為食肥老鼠's Profile

我叫左"酸辣腩肉豆卜米線", 28蚊, d豆卜好味! d腩肉就一般啦, 冇乜特別~ 本身自己唔食得辣, 但呢度出名係酸辣, 自己又鍾意食酸菜, 所以點都要試下, 不過, 真係好辣! 初初都唔想食, 真係頂唔住, 但冇理由浪費嘛, 我用另外個碗盛起d米線, 唔要湯, 易入口d... 6蚊一罐汽水, 10蚊一支豆漿, 每都有茶供應, 地方唔大, 坐得唔舒服, 服務唔好! 見到一男一女食"過橋米線", 34蚊, 好大碗, 兩人食剛剛好, 呢個好似抵d~ 食完個肚仲係好辣好熱......總結, 試過一次算~…Read More

每次去泰屋都係坐露天位,個feel幾好,天氣涼涼地唔錯!我最鍾意食「原個南瓜炒飯」,(我係愛蝦之人),我鍾意既係佢放面既大大大頭蝦(有成隻大手板咁大),非常棒!隻蝦真係好味呀!個炒飯都唔差,不過冇用南瓜炒,只係放入個南瓜內,d飯同食菠蘿炒飯d料一樣呢!仲有個「油酥餅」,18蚊3塊,其實係薄餅咁,用來點0加哩汁食,不過呢隻"酥餅"唔點汁食都好味,記得趁熱食啊~每次去我都係多數叫呢兩個餸之餘,仲會叫下「泰式炒什菜、青0加哩-牛肉、蝦餅」~「串燒、拼盤、0加哩雞」就麻麻地,食過一次,第二次唔會叫~…Read More

佢個"酸甜棒棒雞"非常正!至o岩用來送飯,佢係雞脾咁樣,一條骨連一舊肉,鍾意食酸甜野既朋友一定要試!另外,個"正宗過橋米線"就一般,清左d,個鍋就夠大,但d材料唔多,我兩個人唔多夠食~炸銀絲卷好正!記住趁左熱就要食,個皮好脆好香,裡面軟林林,好味!仲有,佢好多餸都係辣,個menu餸旁邊都有個辣椒圖案,唔食辣的朋友留意呵!我星期六,7點幾去食,已經要等位,等左25分鐘時間,都幾耐...…Read More

「砂煲」都係第一次去,我都係見到有網友話正我先去試下.我叫左個二人前海鮮鍋,湯底係日式清湯,叫清湯的話,最尾d湯吸哂d海鮮味,超甜!二人前海鮮火鍋料有:聖子,海參,象拔蚌,扇貝,鮑魚仔,大蜆,海蝦...其餘d配菜唔駛提啦~仲有碟超簿黑豚肉,一碟超簿肥牛,黑豚肉我第一次食, 兩樣都好正!仲有個新鮮手打墨魚丸,一大舊俾你自己「廖」落去,另外叫左個清酒煮大蜆,真係清......不過都食得出有清酒味,不過淡左d~~最後有西瓜食...呢次我去係星期六,未夠7點已經去,人都唔係好多.總結:食物好味!服務好!我會再去的.…Read More