sstingyeung's Profile

🍳真•卡邦尼意粉 $78⋯卡邦尼似是煮西餐入門之作，但愈簡單的菜式其實愈看出廚師的用心。Menu特別加上「真」字，是因為小店按傳統製法，用生雞蛋作醬汁，而不是加上忌廉等非正宗煮法，口感幼滑，蛋味濃濃，加上肥瘦適中的煙肉，令意粉更香口而不油膩。意粉份量適中，價錢亦合理。⋯冇得出外旅行，離島變咗好多人的後花園，漫無目的閒閒逛逛，揀一間小店享受無時限的午餐。長洲被譽為最黃小島，要搵間黃店其實唔難，其中「是旦」絕對是值得推介的高質黃店！店主兩公婆是80後，毅然裸辭入小島追夢，希望為島民遊客帶來誠意美食，餐牌上七八成都是用蛋為材料的菜式，所以蛋迷真要試一試。誠意小店不在大街大巷，但白色純樸風的裝修，更有清靜慢活的感覺。⋯推薦指數：🌟🌟🌟🌟🌟…Read More

忍唔住要負評一下1. 同朋友walk-in 7半咁啱有位就即入，之後聽到有人book咗7半，但當時已full house(其實間嘢好細)，即係佢根本唔會留位畀訂咗枱嘅人。2. 間鋪好細好迫，仲要不停加位，食食下無啦啦拍埋晒啲兩人位，4連串咁，坐晒9個人，有啲位仲背貼背，同隔籬枱完全冇距離，好唔舒服，坐入面個啲出入勁唔方便。3. 點完啲嘢食一係冇嚟，一係平價飽肚個啲就畀好多，見到隔籬枱話冇點過都嚟咗好多。4. 最谷氣係加30蚊飲品放題，本身諗住叫一支飲品就得，但半推半就都加咗，因為店員會不停話食辣要飲好多嘢，加少少錢就得。叫佢哋自家烏梅汁，只有好細個杯，要逐次叫店員加，全店又得2個阿姐，落單上菜加飲品都好慢。食到近尾想再叫多支樽裝飲品，突然就話已經夠鐘，但明明餐牌寫2個鐘，個時只係一個半鐘多啲，店員就話「因爲食嘢係一個半鐘，之後畀半個鐘你坐」🤷🏻‍♀️，雖然佢最後都有拎兩支飲品嚟，但不斷畀說話你聽，話點可以最後拎支飲品走，好似驚人飲到佢蝕，但實試發現根本唔會飲到夠30蚊。總結: 食物質素好普通，但要成218蚊一位，個人覺得好唔值，之前去過川菜館都只係百幾蚊位，仲要放題做到咁小家，絕對唔會有下次。…Read More

食過晚飯後好想好想食一啲煙韌、有咬口嘅甜品/糖水，心裡想如果有得食芋圓就好了，結果行幾多就出現在眼前😍太幸福，好有台灣的味道！⋯綜合手工竽圓 ($28)可揀刨冰底或仙草強烈建議揀仙草！一來好好食，二來刨冰好快溶到變甜水😕⋯正如前言所講，這間店的芋圓確實好有咬口，還有多種味道，個人認為奶黃流心最棒！不過如果大家吃吃飽去，建議可兩人吃一個，因咬得耐真的很有飽肚感呢，會脹住脹住😂⋯推薦指數🌟🌟🌟🌟…Read More

粟米三色椒豬肉餃 / 粟米香菇豬肉餃 / 芝士豬肉煎餃 ($36/6隻)⋯超好食！餃子質素可以好參差，一試就會知鋪頭有冇深度，而這間店的餃子包得大隻、餡料又足，豬肉新鮮，食落就知不是一早包好幾天放雪櫃的質素。⋯多款餃子可揀湯或煎，個人認為煎餃始終香口一點，特別是芝士豬肉，咬一口肉汁即滲出⋯可加$7加米線或上海麵，有魚膠淮山豬骨湯和重慶麻辣兩款選擇，極推薦豬骨湯！絕對是真材實料熬製的老火湯，差不多將整大碗喝光⋯地方不大，但超多人等位，平日夜晚都要等至少7、8個字，認真誇張，但食完又會明點解咁多人！！⋯推薦指數…Read More

海鹽牛扒配薯菜 ($62)檸汁鯖魚配即炒意粉 ($52)👆🏻Lunch set包水果南瓜湯/西式濃雞湯加$3還有一杯自家製涼茶⋯份量很多，不論男女友人都捧著肚子離開🤰🏻牛扒雖然有點薄但夠大份，肉質不錯，如煎得再生一點會更鮮。薯條很足料很脆！魚煎得香口，但本身鯖魚很多骨，吃的時候要小心！炒意粉味道不錯，但偏油！最值得留意是小店的特製辣汁，少少辣但很濃的蒜味，無論配牛扒或鯖魚都很適合。⋯很有誠意的餐廳，已經想定下次試哪個了💁🏻據知餐廳晚上是火鍋店，也許都不錯。…Read More