chi_ma_gun's Profile

由佢開張以黎食過三次，三次都係晚餐，真係好好味又抵食😋😋 重點係唔洗加一！！一個扒餐係包湯+餐包+嘢飲+甜品，唔係扒餐就無甜品。每個餐都好大份，女仔食既話一定會夠飽，男仔就更加唔洗講啦！會繼續光顧😆😆…Read More

貼錢買難受！！永不光顧！😒😒😒服務態度不太好，啲嘢又貴又唔抵食出菜又慢！同男朋友聖誕節正日入赤柱，諗住食嗰間執左所以就揀左間都多人食又唔洗點排既餐廳啦。呢間聖誕節做緊$289一個set, 包沙律或者湯。其實都合理既，始終聖誕節係貴啲。好啦咁我同男朋友每人一個set諗住一齊share兩樣都食下咁，佢就叫左個7成熟既肉眼扒，我就叫左個燒火雞+火腿，我地都揀左湯，另外都加左兩杯細既Sapporo啤酒。落完單之後等左起碼15分鐘先上湯，個湯好細碗同埋都唔知飲緊咩….好啦再等多大約5分鐘就上左個肉眼扒，哇個擺盤真係值$289咩大佬？？？同埋呢個係7成熟黎架咩….勁紅🤯🤯🤯 我都知聖誕廚房入面係忙啲，但係都比啲誠意呀….你地都係賺緊我地顧客既錢架….好算啦我地都照食啦，好彩味道都還好既，但係一定唔飽。另外我地差唔多食完個扒我地一早叫既啤酒都未黎，追佢嗰陣話送比我地飲…應該全餐最滿意既係呢樣😅😅😅 不過都係彌補唔到我對呢餐既失望同憤怒。食完個扒再等多大約10分鐘個燒火雞+火腿先黎，賣相就好似好啲但係都一定唔值$289囉….總之真係非常之失望！…Read More

細個住附近，呢間野都叫做由細食到大，就算搬左都會照間唔中返黎回味下。 呢間啲嘢食都算叫做大碟，會有湯、餐包、主菜、甜品同埋飲品。連飲品都算大杯，價錢公道，食完真係會捧住個肚走。唯一唔好既係間嘢真係需要搞搞個冷氣，越食越熱呀大佬，最後要出動埋風扇仔，一路吹一路食，少狼狽😅…Read More

大伏！簡直係貼錢買難受！唔明點解呢間餐廳仲有咁多正評 ？唔明點解仲有人可以喺度搞生日？玩_個壽星公/女？定係我同我啲朋友個味覺有問題？😂首先，入到去，比個場面震撼左，逼到⋯座位太逼，座得好唔舒服 。食物方面係好多選擇呀，但我可以講，呢餐係我人生食過最難食既放題🥴 又貴又難食！炸物同刺身還好（雖然返到屋企都有痾過一次），但壽司同熟食味道同溫度都有待改善⋯完全唔明白點解最普通既牛油粟米同金菇都可以搞成咁⋯貼錢買難受，絕不推介！無下次！🥴🥴 …Read More