kmkmcer's Profile

10點幾睇完戲見佢未閂，價錢又唔太貴，所以去咗食，點知中大伏……… 啲嘢食勁咸，嗌咗個鰻魚飯，條魚有少少腥味，啲汁勁咸，食咗一半就停咗手。塊西冷係茶餐廳質素，又薄又多筋……..鹽燒鯖魚係硬掘掘，啲肉又散，又梅…… 茄子薯蓉啲薯蓉有勁大浸臭草青味…….最過份係漢堡問咗佢漢堡入面有冇洋蔥先嗌，佢話冇，點知一上菜就勁大浸洋蔥味，仲明顯見到洋蔥粒釀咗喺漢堡入面誠信破產結論就係性價比極低！！價錢平但係質素差！！…Read More

成世人未食過咁「特別」嘅扒房…… 講到咁出名咪走去食，啲牛扒鬆到呢…… 落咗好多鬆肉粉咁，一·啲·牛·肉·味·都·冇！啲扒又多筋……明明嗌咗5成，嚟到係7成，燒多兩燒變全熟……薯條墊底，全部淋曬=_= 又索曬d油，好難食……個焗西蘭花又係冇味，白汁冇味，個底仲勁多烚完西蘭花嘅水，浸住西蘭花，溝埋白汁，水咁淡……得啲芝士好食d……杯好立克淡到，浸味似落左好少粉但加左好多水個隻味……員工態度又好差，食完仲好濟好膩，冇下次！！！…Read More

超級普通嘅一間日式嘢😐睇食評講到好正咁咪入去試，喺小紅書又見到有推介，所以入去嗌咗個漢堡蛋包飯、鰻魚飯同魚板……真係……入去發現竟然係黃店，有d postcard放係牆，小紅書竟然推介黃店……個漢堡蛋包飯已經叫係最普通可以食… 漢堡入面多洋蔥，蛋包飯係就咁po 蛋係面……個鰻魚飯啲飯係凍咗，條鰻魚仲要又韌又硬. 啲邊又燶晒，所以好硬，而且苦苦地，同埋好細碗但價錢都唔平……個魚板仲勁，啲洋蔥多到乜咁，魚板就得幾塊………Read More

位置方面:九龍灣淘大.等待時間方面:845左右到, 有位可以即入, 再夜少少啲人就排晒喺門口.一埋位, 冇幾耐就有姨姨比一盤野我地自己落豉油同配料.甜品方面:桃膠﹑清心丸﹑燉蛋白﹑椰汁底: 呢個金桃花有齊呢幾款食物, 想讚一讚燉蛋白, 燉得幾好食, 雖然甜, 但係甜味唔會蓋過左個蛋味, 蛋味濃郁. 芋圓﹑燉蛋白﹑椰汁底: 食得出芋圓係用糖水煲, 因為佢既甜度比起其他店舖食到既都甜啲, 甜到有啲蓋左成碗既味道.芒果糯米糍: 同長洲嗰款芒果糯米糍唔同, 呢款連個皮都有芒果味, 幾好食環境方面:好逼 (應該間間糖水舖都係咁), 枱都好細.總結:雖然佢標榜低糖, 但我依然係覺得有少許過甜. 另外, 有張卡仔儲印仔, 每滿$40就有1個印, 儲滿10個印就可以當$15用, 每次最多可以用2張, 即係每次最多可以平$30.而且, 新吸既印仔唔會因為你扣左30蚊而扣印仔. e.g. 食左$96, 扣左$30, 會有2個印仔.…Read More

位置方面:奧海城二期1樓, 等緊位/食完可以行咁多期既奧海城, 仲可以行去旺角消化下等待時間方面:我記得以前好似可以GULU拎飛, 但原來兒家冇左. 我地大約630去到, 等左5分鐘左右, 前面拎左飛既人未到, 所以我地可以好快就入到去..食物方面:牛角飯: 好多朋友都會食牛角飯, 甚至會食2碗, 之前覺得食飽左食唔到肉, 今次就一於試下. 一試不得了, 非常推介食牛角飯 (但係有蔥, 我冇食到有蔥嗰個位既飯)牛肋牛肩牛舌: 試晒牛肋牛肩牛舌, 個人認為3款之中牛肋最好食, 牛肩就比較多肥肉.牛油金菇: 超好食!! 嗌左5兜!! 錫兜上, 唔會燶.汁: 豉油(?)最好食, 辣都OK, 鹽就麻麻地.飲品方面:個熱柚子普普通通, 另外仲嗌左初蜂蜜烏龍﹑烏龍同埋賓治. 環境方面:一啲都唔逼, 都好闊落員工方面:上菜好快, 冇漏單總結:用pad落單, 好方便.價錢都算OK, 呢個價錢食既肉比起其他燒烤都尚算OK.…Read More

今次係第2次食, 貪佢人流比較少, 可以即到即有位. 上次食雞煲味道唔錯, 可以再戰, 今次試多啲打邊爐方面.位置方面:位於旺角飛達商業中心, 要行上1層, 唔係好顯眼. 等待時間方面:630左右到, 即刻入得. 730開始有book左枱既人入場.一埋位就有一盤野我地自己落豉油同配料.雞煲方面:雞煲 - 因為個人唔食洋蔥, 所以嗌咗走洋蔥, 上次有幫我走, 但今次冇走到, 好彩洋蔥味唔太強烈. 雞仍然係非常入味, 幾好食, 但係食到尾啲雞有少少咸. 另外, 可以任加雞.邊爐方面 (比較遜色):有雞﹑魚 (腥腥地)﹑蜆 (啲肉好散)﹑象拔蚌 (味道怪怪地)﹑蟹柳﹑魷魚﹑牛柏葉 (好好食, 拎左2轉)﹑金菇﹑廚師腸﹑油麥菜 (苦苦地)除此之外, 仲有其他食物可以拎, 有丸﹑並他菜類, 等等, 種類唔係好多選擇.環境方面:店舖唔太大, 大概有廿零三十張枱左右, 裝修有啲日式feel, 有2部電視播緊日文歌既mv, (有求婚大作戰!!!!!!!!!!!!!!!!!!!) 因為今次比較早去食, 所以staff就比左張6人枱我地, 張sofa都幾闊落.員工方面:大部分都好好, 係有1﹑2個唔理人. 總結:值得一讚既係佢有個貼心服務: 提供USB叉電﹑電話套﹑圍裙﹑橡根同除臭劑.雞煲推介, 非常抵食 價錢唔係好費, 但係打邊爐就麻麻地.…Read More

位置方面:尖沙咀 馬可勃羅 港威酒店 Gateway Hotel價錢&使用優惠:$658/1, 78折, 2個人去食=$658*2 *0.78 + $65.8*2 = $1,158.08即係$579/1等待時間方面:早一日book定, 所以去到拎位就入得. 本身諗住喺open rice book, 但係full咗, 所以直接打電話book就有位. 題外話: 佢提供wtsapp booking, 但係要等幾個鐘先有人reply.食物飲品方面:款式: 超多款! 蠔:有Canada, Irish同Normandie, Canada味道最好最甜, 但幾隻好咸. 魚生: 三文魚味道麻麻, 隻甜蝦好好食, 同埋都算大隻 芝士意粉: 喺成大舊芝士上面拎, 但味道就麻麻地, 啲扭扭粉太淋中式粉麵: 湯底(豬骨湯)好好味, 芝士腸真係有芝士, 魚蛋好味彈牙, 可以淨淥菜)片皮鴨: 普通, 不過不失冬蟲草螺肉排骨湯: 好好飲, 啲湯好入味, 但飲咗一碗都有少少un胃鵝肝!!!!!!!!!!!!!!!!!!!!: 個人最超鐘意食鵝肝, 今次食鵝肝唔洗排隊, 廚師keep住煎, 我地就不停食, 煎得好香好好食, 唔會好咸, 好想再食龍蝦: 味道OK, 亦都冇咸味芝士噴泉: 冇味, 好淡既一個醬仲有好多款野食, 下次再試其他飲品: 有個bar位專人沖野飲, 我地飲咗杯expresso, 咖啡機沖, 冇咩特別環境方面:個環境好舒服, 張枱夠大, 放食物唔會好逼, 枱同枱之間都有距離, 行既位置都闊落.去拎野食時候都冇樓梯級, 唔會拎到步步驚心.燈光偏暗, 都好有氣氛.總結:呢個價錢黎講食物質素都高, 款式多, 所以呢個價錢性價比高.…Read More

位置方面:屯門置樂, 由v city/屯市行過去都有啲距離等待時間方面:12點幾到, 都仲有位, 即刻入得, 但去到1點幾開始多人.食物方面:今次嗌左2個餐.咖哩牛(腩) $53: 硬度岩岩好, 而且咖哩汁入晒味, 好好食.咖啡哩牛脷 $45: 煮得好淋, 好好食, 口感好好, 同樣地, 啲汁入晒味, 每咬一啖都有咖哩汁咖哩: 好好味, 同平時食到既咖哩唔同味, 好易送到飯, 同埋好多汁, 可以用黎點烤餅, 好好食.粟米雞湯 (包埋): 好想知佢係點煲, 因為真係好好飲環境方面:內外部裝修都幾特別, 地方唔算係好大, 但係舒適.員工方面:全部都係印度人, 佢地識識地中文, 仲會同啲客傾計, 有時會問好唔好食, 好nice!總結:果然, 係屯門最好食既餐廳之一!!! 價錢唔係貴!!!! 碟上既有牛﹑好多飯﹑薯條﹑雜菜﹑烤餅, 另上既有碗粟米雞湯, 仲包野飲! 60蚊有找! 好抵食!!! 食完所有食物真係好飽好飽好飽. 呢間屯門咖哩屋真係好好食好好食好好食XD 要講3次XD…Read More

位置方面:又入左屯門搵好西食~ 除左輕鐵口個間丼丼之外, HANDS入面都仲有間八戶屋.等待時間方面:星期六晚約左朋友食7:30, 7:20用GULU拎飛, 大約7:40入得. 730到八戶屋既時候, 門口已經有好多人等緊位.食物方面:一人嗌左一碗拉麵, 再加一人一客火炙三文魚(必食!! 最愛!!)豬軟骨拉麵$58: 湯底應該係醬油底, 味道比較遍咸. 麵質正常. 而豬軟骨都係偏咸, 所以成碗都係偏咸.海鮮拉麵$65: 湯底正常, 而海鮮種類分別有帶子﹑蝦﹑鯖魚﹑蟹柳﹑蜆等等, 普通, 不過不失, 味道都OK.火炙三文魚壽司$26: 1客有2件. 塊三文魚真係好正, 燒得好好食, 燒到有少少油, 好正!!!!環境方面:都好大間, 入面都好多位總結:想食就要早啲去排/用gulu拎飛! 因為7點後好多人!價錢都合理, 60幾蚊就食到碗足料拉麵. 唔想食拉麵可以食魚生飯/炒飯. 食物選擇多, 有好多款小食﹑刺身同壽司, 下次可以主試小食同壽司.但係......要收加一之餘仲會四捨五入. 我地今次食左$175, 加一$17.5, 收左我地$18…Read More

位置方面:九龍灣淘大商場本身都已經好多野食, 但食扒既就好少, 而呢間價錢都比較正常.等待時間方面:7點零鐘到, 唔洗等位即刻入得, 始終淘大都比較多野食, 座位冇咁快full.牛扒方面:今次嗌左2塊西冷, 1塊8oz ($94), 1塊16oz($128). 2塊都嗌左7成熟. (唔係鐵板上)味道唔錯, 食得出佢有用到牛油煎, 而且肉汁都唔錯, 但係就太多筋.另外, 肉都唔會好韌, 再配飯同意粉, 其實都好飽.小食方面:嗌牛扒加$29就有3款野食, 因為2個餐, 我地嗌左6款小食.煙肉波菜: 好好食!!!! 佢係用蒜茸炒, 所以好惹味! ..之餘都唔會蓋左煙肉浸味味噌湯: 普通, 勝在冇蔥沙律: 普通, 一碗仔辣味薯角: 好食!! 佢有啲辣粉, 所以薯角都有啲味, 份量都好多, 幾抵食飯&意粉: 配扒上環境方面:環境舒適, 都坐得幾舒服. 唔算好大, 十零張枱.總結:去開九龍灣可以去淘大既麻布茶房据下平價扒, 味道唔錯. 另外, 佢仲有提供打邊爐, 仲有好多款甜品, 下次可以去試下~…Read More

位置方面:位於屯門友愛邨, 得閒入下屯門又有好野食.等待時間方面:9點零鐘去到, 唔洗等位即刻入得.一埋位, 冇幾耐就有姨姨比一盤野我地自己落豉油同配料.雞煲方面:招牌爺爺雞煲 - 因為個人唔食洋蔥, 所以嗌咗半隻雞走洋蔥, 但仍然係非常濃味同入味, 好好食. 雞件肉質都唔會好鞋.食物方面:好想食響鈴, 但賣晒, 唯有下次再食.今次嗌咗蟹籽墨魚滑﹑豬肚, 同埋2碟牛柏葉. 豬肚同牛柏葉都普普通通, 不過不失. 豬肚唔會蘇同臭, 牛柏葉都爽既.要讚既係墨魚滑. $88, 價錢合理, 一大碟, 我諗我都分咗十粒左右去淥, 入面堅係有墨魚粒, 仲有蟹籽分別釀左係入面同埋有一大pat係面, 為左唔浪費呢一pat蟹籽, 我自己撈埋入去. 個蟹籽墨魚滑真係好正好好食! 非常有味道, 而且唔會好腥, 值得一試.環境方面:地下同梳化都乾淨, 地下亦都唔會話好油好痴笠笠, 座位都好闊落, 枱都夠大, 放到好多碟食物.仲有啲位放係外面, 方便食煙人士.員工方面:啲姨姨都好nice, 好主動幫我地校火, 態度亦都好好, 笑面迎人. 而且個啤酒姨姨都會幫埋一份, 幫我地落單嗌野食.總結:屯門爺爺雞煲整體黎講都唔錯, 野食﹑環境同員工都好好, 係一個唔錯既體驗.…Read More