tiffany_tifffffff's Profile

星期日和家人一同午膳，叫了五道餸，麻香雞絲粉皮、松鼠桂魚、金牌小籠包（六件）、乾煸四季豆、滬式醬油新牛鬆炒飯及生煎包。幸好午市沒人排隊，平日見好多人排隊，不過今次食，覺得食物比過去難食.松鼠桂魚好腥連炸魚及濃尾醬汁都未能蓋過腥味，可想而知條魚新鮮極有限😟金牌小籠包（六件) 好食的麻香雞絲粉皮比較細碟，味道可以滬式醬油新牛鬆炒飯太油，味道太重乾煸四季豆不過不失.最後叫了一份生煎包，沒有拍照。底部好燶，但包卻未熟透，只食了肉饀便不要了。.樓底雖高，但有很多射燈，實在太熱了🥵.整體評價其實每次食完後喉嚨都會感到乾癟，除非家人想食，平日都不會去食，但這次的食物質素中下，實在不想再幫襯呢….…Read More

星期三晚和老公、媽咪和寶寶一起去YOHO mix試新餐廳，我和老公都喜歡吃拉麵，見有新開拉麵舖想試試，不過見撈麵比拉麵多，亦有不少side dishes。我們平日好少食有side dishes的拉麵舖，只專注做幾款拉麵的拉麵舖往往會將拉麵鑽研得更細緻，因此我們看完餐牌後覺得可再看看其他食肆，waiter哥哥都好有禮貌的對待，好欣賞🥹後來發現商場也沒太吸引的食肆，因此再回去拉麵舖.因我們孭住寶寶，waiter 哥哥好細心問我們需否bb凳，也主動為我們調位，擔心冷氣口位置會冷親bb，真的很欣賞waiter哥哥的服務👍🏻👍🏻.終於點了人生第一碗雞白湯拉麵~ 因往日多數食豬骨湯、味噌湯等湯底，今次借機試試雞白湯。.原以為雞白湯的湯底會偏淡，但原來好濃郁，湯底是我喜歡的濃厚口感，甚至濃稠得起沙，亦沒有豬骨湯底般濃到有點咸的味道，因此這個雞白湯是震懾了我，不過我未食過雞白湯，所以待我試多幾間不同雞白湯，才知道彼此的不同之處、才能公平地比較。.講完湯底，到麵條~ 本身我較喜歡吃細麵的細林，こころ的這種麵條形態有點像鹼水麵，即偏硬爽的，但食落是帶煙靭和偏林，因此覺得好好食，亦是意料之外，順帶一提，こころ特別註明這些麵條是自家製，因此也加分~.肉類則有兩種，分別是雞肉和叉燒，沒有特別~ 而配菜方面，有筍、紫菜、蛋及生的菜和紅椒，因皮膚敏感沒有食筍，其他配菜的配搭也很夾，因生的菜和紅椒實在是較少見，但亦幾夾。媽媽叫了新品——柚子拉麵，我試了少許湯底，柚子味也幾重，偏薄的湯底，喜歡食柚子味的朋友仔可以一試~.媽媽跟餐叫了餃子和柚子蜜，我沒影到😆他們也說餃子好好味，外脆內軟.老公叫了黑松露煙鴨胸醬油拉麵，我也試了他的湯底，是較輕較薄的湯~ 老公試過我點的雞白湯，他好喜歡😂如果喜歡淡淡的湯底可以試試這款.另外，我和老公叫了一杯牛油奶昔share，幾好味~環境似西餐舖頭~ 佈置得幾靚，很有聖誕氣氛🎄.整體評價要大叫好好味呀~~ 不用多講，雞白湯拉麵推薦！服務亦好好，值得再去，亦推薦大家去食👏🏻…Read More

去了荃灣廣場，好久沒食過正品的蕃茄湯麵，點知去到原來已經執了😭我就去返街頭，見到這間餐廳有蕃茄湯烏冬鍋，那晚天氣突然轉冷，有蕃茄又是鍋物，暖笠笠正好！.我點了「秘制豬軟骨拉麵」，烏冬可以轉做拉麵，還可以走我最討厭的青豆，真好！.湯底算濃厚，欣賞這個蕃茄湯不只是有味道而已，還有幾顆林林的蕃茄，美中不足的是有顆是頗生的，可能是剛加進熬湯的。豬軟骨好林好入味，連軟骨也非常林，而且有好多顆豬軟骨！溏心蛋則帶有酒味，味道偏重。整體是中上的🙌🏻.額外點了一道芝士焗野菜，不過也太細份了😂只有手掌心（不計手指）的大小.環境不錯，當日晚市不算人多，希望香港的食肆可恢復起來當日晚餐有加一，$156吃得很飽，不過價錢對我的預算是小貴的..整體評價主食好味，也可以根據食客個人口味調整，很好的體驗，略嫌野菜少許貴，碟的大小只有手掌心（不計手指）的大小，與預期的份量有落差，如果下次再食，不會再叫野菜了~…Read More

和家人總共五人去食午餐，三位叫了日本菜式，兩人叫了西式，整體大家都表示不錯，不過我叫的午餐B，即是西式野，覺得不太好🥲.除了蕎麥麵外，其他都有湯或沙律，沒有影到湯~ 沙律不錯的呢老公和老爺都叫了大蝦拉麵，二人都表示不錯👍🏻這就是我叫的午餐B，雞扒配時菜意粉，雞扒太咸，意粉好乾，份量亦好細🥲這份牛尾骨闊條麵，奶奶表示牛尾整得煙韌，好岩她的喜好而我媽叫的蕎麥麵則不過不失，雞扒幾好食，算是清清的一餐還有可免費叫的餐飲~整體評價五人行落樓$850，人均$170，算是中高的價錢，如無住户九折便更貴呢，食物不過不失啦~但最緊要家人滿意😊…Read More

好久沒試過一個人來荃灣，行過轉轉天橋，醒起有間拉麵舖，就乾脆夜晚食拉麵吧~.店面比較小，座位不多，但裝修不錯呢.每次都想叫些特別的，但最終還是叫最正統的豬骨湯拉麵🍜😂而這裡的不同款式的拉麵有預設拉麵類型，我喜歡吃細、幼的，而豬骨湯正是配這種麵.我喜歡湯底濃厚的，這裡的正正就是呢，不過吃完有點口乾，要不停飲水外加一份椰菜，就是普通一份烚菜~.整體評價拉麵麵質和湯底也是我喜歡的，如果喜歡吃細麵和濃厚湯底的，我推薦👍🏻下次會試試雞白湯~…Read More

叫開外賣，今日第一次堂食，依舊好味😋我叫左豬軟骨米粉套裝，配娃娃菜，黑糖薑母茶；老公叫左牛肉麵，台灣香腸，蜂蜜柚子茶.牛肉麵、豬軟骨米粉都好好食，好入味，不過老公略嫌配牛肉麵嘅紅蘿蔔、白蘿蔔唔夠林同入味，蜂蜜柚子茶都比較淡，其餘都好味道😊豬軟骨👆🏻超林超入味，林到啲軟骨、筋位都好林不過食到最尾已經好膩😬.配地瓜米粉👆🏻原本以為係用地瓜做嘅米粉，原來係地瓜加米粉🤣米粉係銀絲米粉咁，唔錯嘅.套餐跟櫻花蝦娃娃菜👆🏻櫻花蝦幾香.牛肉麵👆🏻牛肉好林好入味，湯底都幾濃，不過係啲蘿蔔唔夠林.老公套餐跟台灣腸，不過不失~.飲品方面，蜂蜜柚子茶好淡，黑糖薑母茶幾夠味~.整體評價好食嘅台灣野，印象以前係食甜品出名，依家反而台灣主菜做得出色，值得一試~…Read More

今次是第二次來到這咖啡店，老公愛喝咖啡，他必定叫精品咖啡~ 其實我麻麻地咖啡，飲完容易心悸手震，所以近年已少喝，原先是想叫普通飲品，但坐在bar枱上看著menu，傳來陣陣的咖啡香，不禁想試一杯😆加上menu有一頁是”咖啡診斷”測驗，連原本不想喝咖啡的我，也掃QR code來做測驗，再嗅覺視覺加上其他的感官的刺激下，我真的按著測驗結果來叫了一杯試試！不禁概嘆marketing真厲害😌我和老公也order了在”咖啡診斷”下推介的口味我本身喜歡nuts味，有一款是有堅果味，果然真的有堅果香、味道回甘，真的很神奇，難得的很岩口味！我亦order了檸檬皮瑪德蓮蛋糕，也很好味👍🏻以下是享受咖啡時拍下的照片，歡迎細賞~能和老公好好享受二人時光，輕鬆的渡過了一小時，是很難忘的體驗…Read More

去開新蒲崗，作為米線迷，路過米線舖就入去幫襯下。門面其實麻麻地吸引，不過search過open rice，見有人話米線關注組推介過，亦有人話普普通通，米線有咁多種門派，各花入各眼，所以要自己試過先知係咪岩自己嘅餐牌同一般雲南米線舖嘅格式類同，例牌叫酸辣米線再加配料菜心腩肉酸辣米線 微辣湯底唔係好濃厚嗰種，比較稀，for我會覺得太單薄。已經係叫微辣，但個辣都幾搶喉，麻麻地。米線幾林，軟硬適中.配料方面，芽菜韮菜都尚算夠，但肉碎同酸菜就比較少，我超中意食酸菜，個份量完全唔夠喉，不過咁啱佢嘅酸菜好好好酸，唔係我喜歡嗰種味道，所以好彩得好少😂.餸菜黎講呢，腩肉係出色嘅，入味，味道適中，唔會太咸太淡。腩肉會有啲肥肉同皮，但整得幾好味，唔會膩。菜心就純粹想健康少少先叫，唔林，that’s all😅奶茶加$8，少冰左都幾多冰，味道偏甜，比較多奶，冇咩茶味賣單$57，晚餐，差唔多價錢啦.整體評價只可以話不過不失，無咩特別，for填飽肚嘅一餐…Read More

同朋友黎食lunch，依家自己拕住bb去邊都唔太方便，所以地鐵站行去cafe路程對我嚟講有些少遠，沿途行過去都比較多人多車，有啲地方比較「朽校」，但係for成年人，絕對係ok可以handle到，依啲只係我個人體驗🫶🏻.今次想講左環境先~.去到餐廳門口，望入去係木系比較raw，幾靚👍🏻👍🏻侍應起初安排左我哋坐近門口位置，但for我又係搞唔掂😂.坐低後張枱高度同我對腳成水平線，枱中間亦冇得伸腳，如果我食嘢就要對腳打側，再烏低身，對坨住籮咁大嘅肚嘅我黎講，坐一個鐘應該係冇可能嘅事。侍應見我面有難色，我亦自言自語講左句坐低好辛苦，都諗住問可唔可以坐過張正常高度嘅枱，未問侍應，佢已主動安排左張應該係全場唯一正常高度嘅枱比我哋，好彩冇人坐🥹不過因為枱下面又係唔通窿，所以都係冇得向前伸腳，食嘅過程都係要不斷轉換腳嘅位置，所以成餐飯都唔太舒適，環境chill，但感覺唔係太enjoy同放鬆.食物方面，我叫左欖油蒜香雞肉意粉同熱情果青桔梳打.欖油蒜香雞肉意粉佢哋嘅意粉上菜係用碗裝住，比較少見，但勝在大碗我中意😆擺盤亦唔錯👍🏻食落味道幾好，意粉係扁意粉，咬口偏硬，亦比較乾身，整體唔錯的，不過食完都幾頸渴，要係咁飲水熱情果青桔梳打原本叫嘅時候以為係有熱情果肉，原來係變左幾粒熱情果汁（?）嘅冰😯底下係綠色糖漿同青桔，中間係有蝶豆花嘅冰，最上就係熱情果汁（?）嘅冰同薄荷葉😊賣相吸睛，打咭一流，飲落都清新，唔會太甜太酸，配埋我叫嘅意粉，可以解膩解油環境比較raw，裝修唔錯.Cafe內主張環保購物😊♻️除有得賣堅果等食物，仲有得賣寵物零食🐱🐶.整體評價環境幾靚，但坐嘅位置唔太舒適，就算冇坨b，我都係麻麻地依類枱凳，不過唔試過就唔知道係點，都係個體驗呀😊.食物味道好，賣相亦吸引，配合埋環境裝潢，打咭一流📸…Read More

之前叫過外賣app食過2次，覺得啲餸唔錯，上次同老公帶住寵物去雞地，經過先知道原來當日叫嘅外賣舖頭係依間🤣上次食完，本身老公麻麻地車仔麵都覺得好食，加上帶寵物可以坐出面，今次我哋三個人又帶住寵物再食多次😊粗麵(豬紅、滷水雞翼尖、咖哩豬皮、濃汁牛丸)-沙嗲湯底豬紅同滷水雞翼尖好入味、好正咖哩豬皮偏爽，咖哩味好入味牛丸juicy👍🏻👍🏻沙嗲湯底好正，好濃郁一啲都唔hea，呀媽唔食得辣都食到.油麵(咖哩魚蛋、甜酸齋、日本蟹棒、濃汁牛丸)-沙嗲湯底咖哩魚蛋彈牙，帶陳皮味，幾好甜酸齋都正日本蟹棒真係日式嗰種，唔係啲有膠包住嗰種蟹柳🤣沙嗲湯底好正～老公再叫返沙嗲湯底.米線(關東煮蘿蔔、滷水雞中翼、和風燒牛肉、野菜豆腐魚餅)-鰹魚湯+滷水汁關東煮蘿蔔上次食過覺得好味，今次都要叫返，冇渣，唔苦好林好入味👍🏻滷水雞中翼好入味，好正呀～和風燒牛肉其實係我畫錯左，不過都唔錯嘅野菜豆腐魚餅外賣食過一次之後，我次次都再叫😆口感味道真係好正，外脆内軟鰹魚湯+滷水汁湯底好濃，終於搵到perfect match🤣上次鰹魚湯+腩汁唔夠濃.最後仲叫左腩汁菜心（例）同豆漿，唔錯😊.整體評價計我話車仔麵最緊要係啲餸同湯底，啲麵煮得更好食都冇用。我哋雖然未試過晒佢啲餸，但幾次叫嘅餸都唔錯，之後會繼續試～試晒佢哋嘅餸😆…Read More

夜晚同老公產檢完，即刻喺元朗搵食，本身諗住食泰國嘢，點知要等位，再行返去後啲諗住食“年份餐廳‘’，但又唔太岩食。望入巷仔遠處，見到有間疑似餐廳嘅舖，行過去睇，真係餐廳！仲係懷舊扒房，哇！見到真係兩眼發光，一入到去裝修真係以前舊式扒房咁，好似穿越左時光隧道，去左以前年代咁😊.我哋叫左寶石鐵板二人餐，揀左蒜蓉炒雜菜，套餐包多士同湯，我哋揀咗羅宋湯。扒方面，揀左寶石鐵板烤墨西哥風味燒雞（半隻）同埋寶石鐵板紐西蘭肉眼扒，要蒜蓉汁。有兩杯餐飲，最尾甜品揀左布甸同啫喱.舊式扒房，好似返左以前咁😊播住英文舊歌，好有feel~.睇過度過，二人餐最化算.多士及羅宋湯野食上得都幾快，QR CODE落單後無耐就黎野食。羅宋湯好好味😋好足料，酸酸地帶少少辣，好中意飲好多菜、依種味道嘅羅宋湯。真心，依家都係似乎得傳統扒房先飲得返依種味道.蒜蓉炒雜菜因為唔食得生野，所以唔會揀沙律。炒雜菜又係好好味，原本冇咩期望，以為冇咩味，亦唔會太多款菜，但食落驚喜，炒得好香，帶牛油味，有唔同款式嘅菜，對於好中意食菜嘅人黎講，食到一碟好食嘅菜真係好開心😋.餐飲☕️美中不足係餐飲好快就上左，食晒啲野後，杯野飲都凍晒.寶石鐵板烤墨西哥風味燒雞（半隻），蒜蓉汁配飯好中意食全雞，冇諗過据扒可以揀燒雞，都係抱住試嘅心態，諗住可能都會中伏。但係黎到冇失望，雞嘅肉質好滑，但又唔會生，切落好juicy，食落真係好滑，無後悔試左😊.寶石鐵板紐西蘭肉眼扒，蒜蓉汁配薯條老公食肉眼扒，揀左七成熟，肉質唔會un唔會「唉」，因為只係七成熟仲係紅紅地，冇得食形容唔到🥹.啫喱我叫左啫喱，配埋花奶，好耐冇食過依種啫喱，雖然係普通啫喱，但食落嘅係童年嘅味道😊.芒果布甸老公要芒果布甸，芒果都足料，不過布甸質感有啲「唏」，口感偏林，下次佢都係叫返啫喱算~.整體評價整餐飯都好有驚喜，由搵到間餐廳、入到餐廳、食物上菜、品賞食物等，都充滿驚喜，而且係滿足。.餐廳嘅姐姐服務都唔錯，餐廳人客唔多，有啲食客都聽得出係熟客仔，希望唔會做唔住啦～依家好多老店都慢慢執笠，執一間少一間.本身好中意舊式小店，今次體驗真係幾好，下次我都係會再行入時光隧道再黎過😊…Read More

同屋企人一齊去雞地搵食，我哋帶埋寵物，唔係間間都入得，而依間可以坐得舒服啲，亦可以帶寵物，所以揀左依間我哋三個人，叫左兩個set，追加兩個小食：烤半雞配沙律薯條、牛肉漢堡、蒸雜菜同埋香滑薯蓉餐湯:(湯比較濃厚，但係入面太多黑椒，飲落太辣口，亦蓋過原本湯嘅味道餐飲熱朱古力:(賣相唔錯，係比較細杯，味道偏甜。另外一杯餐飲叫左杯咖啡，超級苦🥲牛肉漢堡漢堡內嘅牛肉好juicy，塊扒仲係紅紅地，但一啲都唔un，好好味😋烤半雞配薯條🧐不過不失，肉質較「唉」，雞皮有印度香料嘅風味，幾香口，不過雞肉較淡，唔係好balance，如果能夠雞肉都入味會更加好香滑薯蓉👍🏻一般薯蓉味，個人覺得$18有啲貴，以為會大碟啲，薯蓉加蒸蔬菜$18就合理啲蒸蔬菜唔似蒸，似烚菜多啲，有少量黑椒。份量較少，都係嗰句，$18唔預計得咁少，薯蓉加蒸蔬菜$18就合理啲整體評價嗰日客人唔多，但等食物等左45分鐘，都有啲過分，加上食物唔係樣樣都好好味，所以覺得些少唔抵，但可以帶寵物，又加返分～如果再去，我諗淨係會叫牛肉漢堡，睇下仲會唔會試其他新野啦🙈…Read More

上次慶祝老公生日，食完個蛋糕之後，成日都心掛掛，夜晚喺屋企食完飯後就盪左過去食甜品，唔知係咪大肚都會係咁，可能平日食得太清淡😆.今次都係食返朱古力蛋糕，同埋試杯新飲品，因為甜品主要係雪糕，柚子蛋糕又有配酒，全部唔食得，所以都係食返朱古力蛋糕😂濃郁朱古力榛子蛋糕（朱古力慕絲、榛子）配 朱古力雪糕🍦如果唔係寫生日祝福，原來係會有另一個擺盤。今次再食朱古力蛋糕，我哋都係覺得口感好豐富，有creamy口感，亦有粒粒榛子嘅口感，加埋底部少少蛋糕，真係非常夾👍🏻.而甜度亦適中，唔會有黑朱古力太苦嘅味道，亦唔會過分甜膩，老公今次就幫我食埋個雪糕，佢嫌細得濟😆.整體真係平衡感好好，係值105分🥹粉紅雙柚汁上次老公飲過佢嘅白桃富士山梳打，覺得唔錯，所以我哋都覺得佢嘅飲品都會幾正，所以試過我大緊肚都飲到嘅果汁，好似健康啲😂.一黎到聞一聞，係噗鼻嘅西柚香，飲落酸酸甜甜，好好味😋.整體評價今次只係試side dishes，又係好好嘅體驗😊我開始有啲擔心成日會黎食，係咁寫食評😂.見到有人讚佢嘅刺身壽司，琴日見到其他枱不斷上壽司，已經超級超級想食，之後生完真係要再去試🥹.真心推介依間餐廳~ …Read More

今次老公帶我去食好西，佢話依間嘅牛肉麵超好食，係繼程班長之後，第一次聽佢讚人哋嘅牛肉麵好食😋我哋兩人星期六下晝2點令去到，排隊排左三四個字左右。我都幾中意食台灣野，特別係肉燥飯，不過依度只有滷肉飯，因為大緊肚，唔想食太多肥膏，所以最終冇試到，留返下次再試~最後我哋叫左兩碗牛肉麵、一個煎蛋餅同埋一杯桂花烏龍茶🍜🍵味道真係好好味呀~蕃茄紅燒台式牛肉麵 起初覺得$88小貴，但黎到之後覺得係值依個價，有好多件牛肋條，配菜白蘿蔔紅蘿蔔好大件，仲配埋個滷蛋🥚湯麵黎到一定係試個湯底先~湯底味道濃郁，睇落唔似有蕃茄，但原來係融入晒喺湯度，飲落啖啖蕃茄蓉，超級正🤤牛肋條好入味好林，一啲都唔柴，我哋最怕食配牛𦟌嘅台灣麵，所以依個牛肋條真係頂呱呱😚白蘿蔔、紅蘿蔔亦係十分入味，炆到好林，食落亦無渣，個人比較中意食紅蘿蔔，甜甜地，因為白蘿蔔有少少帶酸，但都好味嘅😋最後仲有棵菜同隻滷蛋，滷蛋口感偏向鐵蛋咁樣較為硬身，我哋麻麻地食依個質感，所以依個係些少失色，不過依個都係個人喜好~芝士吞拿魚粟米蛋餅蛋餅又係十分好味，本身好驚食好油膩嘅蛋餅，所以都係試下嘅心態，點知眼前一亮✨餅皮唔會好油好膩，入面嘅芝士、吞拿魚、粟米同蛋都好足料，加埋啲蔥，可以平衡返冇咁膩，而蛋餅上嘅沙律醬同照燒汁意外地十分配搭，真係好好味呀~桂花烏龍茶(凍)食左咁多濃味食物，飲返杯清清地嘅桂花烏龍茶，即刻去左油膩感~淡淡桂花味，幾好味👍🏻.整體評價食物質素好高，叫左兩種食物都係大大件，非常足料，真心推薦👍🏻下次有機會一定會試佢哋嘅招牌吐司同滷肉飯😚…Read More

成日睇open rice見到依間嘅食評，都有幾多人話服務差、食物唔錯，見到話服務唔好，一路唔敢試，今次膽粗粗試下啦～不過反而調返轉，覺得服務幾好，食物麻麻🤣今次同朋友食左兩個定食set，因為大緊肚，好多野都唔係好食得，最後揀左鰻魚飯，朋友就揀左南瓜意粉環境唔錯，好有聖誕氣氛👍🏻店員好細心，見到我有左bb，特登安排我坐去闊落啲嘅枱度坐，唔同平時睇食譜講嘅人咁成日爭隻味噌湯叫定食就有湯🥣係幾豐富嘅日本支豆南瓜牛油蝦扁意粉🤔普普通通一碟意粉，唔係好特別🤔但勝在係定食，可以食到唔同種類嘅side dish蒲燒鰻魚醬油溫泉蛋飯:(望勻menu，我應該比較適合食到依個飯。依家大肚唔食得生野，溫泉蛋可以喺電話落單時備註分開上👍🏻鰻魚偏硬，少少腥味，個飯亦偏細，$158性價比偏低🥲意式雞肉丸 配 幼滑薯蓉🤔整體味道平衡麻麻地，上面茄醬偏濃，但薯蓉無味，如果兩者味道調味平均返啲，相信會好味好多，$78唔平架整體評價食物食過一次，我諗都唔會翻轉頭，係服務幾好，想試下嘅朋友仔你都可以試嘅🙂…Read More