菜坐低一樣手機QR code 自助落單 , 水就自助形式 自己斟水 冇人招呼你😅三個人叫左個酸菜魚加薯粉、口水雞 、麻辣鴨腎酸菜魚揀左佢推介既鱸魚 份量超大份 個碗同個洗面盆差唔多大😂但唔明點解薯粉要分開上….味道合格既 係正常酸菜魚黎既。都係魚肉小配料多 ， 酸菜夠酸呢點好緊要。但佢唔夠香 係街坊落街食餐晚飯質素 價錢人均170蚊度總括黎講冇驚喜 唔食都冇蝕底個隻 …Read More

星期一放假 去開灣仔個頭。突然好想食all day breakfast, 咁就上網搵到呢間cafe….由利東街行過去都好方便。 佢接近街尾位置…沿途行過發現條街有間拉面舖排長龍。等我下次去試下先🤭Anyway, 講返正題先。 我到達大概1:00 但都馬上有位 店內裝修都好歐洲法國cafe feel. 但坐低左之後發現佢對面個間裝修仲靚 直情係少女打卡好去處Anyway 講返今次間餐廳先😂我坐低睇完餐牌 發現佢得lunch menu 細問之下 原來平日lunch hour 冇all day breakfast 咁我就唯有揀menu 上面最接近嫁啦 最後揀左個蟹肉菠菜奄列拼沙律及多士 加38 蚊多個餐湯同飲品等左10 分鐘左右上菜， 份量都幾大碟，但賣相就一般 未食都知佢係鞋颯颯既蛋….你幻想一碟中菜 變左西式擺盤。隔離兩鄰塊多士連小小小牛油都唔比Pat 我 略嚴冇咩heart主菜就已經唔洗講。下次唔會再叫 但佢既flat white , 煙三文魚天使面 同磨菇湯係ok既。唔係好好好好食 但如果附近返工食到一餐咁既lunch 都會滿足既😂**人手不足 但feel 到係一班熱血後生仔夾份開樓面 咖啡師 廚房 清一色後生仔…Read More

荃灣最近開左間新既日式西餐，今日放工去試下先💪裝修走日式簡約風， 好欣賞佢窗邊二人位置，景色不錯，兩個朋友坐低傾吓計，食吓嘢感覺幾好坐位坐得舒服 乾淨 ，絕對岩二人情侶 或35知己聚餐。今日兩個人點咗兩個主菜一個小食+2杯飲品全部都好驚喜兩人埋單5百幾蚊 屬於荃灣區中價路線。 佢除左野食好食。咖啡種類好多樣化 佢飲品到主菜小食都好有質素。本身想試埋甜品 因為佢個甜品menu 都好吸引。但今次實在太飽 留返下次再試👍…Read More

去完做FACIAL, 難得堂家姐得閒同佢去食好野.因為我地兩個都係海鮮發燒友, 所以上網睇下有咩新野見到呢間好似台北個間蝦老爹, 就決定去試下因為預早訂左位, 去到等5分鐘就入得坐.餐廳環境比的想像中細, 但佈置都幾有特色算坐得舒服~我地兩個人叫左一個招牌海鮮包, 半打生蠔, 蒜容包, 蟹肉磨菇, 兩杯COCKTAIL,  首先黎既生蠔, 坦白講如果佢收呢個價錢, 有空間提升生蠔質量, 因為作為主打食海鮮既餐廳, 如果你餐廳每日推介那四款生蠔給客人選擇, 應該係要有一定質素!海鮮包, 蒜容包, 蟹肉磨菇藉得推介, (但海鮮包的蟹腳不夠新鮮)總括黎講呢間餐廳不過不失.  …Read More

提早BOOK 左位同朋友去試下呢間新野,   去到都唔洗等,.  店家都安排左個位置不錯!  一坐底, 店員招呼一人一杯幾特別既茶, 裡面有好幾款材料, 飲落甘甘地, 不錯~呢間餐廳菜式都算豐富, DRINK LIST 亦多選擇 , 好岩三五知己慢慢食飯, 飲野, 傾下計. (因為在星期五晚上時段, 沒有時間限際交枱的餐廳不多)我地一行三人點左酸菜魚, 幾款串燒, 辣子牛, 土豆絲, 黃金秋葵, 一款唔記得叫咩名既雞同埋幾款手工BEER 食物質素:  味道確實不錯, 基本每樣都好食,  由其串燒方面都幾有水準, 川菜, 串燒配BEER酒真係一流!佢地既手工BEER 值得一試!(8/10分)環境:  畢竟是新開,  整潔當然不錯!  如訂位, 建議你可要求留枱在外面露台位置更好(9/10分)服務:  這是此餐廳唯一不足地方, 因服務員明顯不足, 內部分工不完善, 令客人要搵服務員幫手落單或其他幫忙時很難,               我後面張枱既客人叫左10分鐘都冇人同佢寫菜!              另外, 服務員鞋口鞋面 (可能唔夠人手忙得仔啦) , 但幫客人下單時, 禮貌度有待改善. …Read More

今日 同朋友慶祝生日， 想試下韓國野，咁就上網睇到呢間 係Tst H8 又話連續幾多界入選米芝連又剩 咁咪去試下囉去到一出電梯 我已經覺得環境好殘舊 係星期五既黃金食飯時段 竟然得幾枱客 我就心知不妙！ 我一坐低 本menu 又係感覺好舊，（心諗外表唔重要既， 睇下野食吸唔吸引先）真心 評論如下是日order 食物有， 豬牛雞燒肉拼盤， 帶子，大醬湯，海鮮炒年糕，燒銀雪魚，兩支真露埋單hkd 1300左右食物質素： 食物款式不多， 十分基本 ， Menu 一點都不豐富 菜式唔吸引唯一亮點係去到真係有足十碟小前菜， 但其中五碟都唔好食！ 大醬湯ok , 帶子真係大大粒厚肉但其他基本上一d驚喜都冇 ， 唔怪得menu 顯示佢米芝連去到2016 就冇入選了 （事出必有因）食完佢個燒肉拼盤 係成晚都要勁飲水。 味精十級重手。服務： 明顯服務員同生意唔佢正比冇咩人幫襯但服務員個個企哂係度所以個個玩手機既玩手機。玩手指既玩手指但最奇怪係 你食完成餐飯 都係冇人過黎幫你收過一隻碟 總括服務一般環境： 一個字”舊”你會見到d木櫃門係爛。 椅墊係爛既！ 唔係污糟既， 不過真係舊囉 。 我諗我唔會再返去食。 …Read More

因為有張優惠券買一送一大閘蟹套餐.， 所以專誠搵朋友去試下。 可能今日星期一， 可以用冷清黎形容! 所以去到想坐邊都得講返野食先， 呢個套餐基本上以為好多野食， 但個問題係個餐冇樣好食一黎前菜係三粒燒肉粒 ， 再加兩條唔知咩卷 講真我唔覺得好食 仲要話燒肉係招牌菜跟住上個黃色既冇味湯， 飲左落口第一啖都唔知飲緊咩 我要睇返菜單先知自己食緊咩接住上個蟹粉小龍包黎 都係覺得一般 之後就上主菜大閘蟹。 我可以講呢個係個餐唯一食得既野。 但個餐得兩隻，所以 唔夠食最後每人加左每隻88蚊 諗落我不如去鴻星食佢個餐， 起碼有個飯落下肚先啦仲有個菜苗油過我塊面， 食左兩條已經食唔落塊魚柳都一般個湯圓咁基本就唔多講啦 不過都係唔好食總括黎講冇下次首先野食唔得都已經唔掂 服務又唔得 講真又唔係多人 上菜完全冇效率 d員工自己又唔溝通 明明已經叫左佢上 點知都未黎 又要我叫多次 個服務員企係隔離完全係冇靈魂既 唉 話哂都要做集團式大酒樓 冇諗過咁樣囉…Read More