LeeChoiwa's Profile

去完果欄掃貨，想去吃下午茶，文明里附近有間新彌敦冰室開左。入去見佢環境唔錯，地方大位多。餐牌亦豐富多選擇，每日午市套餐都有粉、面飯、小菜、及扒頖供客人選擇。亦有常餐焗飯可供選擇。今日叫咗炸雞脾沙律。嚟到見到賣相不錯，沙律好大碗，雞脾剛炸好還熱氣迫人。先試沙律幾清新好味道，雞脾皮脆(可惜我減肥走皮），內嫩夠味。👍👍👍今日有食神，遇到新店食品好味，地方舒適。下次試埋其他食品。👍👍👍比較附近紅茶及對面冰室小菜館，這裡性價比更好。👍👍👍…Read More

今天難得到九龍工作，當然去佐敦Marco's Oyster Bar & Grill食個靚早餐。環境宽敞舒適，唔多人，食得特别安心。早餐有兩種叫法，（1）傳统粉麵、麥皮，加扒類，再加蛋類及飲品，只售$35（凍飲加$3）。另（英式扒餐）牛扒（$43）、豬扒（$45）、雞扒（$41）、魚柳（$49），全部有倫宝腸、雙蛋、薯餅、牛角包、沙律菜。非常豐富。叫了一個雞扒餐，凍齋啡，埋單$44。非常抵食，坐得舒适。味道好味，牛角包外脆內软夠酥香。值得推介俾老友去試。試過下午去食威靈顿牛柳餐，非常抵食好味，加兩打$10隻蠔是常識了。餐厅經常有優惠做，留意佢FB就無走雞。上年中秋用$2000,買了$2400現金卷用（增值了$400），仲送咗盒靚奶皇月餅（好味）。之後亦有出買$1000，俾$1200現金卷計劃（送藍莓芝士蛋糕一磅），非常抵食。…Read More

紅磡小店，私房牛肉麵。兩人抵食好味麵餐。牛肉麵好食，係招牌麵。餐奉上有心机，配上餐盤，可放小食。牛展夠味，丸夠彈牙，揀大麻辣湯味蕾升级。盤菜好味，跟一款蔬菜及雞粒也非常好食。值得向大家推介。餐廳環境有装修，冷氣充足，店内長期播有輕快音樂，店員有礼。搬來不足兩個月，已光顧三次。…Read More

今日在深水埗見到一間越南餐廳。之前已留意過此餐廳有良好食評。所以今日特意去試吓。点左一個二人餐，已包一前菜(三選一)、一小食(三選一)、兩碗單拼粉麵(經典生牛肉河)，兩杯餐飲(熱柚子蜜不用加$)。只售$108，非常抵食。我追加一客三隻牛油雞翼$18，及其中一碗麵加多一個咖哩尤魚$12。埋單總數只$138，非常抵食。首先，生牛河份量多，牛骨湯鮮甜、配洋蔥、芽菜、蘿蔔非常好味。前菜無骨鳳爪好食，通菜惹味。牛油雞翼又脆又香口。非常抵食好食一餐。…Read More

一向嗜辣如命的我又發現到一間食辣麵好地方。小店門外貼著食辣挑戰，20分鐘食完一碗招牌麻辣牛肉麵(超大辣連湯)，可以免費享用不用付款($38)，仲可以影相貼在小店內留念。今次先試大辣，没有譚仔的重味精，辣味中帶淡香，唯一是為左迎合多人口味而没有加上芫茜。沒有芫茜不夠地道，希望老闆可以留意。麵身夠爽，牛腩味道還可以，而且份量亦多(有六至七舊)，如果可以炆到再軟身就更好，或加埋牛根會更正。下午茶時間送凍或熱菊花精。店內尚有大量川味小食及自制豆漿。每次去也可以試食不同口味美食。食完大辣麵已經好滿足，下次可挑戰超大辣。絕對係一間嗜辣者喜店。…Read More

同老婆去尖沙咀撑枱腳，開個app睇openrice有咩好介紹，見到呢間西餐實驗室幾特別，仲係9:30後有8折，啱晒我夜食一族。環境可以，如果張枱大張啲會更好。食物有質素，叫左好多人叫鵝肝黑松露意粉，另加一個牛扒餐，龍蝦湯，沙律，埋單折左不用$800，以質素來計在尖沙咀都幾抵食。下次有機會要試埋佢海鮮及甜品。跟餐雜菜湯夠濃，加20蚊可轉龍蝦湯，龍蝦味充足。跟餐的甜品亦絕不馬兒，地点適合紀念日，同老婆撑枱腳最啱。…Read More