yuren64's Profile

大癲！主食叫咗個蛋包飯同烏冬，諗住叫多個蟹籽牛油果軟殼蟹卷食住等主食，點知係最遲嚟😂烏冬 just okay, 蛋包飯 barely okay.基本上所有食物已經係業務用急凍加熱都可以慢呑呑但又限住一個鐘頭交檯。最癲係，呢度嘅蟹籽牛油果軟殻蟹卷，蟹籽好珍貴稀少不特止，食落其實係冇牛油果嘅，真係驚為天人！諗咗一陣，投訴都廢事，上嚟警戒吓大家好過。Fool me once, shame on you.Fool me twice? No lah.…Read More

一點都不 cozy 。進店後店員問咗幾多位，就由得我企喺度。音樂聲量很大，搞到成間餐廳勁嘈，完全聽唔到店員。Playlist 又係啲國語流行曲，同環境完全九唔搭八，求其spotify 播下 gypsy swing 咪好哋哋囉。All day breakfast 炒蛋係老嘅，焗豆係凍嘅，多士係現成蒜味牛油烘嘅。黑松露煙火腿 egg benedicts ，一隻蛋熟晒，一隻蛋就爆漿，想點？飲品第一杯 Golden dreamland 幾有特色，但都要等25分鐘，落樓下追單先有機會品嚐到。另一杯 latte ，等咗35分鐘，直到見到其他遲來的客人都有嘢飲，叫住店員，音樂太嘈佢又聽唔到，要親自落樓第二次，向店員追問先知漏咗未做。真係好食就下次，唔好食就一次。…Read More

因為知道 BLT 座位唔多，於是特別早兩日預訂了2人檯。晚飯當日中午職員打過來 reconfirm 兩日，不過我無 request 要咩位。早到了少許，被安排了坐在角落頭，本應幾適合兩個人傾下計，點知隔離兩位高談闊論，打擾哂，佢地埋單後，立時靜了許多。兩人胃口一般，點了一個 USA Prime Rib Eye 同 Australian Rib Eye ，加一個 Tuna Tartare 就好了。當然首先來了個 popovers ，很香，面頭脆，內軟，很討好的芝士味，還有 recipe 教你回家自製，這個popovers 可能係除了 outback 黑糖包，和 Grappas 的松子餐包外，很值得一試的麵包。Tuna Tartare 上檯時，職員說送一客三文刺身，不錯。Tuna Tartare 用 tuna 加 牛油果切碎倒模造成，配上酸甜鹹適中的醬汁，為主菜打開了胃口！BLT 的特色是 steak 會以鐵兜盛上，客人可以自己控制熟多一點點，不過我們都叫 medium 所以二話不說就立刻轉碟！我的 USA Prime Rib Eye 表面很身，肉汁不多，比期待的差很多，另一半說她的 Australian Rib Eye 不過不失，但牛味欠奉。沒有點 side order ，吃過這餐失望的 BLT ，便步出碼頭吹吹風去了。…Read More

為了豪吃享受一番，於是大伙朋友來了island seafood開蠔吃。訂座時為了「照顧」吸煙的朋友，要了門口樹下的大枱。未齊人時，先開了兩支酒飲。一支chardonnay，及另一支智利紅酒。只喝了chardonnay，清爽，fruity，易入口，最適合我呢d飲酒初哥。何況醉翁之意不在酒。重點當然是生蠔，由於大伙兒並不是個個都很會吃，於是先點了一round，由味淡到味濃，當中有ireland、澳洲、white pearl、belon、gillardeau，waitress亦都很細心推介先由哪一隻開始吃、如何分辦味道層次等，十分細心。解決了一round後還是不夠，再來了一round white pearl / belon，配搭白酒真係人間極品享受。這裡的生蠔十分新鮮，可能因為人客多，turnover快，所以無咩死貨。中段吃了羊架，肉嫩不腥，醬汁剛好沒蓋過羊味，水準甚高。末段席間有同伴想吃多點，於是點了一個黑松露penne及三文魚白汁意粉，後者沒特別，反而黑松露penne真的做得很香，吃了還嫌不夠，值得推介。服務十分貼心，一流。…Read More

朋友生日，訂了季季紅一聚慶祝。乳豬、冰淋醬烤骨、炒蟶子、蓮藕餅、仲有其他幾樣野。乳豬香脆惹味，但未試過藍地炭爐燒的乳豬，比較唔到。不過很好味。冰淋醬烤骨，味偏鹹，但惹味，送啤酒一流炒蟶子，火候不錯，汁香肉嫩 (點解無叫啤酒架:()蓮藕餅，十分正，香口，爽，脆，點解仲未有啤酒架總括而言，季季紅真係抵食，幾味地道小菜，加幾支啤酒，邊個話不及五星酒店或米芝蓮三星餐廳？p.s.抱歉未有相片提供，因大部份相片都是友人…Read More

唔知點解會幫襯左3次咁多……第一次係當時新開張試的，印象麻麻。第二次是生日gathering，吃得甚少。至於今次的印象就是，難食。兩口子吃午餐，點了一個咩墨西哥辣雞肉闊麵之類，同埋一個meat cravers。個咩墨西哥辣雞肉闊麵，唔辣，無味，吃得出烚意粉的水味，雞肉味同刷膠，完全唔知做乜。meat cravers，我不如過fat angelo's / pizza express算吧。美式 pizza，唔係我杯茶。…Read More

原本是想吃 pizza milano的，不過唔知頭唔知路，pizza milano 未開，所以走回大街找點吃，本身有打算吃 turkey kabeb的，但又見有幾間，不知選哪間，走著走著到了green cottage，看了看是日menu，覺得不錯，於是決定一試。一坐下便有驚喜，水是用strawberry + lemon + herbs 浸著的，喝下來有點香，而且有點酸酸甜甜的，十分醒神，把已經曬了一整天的我們 refresh！點了當天的lunch set， artichoke salad ，例湯，main course分別點了贊歧烏冬 w/ 什菌 同意大利雲吞on angel hair w/ 西西里tomato sauce。artichoke salad 好新鮮，artichoke比筍更好吃例湯味道其實很不錯，但有點像罐頭湯底，加了herbs同魚肉打勻，老老實實，我覺得很滿意了。烏冬真的不算滿意，起碼吃不到應有的咬感。但 Angel hair 的 西西里tomato sauce 就真的很意式風味，意大利雲吞亦有驚喜，sauce味道配合環境，著實寫意得有點像於意大利旅遊般。最後點了iced coffee ，拜託了店主只要少少甜。店主用碎冰打勻，可以咖啡味不算特別濃郁，希望下次點熱coffee會試到真工夫。btw, 店主及店員都very nice，這種小島小社區的感覺，真的很warm很舒服。…Read More

在銅鑼灣不知吃甚麼好，上openrice見到伊呂波評價幾好，於是和另一半撞上伊呂波一試。:(上到二樓店門外，可能是星期六晚比較忙的原故，連續幾個侍應行過都沒有招待過我們，到最後才有一個香港女侍應過來，不過她說座位不多，問我們可不可一小時內交枱，我們唯有勉強答應才可醫肚。坐下來看看menu，發覺好像差不多，又是第一次吃日式(?)燒肉，於是點了什錦拼盤及和牛拼盤，樣樣也試點。什錦拼盤有帶子、大蝦、魷魚 、三文魚、 豚肉、雞肉和牛肉等。老老實實，材料頗新鮮，大蝦鮮甜；另外醃了的豬牛雞也比韓燒好味，尤其是鹽燒牛舌，燒完後即吃，十分爽口，吃到調味亦吃到牛味。和牛拼盤有牛排肉，肋骨肉等等，我只顧吃都記不起在吃哪個部位了。不過老老實實，好像在SOGO/Gourmet/Taste/Jusco也買到相當級數的牛………Read More

點解天悅可以咁抵?置樂同美樂兩間都食過,老老實實, 打邊爐任食質素都係咁上下,但佢可樂任飲, 又咩都有得食, 最正係連油炸鬼都有!湯底點了蕃茄豬骨,嫌唔夠鮮, 再點了幾碟鮮蕃茄放落去煲,完全發揮了任食既精神, 盡興而回.…Read More

因為成日都見到旺角間風月堂好多人, 所以特地來奧海城風月堂, 最麻煩係無得訂位, 不過唔緊要, 最緊要食得好可惜事與願違, 我地一行十多人來到, 初初覺得服務無咩問題, 後來到點餐時, 我地人地點得慢又picky, 個待應就唔耐煩咁拋一句, 幫你落住4個先然後就走, 其時其實無咩客人, 若果係咁不滿就不如唔好做啦, 我地都唔係為難你, 只不過選擇太多姐點了很多菜, 不記得, 大約有煙鴨胸鵝肝忌廉意粉/三文魚什菌墨汁闊麵/芝士三文魚焗年糕/石鍋燒牛肉雜錦飯/煙三文魚薄餅/海鮮炒烏冬/芝士煙肉焗青蠔/凱撒沙律配燒雞/牛油果鰻魚米卷/焗蟹肉西蘭花/海鮮脆卷等等煙鴨胸鵝肝忌廉意粉: 煙鴨胸乾, 鵝肝又少又唔鮮芝士三文魚焗年糕: 好濃既汁, 但無芝士味芝士煙肉焗青蠔: 又係咁, 無芝士味, 又無蠔味海鮮炒烏冬: where are the seafoods?凱撒沙律配燒雞: 最好食呢個, 因為全世界都係呢個recipe其他都係不過不失......後來食物到齊, 眾人都覺得其實質素麻麻, 呢個價錢, 唔應該係呢個質素, 敗興而回…Read More

屋企人無煮飯, 唯有叫外賣第一時間便想起 pizza box,叫了兩個大批, 兩個飯/意粉,都係二百幾, 仲有邊度有咁抵?pizza 點了啖啖肉同香辣雞,啖啖肉要了雙層芝趣餅底,幾特別, 食落滿口都係芝士味同埋肉味,真係好正另外香辣雞都不錯值得一提係葡汁雞皇飯,個炒飯底好好嚼,好似日本米咁,又係正最特別係,落order講左有 mountain dew送,點知速遞員漏左,話轉頭補比我,等左一陣都無,就算啦,點知過左半個鐘,佢真係拎返返來,服務好好…Read More

去過幾次, 通常都係叫一人餐 / 二-四人餐,d pizza / 飯 /意粉 都算幾好味,一分錢一分貨, 當然你唔可以期望佢係意粉屋既質素啦.值得一提的是 ribs, 可惜有時會燒得太乾 (還是pepperonis的ribs好食)…Read More

因為見係openrice都幾多好評, 於是特地一試, 作為朋友慶生飯聚. 十一人點了十二三個菜, 都係例牌果d菜,有冬蔭公,蝦餅,魚餅,串燒,紅咖哩雞,炒金邊粉,菠蘿炒飯,仲有呢度特別d既菜, 蟹中寶, 金瓜飯,, 又有d蜆肉蒜蓉包,薄餅等先講講冬蔭公, 因為少人嗜辣,所以只點了一客細既, 但係都飲得出好足料, 辣得來又鮮, 又有幾隻蝦仔食下, 雖然蝦肉一般, 但係碗湯真係好飲, 不比九龍城的差, 可能更好至於個蟹中寶(唔記得exact名字), 個汁配麵包係好好味, 可惜佢只係得兩隻蟹仔, 見識少, 唔知咩蟹, 不過無咩肉食, 但係就好多膏, 所以個汁係ok架, 但係隻蟹就有點雞肋既感覺另外菠蘿炒飯同金瓜飯都幾好味,因為前者真係食到菠蘿味,又多料,有青口, 後者金瓜飯個汁甜甜地幾特別咁可惜就係小點蜆肉蒜蓉包真係唔識欣賞, 因為個味道居然係酸酸地, 又無蜆肉味, 真係寧願佢簡簡單單做個蒜蓉包好過anyway, 成餐飯都算滿意既…Read More

其實一如發發，這種地方小店吃的是感覺，就好像一個好朋友那樣。而且，這類小店的特色通常都是平靚正，所以大家抱著很大期望來時新，是很自然會失望的。有一段時間，我在附近工作，每天都會經過時新，但只是吃過兩三次，每次都點雙層漢堡，間中吃一下無妨。不過不知何故，我每次吃都不覺得如其他人所講的美味。我會覺得漢堡算是不錯，因為我從來都覺得一分錢一分貨，所以我認為時新值得一試，但並不值得專程到紅磡只是為了吃一吃波浪薯條，或者炸雞髀，又或者雙層芝士漢堡。或者，香港人都懷念舊式港式快餐店吧。…Read More

二人同行等睇戲，於是過來試試個牛肉他他，順便醫肚。除左牛肉他他，例牌點了幾客壽司，同埋螺肉等。每間日式料理既螺肉都無咩特別，不過井上既份量就真係無千之壽咁大份，因為我真係幾鍾意食，多多都食得落。壽司都係元朗特色大大件，魚生都算新鮮，不過壽司飯一夾就散，比較麻煩。最後來了主角牛肉他他，真係好好味，我之前從來未在任何地方吃過牛肉他他，無論味道同口感(我就係鍾意用呢個term)都真係好新奇，唔識形容，但最重要係好味，份量又多，吃到肚都脹，都只係$58，真係物有所值。下次經過真係要再來一客牛肉他他。…Read More