sabhk's Profile

過開嚟黃埔，朋友揀咗當年好出名既詠藜園食吓，記得十年前食過好好食，點知十年人事幾番新，再嚟就真係差天共地。環境：正正常常，casual格局服務：無服務可言，好似快餐店服務，仲要計錯錢，好彩睇到佢計多錢，如果唔係就蝕比佢衞生：非常唔得，而家有疫情，不過啲枱好污糟，都未抹乾淨食飯：紅油炒手，無驚喜！嫩雞煨麪一樣好一般，啲雞係比嘢嗱到好𣺉個種雪雞粒，好失望。另外，担担麪個湯底都好怪，好浠同有陣怪味，不過又唔知咩味。砂鍋雲吞雞，唔記得影相，但係個雲吞加咗芹菜，正正常常，好一般。最好食反而係個甜味，金玉滿堂係全晚最好食，唔甜，而且好特別，係第二度未食過，食剩幾塊打包帶翻屋企，點知返到屋企，盒底成層油，真係好鬼失望，以咁既價錢同服務質素，可能食快餐店仲好☹️…Read More

銅鑼灣行完街揾下午茶食，見到呢間裝修幾靚，非一般既茶餐廳，就入去試吓環境：裝修靚，座位舒服，寬敞，而且好乾淨服務：茶餐廳唔好要求咁多啦！食物：食物望落乾淨，而且熱辣辣，因為好多時茶餐廳都整定啲嘢食，食落好多時凍冰冰，所以呢樣要加分。至於味道方面就好普通，都可以既，中規中矩，不過不失無驚喜，不過如果想係銅鑼灣坐得舒服，價錢唔係好貴，食吓茶餐廳嘢，呢間係唔錯既選擇，雖然唔係驚喜之選，但係絕對係穩陣之選…Read More

帶埋狗狗出嚟食嘢，去名店坊揾嘢食，見到呢間幾dogs friendly 同埋個staff好友善同狗狗玩，就決定揀呢間。環境：outdoor枱唔係好多，唔知係咪疫情關係，枱與枱之間算闊落服務：個待應哥哥好有禮貌，亦對狗狗好friendly，加分！食物：薯條係麥記個種幼薯條，個人比較喜歡幼薯條，唔油，黑色個醬係mayonnaise 加黑松露，好特別，唔錯。雞翼係泰式香茅味，我好鍾意，雖然食材好普通，不過用特別既汁整，好有心思，而且好好味。三文魚poke，加埋牛油果，呢個無乜特別，可以唔叫，食其他嘢，價錢唔係好平，不過係銅鑼灣嚟講，可以接受…Read More

好耐無食過，襯住時代廣場搞活動，送現金卷可以係度小月用就所以嚟食嘢。記得啱啱開個陣，大排長龍，味道比而家好得好多，唔知係疫情影響定食物質素影響，確實少咗好多人。服務：有好多空枱，不過唔知硬係唔叫人坐，要成班人望住堆枱係出面呆等，有二十幾個號碼走咗食物：好似快餐店質素，無咗當年台灣風味，唔知係唔係用香港食材，而家完全變咗港式口味。最期待嘅擔擔麵，完全感覺係煮完個麵，放堆預早做好嘅醬上面。所有嘢感覺好似預先中央做好，佢哋再翻熱出嚟咁，無咗新鮮煮既味道，而且價錢唔平，樣樣嘢細細碟，其實加埋都差不多$450/兩位，好彩可以用$200現金卷，不過坦白講，用$250食呢堆嘢都貴，希望餐廳可以有改善，挽回班食客…Read More

今日去埋附近另一間鹵水鵝店買外賣，實行嚟個大比拼。1）環境：只有外賣，做街坊生意，都算乾淨2）包裝：乾淨，無乜特別3）食物：[鵝片] 肉質鬆散，有啲似冰鮮肉，不過尚算夠味，但欠鹵水香味，直接講就係得個咸字，唔夠鹵水味[豆腐] 夠入味，不過一夾即爛[鵝腸] 即叫即煮，無乜肥膏，我鍾意[腎] 不過不錯，不過唔夠味，其實綜合嚟講，佢所有食物都好淡色，味道亦偏淡[肝] ✅夠滑，唔係一般出面賣死實實個種，係所有嘢入面最好食嘅[墨魚] 有啲鯹，而且無乜味，連墨魚香味都無綜合：一間傳統鹵水鵝店，無乜驚喜，不過不失，除咗個肝同腸比較出色，其實如果無另一間比較，呢間都算OK既，只可以怪北角太多鹵水鵝店，對手太強…Read More

肺炎疫情下，悶悶哋，聽到朋友講起鹵水鵝，就去咗兩間比較出名既鹵水鵝店買外賣，做個鹵水大比拼，最後太平勝出！🎉🎉🎉(關於另一間鹵水鵝既食評，我會寫翻係人哋個頁)1) 環境：小店，好似茶餐廳咁，唔好抱太大期望，不過乾淨光猛2）包裝：精美衛生3）賣相：一望就流口水4）食物：[鵝肉] ✅夠實淨，唔似冰鮮鵝咁鬆散，不過唔會韌，而且個鹵水汁有鹵水香味，試過好多間都只係得個咸，完全無鹵水味，不過其實個鹵水可以再濃些少[豆腐] ❌我係豆腐怪，超鍾意食豆腐，不過呢個豆腐無味，其實見無色就已經知出事，可以唔食[腎] 😑夠入味，唔錯，不過無乜驚喜[墨魚] ✅有墨魚香，相對另一間太鯹，所以太平做得唔錯，而且切得真係好鬼靚[鵝掌+鵝翼] ✅夠入味，夠大隻，有肉，通常一般無肉，得層皮同骨[溏心蛋] ✅✅✅超出色，返到屋企都仲係流心，火候控制得好，而且佢比埋個酒加上隻蛋，食過咁多間，呢個真係出色[酒香鴨舌] 😑一般啦，夠爽，唔肥，有咸味，不過無酒香味…Read More

平時好怕食放題，因為一般質量都麻麻，兩個人都要幾百蚊，咁不如好好地叫餸食飯啦。今日男朋友諗起食燒肉就上網揾到呢間環境：以前食過其他日本放題，環境都好迫，等你食完就快d走，唔好阻住交枱。熊本呢到真係坐得舒服，枱與枱之間唔會好迫，比起其他做放題迫到好似快餐店咁，呢間要比個讚食物：一開始只要你like佢facebook，佢會送個海鮮鍋，隻蝦勁大隻，個湯都鮮甜。另外，我地兩個人升級咗日本和牛任食，當然唔好發夢以為會有最高級既和牛你啦，不過都唔錯。美中不足係今次無大蝦燒，等下次再試。罐裝飲品任飲，最後仲送Haagen-daz 雪糕推薦菜式：和牛、醬汁牛仔骨、薄片肉、三文魚(我地肉嚟燒，又滑又香)、菠蘿、雞脾菇、清酒煮蜆(蜆好大隻，但有兩三隻有沙)、和牛炒飯(一碗夠兩個人食)....服務：非常好，基本上用個pad點完菜，5分鐘內送上，即使限時1.5小時，都食咗好多嘢，而且由開始同尾，食物質素一樣，絕無欺場，非常均真所以今次非常滿意，當然放題又唔會諗住食到米芝連水準，不過整體食物質量都比預期高，所以男朋友話要再去…Read More

成日係世貿排長龍，不過又見到朋友post話唔得，咁好奇就去實地試吓。首先朋友comment話煮麵個水污糟，搞到個湯唔夠清，可能我5點幾去試，算係頭輪食，所以無咁既問題，個湯真係好好味。我叫咗生熟牛肉加牛丸，一次過試晒佢，不過生牛肉上到枱係全熟，成碗嘢都係熟，而且超厚同鞋，舊熟牛肉(牛腩)似煲咗好耐湯既湯渣，係化開但好鞋口同埋無晒肉味，得個散字。反而牛丸好食，好有肉味，似新鮮牛肉打，除咗牛丸、湯同河粉我地都食晒，我同男朋友(仲聽到隔離枱)都覺得d肉真係唔好食。不過飲品好出聲，叫咗個越南咖啡，超香同超濃，勁正。另外，叫咗個椰青崩大碗，唔知係乜不過又推介就試試，原來話係越南涼茶咁上下，雖然味道怪怪，第一啖唔係好接受到，不過飲落唔錯。環境方面，可以啦，光猛，唔係坐得特別闊落，不過張枱黏黏，可能環生方面要搞搞佢。價錢以銅鑼灣世貿，都幾抵。我未去過越南，所以唔知又鞋又厚既肉係咪先係越南正宗，不過都建議一試既…Read More

上環中午揾嘢食，好食嘅餐廳好難揾，仲要坐得舒服就難上難，朋友約我嚟呢餐廳試吓環境： 地方大、乾淨、坐得舒服、而且靜可以傾到月計（因為無乜人）食物：呢間餐廳係食英國菜，對普通香港人嚟講就係「西餐」。坐低都係serve水比你飲，跟住送上包，雖然無食到，不過賣相唔錯。set lunch可以叫2 course （頭盤+主菜）或3 course（頭盤+主菜+甜品。頭盤我叫咗個snow crabs, 急凍蟹肉加mayonnaise 醬，完全無蟹既甜味，賣相唔錯，不過味道一般，絕無驚喜。到主菜叫咗個魚，個魚係急凍都唔急凍，零味道，我本身都食到淡，不過呢個係零味道，感覺係非常外國個種急凍咗好耐既魚。連個side dish 雜菜都加d急凍既green peas, 總之成餐都覺得食緊急凍食物，可能中國人既關係，唔係太習慣，我都係喜歡食到食物既鮮品。服務：服務既侍應都係外國人，都唔錯。所以如果business lunch, 想靜靜傾吓計，不講究食物質素，咁都可以考慮既。不過如果對食物要求高，千祈唔好去，陣間得罪個客*另外，我對餐廳洗手間既衛生要求好高，因為係反映緊廚房既狀況，不過個廁所幾污糟同有陣醒味，因為扣晒分…Read More

男朋友見門口寫住”English All Day Breakfast”，諗住星期日relax吓，食個早餐飲杯咖啡就入去，外面放落好似外國細細間咖啡店，入到去，空氣唔流通，勁大油煙，座位超窄。嘢食似住家整式求其整咁，又話English All Day Breakfast，結果係似比茶餐廳好些少嘅全餐，$80　+10%，真係覺得貴。我叫咗個「廚師精選」嘅龍蝦汁海鮮意大利飯$120，再加錢要咗個磨菇湯，個湯難飲到無朋友，似水加磨菇打碎，又無味，質感唔似點解似米水，水同菇分開，而且係透透灰白色。個飯就唔知點解個汁無收干哂，而且飯底有一堆好稀嘅汁，而且加咗兩條中式白菜伴碟，真係唔知想點，兩個人食咗$239😫…Read More

係銅鑼灣要食泰國嘢，呢間係其中一間比較經典嘅餐廳，相信好似銅鑼灣之友都嚟過，好耐無食，琴晚路經就走上去。1）等位：當年係勁難訂枱，不過而家walk in都有位，如果係食煙嘅朋友，佢哋設有露天位，都唔錯，唔食煙就可以坐室內2）環境：始終好多年，佢哋又無裝修，枱都搖搖吓，感覺些少殘，而且廁所勁殘同污糟3）食物：還可以，水準中上但唔及當年好食，而且唔知係咪泰國嘢多香料，終之返到屋企成晚好口喝4）價錢：坦白講，以咁嘅裝修同環境，仲有成行成市嘅泰國菜館，大家都頂爛市，兩個人食咗$520，我覺得可以有更好嘅選擇，可以係咁，所以當年8-9點門口仲排緊隊，而家7點walk-in 都有位…Read More

今日同屋企人行九龍城，佢話有間「酒杯敲鋼琴」主唱黃寶欣開嘅餅店主攻酥皮蛋撻，好奇心驅使下即管一試。店內裝修幾有性格，有位比人企係到即場食，同埋有紙杯同水，比人飲，真係有得好細心，值得一讚。食物方面，大部分食物都同酥皮有關，主打嘅酥皮蛋撻，菠蘿皮面嘅牛角包，有d似Urban Bakery...不過個疍撻，雖然話係酥皮，一般酥皮好油，不過今次絕對唔油，而且食落口味有d似曲奇餅皮，完全係香脆。個蛋亦好香又甜度適中，而且唔會似一般連鎖店嘅蛋撻個蛋又乾，而且放一兩個鐘就塌晒同裂開，呢個即使放咗4個鐘先食，但絕對無呢個問題，真係超超超超高水準嘅蛋撻，雖然$10一個都值，讚！附帶一提：店內有月餅供試食，不過就無乜特別…Read More

我一向都怕甜，不過就好鍾意食焦糖味嘅嘢，貪佢個陣香甜味。行開Sogo超市，見到間新開嘅counter話係東京手信no. 1，仲係焦糖餅，又咁啱有得試食，一食果然係我杯茶。佢口感同味道似法國嘅financier，焦糖味好香，口感似乾身嘅牛油蛋糕。獨立包裝，有分4，8，12片，當然越大盒越抵，4件$88($22/pc)，$238就12件。而且而家做緊優惠，買焦糖餅，就可以以優惠價錢買三款餅。咁啱撞到佢哋嘅brand manager好細心介紹佢哋集團同品牌，而且推薦佢哋凍食嘅焦糖軟芝士餅，入面仲有流心嘅焦糖，開頭都好驚會甜，不過男朋友想試，咁就試囉。一下之吓，好香都少少偏甜，其實日本嘅糕點一般偏甜，所以呢個餅以日本糕點嚟講唔算好甜，不過真係香滑，而且如果幾個人分，每人細細件，同配杯茶或者咖啡就啱啱好。所以值得推薦大家去試…Read More

首先，講環境，大路港式酒樓裝修，不過可能有d舊，天花都發晒霉，真係有d感覺唔太衞生。至於嘢食，第一次食到點心係暖嘅，粥又係凍嘅，咸水角係深啡色（唔知係隔夜定翻炸)，蛋撻散開嘅，最好係個蝦餃，至少係熱嘅。點心最基本要求，就係要熱都做唔到。同埋唔知點解一樣係蝦餃，不過有兩個價錢，視乎你填邊張紙入單，所以一定要問清楚，如果唔係就好傻仔，因為一個計特點，一個計$13.8，我哋同經理反映，不過都係依舊計你係用邊張單入而計錢。所以綜合環境，服務同食物，兩個人都要二百幾蚊，真係有d失望。…Read More

話係2012-2017米芝蓮推介餐廳，所以抱住好奇心一試。首先講環境，個度可以話係零裝修，舖即棄膠枱布，好似室內大排檔格局，煮嘅係港式小菜，好似係京都骨，咕咾魚，黃金蝦，小炒皇。諗住咁嘅格局，咁嘅小菜，價錢應該係街坊價，不過一碟炒菜都過百蚊，話晒都米芝蓮推介，夠担收咁嘅價，應該有超水準表現啦，點知....... 四個字「名不符實」！我哋叫咗京都排骨、煎蓮藕餅、釀豆腐同時日例湯。1)京都排骨，唔知點解咁紅，男朋友食完，夜晚個嘴都仲紅緊，雖然肉好淋，不過肉無乜味，同埋洋蔥好生，唔夠入味，一般2)煎藕餅，一般啦，無乜特別，真係唔知點解會係米芝蓮推介3)釀豆腐，話好多人都叫，所以即防試試，不過真係街邊檔都仲好食4)例湯，可能全晚好一d, 而且價錢最合理，夠4個人分每碟餸都只少$128，白飯都$16一碗，同埋味道好一般，唔怪得咁多負評…Read More