gracechun429's Profile

久違的外出飯局。唔知係咪因為好好好耐冇食街飯，今餐特別好味。想食牛，點咗個牛筋丼：牛筋：微微辣，唔食辣既朋友都可以試下，牛切粒粒嘅，配以辣味燒汁同大葱 醬煮feel。上面重有少許沙律醬及葱。每一羹配埋飯食，好正。唔油，但食入口有種牛脂既香味。配搭唔錯。牛筋有幾粒好硬，我差啲以為咬緊骨😳 份量： 中等大碗。餓鬼女士可能要再點小食。整體入味，食完有少少齒頰留香feel (可能係牛有點硬，我重以為自己咬緊)🤪…Read More

是次去叫咗鍋貼食，因為生煎包同葱油餅當時已售罄。10蚊有4隻。鍋貼係即叫即做。隻隻賣相好一致，新月型，沒有多餘的花考摺法。底係煎到金黃微蕉，咬開時好鬆脆，我格離係會聽到啲咬脆片聲。冇煎既外皮好鬆軟，唔會有好重澱粉質既感覺，但有厚度，係食得出的手制口感。肉餡肥瘦比例好好，唔乾有點肉汁，有薑的香味。唔點醋都冇肥膩既感覺，食完又冇覺得口乾。整體而言不油膩，皮/肉比例6:4，肉餡相對比較少(對於食肉獸人士嚟講)，不過我覺得呢個係佢地既黃金比例，太多肉可能會‘流’。下次要點埋醋食。…Read More

午飯1小時，返得耐尖沙咀區有時唔知食乜好，間間都入去試。呢間有前菜有湯有飯有主食有罐裝飲料，60-70，ok抵。是次係食芝士辣炒雞肉，唔會太辣，唔會多菜少肉，比例啱啱好。本人始終都係鍾意韓式有泡菜加肉同加芝士，有拉絲效果嘅時候覺得好治療feel。如果係減肥系女士，一份餐兩個人食加多碗飯就會啱啱好因為真係多餸。可能係韓式午餐關係，都係偏向多菜，因為前菜嘅泡菜，湯又有菜，加埋主食嘅炒菜，我連飯食晒都唔覺得好邪惡。唯獨要等比較耐少許，因為比較多人的～…Read More

喺呢區收工自己嚟講9成只會去泰國菜或者食個云吞麵。有咗呢間舖，就唔怕冇乜好食又食麥記既概念。我之前試過叫外賣煎餃，今次堂食。其實個餐牌有好多野都想叫嚟試：羊肉酥餅、南非鮑魚撈一丁(豪😁)、酒醉雞翼⋯⋯一個人好難叫太多，所以只叫餃子。今次叫水餃：番茄鮮肉餃。上次外賣煎餃同今次水餃既皮睇倒唔太厚，因為透明小許睇倒啲涵。皮：食得出鮮制，手搓果種，唔厚 "煙un"有咬口。涵：潤，唔係肉同肉汁分開果種，重番茄味，新鮮👍🏻唯一價錢算中上，唔算抵。手工水餃 物有所值。…Read More

其實本人去過呢間糖水店N咁多次不過，我見呢度個推介冇寫我個非佛 所以要講下“椰皇蛋白燉湯圓”無論咩季節食，我食完都覺得好潤，好舒服！甜度適中。熱上既椰奶加上燉蛋白，擺隻匙羹攪動一下，個感覺就好似食豆腐花咁 不過幼滑好多！食落有種好補既感覺😁☺️裡面重有芝麻湯圓及清心丸（好似椰果咁既物體但比較有咬口同埋本身係冇味的）成碗野食落唔會覺得唔夾。我重會食埋佢啲椰皇肉，因為佢係連埋個椰皇殻上的。（食得好繁忙😅😅😁）總之我有十次去九次都食佢，正👍！也試過外賣回家吃，一樣咁熱，一樣咁正。啲椰奶好似重會比堂食多了一點點添😁✌️其他芒果制既糖水都好好食。唔知點解冬天去食啲果肉都係咁靚。…Read More

要一個人食晚餐，凍凍地既天氣會想食熱湯或者粥之類既東西。經過呢間冰室就諗起熱湯通粉，於是入咗去。入倒去，比佢既裝修吸引了：舊式卡位、細格地磚 但新潮黑白裝修。加上本身間舖唔算大，感覺好精緻。我叫個蕃茄濃湯通粉+兩個餸：果然濃湯！有蕃茄既香同微酸，但是冇平時朋友怕食蕃茄湯時所講既草青味。一啲都唔似係罐頭湯開水。我今晚想大食啲，於是又叫多例厚多士: 大份！第二間多士可能係一塊方包；佢呢度係兩塊夾埋，有一隻手指咁粗。而且搽牛油果位哥哥一啲都唔吝嗇，多同均勻。個多士重要係熱上的，好正！(可能我食開果啲都係包凍，所以覺得呢個好正😅)…Read More

放咗工好大壓力, 想食日本嘢去減吓壓.....點知壓力重大, 因為食得太飽午餐30幾: 飯當或湯麵 加 三文魚壽司或刺身個燒雞飯當同個湯麵唔係話特別好好食, 一般般的OK。但係底食既, 同埋個份量係多的。還叫咗啲其他壽司同南瓜天婦羅壽司Good! 三文魚刺身好新鮮。 甜蝦壽司好底食, 因為有三隻蝦做一舊壽司。個蟹子軍艦好大舊, 一般既一舊一口都可以 但佢呢個一口咬真係食唔到。 而且啲蟹子同飯既比例係真係一半一半 唔會話飯多過料。 佢舊壽召飯真係比一般既大舊, 睇得出的, 但飯既質感其實欠佳, 有點過急煮熟飯 粒飯中間有點粉粉地既質感。南瓜天婦羅味道OK, 只係炸得唔太夠。 咬入口成舊南瓜都好熟, 有點先煲後炸的口感。…Read More

我本住餐廳既附近, 平時同假日都會見倒有成堆人喺到等位。 難得今日媽子大壽加上自己好奇點解有咁多人既情況下 就走咗去食, 一試之下就難忘了一入去就好煙霧迷漫 四個人坐既枱都只係啱啱夠坐, 肥多啲啲都唔點坐得落...真係好舊式扒房feel☺一個好傳統的扒餐: 餐湯餐包+鐵板扒同著菜+餐飲 都只約70幾, 絕對食包的1) 西冷扒- 全熟(well done)叫咗well done重諗住會比較un, 但當切落去既時候已經感覺到塊扒好林♥由於係全熟, 所以有點焦的味道 (食個位既原意都係咁) 但一點都唔覺得干。好重牛味, 食入口唔洗點咬, 超林!2) 雞扒雞肶肉, 都係超林!! 好嫩, 好多肉汁, 連塊皮都好嫩好易切, 食落一點都唔會有雞酥味。真係好好食♔♥♔♥3) T骨- 八成熟好大塊♔ 都好林, 但咬到尾會有少少有渣既感覺。 近骨位的肉唔太熟, 可能叫全熟會好啲。 骨內還有牛髓食, 正!4) 牛柳- 四成熟雖然切既時候好bloody 但食入口一點都唔血味, 好嫩好林, 好有肉汁, 有入口即溶既感覺。而且成塊扒既四成熟都好均衡, 唔會話有到熟啲有啲未煮好。啲扒煮得真係唔錯, 生熟控制得好好。 由其係叫四成熟既牛柳, 因為一般既扒房見你order四成都會比六成你, 可能怕你食唔到咁血。 但呢間冇, 且每塊扒都好靚好嫩。不過唔好expect有太多著菜, 其實只得好少, 啱口啱夠 long 起塊扒而已。要順帶一題個餐湯-紅湯, 好好味♥ 比一般既傑身少少, 帶點辣, 好開胃。…Read More

是日為了唔想喺屋企煮而出街食呢間清真館之前未去過, 況且有朋友話OK所以去試吓。滿腦都諗住食羊肉，但原來都有好多選擇雞絲拉皮喺最肚餓時來的第一碟嘢, 可能其望太大...覺得比較普通啲雞絲好嫩口, 不過啲粉皮可能薄咗少少 有種一放入口就溶晒冇晒既感覺...京蔥羊肉餡餅從外表你係睇唔出佢有幾好食用筷子夾起塊餅已經Feel到佢表面煎到脆脆的, 一咬開個餅就有一陣羊蘇香加埋啲肉汁一齊溜出嚟...勁個餡好夠味, 好似用咗好多香料煮過咁, 啲羊肉唔太蘇, 肉汁用個餅皮索番嚟食都唔覺得淡咗味羊肉水餃個餡應該係用同京蔥羊肉餡餅一樣的, 但我比較喜歡煎餡餅 因為水餃食出既羊蘇比較重咖哩羊腩加家常餅家常餅本身冇乜味, 用佢送咖哩汁可以話唔會差得過用飯送~唔食得辣既請記得要叫小辣, 因為我唔記得叫所以啲咖哩食到噴晒火... 但係都食出佢既香, 啲羊肉好琳好入味重有叫咗其他小食, 不過唔記得影相......所以唔寫住, 留後…Read More

本身去睇酒席擺酒，見肚餓 所以順便坐低食埋嘢食物-叫咗6款點心 (是次消費118兩個人)：1）香茜牛肉腸粉- 雖然啲腸粉卷得唔係好靚(有啲爆餡料)，但味道唔錯。個粉皮厚薄識中，香茜味冇蓋過啲牛肉。2) 咸水角- 成個拎上手係有啲林林地既感覺(外皮微脆)，個餡淡味咗少少3) 蝦餃- ok的，但個皮可以薄多一點點4) 叉燒包- 跟一般既差唔多，個包皮實咗丁點5) 雞扎- 一般，不過啲冬姑好似有啲怪味....6) 菊花蝦枝卷- ok的，不過好似唔係好底食, 因為得一半春卷皮有包到餡 令一半用了作菊花形修飾用總結: ok啦, 唔會特別話會想番去食某一點心…Read More