carlaqq's Profile

睇下過往嘅食評，懷住期望嘅心情，山長水遠去幫襯。當晚10點幾到咗嘅時間，好懷疑入錯鋪，全埸得我一張枱，可能係平日比較清靜喇😅坐低被大大隻”半價”嘅字吸引住，原來個價已經係折後價，當堂無曬驚喜。點了牛骨及麻辣湯底，五花趾，雲呑，韭菜餃，牛肉，桂花蚌同蔬菜，當上枱嘅時候，發覺全部都好細碟，五花趾有6片，雲呑8粒比CP即食嘅仲要細，味道仲不如CP嗰下慘。諗住點都係一餐，點知12點未到就話Last order，乜唔係收2點咩！OMG食物唔見出色，一餐就算，永不回頭。…Read More

之前食過味道都可以，所以今日經過再次幫襯，由於假期沒有下午茶餐，最後點左小籠包，煎鍋貼同排骨拉麵。幾分鐘後，煎鍋貼先上，一咬之下，皮較硬，食到牙肉有小小痛，而且無乜味道，唯一可取係有小小汁。之後小籠包到，味道尚算正常，相比其他之下，已屬很高分。最後係排骨拉麵，試一口湯後，係無味，於是落左豆板醬先叫有番啲味，排骨炸得很乾，可能放得耐左，而且無味，最後食左3件，其他只好放棄。之後埋單$160，相信沒有下次了。…Read More

叫咗豬紅、咖喱魷魚、蘿蔔、甜酸齋河粉，真係估唔到幾樣食物都唔錯，豬紅夠滑、蘿蔔無渣，魷魚味道唔錯，但係細粒咗少少，整體幾好食，而且重有豆漿送😋。下次定試吓佢嘅煎三寶，可惜我個胃無咁大，一次過唔可以試咁多樣嘢。…Read More

本住好心情去沙田試新野，去到剛開門，於是坐低睇下叫咩食。同朋友各自叫左野食及是日餐湯--雜菜湯。幾分鐘後，兩杯餐湯奉上，立即入口，同朋友即時對望，點解係......微微暖嘅，只係比室温高小小😕！於是即刻示意服務員，對方即刻話等陣，幫我地處理，幾分鐘後，再次上過兩杯餐湯，懷住希望嘅心情再試飲，可惜，比先前只係熱左小小🙁，於是大家都求其飲左小小就算。到主菜上，我地分別叫左個墨魚汁海鮮意大利粉同火腿pancake，先講份意粉，可以用無乜味，無乜佩料嚟形容，食左小小就無食😑，而食份pancake嘅時間竟然咬到有膠條😖，而再搵之下，仲發現多一條約2cm嘅膠條，同樣示意服務員，對方即刻話係包火腿嘅包裝嘅膠紙碎，亦主動幫話可以換過，但我地覺得失望而無需要。整體服務水平係算唔錯，只不過食物水準就要大大改善，而廚師對食物處理更要格外注意衛生，短時間我亦唔會再去幫襯。…Read More