saharaslam's Profile

平時返工帶開返，難得有一日唔帶飯出嚟食lunch，就同同事嚟試呢間新嘢～我哋全枱都係叫香茅豬扒，不過佢哋食撈檬，我食湯檬幾好嘅係安排就係，個餐跟嘅嘢飲可以唔要，唔要就個餐減1蚊，要就紙包飲品唔使加錢，其他飲品就要加錢。呢個餐60蚊，合理價錢～講返個湯檬，個湯底都幾鮮甜，配料包括芽菜、洋蔥、葱、金不換、芫茜，可以加減呢啲配料，茜人當然要多芫茜～～～個豬扒味道恰到好處，肉質算幾嫩，整體唔錯。以前食過一啲舖頭嘅香茅豬扒會偏乾同咸，各有風味啦～頭先聽到隔離枱食嘅法包好似好脆好正咁，下次應該會試下法包～…Read More

我唔係食過好多間喇沙但呢間真係一入口就有驚喜係好豐富好有層次嘅味道感覺係一堆唔同嘅香料好和諧咁融合成呢個湯底sorry詞窮唔識形容😂我叫咗芋頭豬肉卷+魷魚摻摻（圖中我碗粉上面啲肉係我同事啲牛肉，佢叫巴東牛肉摻摻，啲牛都幾好味～）份量都幾大，芋頭豬肉卷外脆內軟好得👍🏻👍🏻口痕試埋椰汁桃膠雪燕皀角米唔會好甜+漏，仲有啲fresh嘅感覺呢個價錢真係好過飲廢水😂😂一分錢一分貨呢度最低消費70蚊，一碗粉已over 70，但我覺得呢個質素抵畀呀只係唔能夠成日lunch都嚟食偶爾嚟食一次都開心…Read More

因為懶，好耐無寫食評但今次真係要寫吓鼓勵吓店家～**補充：難得有心機寫個食評，openrice懷疑我係接受免費招待嘅打手？！我真金白銀3個人食咗900蚊找3蚊，人均300，要收據我可以畀你。我個人覺得好食都要受懷疑，真係笑死。呢個就係我一直懶得寫、無乜心機寫食評嘅原因之一。寫得好會被懷疑，寫得差驚被報復，咁不如唔好寫了。今晚3個人叫咗一個dinner set、一份吉列蠔同一隻啤酒雞（期間限定到10月23日），仲叫咗兩杯紅酒～個dinner set係羊柳（應該係柳，唔記得影餐牌）dinner set嘅前菜可以揀青口or 沙律味道都唔錯，有水準連塊面包我都覺得有用心，係烘到外脆內煙韌仲有牛油香dinner set 嘅羊柳（應該係柳，唔似係扒/架，唔記得影餐牌唔記得個名），七成熟我中意食羊有羶味，佢好夠羶，而且夠嫩，但我朋友就嫌太羶醬汁有係雙重滋味，肉汁同sour cream，我好中意個cream，配合起嚟令個羊味道更好重頭戲係啤酒罐雞～製作時間要30分鐘，整好會先完整拎出嚟畀大家打卡，然後淋火，再拎返去切，配埋充滿啤酒香嘅醬汁(分開上)再上枱～隻雞真係皮香肉嫩好好食～～又夠入味～配埋個汁更加令人食唔停口連啲配菜都烤得好香～兩個薯仔睇落咁完整，你以為佢仲係硬硬地？其實入面已經係薯蓉狀態～好好食～相比之下吉列蠔比較遜色，炸得乾咗少少，同埋個醬同隻蠔好分離佢哋嘅飲品選擇都幾豐富仲有酒飲，叫杯紅白酒再喺天花充滿小燈泡嘅環境hea住食，真係好chill想喺朗豪坊飲酒唔一定要上頂樓了～…Read More

好耐無喺九龍城食飯之前阿媽路過見到呢間話要試今晚咁啱得閒又人齊就早啲過來食晚餐唔使等位～不過由於阿媽唔食牛所以無叫呢度最出名嘅牛呢個椒鹽蚵仔不過不失咁當然不能夠用台南嘅蚵仔酥來比啦因為食材當然係台南當地嘅最新鮮然後個椒鹽雞排麵個雞排好夠皮脆肉嫩好有台灣味個麵佢有得揀粗/幼麵或者新竹米粉我地叫咗幼麵好煙韌好好食～係我好中意嘅質感湯底都有得揀，我地揀咗大骨湯有配酸菜粒同一條菜掛住食雞同麵無仔細品嘗個湯底添然後個酸菜魚似係冰鮮魚柳有少少失望相信係就返個價嘅關係酸菜好夠酸～～食唔到有花椒味，唔知係咪無落感覺個味道爭咗啲最後呢個紅燒肉真係唔錯肥肉入口即溶唔會騷唔覺膩～好入味～味道很台灣個人覺得瘦肉算比較多，唔使擔心好肥仲叫咗3杯熱飲，蘋果桂花、玫瑰柚子同埋檸檬薏米，都算唔錯…Read More

之前一直都只係喺facebook分享嘢食相，今次忍唔住要寫下(bb班)食評~~機緣巧合(其實都唔知朋友點搵到呢間店)之下，今晚姊妹飯局嚟咗呢度。事前無研究過有咩食/有乜食評，坐低一睇menu發現頗貴，同埋無壽司食(剛剛睇返前面啲食評先至知點解)，不過都膽粗粗豪一豪，因為見到雖然店內客人不多，但全部都係日本人，應該有保障(?)。叫咗（1）吞拿魚撈山藥(原名應該無咁簡陋，我唔記得)、（2）明太子天婦羅、（3）大嘅雜錦刺身、（4）卷蛋、（5）蕎麥麵、（6）木魚+菜(好似係叫花之菜定菜之花之類)，仲有叫燒酌「赤兔馬 紫」(好香的芋頭味)。1-3都有影相，之後就掛住食無影了。講下1，吞拿魚同山藥陣味原來好夾，好清新，磨成蓉嘅山藥包住好似方糖形&size咁嘅吞拿魚，一啖一粒，好爽~至於第2，不得了，其實好想叫多份，又香又脆，又唔會好鹹，真係好適合用來佐酒第3嘅刺身，果然一分錢一分貨，非常新鮮（利申：未去過日本食最新鮮嗰啲，但的確只有魚香無/很少很少腥味），只得海膽遜色少少第4同第5都很不錯，第6純粹因為唔知係乜所以叫來試下，原來係小菜芯梗(相信係)上面堆滿木魚花，味道還不錯~整體來講，覺得會返唔到轉頭食返普通貨色，但價錢會令我向現實低頭⋯⋯…Read More